Psaumes 68.34
Biblia Hebraica Stuttgartensia

Chant de triomphe et de gloire

¹ לַמְנַצֵּ֥חַ לְדָוִ֗ד מִזְמֹ֥ור שִֽׁיר׃
Esaïe 33.3 Nombres 10.35 Psaumes 89.10 Exode 20.5 Ezéchiel 5.2
² (68.1) יָק֣וּם אֱ֭לֹהִים יָפ֣וּצוּ אֹויְבָ֑יו וְיָנ֥וּסוּ מְ֝שַׂנְאָ֗יו מִפָּנָֽיו׃
Psaumes 37.20 Michée 1.4 Osée 13.3 Psaumes 97.5 Esaïe 9.18
³ (68.2) כְּהִנְדֹּ֥ף עָשָׁ֗ן תִּ֫נְדֹּ֥ף כְּהִמֵּ֣ס דֹּ֭ונַג מִפְּנֵי־אֵ֑שׁ יֹאבְד֥וּ רְ֝שָׁעִ֗ים מִפְּנֵ֥י אֱלֹהִֽים׃
Psaumes 64.10 Apocalypse 18.20 1 Thessaloniciens 5.16 Psaumes 43.4 Deutéronome 12.12
⁴ (68.3) וְֽצַדִּיקִ֗ים יִשְׂמְח֣וּ יַֽ֭עַלְצוּ לִפְנֵ֥י אֱלֹהִ֗ים וְיָשִׂ֥ישׂוּ בְשִׂמְחָֽה׃
Exode 6.3 Deutéronome 33.26 Psaumes 18.10 Psaumes 66.4 Psaumes 68.33
⁵ (68.4) שִׁ֤ירוּ׀ לֵֽאלֹהִים֮ זַמְּר֪וּ שְׁ֫מֹ֥ו סֹ֡לּוּ לָרֹכֵ֣ב בָּ֭עֲרָבֹות בְּיָ֥הּ שְׁמֹ֗ו וְעִלְז֥וּ לְפָנָֽיו׃
Psaumes 10.14 Deutéronome 10.18 Jérémie 49.11 Esaïe 1.23 2 Chroniques 6.2
⁶ (68.5) אֲבִ֣י יְ֭תֹומִים וְדַיַּ֣ן אַלְמָנֹ֑ות אֱ֝לֹהִ֗ים בִּמְעֹ֥ון קָדְשֹֽׁו׃
Psaumes 107.10 Psaumes 113.9 Psaumes 107.34 Psaumes 146.7 Psaumes 107.14
⁷ (68.6) אֱלֹהִ֤ים׀ מֹ֘ושִׁ֤יב יְחִידִ֨ים׀ בַּ֗יְתָה מֹוצִ֣יא אֲ֭סִירִים בַּכֹּושָׁרֹ֑ות אַ֥ךְ סֹ֝ורֲרִ֗ים שָׁכְנ֥וּ צְחִיחָֽה׃
Exode 13.21 Juges 5.4 Juges 4.14 Habakuk 3.12-3.13 Michée 2.13
⁸ (68.7) אֱֽלֹהִ֗ים בְּ֭צֵאתְךָ לִפְנֵ֣י עַמֶּ֑ךָ בְּצַעְדְּךָ֖ בִֽישִׁימֹ֣ון סֶֽלָה׃
Exode 19.18 Juges 5.4-5.5 Exode 19.16 Psaumes 77.18 Deutéronome 5.23-5.25
⁹ (68.8) אֶ֤רֶץ רָעָ֨שָׁה׀ אַף־שָׁמַ֣יִם נָטְפוּ֮ מִפְּנֵ֪י אֱלֹ֫הִ֥ים זֶ֥ה סִינַ֑י מִפְּנֵ֥י אֱ֝לֹהִ֗ים אֱלֹהֵ֥י יִשְׂרָאֵֽל׃
