Cumplottu per tumbà à Ghjesù
1 Cumu chì a Pasqua è a festa di i pani azimi, cascavanu dui ghjorni dopu, i capisacerdoti è i Maestri di a Lege circavanu cume pigliallu à tradimentu, per fallu more.
Exode 12.6-12.20 Jean 13.1 Luc 22.1-22.2 Lévitique 23.5-23.7 Deutéronome 16.1-16.8
2 Ma si dicianu : « micca u ghjornu di a festa, per ch’ellu ùn ci sìa rimusciu inde u populu. »
Luc 20.6 Proverbes 19.21 Jean 12.19 Jean 7.40 Matthieu 26.5
L’unzione
3 Mentre chì Ghjesù si truvava à a Betania, in traccia di manghjà in casa di Simone u leprosu, ghjunse una donna cù un vasettu d’alabastru pienu d’oliu di spighe di nardu, oliu prufumatu, puru, è di gran valore. Rumpendu l’alabastru, a donna li ne versò u cuntenutu in capu.
Matthieu 21.17 Luc 7.37-7.39 Jean 12.1-12.8 Matthieu 26.6-26.13 Cantique 5.5
4 Ma unipochi eranu in furia è dicianu trà di elli : « à chì ghjova di ghjettà st’ogliu prufumatu !
Jean 12.4-12.5 Matthieu 26.8-26.9 Malachie 1.12-1.13 Ecclésiaste 4.4 Ecclésiaste 5.4-5.8
5 Omu l’averìa pussutu vende più di trecentu danari, è fanne prufeta i poveri. » È a si pigliavanu cù quella donna.
Jean 13.29 Deutéronome 1.27 Luc 15.2 Matthieu 20.11 Jean 6.43
6 Ma Ghjesù disse : « lasciatela, perchè chè vo’ a frasturnate ? Hà fattu una opera bona in mio favore.
Actes 9.36 2 Corinthiens 9.8 Tite 2.7 Hébreux 10.24 2 Timothée 3.17
7 Ghjà chì i poveri, frà voi, ci seranu sempre. È li puterete fà u bè quand’è vo’vulerete. À mè ùn m’averete micca sempre.
Deutéronome 15.11 Matthieu 26.11 Jean 13.33 Jean 12.7-12.8 Actes 3.21
8 Ella hà fattu secondu i so mezi, hà anticipatu l’unzione di u miò cadaveru pè u miò funerale.
2 Corinthiens 8.12 2 Corinthiens 8.1-8.3 1 Chroniques 28.2-28.3 Marc 15.42-16.1 Psaumes 110.3
9 A vi dicu da veru : Duv’ellu serà annunziatu u Vangelu, inde u mondu sanu, ciò ch’ella vene di fà sera racuntatu in memoria d’ella. »
Marc 16.15 Psaumes 112.6-112.9 Zacharie 6.14 Matthieu 24.14 Nombres 31.54
Ghjuda s’appronta à tradisce à Ghjesù
10 È Ghjuda Iscariotu, unu di i dodeci, andede à truvà i capisacerdoti per metteli à Ghjesù in manu.
Luc 22.3-22.6 Jean 13.2 Matthieu 26.14-26.16 Matthieu 10.4 Jean 13.30
11 È quelli, sentendu a pruposta, si ralegronu, è li prumessenu di pagallu in danari. È Ghjuda circava u mumentu à prupiziu da metelilu in manu.
Proverbes 28.21-28.22 Luc 22.5-22.6 1 Timothée 6.10 Jude 1.11 Proverbes 1.10-1.16
A Pasqua cù i discepuli
12 U primu ghjornu di a festa di i pani azimi, quand’ellu si sacrificava a Pasqua, i discepuli li dissenu : « duve voli ch’è no’ vagamu per appruntà da chè tù manghji a Pasqua ? »
Exode 12.8 Deutéronome 16.1-16.4 Exode 12.6 Exode 12.18 Nombres 28.16-28.18
13 Mandede dui di i so discepuli dicenduli : « andate in cità, avete da scuntrà un omu chì porta una ceretta d’acqua. Seguitatelu.
