Contru a falsità
1 In issu mentri s’era accolta a folla à millai, à tal puntu ch’elli si calcicavanu ; Ghjesù parledi prima à i so discepuli : « attenti à u levitu di i Farusei, chì hè a falsità.
Jacques 3.17 1 Pierre 2.1 1 Corinthiens 5.7-5.8 Matthieu 16.6-16.12 Actes 21.20
2 Ùn ci hè nulla di piattu chì ùn abbii da vena palesu, nulla di sicretu chì ùn abbii da vena sappiutu.
Luc 8.17 Marc 4.22 1 Corinthiens 4.5 Ecclésiaste 12.14 Apocalypse 20.11-20.12
3 Chì tuttu ciò chì voi eti dittu in lu bughju sarà intesu in la luci, è ciò chì voi eti dittu à l’arechja in cantina, sarà pruchjamatu da i tarrazzi. »
Matthieu 10.27 Matthieu 12.36 Jude 1.14-1.15 Ecclésiaste 10.12-10.13 Job 24.14-24.15
Quillu chì hè da tema
4 « A vi dicu, à voi i me amichi, chì voi ùn temiti quilli chì tombanu a parsona ma ùn ponu fà nulla di più.
1 Pierre 3.14 Jérémie 1.8 Apocalypse 2.10 Jean 15.14-15.15 Jérémie 1.17
5 Vi faraghju veda quillu chì hè da tema : timiti lu, quillu chì dopu d’avè tombu hà u puteri di lampà vi in infernu; iè, a vi dicu, timiti à ellu. 2 Pierre 2.4 Matthieu 10.28 Psaumes 9.17 Jérémie 5.22 Apocalypse 14.7
6 Ùn si vendinu cinqui passuli par dui soldi ? Ma Diu ùn si ni sminteca mancu una.
Matthieu 10.29 Psaumes 145.15-145.16 Psaumes 113.5-113.6 Psaumes 50.10-50.11 Luc 12.24
7 Ancu i capelli chì voi aveti in capu sò conti tutti. Ùn timiti : valeti po più voi cà parechji passuli. »
1 Samuel 14.45 Matthieu 6.26 Job 35.11 Matthieu 10.30-10.31 Actes 27.34
Ricunnoscia à Cristu davanti à l’omi
8 « A vi dicu, à chì mi ricunnusciarà davanti à l’omi, ancu u Figliolu di l’Omu u ricunnusciarà davanti à l’agnuli di Diu.
Matthieu 10.32-10.33 Luc 15.10 Romains 10.9-10.10 1 Jean 2.23 1 Samuel 2.30
9 Ma à chì m’avarà nicatu davanti à l’omi, sarà nicatu davanti à l’agnuli di Diu.
2 Timothée 2.12 Marc 8.38 Luc 9.26 Matthieu 7.23 1 Jean 2.23
10 È à quillu chì parlarà contru u Figliolu di l’Omu, li sarà pardunata ; ma à quillu chì avarà ghjastimatu contru à u Spiritu Santu, ùn li si pardunarà.
Matthieu 12.31-12.32 1 Jean 5.16 1 Timothée 1.13 Hébreux 10.26-10.31 Luc 23.34
11 È quand’elli vi purtaranu da ghjudicà vi, davanti à i sinagoghi, i capipopuli è i puteri, ùn vi frasturneti par sapè cum’è voi v’eti da difenda o ciò chì voi eti da dì :
Matthieu 10.17-10.20 Matthieu 23.34 Actes 4.5-4.7 Luc 12.22 Actes 5.27-5.32
12 Chì tandu a vi insignarà u Spiritu Santu ciò ch’ellu ci voli à dì. »
Matthieu 10.20 Luc 21.15 Actes 4.8 Actes 7.55 Actes 26.1-26.32
A parabula di u riccu scemu
13 È unu chì era à mezu à a folla li dissi : « o Maestru, dì à me fratellu ch’ellu mi dia a me parti di a nostra robba. »
1 Timothée 6.5 Actes 8.18-8.19 Luc 6.45 Ezéchiel 33.31 Psaumes 17.14
14 È Ghjesù li dissi : « o amicu, quali m’hà fattu ghjudici o spertu pà i vostri affari ? »
Romains 2.1 Romains 2.3 Romains 9.20 Exode 2.14 Jean 6.15
15 È dissi à tutti : « siati guardinchi è attenti à ogni brama di ricchezza : ùn hè micca parchì un omu hè riccu chì a so vita hè prutetta da a so robba. »
Hébreux 13.5 1 Timothée 6.6-6.10 Proverbes 16.16 Psaumes 62.10 Jérémie 22.17-22.18
16 È li dissi una parabula : « un riccu avia una tarra chì avia datu u granu in quantità.
