1 In issu mentri s’era accolta a folla à millai, à tal puntu ch’elli si calcicavanu ; Ghjesù parledi prima à i so discepuli : « attenti à u levitu di i Farusei, chì hè a falsità.
Jacques 3.17 1 Corinthiens 5.7-5.8 1 Pierre 2.1 Matthieu 16.6-16.12 Actes 21.20
2 Ùn ci hè nulla di piattu chì ùn abbii da vena palesu, nulla di sicretu chì ùn abbii da vena sappiutu.
Luc 8.17 Marc 4.22 2 Corinthiens 5.10 1 Corinthiens 4.5 Ecclésiaste 12.14
3 Chì tuttu ciò chì voi eti dittu in lu bughju sarà intesu in la luci, è ciò chì voi eti dittu à l’arechja in cantina, sarà pruchjamatu da i tarrazzi. »
Matthieu 10.27 Matthieu 12.36 Jude 1.14-1.15 Job 24.14-24.15 Ecclésiaste 10.12-10.13
4 « A vi dicu, à voi i me amichi, chì voi ùn temiti quilli chì tombanu a parsona ma ùn ponu fà nulla di più.
1 Pierre 3.14 Jérémie 1.8 Apocalypse 2.10 Esaïe 51.7-51.13 Jean 15.14-15.15
5 Vi faraghju veda quillu chì hè da tema : timiti lu, quillu chì dopu d’avè tombu hà u puteri di lampà vi in infernu; iè, a vi dicu, timiti à ellu.
2 Pierre 2.4 Matthieu 10.28 Psaumes 9.17 Hébreux 10.31 Jérémie 5.22
6 Ùn si vendinu cinqui passuli par dui soldi ? Ma Diu ùn si ni sminteca mancu una.
Matthieu 10.29 Psaumes 147.9 Psaumes 145.15-145.16 Psaumes 113.5-113.6 Psaumes 50.10-50.11
7 Ancu i capelli chì voi aveti in capu sò conti tutti. Ùn timiti : valeti po più voi cà parechji passuli. »
1 Samuel 14.45 Matthieu 6.26 Matthieu 12.12 Job 35.11 Matthieu 10.30-10.31
8 « A vi dicu, à chì mi ricunnusciarà davanti à l’omi, ancu u Figliolu di l’Omu u ricunnusciarà davanti à l’agnuli di Diu.
Matthieu 10.32-10.33 Luc 15.10 Romains 10.9-10.10 1 Jean 2.23 Matthieu 25.31-25.34
9 Ma à chì m’avarà nicatu davanti à l’omi, sarà nicatu davanti à l’agnuli di Diu.
2 Timothée 2.12 Marc 8.38 Luc 9.26 Matthieu 7.23 1 Jean 2.23
10 È à quillu chì parlarà contru u Figliolu di l’Omu, li sarà pardunata ; ma à quillu chì avarà ghjastimatu contru à u Spiritu Santu, ùn li si pardunarà.
Matthieu 12.31-12.32 1 Jean 5.16 1 Timothée 1.13 Hébreux 10.26-10.31 Luc 23.34
11 È quand’elli vi purtaranu da ghjudicà vi, davanti à i sinagoghi, i capipopuli è i puteri, ùn vi frasturneti par sapè cum’è voi v’eti da difenda o ciò chì voi eti da dì :
Matthieu 10.17-10.20 Matthieu 23.34 Actes 4.5-4.7 Luc 21.12-21.14 Luc 12.22
12 Chì tandu a vi insignarà u Spiritu Santu ciò ch’ellu ci voli à dì. »
Matthieu 10.20 Luc 21.15 Actes 4.8 Exode 4.11 Actes 7.55
13 È unu chì era à mezu à a folla li dissi : « o Maestru, dì à me fratellu ch’ellu mi dia a me parti di a nostra robba. »
1 Timothée 6.5 Actes 8.18-8.19 Luc 6.45 Ezéchiel 33.31 Psaumes 17.14
14 È Ghjesù li dissi : « o amicu, quali m’hà fattu ghjudici o spertu pà i vostri affari ? »
Romains 2.1 Romains 2.3 Romains 9.20 Exode 2.14 Jean 18.35-18.36
15 È dissi à tutti : « siati guardinchi è attenti à ogni brama di ricchezza : ùn hè micca parchì un omu hè riccu chì a so vita hè prutetta da a so robba. »
Hébreux 13.5 1 Timothée 6.6-6.10 Proverbes 16.16 Psaumes 62.10 Jérémie 22.17-22.18
16 È li dissi una parabula : « un riccu avia una tarra chì avia datu u granu in quantità.
