1 Cumu chì a Pasqua è a festa di i pani azimi, cascavanu dui ghjorni dopu, i capisacerdoti è i Maestri di a Lege circavanu cume pigliallu à tradimentu, per fallu more.
Jean 13.1 Luc 22.1-22.2 Exode 12.6-12.20 Lévitique 23.5-23.7 Deutéronome 16.1-16.8
2 Ma si dicianu : « micca u ghjornu di a festa, per ch’ellu ùn ci sìa rimusciu inde u populu. »
Jean 12.19 Jean 7.40 Matthieu 26.5 Lamentations 3.27 Proverbes 21.30
3 Mentre chì Ghjesù si truvava à a Betania, in traccia di manghjà in casa di Simone u leprosu, ghjunse una donna cù un vasettu d’alabastru pienu d’oliu di spighe di nardu, oliu prufumatu, puru, è di gran valore. Rumpendu l’alabastru, a donna li ne versò u cuntenutu in capu.
Luc 7.37-7.39 Matthieu 21.17 Matthieu 26.6-26.13 Cantique 5.5 Jean 11.2
4 Ma unipochi eranu in furia è dicianu trà di elli : « à chì ghjova di ghjettà st’ogliu prufumatu !
Jean 12.4-12.5 Matthieu 26.8-26.9 Ecclésiaste 4.4 Ecclésiaste 5.4-5.8 Malachie 1.12-1.13
5 Omu l’averìa pussutu vende più di trecentu danari, è fanne prufeta i poveri. » È a si pigliavanu cù quella donna.
Jean 13.29 Matthieu 20.11 Jean 6.43 Jean 6.7 Psaumes 106.25
6 Ma Ghjesù disse : « lasciatela, perchè chè vo’ a frasturnate ? Hà fattu una opera bona in mio favore.
Tite 3.14 Tite 2.14 2 Thessaloniciens 2.17 Job 42.7-42.8 Tite 3.8
7 Ghjà chì i poveri, frà voi, ci seranu sempre. È li puterete fà u bè quand’è vo’vulerete. À mè ùn m’averete micca sempre.
Deutéronome 15.11 Matthieu 26.11 Jean 12.7-12.8 Actes 3.21 1 Jean 3.16-3.19
8 Ella hà fattu secondu i so mezi, hà anticipatu l’unzione di u miò cadaveru pè u miò funerale.
2 Corinthiens 8.12 Marc 15.42-16.1 Psaumes 110.3 2 Chroniques 31.20-31.21 Luc 23.53-24.3
9 A vi dicu da veru : Duv’ellu serà annunziatu u Vangelu, inde u mondu sanu, ciò ch’ella vene di fà sera racuntatu in memoria d’ella. »
Marc 16.15 Matthieu 24.14 Nombres 31.54 Matthieu 26.12-26.13 Psaumes 112.6-112.9
10 È Ghjuda Iscariotu, unu di i dodeci, andede à truvà i capisacerdoti per metteli à Ghjesù in manu.
Luc 22.3-22.6 Jean 13.2 Matthieu 26.14-26.16 Jean 13.30 Matthieu 10.4
11 È quelli, sentendu a pruposta, si ralegronu, è li prumessenu di pagallu in danari. È Ghjuda circava u mumentu à prupiziu da metelilu in manu.
1 Timothée 6.10 Jude 1.11 Proverbes 1.10-1.16 Matthieu 26.15 1 Rois 21.20
12 U primu ghjornu di a festa di i pani azimi, quand’ellu si sacrificava a Pasqua, i discepuli li dissenu : « duve voli ch’è no’ vagamu per appruntà da chè tù manghji a Pasqua ? »
Deutéronome 16.1-16.4 Exode 12.6 Exode 12.18 Exode 12.8 Matthieu 26.17-26.19
13 Mandede dui di i so discepuli dicenduli : « andate in cità, avete da scuntrà un omu chì porta una ceretta d’acqua. Seguitatelu.
