Dedica à Tiofalu
1 Postu ch’elli anu messu uni belli pochi ad assistà a storia di i fatti stalvati ind’è noi altri
Actes 1.1-1.3 Jean 20.31 2 Pierre 1.16-1.19 2 Timothée 4.17 1 Timothée 3.16
2 suvente ciò ch’elli ci anu tramandatu quelli chì, da u cumenciu, anu vistu cù i so ochji è sò divintati servi di a parolla,
Jean 15.27 Hébreux 2.3 Marc 1.1 2 Pierre 1.16 Actes 26.16
3 ancu à mè chì mi sò primuratu à l’affine di cum’ellu hè an datu tuttu à parte si da u principiu, m’hè parsa una bona di scrivela da tè, in modu suvitu è chjaru, carissimu Tiofalu,
Actes 1.1 Actes 26.25 Actes 23.26 Actes 11.4 Actes 24.3
4 da chì tù sappia, e parolle chì tù sè statu amparatu, quant’elle sò sicure.
Jean 20.31 Actes 18.25 2 Pierre 1.15-1.16 Romains 2.18 1 Corinthiens 14.19
A nascita
di Ghjuvanni u Battistu annunciata
5 À i tempi d’Erode, rè di a Ghjudea, ci era un prete di nome Zaccaria di a classa d’Abià. A moglia era discindente di Aarone è si chjamava Lisabetta.
1 Chroniques 24.10 Matthieu 2.1 Néhémie 12.4 Néhémie 12.17 1 Chroniques 24.19
6 Eranu parsone ghjuste davanti à Diu, tramindui. Suvitavanu à l’intuttu l’ordini è i cumandi di u Signore è rimprovari ùn li si ne pudia fà.
Genèse 7.1 Genèse 17.1 Philippiens 2.15 Job 1.1 Actes 24.16
7 Ma zitelli ùn ne avianu chì Lisabetta ùn ne pudia avè ed eranu tramindui annosi.
Hébreux 11.11 Genèse 18.11 1 Samuel 1.2 Genèse 25.21 Genèse 16.1-16.2
8 Vense chì, in la so funzione di prete sicondu a tacca di a so classa davanti à Diu,
1 Chroniques 24.19 2 Chroniques 8.14 2 Chroniques 31.2 Luc 1.5 Exode 30.30
9 è sicondu l’usu di a funzione di prete tirede à l’umbusca u dirittu di brusgià u incensu dopu intrutu in lu tempiu di Diu,
2 Chroniques 29.11 1 Chroniques 23.13 Exode 30.7-30.8 1 Samuel 2.28 Nombres 16.40
10 ed era a turba magna di u populu à pricà fora indì l’ora di u incensu.
Lévitique 16.17 Apocalypse 8.3 Hébreux 9.24 Hébreux 4.14
11 Or li si fece prisente à l’ochji un anghjulu di u Signore, rittu à diritta, di fiancu à l’altare di u incensu.
Exode 40.26-40.27 Exode 30.1-30.10 Lévitique 16.13 Apocalypse 9.13 Luc 2.10
12 Videndu lu Zaccaria si scumpunì è li falede a paura à dossu,
Juges 6.22 Juges 13.22 Luc 2.9-2.10 Luc 1.29 Apocalypse 1.17
13 è l’anghjulu li disse : « ùn aghja timenza, o Zaccarì, chì hè stata intesa a to prichera è Lisabetta, to moglia ti hà da fà un figliolu è l’ai da chjamà di nome Ghjuvanni
1 Samuel 2.21 Psaumes 113.9 Actes 10.31 Luc 1.30 Juges 13.3-13.5
14 è ti hà da esse gioia è alicria, è uni belli pochi si anu da ralicrà di a so nascita
Luc 1.58 Genèse 21.6 Proverbes 15.20 Proverbes 23.24 Proverbes 23.15
15 chì hà da esse maiò davanti à u Signore, ùn hà da beie nè vinu nè nulla chì imbriachi è hà da esse pienu di Spiritu Santu ancu in corpu à a mamma.
