Proverbes 6.14
Biblia Hebraica Stuttgartensia

¹ בְּ֭נִי אִם־עָרַ֣בְתָּ לְרֵעֶ֑ךָ תָּקַ֖עְתָּ לַזָּ֣ר כַּפֶּֽיךָ׃Proverbes 22.26 Proverbes 17.18 Proverbes 11.15 Proverbes 20.16 Job 17.3
² נֹוקַ֥שְׁתָּ בְאִמְרֵי־פִ֑יךָ נִ֝לְכַּ֗דְתָּ בְּאִמְרֵי־פִֽיךָ׃Proverbes 18.7 Proverbes 12.13
³ עֲשֵׂ֨ה זֹ֥את אֵפֹ֪וא׀ בְּנִ֡י וְֽהִנָּצֵ֗ל כִּ֘י בָ֤אתָ בְכַף־רֵעֶ֑ךָ לֵ֥ךְ הִ֝תְרַפֵּ֗ס וּרְהַ֥ב רֵעֶֽיךָ׃2 Samuel 24.14 Exode 10.3 2 Chroniques 36.12 Psaumes 31.8 2 Chroniques 12.5
⁴ אַל־תִּתֵּ֣ן שֵׁנָ֣ה לְעֵינֶ֑יךָ וּ֝תְנוּמָ֗ה לְעַפְעַפֶּֽיךָ׃Psaumes 132.4 Marc 13.35-13.36 Proverbes 6.10-6.11 Ecclésiaste 9.10 Matthieu 24.17-24.18
⁵ הִ֭נָּצֵל כִּצְבִ֣י מִיָּ֑ד וּ֝כְצִפֹּ֗ור מִיַּ֥ד יָקֽוּשׁ׃ פPsaumes 124.7 Psaumes 91.3 Proverbes 1.17 Psaumes 11.1
⁶ לֵֽךְ־אֶל־נְמָלָ֥ה עָצֵ֑ל רְאֵ֖ה דְרָכֶ֣יהָ וַחֲכָֽם׃Hébreux 6.12 Proverbes 20.4 Proverbes 10.26 Proverbes 13.4 Matthieu 25.26
⁷ אֲשֶׁ֖ר אֵֽין־לָ֥הּ קָצִ֗ין שֹׁטֵ֥ר וּמֹשֵֽׁל׃Job 39.26-39.30 Job 41.4-41.34 Job 38.39-39.12 Proverbes 30.27
⁸ תָּכִ֣ין בַּקַּ֣יִץ לַחְמָ֑הּ אָגְרָ֥ה בַ֝קָּצִ֗יר מַאֲכָלָֽהּ׃Proverbes 10.5 Proverbes 30.25 1 Timothée 6.19
⁹ עַד־מָתַ֖י עָצֵ֥ל׀ תִּשְׁכָּ֑ב מָ֝תַ֗י תָּק֥וּם מִשְּׁנָתֶֽךָ׃Proverbes 24.33-24.34 Jérémie 4.14 Romains 13.11 Proverbes 1.22 Psaumes 94.8
¹⁰ מְעַ֣ט שֵׁ֭נֹות מְעַ֣ט תְּנוּמֹ֑ות מְעַ֓ט׀ חִבֻּ֖ק יָדַ֣יִם לִשְׁכָּֽב׃Proverbes 6.6 Proverbes 23.33-23.34 Proverbes 24.33-24.34
¹¹ וּבָֽא־כִמְהַלֵּ֥ךְ רֵאשֶׁ֑ךָ וּ֝מַחְסֹֽרְךָ֗ כְּאִ֣ישׁ מָגֵֽן׃ פProverbes 24.34 Proverbes 10.4 Proverbes 20.4 Proverbes 13.4
¹² אָדָ֣ם בְּ֭לִיַּעַל אִ֣ישׁ אָ֑וֶן הֹ֝ולֵ֗ךְ עִקְּשׁ֥וּת פֶּֽה׃Proverbes 4.24 Proverbes 16.27 Proverbes 17.4 Actes 20.30 Matthieu 12.34