Ezéchiel 34.26 Psaumes 78.24-78.27 Deutéronome 11.10-11.12 Psaumes 65.9-65.13 Deutéronome 11.14
¹⁰ (68.9) גֶּ֣שֶׁם נְ֭דָבֹות תָּנִ֣יף אֱלֹהִ֑ים נַחֲלָתְךָ֥ וְ֝נִלְאָ֗ה אַתָּ֥ה כֹֽונַנְתָּֽהּ׃
Psaumes 74.19 Psaumes 78.20 Psaumes 74.1-74.2 Nombres 16.3 Job 5.10-5.11
¹¹ (68.10) חַיָּתְךָ֥ יָֽשְׁבוּ־בָ֑הּ תָּ֤כִ֥ין בְּטֹובָתְךָ֖ לֶעָנִ֣י אֱלֹהִֽים׃
Exode 15.20 Psaumes 68.25 Exode 14.15 Exode 17.9-17.16 Ephésiens 4.11
¹² (68.11) אֲדֹנָ֥י יִתֶּן־אֹ֑מֶר הַֽ֝מְבַשְּׂרֹ֗ות צָבָ֥א רָֽב׃
Josué 10.16 Juges 5.19 1 Samuel 30.24 Josué 12.7-12.24 Josué 10.42
¹³ (68.12) מַלְכֵ֣י צְ֭בָאֹות יִדֹּד֣וּן יִדֹּד֑וּן וּנְוַת בַּ֝֗יִת תְּחַלֵּ֥ק שָׁלָֽל׃
Genèse 49.14 Ephésiens 2.1-2.3 Psaumes 105.37 Tite 3.3 Ezéchiel 16.6-16.14
¹⁴ (68.13) אִֽם־תִּשְׁכְּבוּן֮ בֵּ֪ין שְׁפַ֫תָּ֥יִם כַּנְפֵ֣י יֹ֭ונָה נֶחְפָּ֣ה בַכֶּ֑סֶף וְ֝אֶבְרֹותֶ֗יהָ בִּֽירַקְרַ֥ק חָרֽוּץ׃
Esaïe 1.18 Psaumes 51.7 Josué 12.1-12.24 Nombres 21.3 Josué 10.10-10.43
¹⁵ (68.14) בְּפָ֘רֵ֤שׂ שַׁדַּ֓י מְלָ֘כִ֤ים בָּ֗הּ תַּשְׁלֵ֥ג בְּצַלְמֹֽון׃
Psaumes 2.6 Deutéronome 3.10 Psaumes 87.1-87.2 Psaumes 78.68-78.69 Esaïe 2.2-2.3
¹⁶ (68.15) הַר־אֱ֭לֹהִים הַר־בָּשָׁ֑ן הַ֥ר גַּ֝בְנֻנִּ֗ים הַר־בָּשָֽׁן׃
Deutéronome 12.5 Psaumes 132.13-132.14 Hébreux 12.22-12.23 Apocalypse 21.2-21.3 Psaumes 87.1-87.2
¹⁷ (68.16) לָ֤מָּה׀ תְּֽרַצְּדוּן֮ הָרִ֪ים גַּבְנֻ֫נִּ֥ים הָהָ֗ר חָמַ֣ד אֱלֹהִ֣ים לְשִׁבְתֹּ֑ו אַף־יְ֝הוָ֗ה יִשְׁכֹּ֥ן לָנֶֽצַח׃
Daniel 7.10 Deutéronome 33.2 2 Rois 6.16-6.17 Habakuk 3.8 Exode 3.5
¹⁸ (68.17) רֶ֤כֶב אֱלֹהִ֗ים רִבֹּתַ֣יִם אַלְפֵ֣י שִׁנְאָ֑ן אֲדֹנָ֥י בָ֝֗ם סִינַ֥י בַּקֹּֽדֶשׁ׃