Luc 7.33 Galates 1.15 Jérémie 1.5 Ephésiens 5.18 Actes 2.4
16 È à parechji di i figlioli d’Israele l’hà da fà vultà verdi u Signore, u so Diu,
Matthieu 21.32 Malachie 3.1 Daniel 12.3 Esaïe 49.6 Esaïe 40.3-40.5
17 ed ellu stessu hà da viaghjà in davanti à Diu in lu spiritu è in la putenza d’Alia da fà vultà i cori di i babbi verdi i figlioli è i ribelli verdi u pinsà di i ghjusti ch’ellu sia prontu da Diu, un populu priparatu. »
Malachie 4.5-4.6 Matthieu 11.14 Luc 1.76 Psaumes 78.8 Jean 1.21-1.30
18 Zaccaria disse à l’anghjulu : « è cumu l’aghju da sapè eiu, quessa ? Chì sò vechju è ancu à me moglia, l’anni li sò crisciutu. »
Genèse 17.17 Luc 1.34 Genèse 15.8 Luc 1.7 Romains 4.19
19 È da risposta l’anghjulu li disse : « eiu sò Gabriellu, quellu chì stà rittu davanti à Diu è sò statu mandatu da parlà ti è da purtà ti isse nove bone ;
Matthieu 18.10 Daniel 8.16 Luc 1.26 Daniel 9.21-9.23 Hébreux 4.14
20 ed eccuti chì ai da stà zittu fin’à u ghjornu ch’elle accadaranu isse cose, senza pudè parlà, causa d’ùn esse ti fidatu di e me parolle chì, ghjuntu u tempu, si anu da vede fatte. »
Ezéchiel 3.26 Ezéchiel 24.27 Genèse 18.10-18.15 Apocalypse 3.19 Esaïe 7.9
21 È u populu stava ad aspittà à Zaccaria è si maravigliava ch’ellu stessi tantu in lu tempiu.
Nombres 6.23-6.27
22 È dopu isciutu, mancu più pudia parlà à quella ghjente. Capinu ch’ellu avia vistu calcosa in lu tempiu. Ed ellu facia i motti ma stava zittu.
Luc 1.62 Actes 12.17 Actes 19.33 Actes 21.40 Jean 13.24
23 Vense chì, compiu i so ghjorni di serviziu, si ne vultede in casa soia.
1 Chroniques 9.25 2 Rois 11.5-11.7
24 Dopu quellu tempu fù incinta Lisabetta, a moglia, è par cinque mesi mancu si palisò, cugitendusi :
25 « cusì fece u Signore à prò meiu, quand’ellu tolse ciò chì mi mittia in vargogna davanti à a ghjente. »
Esaïe 4.1 Genèse 30.22-30.23 Hébreux 11.11 1 Samuel 1.6 Genèse 25.21
A nascita di Ghjesù annunciata
26 È in lu sestu mese l’anghjulu Gabriellu fù mandatu da Diu ind’una citai di Ghjuda chì u so nome era Nazarè
Matthieu 2.23 Luc 1.19 Jean 7.41 Luc 2.4 Jean 1.45-1.46
27 à truvà una verghjine spusata cun unu chì u so nome era Ghjaseppiu di a casa di Davide, e u nome di a verghjine era Maria.
Matthieu 1.18 Esaïe 7.14 Matthieu 1.16 Jérémie 31.22 Luc 2.4-2.5
28 Intrutu ch’ellu fù ind’è quella, disse : « salute à tè chì ai ricivutu a grazia, u Signore hè cù tecu. »
Juges 6.12 Luc 1.30 Actes 18.10 Ephésiens 1.6 Proverbes 31.29-31.31
29 Ed ella fù cunturbata da issu discorsu ; circava chì salutu ch’ellu era quellu.
Actes 10.4 Luc 1.12 Actes 10.17 1 Samuel 9.20-9.21 Marc 16.5-16.6
30 È l’anghjulu disse : « ùn aghja timenza, o Marì, chì ai trovu a grazia ch’ellu dà Diu.