Psaumes 73.3 Psaumes 73.12 Genèse 26.12-26.14 Actes 14.17 Job 12.6
17 È dicia da sè à sè : ‘cumu avaraghju da fà, chì ùn aghju locu da tena u me granu ?’
1 Timothée 6.17 Luc 18.22 Luc 12.22 Luc 16.3 Esaïe 58.7
18 È po dissi : ‘eccu ciò ch’e’ aghju da fà, aghju da spiantà i muri di i me granaghji è fà li più maiò, è ci accatamansaraghju tuttu me granu è tutta a me robba.
Luc 18.4 Jacques 3.15 Psaumes 17.14 Jacques 4.15 Luc 18.6
19 È mi diciaraghju : ai robba accantata par parechji anni ; riposa ti puru, magna, bii è godi.’
Ecclésiaste 11.9 1 Corinthiens 15.32 Jacques 4.13-4.15 Proverbes 27.1 Jacques 5.5
20 Ma Diu li dissi : ‘o scemu, sta notti ti sarà ripigliata a to vita. Tuttu ciò chì tù ai appruntatu, da quali sarà?’
Jérémie 17.11 Psaumes 39.6 Job 27.8 Luc 11.40 Psaumes 78.30
21 Hè listessa par quillu chì s’ammansa un tisoru da sè stessu, ma par Diu riccu ùn hè. »
Luc 12.33 Matthieu 6.19-6.20 Osée 10.1 Luc 6.24 Romains 2.5
22 È dissi à i so discepuli : « par quissa a vi dicu : Ùn vi primureti pà a vostra vita di ciò chì voi eti da magnà, nè pà a vostra parsona di cum’è vo sareti vistuti.
Philippiens 4.6 Hébreux 13.5 Matthieu 6.25-6.34 Luc 12.29 1 Corinthiens 7.32
23 Chì a vita hè di più cà u magnà, è a parsona hè di più cà a vistitoghja.
Job 1.12 Job 2.6 Proverbes 13.8 Job 2.4 Genèse 19.17
24 Guardeti i corbi chì nè sumenanu nè seganu granu, ùn anu nè cantina nè granaghju, ma Diu li dà da magnà ; è voi valeti altru cà l’acelli !
Job 38.41 Psaumes 147.9 Luc 12.7 Matthieu 10.31 Psaumes 145.15-145.16
25 Quali di voi, cù i so pinseri, pò fà crescia d’un palmu u tempu di a so vita ?
Matthieu 5.36 Luc 19.3 Matthieu 6.27
26 Cusì si voi ùn pudeti nulla mancu par issu suppulellu,chì andeti à primurà vi di l’altri cosi ?
Psaumes 39.6 Ecclésiaste 7.13 1 Pierre 5.7 Luc 12.29
27 Guardeti i gigli cum’elli crescinu ; nè travaglianu nè tessinu ; ma a vi dicu, mancu Salamoni in tutta a so gloria fù vistutu cum’è unu d’elli.
1 Rois 10.1-10.13 2 Chroniques 9.1-9.12 Jacques 1.10-1.11 Luc 12.24 Matthieu 6.28-6.30
28 È sì Diu vesti cusì l’arba, chì oghji hè ind’u pratu è dumani sarà lampata ind’u fornu, quantu di più a farà par voi, o ghjenti di poca fedi !
Matthieu 14.31 Matthieu 17.20 Matthieu 17.17 Matthieu 8.26 Luc 8.25
29 È ùn circheti puru ciò chì voi eti da magnà è da bia è ùn vi frasturneti.
