Psaumes 68.5
Biblia Hebraica Stuttgartensia

Chant de triomphe et de gloire

¹ לַמְנַצֵּ֥חַ לְדָוִ֗ד מִזְמֹ֥ור שִֽׁיר׃
Nombres 10.35 Esaïe 33.3 Psaumes 89.10 Exode 20.5 Psaumes 78.65-78.68
² (68.1) יָק֣וּם אֱ֭לֹהִים יָפ֣וּצוּ אֹויְבָ֑יו וְיָנ֥וּסוּ מְ֝שַׂנְאָ֗יו מִפָּנָֽיו׃
Psaumes 37.20 Michée 1.4 Esaïe 9.18 Osée 13.3 Psaumes 97.5
³ (68.2) כְּהִנְדֹּ֥ף עָשָׁ֗ן תִּ֫נְדֹּ֥ף כְּהִמֵּ֣ס דֹּ֭ונַג מִפְּנֵי־אֵ֑שׁ יֹאבְד֥וּ רְ֝שָׁעִ֗ים מִפְּנֵ֥י אֱלֹהִֽים׃
Psaumes 64.10 Psaumes 97.12 Psaumes 100.1-100.2 Apocalypse 19.7 Psaumes 21.1
⁴ (68.3) וְֽצַדִּיקִ֗ים יִשְׂמְח֣וּ יַֽ֭עַלְצוּ לִפְנֵ֥י אֱלֹהִ֗ים וְיָשִׂ֥ישׂוּ בְשִׂמְחָֽה׃
Deutéronome 33.26 Psaumes 18.10 Exode 6.3 Psaumes 68.33 Psaumes 66.4
⁵ (68.4) שִׁ֤ירוּ׀ לֵֽאלֹהִים֮ זַמְּר֪וּ שְׁ֫מֹ֥ו סֹ֡לּוּ לָרֹכֵ֣ב בָּ֭עֲרָבֹות בְּיָ֥הּ שְׁמֹ֗ו וְעִלְז֥וּ לְפָנָֽיו׃
Psaumes 10.14 Deutéronome 10.18 Jérémie 49.11 Luc 18.2-18.7 Jérémie 5.28
⁶ (68.5) אֲבִ֣י יְ֭תֹומִים וְדַיַּ֣ן אַלְמָנֹ֑ות אֱ֝לֹהִ֗ים בִּמְעֹ֥ון קָדְשֹֽׁו׃
Psaumes 107.10 Psaumes 113.9 Psaumes 107.34 Psaumes 107.14 Psaumes 146.7
⁷ (68.6) אֱלֹהִ֤ים׀ מֹ֘ושִׁ֤יב יְחִידִ֨ים׀ בַּ֗יְתָה מֹוצִ֣יא אֲ֭סִירִים בַּכֹּושָׁרֹ֑ות אַ֥ךְ סֹ֝ורֲרִ֗ים שָׁכְנ֥וּ צְחִיחָֽה׃
Exode 13.21 Juges 4.14 Juges 5.4 Deutéronome 4.34 Psaumes 114.1-114.8
⁸ (68.7) אֱֽלֹהִ֗ים בְּ֭צֵאתְךָ לִפְנֵ֣י עַמֶּ֑ךָ בְּצַעְדְּךָ֖ בִֽישִׁימֹ֣ון סֶֽלָה׃
Exode 19.18 Exode 19.16 Juges 5.4-5.5 Psaumes 77.18 Deutéronome 5.23-5.25
⁹ (68.8) אֶ֤רֶץ רָעָ֨שָׁה׀ אַף־שָׁמַ֣יִם נָטְפוּ֮ מִפְּנֵ֪י אֱלֹ֫הִ֥ים זֶ֥ה סִינַ֑י מִפְּנֵ֥י אֱ֝לֹהִ֗ים אֱלֹהֵ֥י יִשְׂרָאֵֽל׃
