Jean 11.48
Vulgate

Jésus ressuscite Lazare

¹ erat autem quidam languens Lazarus a Bethania de castello Mariae et Marthae sororis eius
Matthieu 21.17 Jean 12.17 Luc 16.20-16.25 Marc 11.1 Luc 10.38-10.42
² Maria autem erat quae unxit Dominum unguento et extersit pedes eius capillis suis cuius frater Lazarus infirmabatur
Jean 12.3 Marc 14.3 Luc 7.37-7.38 Matthieu 26.6-26.7
³ miserunt ergo sorores ad eum dicentes Domine ecce quem amas infirmatur
Jean 11.5 Jean 11.36 Jean 11.1 Jean 11.11 Jean 13.23
⁴ audiens autem Iesus dixit eis infirmitas haec non est ad mortem sed pro gloria Dei ut glorificetur Filius Dei per eam
Jean 11.40 Jean 9.3 Jean 13.31-13.32 Jean 8.54 Jean 17.5
⁵ diligebat autem Iesus Martham et sororem eius Mariam et Lazarum
Jean 15.9-15.13 Jean 11.36 Jean 16.27 Jean 17.26 Jean 11.8
⁶ ut ergo audivit quia infirmabatur tunc quidem mansit in eodem loco duobus diebus
Esaïe 30.18 Esaïe 55.8-55.9 Genèse 22.14 Genèse 42.24 Genèse 45.1-45.5
⁷ deinde post haec dicit discipulis suis eamus in Iudaeam iterum
Jean 10.40-10.42 Actes 20.22-20.24 Luc 9.51 Actes 15.36
⁸ dicunt ei discipuli rabbi nunc quaerebant te Iudaei lapidare et iterum vadis illuc
Jean 10.31 Jean 8.59 Matthieu 16.21-16.23 Actes 21.12-21.13 Psaumes 11.1-11.3
⁹ respondit Iesus nonne duodecim horae sunt diei si quis ambulaverit in die non offendit quia lucem huius mundi videt
Jean 9.4 Jean 12.35 Jérémie 31.9 Proverbes 3.23 Luc 13.31-13.33
¹⁰ si autem ambulaverit nocte offendit quia lux non est in eo
Jérémie 13.16 1 Jean 2.10-2.11 Jérémie 20.11 Ecclésiaste 2.14 Psaumes 27.2
¹¹ haec ait et post hoc dicit eis Lazarus amicus noster dormit sed vado ut a somno exsuscitem eum
Daniel 12.2 Marc 5.39 Actes 7.60 Jean 11.13 Matthieu 27.52
¹² dixerunt ergo discipuli eius Domine si dormit salvus erit
¹³ dixerat autem Iesus de morte eius illi autem putaverunt quia de dormitione somni diceret
Matthieu 9.24
¹⁴ tunc ergo dixit eis Iesus manifeste Lazarus mortuus est
Jean 10.24 Jean 16.25 Jean 16.29
¹⁵ et gaudeo propter vos ut credatis quoniam non eram ibi sed eamus ad eum
2 Timothée 2.10 Jean 17.19 Jean 11.4 Esaïe 65.8 Jean 11.35-11.36
¹⁶ dixit ergo Thomas qui dicitur Didymus ad condiscipulos eamus et nos ut moriamur cum eo
Matthieu 10.3 Jean 21.2 Jean 13.37 Luc 6.15 Marc 3.18
¹⁷ venit itaque Iesus et invenit eum quattuor dies iam in monumento habentem
Jean 11.39 Actes 2.27-2.31 Osée 6.2 Jean 2.19
¹⁸ erat autem Bethania iuxta Hierosolyma quasi stadiis quindecim
Luc 24.13 Jean 11.1 Apocalypse 21.16 Jean 6.19 Apocalypse 14.20
¹⁹ multi autem ex Iudaeis venerant ad Martham et Mariam ut consolarentur eas de fratre suo
Job 2.11 Jean 11.31 1 Thessaloniciens 5.11 Esaïe 51.19 Lamentations 1.9
²⁰ Martha ergo ut audivit quia Iesus venit occurrit illi Maria autem domi sedebat
Luc 10.38-10.42 1 Thessaloniciens 4.17 Actes 28.15 Jean 11.30 Matthieu 25.1