Luc 19.30-19.33 Luc 22.10-22.13 Marc 11.2-11.3 Jean 15.14 Hébreux 4.13
14 È duv’ellu entrerà dicerete à u patrone di casa : ‘Hè u maestru chì dumanda : Duve hè a stanza duv’e’ puderaghju manghjà a Pasqua cù i miò discepuli’?
Apocalypse 3.20 Marc 11.3 Jean 11.28 Marc 10.17 Jean 13.13
15 Ellu vi mustrerà una stanza da cenà, maiò è cù tuttu ciò chì accorre. È custì ferete l’approntu per noi. »
Actes 1.13 2 Chroniques 6.30 Proverbes 21.1-21.2 Psaumes 110.3 Actes 20.8
16 I discepuli partedenu. Ghjunti in cità truvedenu e cose cumu chì Ghjesù avia dettu è fecenu l’approntu pè a Pasqua.
Luc 22.13 Luc 22.35 Jean 16.4
17 Inde a serata ghjunse cù i dodeci.
Luc 22.14 Matthieu 26.20-26.24 Jean 13.21-13.26 Luc 22.21-22.23
18 Mentre chì elli eranu à tavulinu è chì elli manghjavanu, Ghjesù disse : « a vi dicu da veru, unu di voi m’hà da tradisce, unu chì manghja cù mè. »
Psaumes 41.9 Jean 6.70 Marc 14.9 Jean 21.18 Matthieu 6.2
19 Li vense a tristezza, è, unu dopu à l’altru, li dumandedenu : « averaghju da esse eiu ? »
Jean 13.22 Matthieu 26.22 Luc 22.21-22.23
20 Ma ellu li disse : « unu di i dodeci chì ciotta cù mè a manu inde a scudella.
Jean 13.26 Luc 22.47 Jean 6.71 Marc 14.43 Matthieu 26.47
21 U Figliolu di l’Omu si ne va, cumu ch’ella hè scritta à puntu d’ellu. Ma guai à l’omu per vìa di quale u Figliolu di l’Omu sera traditu, megliu per ellu ch’ellu ùn fussi mai natu. »
Genèse 3.15 Esaïe 52.14 Actes 2.23 Zacharie 13.7 Psaumes 22.1-22.31
L’ultima cena
22 È mentre ch’elli facianu cena, Ghjesù prese u pane. Avendulu benedettu, u spezzò, u li dede è disse : « pigliate, què hè u corpu meiu. »
Matthieu 26.26-26.29 Luc 22.18-22.20 Jean 6.23 Matthieu 14.19 Luc 24.30
23 È pigliendu u calice, dopu rese e grazie u li dede, è ne beinu tutti.
1 Corinthiens 10.16 Marc 14.22 Matthieu 26.27 Romains 14.6 Luc 22.17
24 È li disse : « Què hè u mio sangue di l’allianza, chì sera spartu per parechji.
Exode 24.8 Zacharie 9.11 Marc 10.45 Apocalypse 5.8-5.10 Jean 6.53
25 A vi dicu da veru : Oramai, di u fruttu di a vigna, ùn ne beieraghju più, fin’à u ghjornu ch’eiu u beieraghju, novu, inde u Regnu di Diu. »
Matthieu 26.29 Psaumes 104.15 Joël 3.18 Luc 22.16-22.18 Zacharie 9.17
26 Poi, avendu cantatu l’innu, andedenu inde a culletta à l’Olivetu.
Matthieu 26.30 Matthieu 21.1 Luc 22.39 Jacques 5.13 Actes 16.25
Ghjesù annunzia u tradimentu di Petru
27 È Ghjesù li disse : « inciamperete tutti, secondu ciò chì hè scrittu :
percuteraghju u pastore
è e pecure si sbanderanu.
