1 Tandu Erode u tetrarca vense à sente a nomina di Ghjesù è disse à i so servi :
Luc 3.1 Actes 4.27 Luc 9.7-9.9 Marc 8.15 Luc 23.15
2 « Questu hè Ghjuvanni u Battistu ; s’hè discitatu da trà li morti è pè via di què, in ellu sò à l’opara i miraculi. »
Matthieu 16.14 Matthieu 11.11 Marc 8.28 Jean 10.41
3 Chì Erode, dopu pigliatu à Ghjuvanni l’avia ligatu è messu in prighjò pè via di Erodiade, a moglia di u fratellu Filippu.
Marc 6.17 Luc 3.19-3.20 Matthieu 4.12 Matthieu 11.2 Jean 3.23-3.24
4 Chì Ghjuvanni li dicia : « Ùn t’hè cuncessa di tene la. »
Lévitique 20.21 Lévitique 18.16 Proverbes 28.1 2 Chroniques 26.18-26.19 Marc 6.18
5 Ma, puru ch’ellu u vulessi tumbà, timì a folla chì u tenia da prufetu.
Matthieu 21.26 Matthieu 11.9 Actes 4.21 Marc 14.1-14.2 Actes 5.26
6 Ghjuntu l’anniversariu di Erode, a figliola di Erodiade si messe à ballà à mezu à a ghjente è piacì à Erode ;
Genèse 40.20 Marc 6.21-6.23 Marc 6.19 Daniel 5.1-5.4 Marc 6.17
7 Tandu cun ghjuramentu prumesse di dà li ciò ch’ell’avia chersu.
Esther 7.2 Esther 5.6 Esther 5.3
8 È, cunsigliata da a mamma, ella disse : « dà mi nant’à un piattu u capu di Ghjuvanni u Battistu. »
Proverbes 29.10 1 Rois 18.13 Nombres 7.84-7.85 Nombres 7.13 Esdras 1.9
9 È u rè fù afflittu, ma pè via di i so ghjuramenti è di quelli attavulinati cun ellu, cumandò ch’ellu li fussi datu,
Matthieu 14.1 Juges 11.30-11.31 Actes 24.23-24.27 Ecclésiaste 5.2 1 Samuel 28.10
10 è mandò à qualchissia à muzzà u capu à Ghjuvanni in prighjò
Matthieu 17.12 Marc 6.27-6.29 Matthieu 22.3-22.6 Apocalypse 11.7 Matthieu 23.34-23.36
11 è u capu fù arricatu nant’à un piattu è datu à a zitella, è ella u purtò à a mamma.
Ezéchiel 19.2-19.3 Genèse 49.7 Jérémie 22.17 Ezéchiel 35.6 Apocalypse 16.6
12 È ghjunti à u locu, i discepuli caccionu a salma è a seppellinu, è andonu à purtà a nova à Ghjesù.
Actes 8.2 Matthieu 27.58-27.61
13 Intesu cusì, Ghjesù partì da quallà cù a barca ver di un locu desertu scantatu. Intesu ne a nutizia, e folle u suvitonu à pedi da e cità.
Luc 9.10-9.17 Matthieu 12.15 Matthieu 10.23 Jean 6.1-6.15 Marc 6.30-6.44
14 È dopu sbarcatu, vide tamanta folla è fù cummossu à l’anima per isse ghjente, è guarì i so infermi.
Matthieu 9.36 Hébreux 4.15 Matthieu 4.23 Marc 9.22 Hébreux 5.2
15 Toccu a sera, i discepuli vensenu ind’è ellu dicendu : « desertu hè u locu, è l’ora hè trapassata ; rimanda e folle in i so paesi, ch’elle si possinu cumprà da manghjà. »
Matthieu 15.23 Marc 6.35-6.36 Luc 9.12 Marc 8.3
16 Tandu ellu disse : « Ùn anu bisognu d’andà, date li voi da manghjà. »
2 Rois 4.42-4.44 2 Corinthiens 8.2-8.3 2 Corinthiens 9.7-9.8 Job 31.16-31.17 Ecclésiaste 11.2
17 Elli li dissenu : « quì avemu solu cinque pani è dui pesci. »
Matthieu 16.9 Luc 9.13 Marc 6.37-6.38 Marc 8.4-8.5 Nombres 11.21-11.23
18 Ellu disse : « arricate mi li quì. »
19 È cumandatu à e folle di pusà in l’erba, pigliò i cinque pani è i dui pesci è pisatu l’ochji ver di u celu, disse a benedizione poi, spartutu i pani i dete à i discepuli, è i discepuli à e folle.
