Juges 18.27
Bible en Swahili de l’est

¹ Siku hizo hapakuwa na mfalme katika Israeli; tena katika siku hizo kabila ya Wadani wakajitafutia urithi wapate mahali pa kukaa; maana hata siku hiyo urithi wao haujawaangukia kati ya kabila za Israeli.
Juges 17.6 Juges 19.1 Juges 21.25 Josué 19.40-19.48 Juges 1.34
² Basi wana wa Dani wakatuma watu wa jamaa zao, watu watano katika hesabu yao yote, watu mashujaa, kutoka Sora, na kutoka Eshtaoli, ili kuipeleleza hiyo nchi, kuiaua; wakawaambia, Haya, endeni mkaikague nchi hii; basi wakaifikilia nchi ya vilima vilima ya Efraimu, hata nyumba ya huyo Mika, Wakalala huko.
Juges 13.25 Josué 2.1 Nombres 13.17 Juges 18.8 Juges 18.11
³ Basi hapo walipokuwa karibu na nyumba ya Mika, wakatambua sauti yake huyo hirimu, huyo Mlawi; ndipo wakageuka wakaenda kuko, na kumwuliza, Je! Ni nani aliyekuleta wewe huku? Nawe wafanya nini mahali hapa? Una kazi gani hapa?
Esaïe 22.16 Juges 12.6 Genèse 27.22 Matthieu 26.73
⁴ Naye akawaambia, Hivi na hivi ndivyo alivyonifanyia Mika, ameniajiri, nami nimekuwa kuhani wake.
Juges 17.10 Juges 17.12 2 Pierre 2.3 Tite 1.11 Ezéchiel 13.19
⁵ Nao wakamwambia, Tafadhali tutakie shauri la Mungu, ili tupate kujua kwamba njia yetu tuiendeayo itafanikiwa.
1 Rois 22.5 Juges 17.5 Actes 8.10 2 Rois 16.15 Ezéchiel 21.21
⁶ Kuhani akawaambia, Haya endeni na amani; njia mnayoiendea i mbele za Bwana.
1 Rois 22.6 1 Thessaloniciens 3.11 1 Rois 22.12 Deutéronome 11.12 Psaumes 33.18
⁷ Ndipo hao watu watano wakaenda zao, wakafika Laisha, wakawaona wale watu waliokuwamo ndani yake, jinsi walivyokaa salama salimini kwa mfano wa walivyokaa hao Wasidoni, wenye starehe na hifadhi, kwa maana hapakuwa na mtu katika nchi hiyo aliyekuwa na amri, aliyeweza kuwatweza katika neno lo lote, nao walikuwa wa mbali na hao Wasidoni, wala hawakuwa na shughuli na mtu ye yote.
Josué 19.47 Juges 18.27-18.28 Romains 13.3 1 Samuel 3.13 Apocalypse 18.7
⁸ Kisha wakawarudia ndugu zao huko Sora na Eshtaoli; ndugu zao wakawauliza; Haya, mna habari gani?
Juges 18.2 Juges 18.11 Juges 16.31 Juges 13.2
⁹ Wakasema, Haya, inukeni, twende tukapigane nao; kwa maana tumeiona hiyo nchi nayo ni nchi nzuri sana; nanyi, je! Mwanyamaa tu? Msiwe wavivu kwenda, na kuingia, ili mpate kuimiliki nchi hiyo.
Josué 2.23-2.24 Nombres 13.30 Josué 18.3 Jean 6.27 2 Samuel 10.12
¹⁰ Hapo mtakapokwenda mtawafikilia watu wakaao salama salimini, na hiyo nchi nayo ni kubwa; kwa kuwa Mungu ameitia mikononi mwenu; ni mahali ambapo hapana kupungukiwa na kitu cho chote kilicho duniani.
Juges 18.7 Juges 18.27 Deutéronome 2.29 Deutéronome 8.7-8.9 Josué 6.16
¹¹ Basi wakatoka hapo watu mia sita waliovaa silaha za vita, wa jamaa ya Wadani, kutoka Sora, na kutoka Eshtaoli.
Juges 18.16
¹² Wakakwea juu na kupiga kambi huko Kiriath-yearimu, katika Yuda; kwa sababu hiyo wakapaita mahali pale jina lake Mahane-dani hata hivi leo; tazama, ni hapo nyuma ya Kiriath-yearimu.
Juges 13.25 Josué 15.60 1 Chroniques 13.5-13.6 1 Samuel 7.1 2 Chroniques 1.4
¹³ Nao wakapita huko hata hiyo nchi ya vilima vilima ya Efraimu, wakafikilia nyumba ya huyo Mika.
Juges 17.1 Juges 18.2-18.3 Josué 24.33 Juges 19.1 Josué 24.30
¹⁴ Ndipo hao watu watano waliokwenda kuipeleleza nchi ya Laisha wakajibu, na kuwaambia ndugu zao Je! Ninyi mwajua ya kwamba mna naivera ndani ya nyumba hizi, na kinyago na sanamu ya kuchonga, na sanamu ya kusubu? Basi sasa fikirini iwapasayo kufanya.
Juges 17.5 Proverbes 19.27 1 Samuel 14.28 Juges 18.3-18.4 Esaïe 8.19-8.20
¹⁵ Basi wakageuka wakaenda kuko, wakafikilia nyumba ya huyo hirimu, Mlawi, hata hiyo nyumba ya Mika, nao wakamwuliza habari za hali yake.