Zacharie 13.7 Matthieu 26.31 Jean 16.32 Luc 22.31-22.32 Jean 16.1
28 Ma dopu ressuscitatu, anderaghju innanzu à voi in Galilea. »
Matthieu 28.16 Marc 16.7 Matthieu 28.7 Matthieu 28.10 Matthieu 26.32
29 Tandu Petru li disse : « puru ch’elli inciampinu tutti l’altri, eiu micca. »
Luc 22.33-22.34 Jean 21.15 Matthieu 26.33-26.35 Jean 13.36-13.38
30 È Ghjesù li rispose : « a ti dicu da veru : tù, oghje, sta notte, prima chì u ghjallu canti pè a seconda volta, m’hai da renegà trè volte. »
Marc 14.66-14.72 Jean 13.38 Jean 18.17 Genèse 1.19 Luc 22.34
31 È Petru dicia ancu più forte : « puru s’eiu avessi da more cun tè, ùn ti renegheraghju. » È tutti dicianu listessa.
Proverbes 18.24 Jean 13.37 Proverbes 29.23 Psaumes 30.6 Job 40.4-40.5
Ghjesù preca in Ghjetsemani
32 È ghjunsenu ind’un locu chjamatu Ghjetsemani. È Ghjesù disse à i so discepuli : « pusate quì ind’u mentre ch’eiu preca. »
Marc 14.36 Marc 14.39 Matthieu 26.36-26.46 Psaumes 88.1-88.3 Psaumes 18.5-18.6
33 È chjamò cun ellu à Petru, à Ghjacumu è à Ghjuvanni, è fù pigliatu di spaventu è d’affanni.
Luc 22.44 Marc 5.37 Psaumes 88.14-88.16 Psaumes 69.1-69.3 Marc 9.2
34 È li disse : « a miò anima soffre à morte. State quì è tenite l’ochji aperti. »
Jean 12.27 Marc 13.35-13.37 Esaïe 53.3-53.4 1 Pierre 4.7 1 Pierre 5.8
35 Poi, alluntanendusi appena, si lampava in pianu, precendu chì, s’ella era pussibule, ch’ella s’alluntanessi st’ora da ellu.
Hébreux 5.7 Marc 14.41 Actes 10.25-10.26 Apocalypse 5.14 1 Chroniques 21.15-21.16
36 È disse: « abbà! o Padre, tuttu ti hè pussibule. Alluntana mi stu calice. Ma ch’ella ùn sia ciò ch’e’ vogliu eiu, ma ciò chè tù voli tù. »
Galates 4.6 Philippiens 2.8 Jean 5.30 Jean 12.27 Jean 6.38-6.39
37 Poi rivense, è i truvede chì durmianu.È disse à Petru : « o Simò, dormi ? Ùn sì statu capace di tene l’ochji aperti un’ ora ?
Hébreux 12.3 2 Samuel 16.17 Marc 14.40-14.41 Luc 22.45-22.46 Luc 9.31-9.32
38 Tenite l’ochji aperti è precate per ùn succombe in lu provu ; chì u spiritu hè prontu, ma a carne è debbule. »
Matthieu 26.41 Luc 22.40 Romains 7.18-7.25 Luc 22.46 Apocalypse 3.2-3.3
39 È s’alluntanò torna è preca ripetendu e stesse parolle.
Matthieu 6.7 Matthieu 26.42-26.44 Luc 18.1 2 Corinthiens 12.8
40 Poi rivense è i truvede torna chì durmianu, chì eranu accegati da u sonnu, è un sapìanu chì rispondeli.
Marc 9.33-9.34 Romains 3.19 Genèse 44.16
41 È rivense pè a terza volta, è li disse : « durmite puru è ripusatevi, basta, hè ghjunta l’ora, eccu chì u Figliolu di l’Omu hè messu in manu à i peccatori.