¹³ קֹרֵ֣ץ בְּ֭עֵינָיו מֹלֵ֣ל בְּרַגְלָ֑יו מֹ֝רֶ֗ה בְּאֶצְבְּעֹתָֽיו׃Psaumes 35.19 Proverbes 10.10 Job 15.12 Proverbes 5.6
¹⁴ תַּֽהְפֻּכֹ֨ות׀ בְּלִבֹּ֗ו חֹרֵ֣שׁ רָ֣ע בְּכָל־עֵ֑ת מִדְיָנִ֥ים יְשַׁלֵּֽחַ׃Michée 2.1 Proverbes 6.18-6.19 Psaumes 36.4 Proverbes 3.29 Proverbes 22.8
¹⁵ עַל־כֵּ֗ן פִּ֭תְאֹם יָבֹ֣וא אֵידֹ֑ו פֶּ֥תַע יִ֝שָּׁבֵ֗ר וְאֵ֣ין מַרְפֵּֽא׃ פJérémie 19.11 2 Chroniques 36.16 Proverbes 1.27 Psaumes 73.18-73.20 1 Thessaloniciens 5.3
¹⁶ שֶׁשׁ־הֵ֭נָּה שָׂנֵ֣א יְהוָ֑ה וְ֝שֶׁ֗בַע תֹּועֲבַ֥ת נַפְשֹֽׁו׃Proverbes 30.18 Proverbes 11.1 Deutéronome 25.16 Proverbes 30.21 Proverbes 11.20
¹⁷ עֵינַ֣יִם רָ֭מֹות לְשֹׁ֣ון שָׁ֑קֶר וְ֝יָדַ֗יִם שֹׁפְכֹ֥ות דָּם־נָקִֽי׃Proverbes 12.22 Psaumes 101.5 Esaïe 1.15 Psaumes 120.2-120.3 Psaumes 5.6
¹⁸ לֵ֗ב חֹ֭רֵשׁ מַחְשְׁבֹ֣ות אָ֑וֶן רַגְלַ֥יִם מְ֝מַהֲרֹ֗ות לָר֥וּץ לָֽרָעָה׃Genèse 6.5 Proverbes 1.16 Romains 3.15 Zacharie 8.17 Esaïe 59.7
¹⁹ יָפִ֣יחַ כְּ֭זָבִים עֵ֣ד שָׁ֑קֶר וּמְשַׁלֵּ֥חַ מְ֝דָנִ֗ים בֵּ֣ין אַחִֽים׃ פPsaumes 27.12 Proverbes 19.5 Proverbes 6.14 Proverbes 19.9 Proverbes 25.18
²⁰ נְצֹ֣ר בְּ֭נִי מִצְוַ֣ת אָבִ֑יךָ וְאַל־תִּ֝טֹּ֗שׁ תֹּורַ֥ת אִמֶּֽךָ׃Ephésiens 6.1 Proverbes 30.11 Deutéronome 27.16 Proverbes 1.8-1.9 Proverbes 23.22
²¹ קָשְׁרֵ֣ם עַל־לִבְּךָ֣ תָמִ֑יד עָ֝נְדֵ֗ם עַל־גַּרְגְּרֹתֶֽךָ׃Proverbes 3.3 Proverbes 7.3-7.4 2 Corinthiens 3.3 Proverbes 4.6 Deutéronome 6.8
²² בְּהִתְהַלֶּכְךָ֨׀ תַּנְחֶ֬ה אֹתָ֗ךְ בְּֽ֭שָׁכְבְּךָ תִּשְׁמֹ֣ר עָלֶ֑יךָ וַ֝הֲקִיצֹ֗ותָ הִ֣יא תְשִׂיחֶֽךָ׃Proverbes 2.11 Proverbes 3.23-3.24 Psaumes 119.24 Psaumes 119.9 Psaumes 119.54
²³ כִּ֤י נֵ֣ר מִ֭צְוָה וְתֹ֣ורָה אֹ֑ור וְדֶ֥רֶךְ חַ֝יִּ֗ים תֹּוכְחֹ֥ות מוּסָֽר׃Psaumes 119.105 Psaumes 19.8 Proverbes 15.31 Proverbes 4.4 Proverbes 4.13