Luc 1.13 Romains 8.31 Esaïe 41.14 Esaïe 44.2 Matthieu 14.27
31 Ed eccuti : ai da vene incinta è avarè un figliolu. L’ai da chjamà di nome Ghjesù.
Esaïe 7.14 Matthieu 1.21 Matthieu 1.25 Luc 2.21 Matthieu 1.23
32 Ellu sarà altu è hà da esse chjamatu figliol’di l’Altissimu è u Diu Signore l’hà da dà u tronu di Davide u babbu,
Esaïe 9.6-9.7 Psaumes 132.11 Marc 5.7 Esaïe 16.5 2 Samuel 7.11-7.13
33 è hà da esse rè sopra à a casa di Ghjacobbe pa i seculi è mai vinarà à fine a sò putenza di rè. »
Daniel 2.44 Hébreux 1.8 Daniel 7.27 Daniel 7.13-7.14 2 Samuel 7.16
34 Tandu Maria disse à l’anghjulu : « cumu hà da esse, quessa, postu chì omu ùn ne cunnoscu ? »
Actes 9.6 Juges 13.8-13.12
35 Di risposta, l’anghjulu li disse : « u Spiritu Santu ti si hà da vene à dossu è a forza di l’Altissimu ti hà da piattà in la so ombra ; par ciò quellu chì hà da nasce santu sarà chjamatu Figliolu di Diu.
Matthieu 1.18 Luc 1.27 Matthieu 1.20 Jean 1.49 Luc 1.31-1.32
36 È po ci hè issa to parente Lisabetta, chì a chjamavanu sterile, in vichjaia aspetta ancu ella ed hè di sei mesi,
37 chì mai vinarà priva di forza nisuna parolla di Diu. »
Matthieu 19.26 Jérémie 32.17 Luc 18.27 Marc 10.27 Genèse 18.14
38 È Maria disse : « hè quì prisente a serva di Diu ; ch’ellu mi sia fattu sicondu a to parolla. » È l’anghjulu si ne andede da ind’è ella.
Psaumes 116.16 Romains 4.20-4.21 2 Samuel 7.25-7.29 Psaumes 119.38
Visita di Maria à Lisabetta
39 In quelli ghjorni, Maria s’arrizzò è parti lestra à via di e muntagne, ind una cità di Ghjuda
Luc 1.65 Josué 15.48-15.59 Josué 10.40 Josué 20.7 Josué 21.9-21.11
40 è intrì in casa di Zaccaria è salutede à Lisabetta.
41 È subitu chì Lisabetta intese u salutu di Maria, u zitellu messe à scalcittà li in corpu è Lisabetta vense piena di Spiritu Santu
Actes 4.8 Luc 1.67 Luc 1.15 Apocalypse 1.10 Luc 1.44
42 è, disse, à alta voce : « binadetta tù, trà le donne, è binadettu u fruttu di u to corpu
Juges 5.24 Luc 1.48 Luc 19.38 Luc 1.28 Actes 2.26-2.28
43 è da duva mi hè data ch’ella venga in casa meia a mamma di u me Signore ?
Jean 20.28 Psaumes 110.1 1 Samuel 25.41 Philippiens 2.3 Philippiens 3.8
44 Chì, mì : Quand’ella mi hè ghjunta à l’arechje a voce di u to salutu, u zitellu mi hà saltatu in corpu da l’alicria
45 è biatu à quella chì hà cridutu ch’elle aghjanu da vene e cose chì li funu annunciate da parte di u Signore. »
2 Chroniques 20.20 Jean 20.29 Jean 11.40 Luc 11.27-11.28 Luc 1.20
Canticu di Maria
46 È Maria disse:
Psaumes 34.2-34.3 1 Samuel 2.1-2.10 Psaumes 35.9 Psaumes 103.1-103.2 Esaïe 61.10
47 « L’anima meia loda u Signore
è si ralecra u spiritu meiu in Diu chì mi salva,
1 Timothée 1.1 Psaumes 35.9 Tite 2.10 1 Timothée 2.3 Luc 2.11
48 chì ellu hà guardatu a so serva cusì bassa,
chì oramai tutte e leve mi chjamaranu biata,
Psaumes 138.6 Luc 11.27 Luc 1.28 Malachie 3.12 1 Samuel 1.11
49 causa chì u putente hà fattu da mè cose maiò.