Psaumes 73.12 Genèse 26.12-26.14 Actes 14.17 Job 12.6 Matthieu 5.45
17 È dicia da sè à sè : ‘cumu avaraghju da fà, chì ùn aghju locu da tena u me granu ?’
Luc 18.22 Luc 12.22 Luc 16.3 Esaïe 58.7 Luc 12.33
18 È po dissi : ‘eccu ciò ch’e’ aghju da fà, aghju da spiantà i muri di i me granaghji è fà li più maiò, è ci accatamansaraghju tuttu me granu è tutta a me robba.
Jacques 3.15 Psaumes 17.14 Jacques 4.15 Luc 18.6 Luc 12.21
19 È mi diciaraghju : ai robba accantata par parechji anni ; riposa ti puru, magna, bii è godi.’
Ecclésiaste 11.9 1 Corinthiens 15.32 Jacques 4.13-4.15 Proverbes 27.1 Proverbes 18.11
20 Ma Diu li dissi : ‘o scemu, sta notti ti sarà ripigliata a to vita. Tuttu ciò chì tù ai appruntatu, da quali sarà?’
Jérémie 17.11 Psaumes 39.6 Job 27.8 Luc 11.40 1 Thessaloniciens 5.3
21 Hè listessa par quillu chì s’ammansa un tisoru da sè stessu, ma par Diu riccu ùn hè. »
Luc 12.33 Matthieu 6.19-6.20 Osée 10.1 Luc 6.24 Romains 2.5
Primura è angoscia
22 È dissi à i so discepuli : « par quissa a vi dicu : Ùn vi primureti pà a vostra vita di ciò chì voi eti da magnà, nè pà a vostra parsona di cum’è vo sareti vistuti.
Philippiens 4.6 Hébreux 13.5 Matthieu 6.25-6.34 Luc 12.29 1 Corinthiens 7.32
23 Chì a vita hè di più cà u magnà, è a parsona hè di più cà a vistitoghja.
Job 2.6 Proverbes 13.8 Job 2.4 Job 1.12 Genèse 19.17
24 Guardeti i corbi chì nè sumenanu nè seganu granu, ùn anu nè cantina nè granaghju, ma Diu li dà da magnà ; è voi valeti altru cà l’acelli !
Job 38.41 Psaumes 147.9 Luc 12.7 Matthieu 10.31 Psaumes 145.15-145.16
25 Quali di voi, cù i so pinseri, pò fà crescia d’un palmu u tempu di a so vita ?
Matthieu 5.36 Luc 19.3 Matthieu 6.27
26 Cusì si voi ùn pudeti nulla mancu par issu suppulellu,chì andeti à primurà vi di l’altri cosi ?
Psaumes 39.6 Ecclésiaste 7.13 1 Pierre 5.7 Luc 12.29
27 Guardeti i gigli cum’elli crescinu ; nè travaglianu nè tessinu ; ma a vi dicu, mancu Salamoni in tutta a so gloria fù vistutu cum’è unu d’elli.
1 Rois 10.1-10.13 Jacques 1.10-1.11 Luc 12.24 Matthieu 6.28-6.30 2 Chroniques 9.1-9.12
28 È sì Diu vesti cusì l’arba, chì oghji hè ind’u pratu è dumani sarà lampata ind’u fornu, quantu di più a farà par voi, o ghjenti di poca fedi !
Matthieu 14.31 Matthieu 17.20 Matthieu 8.26 Luc 8.25 Matthieu 16.8
29 È ùn circheti puru ciò chì voi eti da magnà è da bia è ùn vi frasturneti.