Marc 11.2-11.3 Jean 15.14 Hébreux 4.13 Matthieu 26.18-26.19 Jean 2.5
14 È duv’ellu entrerà dicerete à u patrone di casa : ‘Hè u maestru chì dumanda : Duve hè a stanza duv’e’ puderaghju manghjà a Pasqua cù i miò discepuli’?
Jean 11.28 Marc 10.17 Jean 13.13 Apocalypse 3.20 Marc 11.3
15 Ellu vi mustrerà una stanza da cenà, maiò è cù tuttu ciò chì accorre. È custì ferete l’approntu per noi. »
Actes 1.13 2 Chroniques 6.30 Proverbes 21.1-21.2 Psaumes 110.3 Actes 20.8
16 I discepuli partedenu. Ghjunti in cità truvedenu e cose cumu chì Ghjesù avia dettu è fecenu l’approntu pè a Pasqua.
Jean 16.4 Luc 22.13 Luc 22.35
17 Inde a serata ghjunse cù i dodeci.
Luc 22.14 Jean 13.21-13.26 Luc 22.21-22.23 Matthieu 26.20-26.24
18 Mentre chì elli eranu à tavulinu è chì elli manghjavanu, Ghjesù disse : « a vi dicu da veru, unu di voi m’hà da tradisce, unu chì manghja cù mè. »
Psaumes 41.9 Jean 6.70 Marc 9.1 Marc 10.29 Matthieu 6.16
19 Li vense a tristezza, è, unu dopu à l’altru, li dumandedenu : « averaghju da esse eiu ? »
Luc 22.21-22.23 Jean 13.22 Matthieu 26.22
20 Ma ellu li disse : « unu di i dodeci chì ciotta cù mè a manu inde a scudella.
Jean 13.26 Marc 14.43 Matthieu 26.47 Matthieu 26.23 Luc 22.47
21 U Figliolu di l’Omu si ne va, cumu ch’ella hè scritta à puntu d’ellu. Ma guai à l’omu per vìa di quale u Figliolu di l’Omu sera traditu, megliu per ellu ch’ellu ùn fussi mai natu. »
Esaïe 52.14 Actes 2.23 Zacharie 13.7 Psaumes 22.1-22.31 Jean 19.36-19.37
22 È mentre ch’elli facianu cena, Ghjesù prese u pane. Avendulu benedettu, u spezzò, u li dede è disse : « pigliate, què hè u corpu meiu. »
Matthieu 26.26-26.29 Matthieu 14.19 Luc 24.30 Marc 14.24 Marc 6.41
23 È pigliendu u calice, dopu rese e grazie u li dede, è ne beinu tutti.
1 Corinthiens 10.16 Romains 14.6 Luc 22.17 Marc 14.22 Matthieu 26.27
24 È li disse : « Què hè u mio sangue di l’allianza, chì sera spartu per parechji.
Exode 24.8 Zacharie 9.11 Apocalypse 5.8-5.10 Jean 6.53 1 Corinthiens 10.16
25 A vi dicu da veru : Oramai, di u fruttu di a vigna, ùn ne beieraghju più, fin’à u ghjornu ch’eiu u beieraghju, novu, inde u Regnu di Diu. »
Psaumes 104.15 Matthieu 26.29 Luc 22.16-22.18 Zacharie 9.17 Amos 9.13-9.14
26 Poi, avendu cantatu l’innu, andedenu inde a culletta à l’Olivetu.
Matthieu 26.30 Matthieu 21.1 Luc 22.39 Apocalypse 5.9 Psaumes 47.6-47.7
27 È Ghjesù li disse : « inciamperete tutti, secondu ciò chì hè scrittu :
percuteraghju u pastore
è e pecure si sbanderanu.