Santu hè u so nome.
Psaumes 111.9 Psaumes 126.2-126.3 Psaumes 99.3 Genèse 17.1 Esaïe 57.15
50 È da leva in purleva, a so misaricordia,
custudisce quelli chì u temenu.
Psaumes 103.17-103.18 Exode 20.6 Psaumes 115.13 Genèse 17.7 Psaumes 147.11
51 È a so manu si hè fatta pisia
è hà sparnucciatu quelli chì anu l’orgogliu in core ;
Psaumes 98.1 Esaïe 52.10 Esaïe 40.10 Esaïe 51.9 Daniel 4.37
52 hà lampatu i principi da i so troni
ed hà inalzatu i mischinelli,
Psaumes 107.40-107.41 Jacques 4.10 Ezéchiel 17.24 Job 34.24-34.28 1 Samuel 2.6-2.8
53 i famiti l’hà sazii di robba bona
è i ricchi l’hà cacciati fora senza nulla.
Luc 6.21 Psaumes 107.8-107.9 Jacques 2.5-2.6 Psaumes 34.10 Luc 6.24
54 Hà aiutatu à Israele u so figliolu,
ramintendu si a misaricordia soia,
Psaumes 98.3 Michée 7.20 Esaïe 44.21 Jérémie 31.20 Esaïe 49.14-49.16
55 cum’ellu l’avia detta à i nostri babbi
à prò d’Abraamu è di a so sumente in li seculi. »
Genèse 17.19 Psaumes 105.6-105.10 Psaumes 132.11-132.17 Romains 11.28-11.29 Genèse 22.18
56 Maria si stede trè mesi cù Lisabetta è po si ne vultede in casa.
A nascita di Ghjuvanni u Battistu
57 È ghjunse da Lisabetta u tempu di parturì ed abbe un figliolu.
Luc 2.6-2.7 Luc 1.13 Nombres 23.19 Genèse 21.2-21.3
58 U imparintatu è u vicinatu intesenu ch’ella li era crisciuta a misaricordia di u Signore è si ralicronu cun ella.
Luc 1.14 Romains 12.15 Psaumes 113.9 Luc 1.25 Genèse 21.6
59 È ghjunsenu ad uttava à circuncì u zitellu chjamendu lu cù u nome di u babbu Zaccaria.
Luc 2.21 Philippiens 3.5 Lévitique 12.3 Genèse 17.12 Actes 7.8
60 Tandu a mamma disse : « innò, si hà da chjamà Ghjuvanni. »
Luc 1.13 2 Samuel 12.25 Esaïe 8.3 Luc 1.63 Matthieu 1.25
61 È elli dissenu : « ùn ci hè nimu, in la to sterpa, chì si chjami cusì. »
62 È fecenu cenni à u babbu ch’ellu dicissi cum’ellu u vulia chjamà.
Luc 1.22
63 Quellu cherse un tavulellu è scrisse cusì : « u so nome hè Ghjuvanni. » È ne funu maravigliati tutti.
Luc 1.60 Luc 1.13 Esaïe 30.8 Habakuk 2.2 Proverbes 3.3
64 È di colpu, aprì a bocca, a lingua li si sciolse, è parlava, laudendu à Diu.