Luc 22.35 Matthieu 6.31 Luc 12.22 Luc 10.7-10.8
30 Tutti sti cosi, i cercanu l’omi di issu mondu, ma à voi u vostru Babbu a sà ch’elli vi accorrinu.
Matthieu 6.32 Matthieu 6.8 Matthieu 10.20 Matthieu 18.14 1 Pierre 4.2-4.4
31 Circheti piuttostu u so Regnu, è què vi sarà datu in soprappiù.
1 Timothée 4.8 1 Rois 3.11-3.13 Matthieu 6.33 Jean 6.27 Psaumes 37.25
32 Ùn timiti, picculu tagliolu, chì u vostru Babbu hà dicisu di dà vi u Regnu.
Esaïe 40.11 Hébreux 12.28 Philippiens 2.13 Ephésiens 1.5-1.9 Matthieu 25.34
33 Vinditi a vostra robba è feti ni a limosina ; feti vi borsi chì ùn si frustanu, un tisoru in li celi chì ùn pò spariscia, chì nè u latru ci si avvicina, nè a tignola ci si metti.
Matthieu 19.21 Actes 2.45 Actes 4.34-4.35 Luc 18.22 Matthieu 6.19-6.21
34 Chì duva ellu hè u vostru tisoru, culà sarà ancu u vostru cori. »
Matthieu 6.21 Colossiens 3.1-3.3 Philippiens 3.20
I servi uchjuti
35 « Cigniti vi a vita è tiniti i lumeri accesi.
1 Pierre 1.13 Matthieu 25.4-25.10 Ephésiens 6.14 Matthieu 25.1 Esaïe 5.27
36 Siati cum’è l’omi chì aspettanu ch’ellu volti u patroni da un matrimoniu, par apra li da ch’ellu ghjugnarà è pichjarà.
Apocalypse 3.20 Matthieu 24.42-24.44 Genèse 49.18 Matthieu 25.1-25.13 Luc 2.25-2.30
37 Biati issi servi, chì u patroni truvarà svegli à u ghjugna ! Da veru a vi dicu, si cignarà a vita pà u travagliu, i farà attavulinà, è vinarà à serva li,
Matthieu 24.42 Apocalypse 14.13 Jean 13.4-13.5 Luc 21.36 Sophonie 3.17
38 è s’ellu ghjugni à mezanotti o à trè ori di mani, è truvà li svegli, biatu puru à elli.
Matthieu 25.6 1 Thessaloniciens 5.4-5.5
39 Sappiati chì s’ellu sapessi u patron di casa à chì ora ch’ellu hà da vena u latru, mancu po u lasciaria entra à abbuttà li a casa.
2 Pierre 3.10 Matthieu 24.43-24.44 Apocalypse 3.3 Apocalypse 16.15 Matthieu 6.19
40 È voi siati pronti, chì u Figliolu di l’Omu vinarà à l’ora chì voi ùn pinseti. »
2 Pierre 3.12-3.14 Matthieu 24.44 1 Thessaloniciens 5.6 Romains 13.14 Luc 21.34-21.36
41 È Petru dissi : « o Signori, a dici da noi soli issa parabula, o da tutti ? »
Marc 13.37 1 Pierre 5.8 Marc 14.37 1 Pierre 4.7
42 È u Signori dissi : « qualessu hè u intindenti fidu è sinnatu, chì u patroni li darà u guvernu di a so casa da ch’ellu dii à ugnunu a so parti di u granu,quand’ellu ci voli ?
Matthieu 24.45-24.46 Luc 19.15-19.19 Hébreux 13.7 Hébreux 3.5 Jean 21.15-21.17
43 Biatu quillu servu, chì à u ghjugna u patroni u truvarà chì faci cusì !
44 Da veru a vi dicu, li darà u guvernu di tuttu u soiu.
Luc 22.29-22.30 Daniel 12.2-12.3 Luc 19.17-19.19 Matthieu 24.47 Apocalypse 3.18
45 Ma s’ellu dici quillu servu da sè à sè : ‘u me patroni ùn hè ancu à vultà’ ; è metti à minà i ghjuvanotti è i ghjuvanetti, à magnà è bia è imbriacà si,
Matthieu 24.48-24.50 Esaïe 65.6 Esaïe 56.10-56.12 Philippiens 3.18-3.19 2 Corinthiens 11.20
46 vultarà u patroni di issu servu u ghjornu ch’ellu ùn l’aspittarà è à una ora ch’ellu ùn saparà, u ghjucarà à pezzi è u trattarà cum’ellu si faci à a ghjenti infida.
