A missioni di i sittantadui
1 Dopu u Signori scelsi altri è sittantadui omi è i mandedi à dui à dui davanti à ellu in ogni cità è locu duv’ellu avia da andà.
Luc 9.52 Matthieu 10.1-10.4 Marc 6.7-6.13 Luc 9.1-9.2 Nombres 11.16
2 È li dissi : « granu da sicà ci ni hè assai, ma i travagliadori sò pochi ; cusì dumandeti à u patroni di u granu ch’ellu mandi i travagliadori pà a sichera.
Matthieu 9.36-9.38 1 Timothée 4.10 1 Timothée 4.15-4.16 2 Thessaloniciens 3.1 1 Timothée 1.12-1.14
3 Andeti ! Vi mandu cum’è l’agnelli à mezu à i lupi.
Matthieu 10.16 Actes 20.29 Jean 15.20 Ezéchiel 2.3-2.6 Psaumes 22.21
4 Ùn purteti nè borsa, nè saccu, nè scarpi, è ùn saluteti à nimu par istrada.
Luc 22.35 2 Rois 4.29 1 Samuel 21.8 Luc 10.4-10.12 Marc 6.8-6.11
5 È sì voi intriti ind’una casa, cuminceti par salutà dicendu : ‘paci à sta casa.’
1 Samuel 25.6 Matthieu 10.12-10.13 Ephésiens 2.17 Actes 10.36 Esaïe 57.19
6 È s’ellu ci stà un omu di paci, u vostru salutu di paci li ghjuvarà ; sì di nò, u vostru salutu vi vultarà.
2 Thessaloniciens 3.16 2 Corinthiens 2.15-2.16 Psaumes 35.13 Ephésiens 5.6 1 Samuel 25.17
7 In quilla casa steti ci è magneti è biiti ciò ch’elli vi daranu ; chì u travagliadori hà drittu à a so paca. Ùn andeti da una casa à l’altra.
Deutéronome 12.12 1 Timothée 5.17-5.18 3 Jean 1.5-1.8 Marc 6.10 Actes 16.15
8 È si voi intriti ind’una cità è ch’elli vi accogliinu, magneti ciò chì vi sarà prupostu.
1 Corinthiens 10.27 Luc 9.48 Jean 13.20 Matthieu 10.40 Luc 10.10
9 È risaneti i malati di a cità è diti li : ‘si hè avvicinatu da voi u Regnu di Diu.’
Matthieu 3.2 Actes 28.7-28.10 Luc 10.11 Actes 28.31 Matthieu 4.17
10 È si voi intriti ind’una cità è ch’elli ùn vi accogliinu, andeti in li piazzi è diti :
Luc 9.5 Actes 18.6 Matthieu 10.14 Actes 13.51
11 ‘scuzzulemu ancu a polvara di a vostra cità appiccicata à i nostri pedi, da renda vi la. Sappiati quantunqua ch’ellu si hè avvicinatu u Regnu di Diu.’
Luc 10.9 Actes 13.26 Actes 13.46 Actes 13.40 Hébreux 1.3
12 A vi dicu, quandu ellu sarà u ghjornu, sarà menu duru u casticu par Sodoma cà par quilla cità. »
Matthieu 10.15 Matthieu 11.24 Ezéchiel 16.48-16.50 Marc 6.11 Lamentations 4.6
Guai à i cità chì ùn si cunvertinu
13 « Guai à tè, o Corazin ! Guai à tè, o Betsaida ! Chì sì in Tiru è in Sidoni ci fussinu stati i miraculi ch’ellu ci hè statu ind’è voi, da un pezzu eranu cunvirtuti è oghji pusavanu ingutuppati di sacchi è cuparti à cennara.
Esaïe 23.1-23.18 Ezéchiel 26.1-28.26 Romains 11.8-11.11 Joël 3.4-3.8 Jean 3.5-3.6
14 Ma quand’ellu ghjugnarà u ghjornu, sarà menu duru u casticu par Tiru è par Sidoni cà par voi.
Luc 12.47-12.48 Romains 2.1 Jean 15.22-15.25 Romains 2.27 Amos 3.2
15 È tù, O Cafarnau,
soca credi d’avè da essa alzatu sinu à u celi ?