²¹ dixit ergo Martha ad Iesum Domine si fuisses hic frater meus non fuisset mortuus
Jean 11.37 Jean 11.32 Psaumes 78.19 Jean 4.47-4.49 1 Rois 17.18
²² sed et nunc scio quia quaecumque poposceris a Deo dabit tibi Deus
Jean 9.31 Jean 11.41-11.42 Marc 9.23 Matthieu 28.18 Psaumes 2.8
²³ dicit illi Iesus resurget frater tuus
Jean 11.43-11.44
²⁴ dicit ei Martha scio quia resurget in resurrectione in novissima die
Actes 24.15 Jean 5.28-5.29 Esaïe 26.19 Luc 14.14 Osée 6.2
²⁵ dixit ei Iesus ego sum resurrectio et vita qui credit in me et si mortuus fuerit vivet
1 Thessaloniciens 4.14 Jean 1.4 Jean 3.36 Jean 6.39-6.40 Jean 6.44
²⁶ et omnis qui vivit et credit in me non morietur in aeternum credis hoc
Jean 10.28 Jean 14.10 Jean 4.14 Jean 9.35 Jean 5.24
²⁷ ait illi utique Domine ego credidi quia tu es Christus Filius Dei qui in mundum venisti
Matthieu 16.16 Jean 6.14 Malachie 3.1 Jean 6.69 1 Jean 5.1
²⁸ et cum haec dixisset abiit et vocavit Mariam sororem suam silentio dicens magister adest et vocat te
Jean 13.13 Cantique 2.8-2.14 Marc 14.14 Jean 20.16 1 Thessaloniciens 4.17-4.18
²⁹ illa ut audivit surgit cito et venit ad eum
Proverbes 15.23 Psaumes 27.8 Cantique 3.1-3.4 Proverbes 27.17 Psaumes 119.59-119.60
³⁰ nondum enim venerat Iesus in castellum sed erat adhuc in illo loco ubi occurrerat ei Martha
Jean 11.20
³¹ Iudaei igitur qui erant cum ea in domo et consolabantur eam cum vidissent Mariam quia cito surrexit et exiit secuti sunt eam dicentes quia vadit ad monumentum ut ploret ibi
Jean 11.19 Genèse 37.35 1 Corinthiens 2.15 2 Samuel 12.16-12.18
³² Maria ergo cum venisset ubi erat Iesus videns eum cecidit ad pedes eius et dixit ei Domine si fuisses hic non esset mortuus frater meus
Jean 11.21 Jean 11.37 Jean 4.49 Luc 17.16 Luc 5.8
³³ Iesus ergo ut vidit eam plorantem et Iudaeos qui venerant cum ea plorantes fremuit spiritu et turbavit se ipsum
Jean 12.27 Jean 11.38 Genèse 43.30-43.31 Marc 3.5 Marc 9.19
³⁴ et dixit ubi posuistis eum dicunt ei Domine veni et vide
Matthieu 28.6 Marc 16.6 Jean 20.2 Jean 1.39 Marc 15.47
³⁵ et lacrimatus est Iesus
Luc 19.41 Jean 11.33 Hébreux 4.15 Jérémie 13.17 Hébreux 2.16-2.17
³⁶ dixerunt ergo Iudaei ecce quomodo amabat eum
Jean 11.3 2 Corinthiens 8.8-8.9 Jean 14.21-14.23 Ephésiens 5.25 Ephésiens 5.2
³⁷ quidam autem dixerunt ex ipsis non poterat hic qui aperuit oculos caeci facere ut et hic non moreretur
Jean 9.6-9.7 Jean 11.32 Jean 11.21 Marc 15.32 Matthieu 27.40-27.42
³⁸ Iesus ergo rursum fremens in semet ipso venit ad monumentum erat autem spelunca et lapis superpositus erat ei
Matthieu 27.60 Jean 11.33 Luc 24.2 Esaïe 22.16 Jean 20.1
³⁹ ait Iesus tollite lapidem dicit ei Martha soror eius qui mortuus fuerat Domine iam fetet quadriduanus enim est
Jean 11.17 Genèse 23.4 Marc 16.3 Philippiens 3.21 Psaumes 49.9
⁴⁰ dicit ei Iesus nonne dixi tibi quoniam si credideris videbis gloriam Dei