Zacharie 13.7 Jean 16.32 Matthieu 26.31 Jean 16.1 2 Timothée 4.16
28 Ma dopu ressuscitatu, anderaghju innanzu à voi in Galilea. »
Matthieu 28.16 Marc 16.7 Matthieu 28.7 Matthieu 28.10 Jean 21.1
29 Tandu Petru li disse : « puru ch’elli inciampinu tutti l’altri, eiu micca. »
Matthieu 26.33-26.35 Jean 13.36-13.38 Luc 22.33-22.34 Jean 21.15
30 È Ghjesù li rispose : « a ti dicu da veru : tù, oghje, sta notte, prima chì u ghjallu canti pè a seconda volta, m’hai da renegà trè volte. »
Marc 14.66-14.72 Jean 13.38 Genèse 1.19 Luc 22.34 Genèse 1.8
31 È Petru dicia ancu più forte : « puru s’eiu avessi da more cun tè, ùn ti renegheraghju. » È tutti dicianu listessa.
Proverbes 29.23 Psaumes 30.6 Job 40.4-40.5 Exode 19.8 Deutéronome 5.27-5.29
32 È ghjunsenu ind’un locu chjamatu Ghjetsemani. È Ghjesù disse à i so discepuli : « pusate quì ind’u mentre ch’eiu preca. »
Marc 14.36 Marc 14.39 Matthieu 26.36-26.46 Psaumes 109.4 Luc 22.39-22.46
33 È chjamò cun ellu à Petru, à Ghjacumu è à Ghjuvanni, è fù pigliatu di spaventu è d’affanni.
Luc 22.44 Marc 5.37 Marc 9.2 Marc 1.16-1.19 Esaïe 53.10
34 È li disse : « a miò anima soffre à morte. State quì è tenite l’ochji aperti. »
Jean 12.27 Marc 13.35-13.37 1 Pierre 5.8 Ephésiens 6.18-6.19 Lamentations 1.12
35 Poi, alluntanendusi appena, si lampava in pianu, precendu chì, s’ella era pussibule, ch’ella s’alluntanessi st’ora da ellu.
Hébreux 5.7 Marc 14.41 1 Chroniques 21.15-21.16 Genèse 17.3 Deutéronome 9.18
36 È disse: « abbà! o Padre, tuttu ti hè pussibule. Alluntana mi stu calice. Ma ch’ella ùn sia ciò ch’e’ vogliu eiu, ma ciò chè tù voli tù. »
Philippiens 2.8 Jean 5.30 Galates 4.6 Hébreux 5.7-5.8 Jean 18.11
37 Poi rivense, è i truvede chì durmianu.È disse à Petru : « o Simò, dormi ? Ùn sì statu capace di tene l’ochji aperti un’ ora ?
Marc 14.40-14.41 Luc 22.45-22.46 Luc 9.31-9.32 Marc 14.29-14.31 Matthieu 25.5
38 Tenite l’ochji aperti è precate per ùn succombe in lu provu ; chì u spiritu hè prontu, ma a carne è debbule. »
Matthieu 26.41 Luc 22.40 Romains 7.18-7.25 Luc 22.46 Matthieu 24.42
39 È s’alluntanò torna è preca ripetendu e stesse parolle.
Matthieu 6.7 Matthieu 26.42-26.44 Luc 18.1 2 Corinthiens 12.8
40 Poi rivense è i truvede torna chì durmianu, chì eranu accegati da u sonnu, è un sapìanu chì rispondeli.
Genèse 44.16 Marc 9.33-9.34 Romains 3.19
41 È rivense pè a terza volta, è li disse : « durmite puru è ripusatevi, basta, hè ghjunta l’ora, eccu chì u Figliolu di l’Omu hè messu in manu à i peccatori.
Marc 9.31 Marc 14.35 Matthieu 26.2 Jean 12.23 Marc 14.18
42 Arritti. Aiò ! Quellu chì mi tradisce hè vicinu. »
Jean 18.1-18.2 Matthieu 26.46
43 È di colpu, mentre ch’ellu parlava sempre, ghjunse Ghjuda Iscariotu, unu di i dodeci, è cun ellu una folla cù spade è bastoni, mandata da i capisacerdoti, da i Maestri di a Lege è da l’anziani.