Luc 22.35 Matthieu 6.31 Luc 12.22 Luc 10.7-10.8
30 Tutti sti cosi, i cercanu l’omi di issu mondu, ma à voi u vostru Babbu a sà ch’elli vi accorrinu.
Matthieu 6.32 Matthieu 6.8 Matthieu 10.20 Matthieu 18.14 1 Pierre 4.2-4.4
31 Circheti piuttostu u so Regnu, è què vi sarà datu in soprappiù.
1 Timothée 4.8 1 Rois 3.11-3.13 Matthieu 6.33 Psaumes 84.11 Jean 6.27
32 Ùn timiti, picculu tagliolu, chì u vostru Babbu hà dicisu di dà vi u Regnu.
Esaïe 40.11 Hébreux 12.28 Matthieu 14.27 Philippiens 2.13 Ephésiens 1.5-1.9
33 Vinditi a vostra robba è feti ni a limosina ; feti vi borsi chì ùn si frustanu, un tisoru in li celi chì ùn pò spariscia, chì nè u latru ci si avvicina, nè a tignola ci si metti.
Matthieu 19.21 Actes 2.45 Actes 4.34-4.35 Luc 18.22 Matthieu 6.19-6.21
34 Chì duva ellu hè u vostru tisoru, culà sarà ancu u vostru cori. »
Matthieu 6.21 Colossiens 3.1-3.3 Philippiens 3.20
35 « Cigniti vi a vita è tiniti i lumeri accesi.
1 Pierre 1.13 Matthieu 25.4-25.10 Ephésiens 6.14 Matthieu 25.1 Esaïe 5.27
36 Siati cum’è l’omi chì aspettanu ch’ellu volti u patroni da un matrimoniu, par apra li da ch’ellu ghjugnarà è pichjarà.
Apocalypse 3.20 Cantique 5.5-5.6 Matthieu 24.42-24.44 Genèse 49.18 Matthieu 25.1-25.13
37 Biati issi servi, chì u patroni truvarà svegli à u ghjugna ! Da veru a vi dicu, si cignarà a vita pà u travagliu, i farà attavulinà, è vinarà à serva li,
Matthieu 24.42 Apocalypse 14.13 Jean 13.4-13.5 1 Pierre 5.1-5.4 Philippiens 1.23
38 è s’ellu ghjugni à mezanotti o à trè ori di mani, è truvà li svegli, biatu puru à elli.
Matthieu 25.6 1 Thessaloniciens 5.4-5.5
39 Sappiati chì s’ellu sapessi u patron di casa à chì ora ch’ellu hà da vena u latru, mancu po u lasciaria entra à abbuttà li a casa.
2 Pierre 3.10 Matthieu 24.43-24.44 Apocalypse 3.3 Apocalypse 16.15 1 Thessaloniciens 5.2-5.3
40 È voi siati pronti, chì u Figliolu di l’Omu vinarà à l’ora chì voi ùn pinseti. »
Apocalypse 19.7 2 Pierre 3.12-3.14 Matthieu 24.44 1 Thessaloniciens 5.6 Romains 13.14
41 È Petru dissi : « o Signori, a dici da noi soli issa parabula, o da tutti ? »
Marc 13.37 1 Pierre 5.8 Marc 14.37 1 Pierre 4.7
42 È u Signori dissi : « qualessu hè u intindenti fidu è sinnatu, chì u patroni li darà u guvernu di a so casa da ch’ellu dii à ugnunu a so parti di u granu,quand’ellu ci voli ?
Matthieu 24.45-24.46 Luc 19.15-19.19 1 Timothée 3.15 Matthieu 25.20-25.23 Hébreux 3.5
43 Biatu quillu servu, chì à u ghjugna u patroni u truvarà chì faci cusì !
44 Da veru a vi dicu, li darà u guvernu di tuttu u soiu.
Luc 22.29-22.30 Apocalypse 3.18 Daniel 12.2-12.3 Luc 19.17-19.19 Matthieu 24.47
45 Ma s’ellu dici quillu servu da sè à sè : ‘u me patroni ùn hè ancu à vultà’ ; è metti à minà i ghjuvanotti è i ghjuvanetti, à magnà è bia è imbriacà si,
Matthieu 24.48-24.50 Matthieu 22.6 3 Jean 1.9-1.10 Esaïe 56.10-56.12 Esaïe 65.6
46 vultarà u patroni di issu servu u ghjornu ch’ellu ùn l’aspittarà è à una ora ch’ellu ùn saparà, u ghjucarà à pezzi è u trattarà cum’ellu si faci à a ghjenti infida.