Psaumes 78.24-78.27 Ezéchiel 34.26 Deutéronome 11.14 Psaumes 77.16-77.17 Deutéronome 11.10-11.12
¹⁰ (68.9) גֶּ֣שֶׁם נְ֭דָבֹות תָּנִ֣יף אֱלֹהִ֑ים נַחֲלָתְךָ֥ וְ֝נִלְאָ֗ה אַתָּ֥ה כֹֽונַנְתָּֽהּ׃
Psaumes 74.19 Matthieu 11.5 Deutéronome 32.8-32.14 1 Samuel 2.8 Deutéronome 26.5
¹¹ (68.10) חַיָּתְךָ֥ יָֽשְׁבוּ־בָ֑הּ תָּ֤כִ֥ין בְּטֹובָתְךָ֖ לֶעָנִ֣י אֱלֹהִֽים׃
Exode 15.20 Psaumes 68.25 Exode 14.15 Exode 17.9-17.16 1 Samuel 18.6
¹² (68.11) אֲדֹנָ֥י יִתֶּן־אֹ֑מֶר הַֽ֝מְבַשְּׂרֹ֗ות צָבָ֥א רָֽב׃
Josué 10.16 Juges 5.19 Josué 12.7-12.24 1 Samuel 30.24 Juges 5.30
¹³ (68.12) מַלְכֵ֣י צְ֭בָאֹות יִדֹּד֣וּן יִדֹּד֑וּן וּנְוַת בַּ֝֗יִת תְּחַלֵּ֥ק שָׁלָֽל׃
Genèse 49.14 Exode 1.14 Ephésiens 5.26-5.27 Apocalypse 1.5-1.6 Psaumes 149.4
¹⁴ (68.13) אִֽם־תִּשְׁכְּבוּן֮ בֵּ֪ין שְׁפַ֫תָּ֥יִם כַּנְפֵ֣י יֹ֭ונָה נֶחְפָּ֣ה בַכֶּ֑סֶף וְ֝אֶבְרֹותֶ֗יהָ בִּֽירַקְרַ֥ק חָרֽוּץ׃
Esaïe 1.18 Psaumes 51.7 Nombres 21.21-21.35 Juges 2.7 Juges 9.48
¹⁵ (68.14) בְּפָ֘רֵ֤שׂ שַׁדַּ֓י מְלָ֘כִ֤ים בָּ֗הּ תַּשְׁלֵ֥ג בְּצַלְמֹֽון׃
Psaumes 78.68-78.69 Esaïe 2.2-2.3 Michée 7.14 Psaumes 2.6 Deutéronome 3.10
¹⁶ (68.15) הַר־אֱ֭לֹהִים הַר־בָּשָׁ֑ן הַ֥ר גַּ֝בְנֻנִּ֗ים הַר־בָּשָֽׁן׃
Deutéronome 12.5 Psaumes 132.13-132.14 Hébreux 12.22-12.23 1 Rois 9.3 Psaumes 114.4
¹⁷ (68.16) לָ֤מָּה׀ תְּֽרַצְּדוּן֮ הָרִ֪ים גַּבְנֻ֫נִּ֥ים הָהָ֗ר חָמַ֣ד אֱלֹהִ֣ים לְשִׁבְתֹּ֑ו אַף־יְ֝הוָ֗ה יִשְׁכֹּ֥ן לָנֶֽצַח׃
Daniel 7.10 Deutéronome 33.2 Psaumes 18.10 Apocalypse 5.11 Apocalypse 9.16
¹⁸ (68.17) רֶ֤כֶב אֱלֹהִ֗ים רִבֹּתַ֣יִם אַלְפֵ֣י שִׁנְאָ֑ן אֲדֹנָ֥י בָ֝֗ם סִינַ֥י בַּקֹּֽדֶשׁ׃