Actes 1.16 Matthieu 26.47-26.56 Psaumes 2.1-2.2 Psaumes 22.11-22.13 Jean 18.3-18.11
44 È u traditore l’avìa indiziati, dicendu : « Quellu ch’eiu basgeraghju, hè ellu. Aguantatelu è tenitelu sicuru. »
Matthieu 26.48-26.50 Philippiens 1.28 2 Samuel 20.9-20.10 1 Samuel 23.22-23.23 Proverbes 27.6
45 È subitu ghjuntu, Ghjuda li s’accustede è li disse : « Rabbì ! » È li dede un basgiu.
Esaïe 1.3 Luc 6.46 Malachie 1.6 Jean 20.16 Jean 13.13-13.14
46 È l’altri li messenu e mane à collu è l’aguantedinu.
Actes 2.23 Jean 18.12 Lamentations 4.20 Juges 16.21
47 Unu di quelli ch’eranu cù Ghjesù, cacciendu a spada, ne menò un servu di u capisacerdote è li tagliò l’orechja.
Jean 18.10-18.11 Matthieu 26.51-26.54 Luc 22.49-22.51
48 È Ghjesù pigliò è disse : « cum’è pè un banditu site venuti à pigliammi cù spade è bastoni.
Matthieu 26.55 1 Samuel 24.14-24.15 1 Samuel 26.18 Luc 22.52-22.53
49 Ogni ghjornu era cun voi è insignava inde u tempiu, è ùn mi pigliaste. Ma hè perch’elle sianu cumpiite e scritture. »
Jean 18.20 Matthieu 26.56 Matthieu 26.54 Marc 12.35 Matthieu 1.22
50 Tandu u lascionu tutti è fughjinu.
Marc 14.27 Psaumes 38.11 Psaumes 88.18 Jean 16.32 2 Timothée 4.16
51 Ma un zitellone chì u seguitava vestutu d’un lenzolu è basta, si fece piglià,
52 è ellu, lasciendusi u lenzolu, fughjì, nudu.
Marc 13.14-13.16 Genèse 39.12 Job 2.4
53 È cundussenu à Ghjesù davanti à u primu capisacerdote, è ci si eranu aduniti tutti i capisacerdoti, l’anziani è i Maestri di a Lege.
Matthieu 26.57-26.68 Marc 15.1 Esaïe 53.7 Jean 18.12-18.14 Luc 22.54-22.62
54 È Petru, chì avìa seguitatu à e longhe fin’à dentru à a corte di u primu capisacerdote, pusava à u focu cù i servi è si scaldava.
Jean 18.18 Matthieu 26.3 Marc 14.67-14.68 Jean 18.15-18.16 Marc 14.29-14.31
55 È i capisacerdoti è tuttu u cunsigliu, circavanu una testimunianza contru à Ghjesù, per fallu more, ma ùn ne truvavanu.
Matthieu 5.22 Psaumes 35.11 Actes 6.11-6.13 Daniel 6.4 1 Rois 21.10
56 Infatti parechji ghjuravanu u falzu contru à Ghjesù ma e sò testimunianze ùn si cuntravanu micca.
57 È unipochi, s’arizzavanu è ghjuravanu u falzu contru a ellu, dicendu :
Matthieu 26.60-26.61 Jérémie 26.8-26.9 Actes 6.13-6.14 Jean 2.18-2.21 Marc 15.29
58 « noi l’avemu intesu dì : distrughjeraghju stu tempiu fattu da a manu di l’omi, è in trè ghjorni, n’arrizzaraghju un altru, chì ùn serà fattu di manu. »