Marc 9.31 Marc 14.35 Jean 17.1 Jean 13.1-13.2 Ecclésiaste 11.9
42 Arritti. Aiò ! Quellu chì mi tradisce hè vicinu. »
Jean 18.1-18.2 Matthieu 26.46
Ghjesù hè arrestatu
43 È di colpu, mentre ch’ellu parlava sempre, ghjunse Ghjuda Iscariotu, unu di i dodeci, è cun ellu una folla cù spade è bastoni, mandata da i capisacerdoti, da i Maestri di a Lege è da l’anziani.
Actes 1.16 Matthieu 26.47-26.56 Psaumes 3.1-3.2 Luc 22.47-22.53 Psaumes 2.1-2.2
44 È u traditore l’avìa indiziati, dicendu : « Quellu ch’eiu basgeraghju, hè ellu. Aguantatelu è tenitelu sicuru. »
Exode 12.13 2 Thessaloniciens 3.17 Matthieu 26.48-26.50 Philippiens 1.28 2 Samuel 20.9-20.10
45 È subitu ghjuntu, Ghjuda li s’accustede è li disse : « Rabbì ! » È li dede un basgiu.
Marc 12.14 Matthieu 23.7-23.10 Esaïe 1.3 Luc 6.46 Malachie 1.6
46 È l’altri li messenu e mane à collu è l’aguantedinu.
Lamentations 4.20 Juges 16.21 Actes 2.23 Jean 18.12
47 Unu di quelli ch’eranu cù Ghjesù, cacciendu a spada, ne menò un servu di u capisacerdote è li tagliò l’orechja.
Matthieu 26.51-26.54 Luc 22.49-22.51 Jean 18.10-18.11
48 È Ghjesù pigliò è disse : « cum’è pè un banditu site venuti à pigliammi cù spade è bastoni.
1 Samuel 26.18 Luc 22.52-22.53 Matthieu 26.55 1 Samuel 24.14-24.15
49 Ogni ghjornu era cun voi è insignava inde u tempiu, è ùn mi pigliaste. Ma hè perch’elle sianu cumpiite e scritture. »
Luc 22.37 Luc 24.44-24.45 Jean 8.2 Jean 18.20 Matthieu 26.56
50 Tandu u lascionu tutti è fughjinu.
Marc 14.27 Jean 16.32 Psaumes 38.11 Psaumes 88.18 Psaumes 88.7-88.8
U zitellone chì fughje
51 Ma un zitellone chì u seguitava vestutu d’un lenzolu è basta, si fece piglià,
52 è ellu, lasciendusi u lenzolu, fughjì, nudu.
Marc 13.14-13.16 Genèse 39.12 Job 2.4
Ghjesù à u tribunale di Caiffa
53 È cundussenu à Ghjesù davanti à u primu capisacerdote, è ci si eranu aduniti tutti i capisacerdoti, l’anziani è i Maestri di a Lege.
Matthieu 26.57-26.68 Jean 18.19-18.24 Matthieu 26.3 Marc 15.1 Esaïe 53.7
54 È Petru, chì avìa seguitatu à e longhe fin’à dentru à a corte di u primu capisacerdote, pusava à u focu cù i servi è si scaldava.
Jean 18.18 Matthieu 26.3 1 Samuel 13.7 Marc 14.67-14.68 Jean 18.15-18.16
55 È i capisacerdoti è tuttu u cunsigliu, circavanu una testimunianza contru à Ghjesù, per fallu more, ma ùn ne truvavanu.
1 Rois 21.13 Matthieu 26.59-26.60 Matthieu 5.22 Psaumes 35.11 Actes 6.11-6.13
56 Infatti parechji ghjuravanu u falzu contru à Ghjesù ma e sò testimunianze ùn si cuntravanu micca.
57 È unipochi, s’arizzavanu è ghjuravanu u falzu contru a ellu, dicendu :
Matthieu 26.60-26.61 Jérémie 26.18 Matthieu 27.40 Jérémie 26.8-26.9 Actes 6.13-6.14
58 « noi l’avemu intesu dì : distrughjeraghju stu tempiu fattu da a manu di l’omi, è in trè ghjorni, n’arrizzaraghju un altru, chì ùn serà fattu di manu. »