Jean 11.4 Jean 11.23-11.26 Romains 4.17-4.25 Jean 1.14 Psaumes 63.2
⁴¹ tulerunt ergo lapidem Iesus autem elevatis sursum oculis dixit Pater gratias ago tibi quoniam audisti me
Jean 17.1 Matthieu 11.25 Psaumes 123.1 Jean 12.28-12.30 Philippiens 4.6
⁴² ego autem sciebam quia semper me audis sed propter populum qui circumstat dixi ut credant quia tu me misisti
Jean 3.17 Jean 17.21 Jean 17.8 Matthieu 26.53 Jean 11.22
⁴³ haec cum dixisset voce magna clamavit Lazare veni foras
2 Rois 4.33-4.36 Actes 9.40 1 Rois 17.21-17.22 Luc 7.14-7.15 Actes 9.34
⁴⁴ et statim prodiit qui fuerat mortuus ligatus pedes et manus institis et facies illius sudario erat ligata dicit Iesus eis solvite eum et sinite abire
Jean 20.7 Jean 19.40 1 Samuel 2.6 Osée 13.14 Jean 20.5
⁴⁵ multi ergo ex Iudaeis qui venerant ad Mariam et viderant quae fecit crediderunt in eum
Jean 11.19 Jean 2.23 Jean 12.42 Jean 10.41 Jean 7.31
⁴⁶ quidam autem ex ipsis abierunt ad Pharisaeos et dixerunt eis quae fecit Iesus
Jean 9.13 Jean 12.37 Actes 5.25 Luc 16.30-16.31 Jean 5.15-5.16
⁴⁷ collegerunt ergo pontifices et Pharisaei concilium et dicebant quid facimus quia hic homo multa signa facit
Matthieu 26.3 Matthieu 5.22 Jean 12.19 Actes 5.21 Actes 5.24
⁴⁸ si dimittimus eum sic omnes credent in eum et venient Romani et tollent nostrum et locum et gentem
Matthieu 23.35-23.38 Luc 21.20-21.24 Luc 8.12 Actes 5.38-5.40 Luc 19.41-19.44
⁴⁹ unus autem ex ipsis Caiaphas cum esset pontifex anni illius dixit eis vos nescitis quicquam
Jean 11.51 Proverbes 26.12 Jean 18.13-18.14 Matthieu 26.3 Luc 3.2
⁵⁰ nec cogitatis quia expedit nobis ut unus moriatur homo pro populo et non tota gens pereat
Jean 18.14 Luc 24.46 Jean 19.12 Romains 3.8 Jean 11.48
⁵¹ hoc autem a semet ipso non dixit sed cum esset pontifex anni illius prophetavit quia Iesus moriturus erat pro gente
1 Samuel 23.9 Exode 28.30 Jean 10.15 Galates 4.4-4.5 Matthieu 7.22-7.23
⁵² et non tantum pro gente sed et ut filios Dei qui erant dispersi congregaret in unum
Jean 10.16 Esaïe 49.6 1 Jean 2.2 Jean 12.32 Psaumes 22.27
⁵³ ab illo ergo die cogitaverunt ut interficerent eum
Actes 9.23 Psaumes 109.4-109.5 Actes 5.33 Matthieu 22.46 Matthieu 16.21
⁵⁴ Iesus ergo iam non in palam ambulabat apud Iudaeos sed abiit in regionem iuxta desertum in civitatem quae dicitur Efrem et ibi morabatur cum discipulis
Jean 7.1 2 Chroniques 13.19 Jean 7.4 Jean 18.20 Jean 7.13
⁵⁵ proximum autem erat pascha Iudaeorum et ascenderunt multi Hierosolyma de regione ante pascha ut sanctificarent se ipsos
Jean 6.4 Jean 2.13 Exode 19.10 Jean 12.1 2 Chroniques 30.17-30.20
⁵⁶ quaerebant ergo Iesum et conloquebantur ad invicem in templo stantes quid putatis quia non veniat ad diem festum
Jean 7.11 Jean 11.7-11.8
⁵⁷ dederant autem pontifices et Pharisaei mandatum ut si quis cognoverit ubi sit indicet ut adprehendant eum
Jean 5.16-5.18 Jean 10.39 Psaumes 109.4 Jean 8.59 Jean 9.22