Hébreux 9.24 Jean 2.19 Hébreux 9.11 Actes 7.48 2 Corinthiens 5.1
59 Ma mancu cusì e so testimunianze ùn si cuntravanu.
60 È, arrizzendusi à mezu à tutti, u primu capisacerdote interrugò à Ghjesù dicendu : « ùn rispondi nunda à e so tistimunianze contru à tè ? »
Jean 19.9-19.10 Matthieu 26.62-26.63 Marc 15.3-15.5
61 Ghjesù si stava zittu, è un rispundia nunda. È torna u capisacerdote l’interrugò è li disse : « tù serìa u Cristu, u figliolu di u Diu benedettu ? »
Esaïe 53.7 Matthieu 26.63-26.64 Marc 15.2 Matthieu 16.16 Matthieu 8.29
62 È Ghjesù li disse : « sò eiu, è
viderete u Figliolu di l’Omu
pusatu à destra di a putenza di Diu
è chì venerà cù i nuli di u celu. »
Psaumes 110.1 Daniel 7.13-7.14 Matthieu 24.30 Hébreux 1.3 Marc 13.26
63 Tandu u capisacerdote, straccendu i so panni disse : « chì avemu più bisognu di testimonii ?
Nombres 14.6 Matthieu 26.65 Lévitique 21.10 Jérémie 36.23-36.24 Actes 14.13-14.14
64 Avete intesu a ghjistema. Chì vi ne pare ? » È tutti ghjudiconu ch’ellu era degnu di morte.
Lévitique 24.16 Jean 5.18 Luc 22.71 Jean 10.31-10.33 Jean 8.58-8.59
65 È unipochi messenu à stupalli à dossu, à velalli a faccia, à menalli i pugni è à dilli : « induvina ! » È i servi u piglionu à schiaffi.
Actes 23.2 Marc 15.19 Luc 22.63-22.64 Esaïe 50.6 Matthieu 26.67-26.68
66 È mentre chì Petru era in ghjò ind’a corte, ghjunse una di e serve di u primu capisacerdote,
Marc 14.54 Matthieu 26.69-26.75 Matthieu 26.58 Luc 22.55-22.62 Jean 18.15-18.18
67 è videndu à Petru chì si scaldava, u guardò in faccia è li disse : « ancu tù era cù Ghjesù u Nazarenu ! »
Marc 14.54 Matthieu 2.23 Jean 1.45-1.49 Marc 10.47 Jean 19.19
68 Ma ellu negò dicendu : « nè u cunnoscu, nè capiscu ciò ch’è tù dici. » Poi escì fora davanti à a corte. [È un ghjallu cantò].
Marc 14.72 Matthieu 26.71-26.72 Jean 13.36-13.38 Marc 14.29-14.31 2 Timothée 2.12-2.13
69 È a serva, videndulu, messe torna à dì à a ghjente presente : « Què hè di i soi. »
Jean 18.25 Luc 22.58 Jean 18.17 Galates 6.1 Marc 14.38
70 Ma Petru negò torna. Una stonda dopu, quelli chì eranu presenti dissenu à Petru : « sì di sicuru unu di i soi, chì sì Galileu ancu tù. »
Actes 2.7 Marc 14.68 Juges 12.6 Matthieu 26.73-26.74 Jean 18.26-18.27
71 È ellu cumenciò à ghjistimassi è à ghjurà : « eiu un cunnoscu st’omu chì voi dite. »
1 Corinthiens 10.12 2 Rois 8.12-8.15 Jérémie 17.9 2 Rois 10.32
72 È subitu, un ghjallu cantede pè a seconda volta. È Petru si ramentò a parolla chì Ghjesù l’avia dettu : « prima ch’ellu canti due volte u ghjallu, m’ai da renegà trè volte. » Tandu, esci precipitatu è si messe à pienghje.
Marc 14.68 Marc 14.30 Matthieu 26.34 Matthieu 26.74-26.75 2 Samuel 24.10