Juges 5.12 Psaumes 47.5 Psaumes 78.60 Psaumes 110.1 Jean 16.7
¹⁹ (68.18) עָ֘לִ֤יתָ לַמָּרֹ֨ום׀ שָׁ֘בִ֤יתָ שֶּׁ֗בִי לָקַ֣חְתָּ מַ֭תָּנֹות בָּאָדָ֑ם וְאַ֥ף סֹ֝ורְרִ֗ים לִשְׁכֹּ֤ן׀ יָ֬הּ אֱלֹהִֽים׃
Esaïe 46.4 Ephésiens 1.3 Psaumes 139.17 Psaumes 72.17-72.19 Psaumes 55.22
²⁰ (68.19) בָּ֤ר֣וּךְ אֲדֹנָי֮ יֹ֤ום׀ יֹ֥ום יַֽעֲמָס־לָ֗נוּ הָ֘אֵ֤ל יְֽשׁוּעָתֵ֬נוּ סֶֽלָה׃
Deutéronome 32.39 Apocalypse 20.1 Apocalypse 1.18 Esaïe 12.2 Psaumes 56.13
²¹ (68.20) הָ֤אֵ֣ל׀ לָנוּ֮ אֵ֤ל לְֽמֹושָׁ֫עֹ֥ות וְלֵיהוִ֥ה אֲדֹנָ֑י לַ֝מָּ֗וֶת תֹּוצָאֹֽות׃
Habakuk 3.13 Psaumes 7.12 Luc 13.5 Ezéchiel 18.27-18.30 Psaumes 110.6
²² (68.21) אַךְ־אֱלֹהִ֗ים יִמְחַץ֮ רֹ֤אשׁ אֹ֫יְבָ֥יו קָדְקֹ֥ד שֵׂעָ֑ר מִ֝תְהַלֵּ֗ךְ בַּאֲשָׁמָֽיו׃
Nombres 21.33 Esaïe 49.22 Esaïe 11.11-11.16 Osée 1.10-1.11 Jérémie 23.5-23.8
²³ (68.22) אָמַ֣ר אֲ֭דֹנָי מִבָּשָׁ֣ן אָשִׁ֑יב אָ֝שִׁ֗יב מִֽמְּצֻלֹ֥ות יָֽם׃
Psaumes 58.10 1 Rois 21.19 1 Rois 22.38 Esaïe 63.1-63.6 Apocalypse 19.17-19.21
²⁴ (68.23) לְמַ֤עַן׀ תִּֽמְחַ֥ץ רַגְלְךָ֗ בְּ֫דָ֥ם לְשֹׁ֥ון כְּלָבֶ֑יךָ מֵאֹיְבִ֥ים מִנֵּֽהוּ׃
Psaumes 63.2 1 Chroniques 15.16-15.24 2 Samuel 6.12-6.17 Psaumes 24.7-24.10 Psaumes 47.5-47.7
²⁵ (68.24) רָא֣וּ הֲלִיכֹותֶ֣יךָ אֱלֹהִ֑ים הֲלִ֘יכֹ֤ות אֵלִ֖י מַלְכִּ֣י בַקֹּֽדֶשׁ׃
Juges 11.34 Exode 15.20 1 Chroniques 13.8 Psaumes 87.7 Jérémie 31.4
²⁶ (68.25) קִדְּמ֣וּ שָׁ֭רִים אַחַ֣ר נֹגְנִ֑ים בְּתֹ֥וךְ עֲ֝לָמֹ֗ות תֹּופֵפֹֽות׃
Esaïe 48.1 Deutéronome 33.28 Psaumes 26.12 Psaumes 107.32 1 Chroniques 16.7-16.36
²⁷ (68.26) בְּֽ֭מַקְהֵלֹות בָּרְכ֣וּ אֱלֹהִ֑ים יְ֝הוָ֗ה מִמְּקֹ֥ור יִשְׂרָאֵֽל׃
1 Samuel 9.21 Genèse 42.32 1 Chroniques 12.29 Psaumes 47.9 1 Chroniques 27.12