²⁴ לִ֭שְׁמָרְךָ מֵאֵ֣שֶׁת רָ֑ע מֵֽ֝חֶלְקַ֗ת לָשֹׁ֥ון נָכְרִיָּֽה׃Proverbes 5.3 Proverbes 2.16 Proverbes 7.5 Ecclésiaste 7.26
²⁵ אַל־תַּחְמֹ֣ד יָ֭פְיָהּ בִּלְבָבֶ֑ךָ וְאַל־תִּ֝קָּֽחֲךָ֗ בְּעַפְעַפֶּֽיהָ׃Matthieu 5.28 2 Rois 9.30 Jacques 1.14-1.15 Esaïe 3.16 2 Samuel 11.2-11.5
²⁶ כִּ֤י בְעַד־אִשָּׁ֥ה זֹונָ֗ה עַֽד־כִּכַּ֫ר לָ֥חֶם וְאֵ֥שֶׁת אִ֑ישׁ נֶ֖פֶשׁ יְקָרָ֣ה תָצֽוּד׃ פProverbes 29.3 Proverbes 5.10 1 Samuel 2.36 Genèse 39.14 Luc 15.13-15.15
²⁷ הֲיַחְתֶּ֤ה אִ֓ישׁ אֵ֬שׁ בְּחֵיקֹ֑ו וּ֝בְגָדָ֗יו לֹ֣א תִשָּׂרַֽפְנָה׃Osée 7.4-7.7 Jacques 3.5 Job 31.9-31.12
²⁸ אִם־יְהַלֵּ֣ךְ אִ֭ישׁ עַל־הַגֶּחָלִ֑ים וְ֝רַגְלָ֗יו לֹ֣א תִכָּוֶֽינָה׃ ²⁹ כֵּ֗ן הַ֭בָּא אֶל־אֵ֣שֶׁת רֵעֵ֑הוּ לֹ֥א יִ֝נָּקֶ֗ה כָּֽל־הַנֹּגֵ֥עַ בָּֽהּ׃2 Samuel 11.3-11.4 Jérémie 5.8-5.9 Lévitique 20.10 Genèse 26.10-26.11 Genèse 12.18-12.19
³⁰ לֹא־יָב֣וּזוּ לַ֭גַּנָּב כִּ֣י יִגְנֹ֑וב לְמַלֵּ֥א נַ֝פְשֹׁ֗ו כִּ֣י יִרְעָֽב׃Job 38.39
³¹ וְ֭נִמְצָא יְשַׁלֵּ֣ם שִׁבְעָתָ֑יִם אֶת־כָּל־הֹ֖ון בֵּיתֹ֣ו יִתֵּֽן׃Matthieu 18.25 Job 20.18 2 Samuel 12.6 Exode 22.1-22.4 Luc 19.8
³² נֹאֵ֣ף אִשָּׁ֣ה חֲסַר־לֵ֑ב מַֽשְׁחִ֥ית נַ֝פְשֹׁ֗ו ה֣וּא יַעֲשֶֽׂנָּה׃Proverbes 7.7 Genèse 41.39 Genèse 39.9-39.10 Exode 20.14 Hébreux 13.4
³³ נֶֽגַע־וְקָלֹ֥ון יִמְצָ֑א וְ֝חֶרְפָּתֹ֗ו לֹ֣א תִמָּחֶֽה׃Proverbes 5.9-5.11 Psaumes 51.1 Genèse 49.4 Psaumes 51.8 1 Rois 15.5
³⁴ כִּֽי־קִנְאָ֥ה חֲמַת־גָּ֑בֶר וְלֹֽא־יַ֝חְמֹ֗ול בְּיֹ֣ום נָקָֽם׃Proverbes 27.4 Cantique 8.6 Nombres 5.14 1 Corinthiens 10.22 Juges 19.29-19.30
³⁵ לֹא־יִ֭שָּׂא פְּנֵ֣י כָל־כֹּ֑פֶר וְלֹֽא־יֹ֝אבֶ֗ה כִּ֣י תַרְבֶּה־שֹֽׁחַד׃ פProverbes 7.13 Proverbes 8.25 Malachie 2.9 2 Rois 5.1 Proverbes 4.3