Insini à l’infernu falarè.
Esaïe 14.13-14.15 Matthieu 4.13 Matthieu 11.23 Matthieu 10.28 2 Pierre 2.4
16 À chì vi stà à senta stà à senta à mè, è à chì vi ricusa ricusa à mè ; è à chì mi ricusa ricusa quillu chì mi hà mandatu. »
1 Thessaloniciens 4.8 Jean 13.20 Matthieu 10.40 Jean 12.48 Luc 9.48
U ritornu di i sittantadui
17 I sittantadui vultedinu alecri è dissinu : « o Signori, ancu i dimonii ci si sottumettinu in nomi toiu. »
Marc 16.17 Luc 9.1 Luc 10.1 Romains 16.20 Luc 10.9
18 È ellu li dissi : « vidiu à Satanassu chì cascava da u celi cum’è a saetta.
Apocalypse 9.1 Esaïe 14.12 Jean 16.11 Matthieu 4.10 Apocalypse 20.2
19 Eccu, vi aghju datu u puteri di calcicà i sarpi è i scurpioni, è tutta a putenza di u numicu, è nulla vi farà nisun mali.
Marc 16.18 Psaumes 91.13 Actes 28.5 Romains 16.20 Apocalypse 11.5
20 Ma ùn vi ralicreti di ch’elli vi si sottumettinu i spiriti gattivi, ralicreti vi ch’elli sianu scritti in li celi i vostri nomi. »
Philippiens 4.3 Exode 32.32 Hébreux 12.23 Daniel 12.1 Apocalypse 21.27
Ghjesù si ralecra
21 È à quellu mumentu, u Spiritu Santu l’impiì di gioia, è ellu dissi : « o Bà, Signori di u celi è di a tarra, ti ringraziu d’avè la piatta à i savii è à i struitonu, è d’avè la palesa à i zitelli. Iè,o Bà, cusì fù u to vulè.
2 Corinthiens 4.3 1 Corinthiens 2.6-2.8 Matthieu 16.17 Ephésiens 1.11 Matthieu 13.11-13.16
22 Tuttu mi hè statu tramandatu da u me Babbu, è nimu sà qual’ellu hè u Figliolu, for di u Babbu, nè qual’ellu hè u Babbu, for di u Figliolu è di quillu à quali u Figliolu a palesa. »
Jean 10.15 Jean 1.18 Jean 6.44-6.46 Matthieu 28.18 Matthieu 11.27
23 È vultatu versi i discepuli dissi à elli soli : « biati l’ochji chì vedinu ciò chì voi videti voi !
Matthieu 13.16-13.17
24 Chì, a vi dicu, parechji prufeti è rè anu bramatu di veda i cosi chì voi videti, ma ùn l’anu visti, è di senta i cosi chì voi sintiti, ma ùn l’anu intesi. »
Hébreux 11.13 1 Pierre 1.10-1.12 Jean 8.56 Hébreux 11.39
U Samaritanu bravu
25 È un duttori di a Legi s’arrizzedi è, par metta lu à u provu, dissi : « o sgiò Maestru, chì aghju da fà par riceva a vita eterna ? »
Luc 18.18 Matthieu 22.34-22.39 Luc 7.30 Matthieu 19.16-19.19 Actes 16.30-16.31
26 È Ghjesù li dissi : « chì ci hè di scrittuin la Legi ? Cumu a leghji ? »
Romains 4.14-4.16 Esaïe 8.20 Romains 10.5 Romains 3.19 Galates 3.21-3.22
27 È quillu rispundì : «
tinarè caru u to Signori cù tuttu u to cori, tutta a to anima, tutta a to forza, è tutta a to menti,
è tinarè caru u to prossimu quant’è tù teni caru à tè »
Matthieu 22.37-22.40 Marc 12.30-12.31 Deutéronome 6.5 Deutéronome 30.6 Romains 13.9
28 È Ghjesù dissi : « ai rispostu ghjustu ; fà cusì è sarè vivu. »
Lévitique 18.5 Ezéchiel 20.11 Matthieu 19.17 Néhémie 9.29 Galates 3.12
29 Ma quillu, chì vulia avè a raghjoni, dissi à Ghjesù : « è quali saria u me prossimu ? »
Luc 16.15 Galates 3.11 Luc 10.36 Romains 10.3 Luc 18.9-18.11
30 È Ghjesù rispundì : « falava unu da Ghjerusalemi à Ghjericcò, è li casconu i latri chì u spugliedinu, u tribbiedinu è si ni andedinu lascendu lu mezu mortu.