Luc 12.40 Job 20.29 Psaumes 94.14 Psaumes 11.5 Matthieu 13.49-13.50
47 U servu, chì hà sappiutu ciò ch’ellu vulia u patroni è ùn hà appruntatu nè fattu sicondu u so vulè, i colpi i ricivarà assai.
Jacques 4.17 Deutéronome 25.2-25.3 Jean 9.41 Jean 15.22-15.24 Actes 17.30
48 Ma quillu chì ùn hà sappiutu è chì hà miritatu i colpi ni ricivarà pochi ; à quillu chì hà ricivutu assai, assai li si dumandarà ; à quillu chì li hè statu datu assai, ancu di più li si hà da chera. »
Lévitique 5.17 Jacques 3.1 1 Timothée 1.13 Luc 16.10-16.12 Matthieu 25.14-25.29
49 « U focu, sò vinutu à lampà in la tarra, è ùn vegu l’ora ch’ellu sia dighjà accesu !
Malachie 4.1 Joël 2.30-2.31 Matthieu 3.10-3.12 Malachie 3.2-3.3 Esaïe 11.4
50 Devu riceva un battezimu, è quantu mi trega ch’ellu sii cumpiitu !
Jean 19.30 Jean 12.27-12.28 Actes 20.22 Jean 7.6-7.8 Jean 10.39-10.41
51 Pinseti ch’e’ sii vinutu à dà a paci à u mondu ? Micca a paci, a vi dicu, ma a divisioni.
Matthieu 10.34-10.36 Luc 12.49 Zacharie 11.14 Zacharie 11.7-11.8 Zacharie 11.10-11.11
52 Chì oramai, s’elli sò cinqui in una casa si dividaranu, trè contru à dui è dui contru à trè.
Actes 14.1-14.4 Actes 28.24 Actes 13.43-13.46 Jean 10.19-10.21 Michée 7.5-7.6
53 Saranu divisi,
u babbu contru à u figliolu
è u figliolu contru à u babbu,
a mamma contru à a figliola
è a figliola contru à a mamma,
a sociara contru à a nora
è a nora contru à a sociara. »
Michée 7.6 Zacharie 13.2-13.6 Matthieu 24.10 Matthieu 10.21-10.22
54 È dissi à a ghjenti accolta : « quand’ì voi videti un nivulu chì si alza à punenti, diti subitu : ‘avemu l’acqua’, è cusì hè ;
1 Rois 18.44-18.45 Matthieu 16.2-16.4
55 è quand’ellu soffia u sciroccu, diti ‘hà da essa u caldu’, è cusì hè.
Matthieu 20.12 Job 37.17
56 O falsi ! Ciò chì si vedi di a tarra è di u celi, vi ni sapeti avveda ; è st’epica nostra cumu hè chì voi ùn vi ni avviditi ? »
Matthieu 16.3 Matthieu 24.32-24.33 Daniel 9.24-9.26 Malachie 4.2 Actes 3.24-3.26
57 « Parchì ùn ghjudicheti da par voi di u ghjustu ?
Matthieu 15.10-15.14 Deutéronome 32.29 Luc 21.30 Actes 13.26-13.38 Jean 7.24
58 Cusì quand’ì tù vai ind’è u ghjudici cù quillu chì t’accusa, prova à metta ti d’accunsentu cun ellu par istrada, da ch’ellu ùn ti trascinghi davanti à u ghjudici, chì u ghjudici ùn ti metti in mani à i pulizzeri, è quilli purtà ti in prighjoni.
Matthieu 18.30 Matthieu 5.23-5.26 Job 23.7 Esaïe 55.6 Luc 13.24-13.28
59 A ti dicu, ùn ni isciarè fin chì tù ùn avarè pacatu sinu à l’ultimu soldu. »
Marc 12.42 Matthieu 18.34 Matthieu 25.46 2 Thessaloniciens 1.3 Luc 16.26