Luc 1.20 Ezéchiel 33.22 Daniel 4.34-4.37 Exode 4.15-4.16 Jérémie 1.9
65 E à tutti quelli di u vicinatu, li vense a paura à dossu, è andavanu mintuvati issi detti in la muntagna sana di Ghjuda,
Luc 1.39 Luc 7.16 Josué 10.6 Josué 10.40 Apocalypse 11.11
66 è tutti quelli chì l’avianu intesi i si tinianu in core, è dicianu : « ma chì avarà da esse issu zitellu ? » Chì u Signore ci hà a manu à dossu.
Actes 11.21 Luc 2.51 Genèse 39.2 Luc 2.19 1 Rois 18.46
A prufizia di Zaccaria
67 È Zaccaria u babbu fù pienu di Spiritu Santu è prufetizò dicendu :
Joël 2.28 Luc 1.41 Luc 1.15 Nombres 11.25 2 Samuel 23.2
68 « binadettu u Signore, u Diu d’Israele,
d’avè visitatu u so populu è fattu u so riscattu
Luc 7.16 Psaumes 106.48 Psaumes 41.13 Psaumes 111.9 1 Rois 1.48
69 è d’avè mossu da noi a forza di salvazione
in casa di Davide u so figliolu,
1 Samuel 2.10 Psaumes 18.2 2 Samuel 22.3 Ezéchiel 29.21 1 Samuel 2.1
70 cum’ellu disse par bocca di i santi
in li tempi di i so prufeta,
Romains 1.2 Actes 3.21-3.24 2 Pierre 1.21 Apocalypse 19.10 Marc 12.36
71 franca ci da i numichi nostri
è da a manu di tutti quelli chì ci volenu male,
Psaumes 106.10 Ezéchiel 38.8 Sophonie 3.15-3.20 Jérémie 23.6 Psaumes 106.47
72 cusì ebbe pietà di i nostri babbi
è ramintò u so pattu santu,
Michée 7.20 Psaumes 106.45 Lévitique 26.42 Ezéchiel 16.60 Romains 11.28
73 u ghjuramentu ch’ellu fece à Abraamu, babbu nostru,
di cuncede ci,
Genèse 22.16-22.18 Jérémie 11.5 Psaumes 105.9 Deutéronome 7.12 Hébreux 6.13
74 una volta franchi da a manu di i nostri numichi,
chì no u servimu senza paura
Sophonie 3.15-3.17 Esaïe 54.13-54.14 2 Timothée 1.7 Hébreux 9.14 Zacharie 9.8-9.10
75 in santitai è in ghjustizia davanti ad ellu pà i nostri nati ghjorni.
Ephésiens 4.24 Ephésiens 2.10 Tite 2.11-2.14 Jérémie 31.33-31.34 2 Timothée 1.9
76 È tù, zitillucciu, sarè chjamatu prufeta Altissimu,
chì viaghjarè davanti à u Signore da fà li e so strade,
Malachie 3.1 Luc 1.32 Marc 1.2-1.3 Matthieu 3.3 Matthieu 14.5
77 da dà a cunniscenza di a salvazione à u so populu
cù u riscattu di i so piccati,
Luc 7.47-7.50 Actes 19.4 Jean 1.15-1.17 Jean 1.29 Actes 5.31
78 à marzè à e misaricordie di u nostru Diu,
chì cun elle ci hà da fighjulà l’alba vinuta da insù,
Malachie 4.2 2 Pierre 1.19 Zacharie 3.8 Colossiens 3.12 Esaïe 11.1
79 da fà luce à quelli chì sò cascati in lu bughjone
è ind’ì l’ombra di a morte,
è da astradà i nostri passi in la via di a pace. »
Esaïe 9.2 Matthieu 4.16 Actes 26.18 Romains 3.17 Psaumes 85.10-85.13
80 È u zitellu ingrandava è pigliava forza cù u spiritu, è stede in lu disertu finu à u ghjornu ch’ellu si fece vede da Israele.
Luc 2.40 Luc 2.52 Matthieu 3.1 1 Samuel 3.19-3.20 Juges 13.24-13.25