Juges 5.12 Psaumes 78.60 Psaumes 47.5 Jean 14.23 Psaumes 24.3
¹⁹ (68.18) עָ֘לִ֤יתָ לַמָּרֹ֨ום׀ שָׁ֘בִ֤יתָ שֶּׁ֗בִי לָקַ֣חְתָּ מַ֭תָּנֹות בָּאָדָ֑ם וְאַ֥ף סֹ֝ורְרִ֗ים לִשְׁכֹּ֤ן׀ יָ֬הּ אֱלֹהִֽים׃
Esaïe 46.4 Ephésiens 1.3 Psaumes 55.22 Psaumes 103.1-103.22 Psaumes 32.7
²⁰ (68.19) בָּ֤ר֣וּךְ אֲדֹנָי֮ יֹ֤ום׀ יֹ֥ום יַֽעֲמָס־לָ֗נוּ הָ֘אֵ֤ל יְֽשׁוּעָתֵ֬נוּ סֶֽלָה׃
Deutéronome 32.39 Apocalypse 1.18 Apocalypse 20.1 Jean 5.23 1 Samuel 2.6
²¹ (68.20) הָ֤אֵ֣ל׀ לָנוּ֮ אֵ֤ל לְֽמֹושָׁ֫עֹ֥ות וְלֵיהוִ֥ה אֲדֹנָ֑י לַ֝מָּ֗וֶת תֹּוצָאֹֽות׃
Habakuk 3.13 Psaumes 110.6 Psaumes 7.12 Luc 13.5 Ezéchiel 18.27-18.30
²² (68.21) אַךְ־אֱלֹהִ֗ים יִמְחַץ֮ רֹ֤אשׁ אֹ֫יְבָ֥יו קָדְקֹ֥ד שֵׂעָ֑ר מִ֝תְהַלֵּ֗ךְ בַּאֲשָׁמָֽיו׃
Nombres 21.33 Osée 1.10-1.11 Jérémie 23.5-23.8 Amos 9.2-9.3 Exode 14.22
²³ (68.22) אָמַ֣ר אֲ֭דֹנָי מִבָּשָׁ֣ן אָשִׁ֑יב אָ֝שִׁ֗יב מִֽמְּצֻלֹ֥ות יָֽם׃
1 Rois 21.19 Psaumes 58.10 1 Rois 22.38 2 Rois 9.33-9.37 Esaïe 63.1-63.6
²⁴ (68.23) לְמַ֤עַן׀ תִּֽמְחַ֥ץ רַגְלְךָ֗ בְּ֫דָ֥ם לְשֹׁ֥ון כְּלָבֶ֑יךָ מֵאֹיְבִ֥ים מִנֵּֽהוּ׃
Psaumes 24.7-24.10 Psaumes 47.5-47.7 1 Chroniques 13.8 Psaumes 63.2 1 Chroniques 15.16-15.24
²⁵ (68.24) רָא֣וּ הֲלִיכֹותֶ֣יךָ אֱלֹהִ֑ים הֲלִ֘יכֹ֤ות אֵלִ֖י מַלְכִּ֣י בַקֹּֽדֶשׁ׃
Juges 11.34 Exode 15.20 1 Chroniques 13.8 Apocalypse 15.2-15.3 Jérémie 31.13
²⁶ (68.25) קִדְּמ֣וּ שָׁ֭רִים אַחַ֣ר נֹגְנִ֑ים בְּתֹ֥וךְ עֲ֝לָמֹ֗ות תֹּופֵפֹֽות׃
Esaïe 48.1 Deutéronome 33.28 Psaumes 26.12 Psaumes 111.1 Proverbes 5.16
²⁷ (68.26) בְּֽ֭מַקְהֵלֹות בָּרְכ֣וּ אֱלֹהִ֑ים יְ֝הוָ֗ה מִמְּקֹ֥ור יִשְׂרָאֵֽל׃
1 Samuel 9.21 Juges 21.6-21.25 Psaumes 60.7 1 Chroniques 15.3 Esaïe 11.13