Genèse 43.27 Luc 10.4-10.6 2 Rois 4.26 1 Samuel 17.22 Matthieu 10.12-10.13
¹⁶ Hao watu mia sita wenye kuvaa silaha zao za vita, waliokuwa ni wana wa Dani, wakasimama penye maingilio ya lango.
Juges 18.11
¹⁷ Na hao watu watano waliokwenda kuipeleleza hiyo nchi wakakwea juu, wakaingia ndani, na kuitwaa hiyo sanamu ya kuchonga, na hiyo naivera, na kile kinyago, na hiyo sanamu ya kusubu; na huyo kuhani akasimama penye maingilio ya lango pamoja na hao watu waume sita mia wenye kuvaa silaha za vita.
Juges 18.14 Juges 17.4-17.5 Juges 18.2 Genèse 31.19 Juges 6.31
¹⁸ Nao hapo walipoingia ndani ya nyumba ya Mika, na kuileta hiyo sanamu ya kuchonga, na hiyo naivera, na kile kinyago, na hiyo sanamu ya kusubu, huyo kuhani akawauliza, Je! Mwafanya nini ninyi?
¹⁹ Wao wakamwambia, Nyamaza wewe, weka mkono wako kinywani mwako, uende pamoja nasi, uwe kwetu baba, tena kuhani; je! Ni vema kwako kuwa kuhani kwa ajili ya nyumba ya mtu mmoja, au kuwa kuhani kwa ajili ya kabila na jamaa katika Israeli?
Job 21.5 Job 29.9 Juges 17.10 Michée 7.16 Proverbes 30.32
²⁰ Huyo kuhani moyo wake ukafurahi, naye akaitwaa hiyo naivera, na kile kinyago, na hiyo sanamu ya kuchonga, akaenda katikati ya hao watu.
Juges 17.10 Ezéchiel 13.19 Proverbes 30.15 Actes 20.33 Esaïe 56.11
²¹ Basi wakageuka wakaenda zao, lakini watoto wadogo na wanyama wao wa mifugo, na vyombo vyao, wakawatanguliza mbele yao.
²² Walipokuwa wamekwenda kitambo kizima kutoka nyumba ya Mika, wale watu waliokuwa katika nyumba zilizokuwa karibu na nyumba ya Mika walikutana, wakawaandama na kuwapata hao wana wa Dani.
²³ Wakawapigia kelele wana wa Dani. Nao wakageuza nyuso zao na kumwambia Mika, Una nini wewe, hata ukaja na mkutano namna hii?
1 Samuel 11.5 Esaïe 22.1 2 Rois 6.28 2 Samuel 14.5 Psaumes 114.5
²⁴ Akasema, Ninyi mmeichukua miungu niliyoifanya, na huyo kuhani, nanyi mmekwenda zenu, nami nina nini tena? Basi imekuwaje ninyi kuniuliza, Una nini wewe?
Psaumes 115.8 Esaïe 44.18-44.20 Habakuk 2.18-2.19 Jérémie 50.38 Juges 17.13
²⁵ Hao wana wa Dani wakamwambia, Hiyo sauti yako isisikiwe kati yetu, wasije walio na hasira wakakuangukia, nawe ukapotewa na uhai wako, pamoja na uhai wa watu wa nyumbani mwako.
Job 3.5 1 Samuel 30.6 2 Samuel 17.8 Job 27.2
²⁶ Basi wana wa Dani wakaenda zao; naye Mika alipoona ya kuwa ni wenye nguvu kumshinda yeye, akageuka akarudi nyumbani kwake.
²⁷ Nao wakakitwaa hicho alichokuwa amekifanya Mika, na kuhani aliyekuwa naye nao wakafikilia Laisha, kwenye watu waliokuwa wenye starehe na hifadhi, wakawapiga kwa makali ya upanga; wakaupiga moto mji wao.
Juges 18.7 Josué 19.47 Juges 18.10 Deutéronome 33.22 Josué 11.11
²⁸ Wala hakuwako mwokozi, kwa sababu huo mji ulikuwa ni mbali sana na Sidoni, nao hawakuwa na shughuli na mtu awaye yote; na mji huo ulikuwa katika hilo bonde lililo karibu na Bethrehobu. Nao wakaujenga huo mji na kukaa humo.
2 Samuel 10.6 Nombres 13.21 Juges 18.7 Psaumes 50.22 2 Samuel 14.6
²⁹ Wakauita mji jina lake Dani, kwa kuliandama jina la baba yao Dani, aliyezaliwa kwake Israeli; lakini jina la mji huo hapo kwanza ulikuwa ukiitwa Laisha.
Josué 19.47 1 Rois 15.20 Genèse 14.14 1 Rois 12.29-12.30 Juges 20.1
³⁰ Kisha wana wa Dani wakajisimamishia hiyo sanamu ya kuchonga; na Yonathani mwana wa Gershomu, mwana wa Musa, yeye na wanawe walikuwa ni makuhani katika kabila ya Wadani hata siku ya kuchukuliwa mateka hiyo nchi.
Exode 2.22 Juges 17.3 Juges 17.5 Psaumes 78.60-78.62 Juges 13.1
³¹ Basi wakajisimamishia hiyo sanamu ya kuchonga aliyoifanya Mika, wakati wote ile nyumba ya Mungu ilipokuwako huko Shilo.
Josué 18.1 Juges 19.18 1 Samuel 1.3 1 Samuel 4.4 Juges 21.21