Jean 2.19 Hébreux 9.24 Hébreux 9.11 Actes 7.48 2 Corinthiens 5.1
59 Ma mancu cusì e so testimunianze ùn si cuntravanu.
60 È, arrizzendusi à mezu à tutti, u primu capisacerdote interrugò à Ghjesù dicendu : « ùn rispondi nunda à e so tistimunianze contru à tè ? »
Matthieu 26.62-26.63 Marc 15.3-15.5 Jean 19.9-19.10
61 Ghjesù si stava zittu, è un rispundia nunda. È torna u capisacerdote l’interrugò è li disse : « tù serìa u Cristu, u figliolu di u Diu benedettu ? »
Esaïe 53.7 Matthieu 26.63-26.64 Marc 15.2 Matthieu 16.16 Jean 19.9
62 È Ghjesù li disse : « sò eiu, è
viderete u Figliolu di l’Omu
pusatu à destra di a putenza di Diu
è chì venerà cù i nuli di u celu. »
Psaumes 110.1 Daniel 7.13-7.14 Hébreux 1.3 Matthieu 24.30 Marc 13.26
63 Tandu u capisacerdote, straccendu i so panni disse : « chì avemu più bisognu di testimonii ?
Nombres 14.6 Matthieu 26.65 Lévitique 21.10 Actes 14.13-14.14 Esaïe 36.22-37.1
64 Avete intesu a ghjistema. Chì vi ne pare ? » È tutti ghjudiconu ch’ellu era degnu di morte.
Lévitique 24.16 Matthieu 26.65-26.66 Jean 19.7 Jean 5.18 Luc 22.71
65 È unipochi messenu à stupalli à dossu, à velalli a faccia, à menalli i pugni è à dilli : « induvina ! » È i servi u piglionu à schiaffi.
Matthieu 26.67-26.68 Actes 23.2 Marc 15.19 Luc 22.63-22.64 Esaïe 50.6
Petru rinega à Ghjesù
66 È mentre chì Petru era in ghjò ind’a corte, ghjunse una di e serve di u primu capisacerdote,
Marc 14.54 Jean 18.25-18.27 Matthieu 26.69-26.75 Matthieu 26.58 Luc 22.55-22.62
67 è videndu à Petru chì si scaldava, u guardò in faccia è li disse : « ancu tù era cù Ghjesù u Nazarenu ! »
Marc 14.54 Marc 1.24 Actes 10.38 Matthieu 2.23 Jean 1.45-1.49
68 Ma ellu negò dicendu : « nè u cunnoscu, nè capiscu ciò ch’è tù dici. » Poi escì fora davanti à a corte. [È un ghjallu cantò].
Marc 14.29-14.31 2 Timothée 2.12-2.13 Marc 14.72 Matthieu 26.71-26.72 Jean 13.36-13.38
69 È a serva, videndulu, messe torna à dì à a ghjente presente : « Què hè di i soi. »
Galates 6.1 Marc 14.38 Jean 18.25 Luc 22.58 Jean 18.17
70 Ma Petru negò torna. Una stonda dopu, quelli chì eranu presenti dissenu à Petru : « sì di sicuru unu di i soi, chì sì Galileu ancu tù. »
Actes 2.7 Jean 18.26-18.27 Luc 22.59-22.60 Marc 14.68 Juges 12.6
71 È ellu cumenciò à ghjistimassi è à ghjurà : « eiu un cunnoscu st’omu chì voi dite. »
Jérémie 17.9 2 Rois 10.32 1 Corinthiens 10.12 2 Rois 8.12-8.15
72 È subitu, un ghjallu cantede pè a seconda volta. È Petru si ramentò a parolla chì Ghjesù l’avia dettu : « prima ch’ellu canti due volte u ghjallu, m’ai da renegà trè volte. » Tandu, esci precipitatu è si messe à pienghje.
Marc 14.30 Marc 14.68 Luc 15.17-15.19 Matthieu 26.34 Matthieu 26.74-26.75