²⁸ (68.27) שָׁ֤ם בִּנְיָמִ֨ן׀ צָעִ֡יר רֹדֵ֗ם שָׂרֵ֣י יְ֭הוּדָה רִגְמָתָ֑ם שָׂרֵ֥י זְ֝בֻל֗וּן שָׂרֵ֥י נַפְתָּלִֽי׃
Psaumes 42.8 Psaumes 44.4 Psaumes 138.8 Jean 5.8-5.9 Psaumes 71.3
²⁹ (68.28) צִוָּ֥ה אֱלֹהֶ֗יךָ עֻ֫זֶּ֥ךָ עוּזָּ֥ה אֱלֹהִ֑ים ז֝֗וּ פָּעַ֥לְתָּ לָּֽנוּ׃
1 Rois 10.10 Psaumes 76.11 Esaïe 60.16-60.17 Esaïe 18.7 1 Chroniques 17.4-17.12
³⁰ (68.29) מֵֽ֭הֵיכָלֶךָ עַל־יְרוּשָׁלִָ֑ם לְךָ֤ יֹובִ֖ילוּ מְלָכִ֣ים שָֽׁי׃
Psaumes 120.7 Jacques 4.1 Psaumes 2.12 2 Chroniques 20.1-20.37 2 Samuel 8.1-8.18
³¹ (68.30) גְּעַ֨ר חַיַּ֪ת קָנֶ֡ה עֲדַ֤ת אַבִּירִ֨ים׀ בְּעֶגְלֵ֬י עַמִּ֗ים מִתְרַפֵּ֥ס בְּרַצֵּי־כָ֑סֶף בִּזַּ֥ר עַ֝מִּ֗ים קְרָבֹ֥ות יֶחְפָּֽצוּ׃
Esaïe 45.14 Sophonie 3.10 Psaumes 44.20 Esaïe 66.19 Actes 8.27-8.40
³² (68.31) יֶאֱתָ֣יוּ חַ֭שְׁמַנִּים מִנִּ֣י מִצְרָ֑יִם כּ֥וּשׁ תָּרִ֥יץ יָ֝דָ֗יו לֵאלֹהִֽים׃
Psaumes 102.22 Psaumes 100.1 Romains 15.10-15.11 Deutéronome 32.43 Psaumes 67.2-67.5
³³ (68.32) מַמְלְכֹ֣ות הָ֭אָרֶץ שִׁ֣ירוּ לֵאלֹהִ֑ים זַמְּר֖וּ אֲדֹנָ֣י סֶֽלָה׃
Psaumes 18.10 Psaumes 104.3 Deutéronome 10.14 Apocalypse 11.19 Psaumes 102.25
³⁴ (68.33) לָ֭רֹכֵב בִּשְׁמֵ֣י שְׁמֵי־קֶ֑דֶם הֵ֥ן יִתֵּ֥ן בְּ֝קֹולֹו קֹ֣ול עֹֽז׃
Psaumes 29.1-29.2 1 Chroniques 16.28-16.29 Psaumes 96.6-96.8 Psaumes 150.1 2 Pierre 1.17
³⁵ (68.34) תְּנ֥וּ עֹ֗ז לֵֽאלֹ֫הִ֥ים עַֽל־יִשְׂרָאֵ֥ל גַּאֲוָתֹ֑ו וְ֝עֻזֹּ֗ו בַּשְּׁחָקִֽים׃
Psaumes 29.11 Psaumes 65.5 Psaumes 66.5 Néhémie 1.5 Hébreux 12.24-12.29
³⁶ (68.35) נֹ֤ורָ֥א אֱלֹהִ֗ים מִֽמִּקְדָּ֫שֶׁ֥יךָ אֵ֤ל יִשְׂרָאֵ֗ל ה֤וּא נֹתֵ֨ן׀ עֹ֖ז וְתַעֲצֻמֹ֥ות לָעָ֗ם בָּר֥וּךְ אֱלֹהִֽים׃