Luc 18.31 Luc 19.28 Psaumes 88.4 Ezéchiel 30.24 Jérémie 51.52
31 Casca ch’ellu falava un sacerdoti par quilla strada, u vidi è passedi da l’altru tagliu di a strada.
Osée 6.9 Psaumes 69.20 1 Jean 3.16-3.18 Ecclésiaste 9.11 Proverbes 21.13
32 È cusì feci ancu un levita : ghjunsi à u locu duv’ellu era, u vidi è passedi da l’altru tagliu di a strada.
Psaumes 109.25 Proverbes 27.10 Actes 18.17 2 Timothée 3.2
33 Ma un Samaritanu chì era par viaghju li ghjunsi à cantu, u vidi, è ni fù cummossu.
Matthieu 10.5 Proverbes 27.10 Exode 2.6 1 Rois 8.50 Luc 9.52-9.53
34 Li si avvicinedi, li missi l’oliu è u vinu nantu à i firiti, è i fascedi. U feci coglia à cavallu à u sumeri, u purtedi ind’una ustaria è u curedi.
Psaumes 147.3 Romains 12.20 Exode 23.4-23.5 Marc 14.8 Matthieu 5.43-5.45
35 È u ghjornu dopu, caccedi dui pezzi d’arghjentu, i dedi à l’ustariaghju è li dissi ‘cura lu, è ciò chì tù avarè spesu di di più par ellu, à u vultà u ti pacaraghju.’
Proverbes 19.17 Matthieu 20.2 Romains 16.23 Luc 14.13
36 Quali di issi trè ti pari d’essa u prossimu di quillu chì avia scontru i latri ? »
Matthieu 17.25 Matthieu 21.28-21.31 Luc 7.42 Matthieu 22.42
37 È u duttori di a Legi rispundì : « quillu chì li hà fattu u bè. » È Ghjesù li dissi : « vai è fà cum’ed ellu. »
1 Jean 3.16-3.18 Matthieu 23.23 Jean 13.15-13.17 1 Pierre 2.21 2 Corinthiens 8.9
Visita ind’è Marta è Maria
38 È fendu strada cù i discipuli ghjunsi ind’un paesi, è l’accolsi una donna chì si chjamava Marta.
Jean 11.1-11.5 Jean 12.1-12.3 Luc 8.2-8.3 Actes 16.15 Jean 11.19-11.20
39 È Marta avia una surella chì si chjamava Maria. Quilla, pusata à i pedi di u Signori, stava a senta a so parolla.
Luc 8.35 Proverbes 8.34 Actes 22.3 Jean 12.3 Luc 2.46
40 È Marta dava capu à tutti i faccendi di casa ; ghjunsi è dissi : « o Signori, ùn ti faci nulla chì me surella m’abbii lasciata sola à dà capu à tuttu ? Dì li ch’ella m’aiuti. »
Jean 6.27 Luc 12.29 Matthieu 14.15 Jonas 4.1-4.4 Luc 9.55
41 È u Signori li rispundì : « aiò, o Marta, t’affanni è brioni par una cosa è par l’altra,
Philippiens 4.6 Matthieu 6.25-6.34 Marc 4.19 Luc 12.22 Ecclésiaste 6.11
42 ma a cosa di primura hè una è basta : Maria hà sceltu a parti bona, chì ùn li sarà cacciata. »
Psaumes 27.4 Jean 5.24 Jean 10.27-10.28 Psaumes 17.15 Jean 17.3