Luc 12.40 Psaumes 94.14 Psaumes 11.5 Matthieu 13.49-13.50 Matthieu 24.51
47 U servu, chì hà sappiutu ciò ch’ellu vulia u patroni è ùn hà appruntatu nè fattu sicondu u so vulè, i colpi i ricivarà assai.
Jacques 4.17 Deutéronome 25.2-25.3 Jean 9.41 Jean 15.22-15.24 Actes 17.30
48 Ma quillu chì ùn hà sappiutu è chì hà miritatu i colpi ni ricivarà pochi ; à quillu chì hà ricivutu assai, assai li si dumandarà ; à quillu chì li hè statu datu assai, ancu di più li si hà da chera. »
Lévitique 5.17 Jacques 3.1 1 Timothée 1.13 Luc 16.10-16.12 Matthieu 25.14-25.29
Ghjesù causa di divisioni
49 « U focu, sò vinutu à lampà in la tarra, è ùn vegu l’ora ch’ellu sia dighjà accesu !
Malachie 4.1 Joël 2.30-2.31 Matthieu 3.10-3.12 Malachie 3.2-3.3 Esaïe 11.4
50 Devu riceva un battezimu, è quantu mi trega ch’ellu sii cumpiitu !
Jean 19.30 Actes 20.22 Jean 7.6-7.8 Jean 10.39-10.41 Matthieu 20.17-20.22
51 Pinseti ch’e’ sii vinutu à dà a paci à u mondu ? Micca a paci, a vi dicu, ma a divisioni.
Matthieu 10.34-10.36 Zacharie 11.14 Zacharie 11.7-11.8 Zacharie 11.10-11.11 Luc 12.49
52 Chì oramai, s’elli sò cinqui in una casa si dividaranu, trè contru à dui è dui contru à trè.
Actes 14.1-14.4 Actes 28.24 Actes 13.43-13.46 Jean 10.19-10.21 Michée 7.5-7.6
53 Saranu divisi,
u babbu contru à u figliolu
è u figliolu contru à u babbu,
a mamma contru à a figliola
è a figliola contru à a mamma,
a sociara contru à a nora
è a nora contru à a sociara. »
Michée 7.6 Zacharie 13.2-13.6 Matthieu 24.10 Matthieu 10.21-10.22
Capì a nostra epica
54 È dissi à a ghjenti accolta : « quand’ì voi videti un nivulu chì si alza à punenti, diti subitu : ‘avemu l’acqua’, è cusì hè ;
1 Rois 18.44-18.45 Matthieu 16.2-16.4
55 è quand’ellu soffia u sciroccu, diti ‘hà da essa u caldu’, è cusì hè.
Matthieu 20.12 Job 37.17
56 O falsi ! Ciò chì si vedi di a tarra è di u celi, vi ni sapeti avveda ; è st’epica nostra cumu hè chì voi ùn vi ni avviditi ? »
Matthieu 16.3 Matthieu 24.32-24.33 Malachie 4.2 Actes 3.24-3.26 Malachie 3.1
L’accusatu è l’accusatori
57 « Parchì ùn ghjudicheti da par voi di u ghjustu ?
Deutéronome 32.29 Luc 21.30 Actes 13.26-13.38 Jean 7.24 Matthieu 21.32
58 Cusì quand’ì tù vai ind’è u ghjudici cù quillu chì t’accusa, prova à metta ti d’accunsentu cun ellu par istrada, da ch’ellu ùn ti trascinghi davanti à u ghjudici, chì u ghjudici ùn ti metti in mani à i pulizzeri, è quilli purtà ti in prighjoni.
Matthieu 18.30 Matthieu 5.23-5.26 Esaïe 55.6 Luc 13.24-13.28 1 Samuel 25.18-25.35
59 A ti dicu, ùn ni isciarè fin chì tù ùn avarè pacatu sinu à l’ultimu soldu. »
Marc 12.42 Matthieu 18.34 2 Thessaloniciens 1.3 Luc 16.26 Matthieu 25.41