²⁸ (68.27) שָׁ֤ם בִּנְיָמִ֨ן׀ צָעִ֡יר רֹדֵ֗ם שָׂרֵ֣י יְ֭הוּדָה רִגְמָתָ֑ם שָׂרֵ֥י זְ֝בֻל֗וּן שָׂרֵ֥י נַפְתָּלִֽי׃
Psaumes 42.8 Psaumes 44.4 Ephésiens 3.17-3.20 2 Corinthiens 12.9-12.10 Esaïe 40.31
²⁹ (68.28) צִוָּ֥ה אֱלֹהֶ֗יךָ עֻ֫זֶּ֥ךָ עוּזָּ֥ה אֱלֹהִ֑ים ז֝֗וּ פָּעַ֥לְתָּ לָּֽנוּ׃
1 Rois 10.10 Psaumes 76.11 Néhémie 2.8 Esdras 7.13-7.28 Psaumes 72.10-72.11
³⁰ (68.29) מֵֽ֭הֵיכָלֶךָ עַל־יְרוּשָׁלִָ֑ם לְךָ֤ יֹובִ֖ילוּ מְלָכִ֣ים שָֽׁי׃
Esaïe 37.1-37.38 Psaumes 18.44 Psaumes 89.10 Romains 7.22 Esaïe 34.7
³¹ (68.30) גְּעַ֨ר חַיַּ֪ת קָנֶ֡ה עֲדַ֤ת אַבִּירִ֨ים׀ בְּעֶגְלֵ֬י עַמִּ֗ים מִתְרַפֵּ֥ס בְּרַצֵּי־כָ֑סֶף בִּזַּ֥ר עַ֝מִּ֗ים קְרָבֹ֥ות יֶחְפָּֽצוּ׃
Esaïe 45.14 Sophonie 3.10 Psaumes 44.20 Esaïe 60.6-60.7 Esaïe 19.18-19.25
³² (68.31) יֶאֱתָ֣יוּ חַ֭שְׁמַנִּים מִנִּ֣י מִצְרָ֑יִם כּ֥וּשׁ תָּרִ֥יץ יָ֝דָ֗יו לֵאלֹהִֽים׃
Deutéronome 32.43 Psaumes 67.2-67.5 Psaumes 117.1-117.2 Apocalypse 15.4 Psaumes 102.22
³³ (68.32) מַמְלְכֹ֣ות הָ֭אָרֶץ שִׁ֣ירוּ לֵאלֹהִ֑ים זַמְּר֖וּ אֲדֹנָ֣י סֶֽלָה׃
Psaumes 18.10 Psaumes 104.3 1 Rois 8.27 Psaumes 68.4 Apocalypse 11.12
³⁴ (68.33) לָ֭רֹכֵב בִּשְׁמֵ֣י שְׁמֵי־קֶ֑דֶם הֵ֥ן יִתֵּ֥ן בְּ֝קֹולֹו קֹ֣ול עֹֽז׃
Psaumes 150.1 2 Pierre 1.17 Deutéronome 33.26 Apocalypse 19.6 Psaumes 29.1-29.2
³⁵ (68.34) תְּנ֥וּ עֹ֗ז לֵֽאלֹ֫הִ֥ים עַֽל־יִשְׂרָאֵ֥ל גַּאֲוָתֹ֑ו וְ֝עֻזֹּ֗ו בַּשְּׁחָקִֽים׃
Psaumes 29.11 Psaumes 65.5 Psaumes 66.5 Exode 15.1 Psaumes 72.18-72.19
³⁶ (68.35) נֹ֤ורָ֥א אֱלֹהִ֗ים מִֽמִּקְדָּ֫שֶׁ֥יךָ אֵ֤ל יִשְׂרָאֵ֗ל ה֤וּא נֹתֵ֨ן׀ עֹ֖ז וְתַעֲצֻמֹ֥ות לָעָ֗ם בָּר֥וּךְ אֱלֹהִֽים׃