1 Samuel 9.13 Luc 24.30 Actes 27.35 Romains 14.6 Marc 6.41
20 È tutti manghjonu è funu sazii, è si ricusse ciò chì avanzava di pezzi : dodeci coffe piene.
Marc 8.8-8.9 Luc 1.53 Luc 9.17 Marc 6.42-6.44 Matthieu 16.8-16.10
21 Quelli chì manghjavanu eranu cinquemila omi, da più à menu, cacciatu e donne è i zitelli.
2 Corinthiens 9.8-9.11 Philippiens 4.19 Actes 4.4 Jean 6.10 Actes 4.34
22 È subitu cumandò à i discepuli ch’elli cullessinu in barca è tirà avanti à via di l’altra sponda intantu ch’ellu rimandessi e folle.
Jean 6.15-6.21 Marc 6.45-6.51 Matthieu 15.39 Matthieu 13.36
23 È dopu avè lasciatu andà e folle, cullò fin’à u monte pè pricà in un locu scantatu. Ghjunta a sera, era solu.
Luc 6.12 Marc 6.46 Jean 6.15-6.17 Actes 6.4 Luc 9.28
24 A barca era ghjà bellu luntanu da a terra, ciambuttata da i marosuli, chì u ventu era cuntrariu.
Jean 6.18 Marc 6.48 Matthieu 8.24 Esaïe 54.11
25 È à u finì di a notte, vense à truvà li viaghjendu nant’à u mare.
Job 9.8 Matthieu 24.43 Psaumes 93.3-93.4 Apocalypse 10.2 Apocalypse 10.5
26 È i discepuli, videndu lu viaghjà nant’à u mare, funu frasturnati, dicendu : « hè una fantomia » ; è gridavanu di paura.
Luc 24.37 Apocalypse 1.17 Luc 24.5 Luc 1.11-1.12 Marc 6.49-6.50
27 È subitu ellu li parlò dicendu : « curagiu chì sò eu, ùn abbiate paura. »
Actes 23.11 Matthieu 9.2 Jean 16.33 Apocalypse 1.17-1.18 Matthieu 17.7
28 Li risponde Petru è li dice : « o Signore, s’è tù sì tù, cumanda ch’eu venghi à truvà ti annant’à l’acque. »
Romains 12.3 Luc 22.31-22.34 Luc 22.49-22.50 Matthieu 26.33-26.35 Jean 6.68
29 Tandu li disse : « veni ! » È falatu da a barca, Petru viaghjò nant’à l’acque per andà à truvà à Ghjesù ;
Philippiens 4.13 Romains 4.19 Actes 3.16 Marc 11.22-11.23 Marc 9.23
30 tandu vistu u ventu, si pigliò di paura, è, cum’ellu principiava à annigà si, gridò dicendu : « o Signore, salvami. »
2 Timothée 4.16-4.17 Jean 18.25-18.27 Luc 22.54-22.61 Psaumes 116.3-116.4 Lamentations 3.54-3.57
31 Tandu subitu Ghjesù stende a manu, l’agguanta, è li dice : « omu di poca fede, cum’hè ch’è tù ai dubbitatu ? »
Genèse 22.14 Matthieu 16.8 1 Pierre 1.5 Jacques 1.6-1.8 Marc 1.41
32 Cullati ch’elli funu in barca, u ventu stanciò
Psaumes 107.29-107.30 Marc 6.51 Marc 4.41 Jean 6.21
33 Tandu quelli in a barca li si indinuchjonu davanti, dicendu : « sì propiu u figliolu di Diu. »
Psaumes 2.7 Jean 1.49 Jean 11.27 Matthieu 16.16 Luc 4.41
34 È toccu l’altra sponda accustonu da e parti di Ghjenesarè.
Marc 6.53-6.56 Luc 5.1 Jean 6.24-6.25
35 È l’omi d’issu locu, ricunniscendu lu, a mandonu à dì in tuttu u rughjone vicinu è li purtonu tutti quelli chì avianu un male,
Matthieu 4.24-4.25 Marc 1.28-1.34 Marc 6.55 Marc 3.8-3.10 Marc 2.1-2.12
36 è u pricuronu di pudè tuccà solu l’arice di u so mantellu. È tutti quelli chì tuccavanu eranu salvi.
Luc 6.19 Marc 3.10 Matthieu 9.20-9.21 Nombres 15.38-15.39 Jean 7.23