Proverbes 7
Vulgate

La femme débauchée

1 fili mi custodi sermones meos et praecepta mea reconde tibi
Proverbes 1.8 Apocalypse 1.3 Jean 15.20 Luc 11.28 Jean 14.23
2 serva mandata mea et vives et legem meam quasi pupillam oculi tui
Psaumes 17.8 Lévitique 18.5 Esaïe 55.3 Zacharie 2.8 Deutéronome 32.10
3 liga eam in digitis tuis scribe illam in tabulis cordis tui
Deutéronome 11.18-11.20 Proverbes 3.3 Esaïe 30.8 Proverbes 6.21 Deutéronome 6.8-6.9
4 dic sapientiae soror mea es et prudentiam voca amicam tuam
Proverbes 4.6-4.8 Matthieu 12.49-12.50 Cantique 8.1 Proverbes 2.2-2.4 Job 17.14
5 ut custodiat te a muliere extranea et ab aliena quae verba sua dulcia facit
Proverbes 2.16 Proverbes 6.24 Proverbes 5.3
6 de fenestra enim domus meae per cancellos prospexi
Juges 5.28 Genèse 26.8 2 Samuel 6.16
7 et video parvulos considero vecordem iuvenem
Proverbes 6.32 Proverbes 1.22 Romains 16.18-16.19 Matthieu 15.16 Proverbes 9.4
8 qui transit in platea iuxta angulum et propter viam domus illius graditur
Proverbes 4.14-4.15 2 Samuel 11.2-11.3 Proverbes 5.8 Proverbes 7.12 2 Timothée 2.22
9 in obscuro advesperascente die in noctis tenebris et caligine
Job 24.13-24.15 Romains 13.12-13.14 Exode 12.6 Genèse 39.11 Ephésiens 5.11
10 et ecce mulier occurrit illi ornatu meretricio praeparata ad capiendas animas garrula et vaga
1 Timothée 2.9 Genèse 38.14-38.15 Jérémie 4.30 Esaïe 23.16 2 Rois 9.22
11 quietis inpatiens nec valens in domo consistere pedibus suis
Proverbes 9.13 Tite 2.5 Proverbes 31.10-31.31 1 Timothée 5.13-5.14 Proverbes 25.24
12 nunc foris nunc in plateis nunc iuxta angulos insidians
Proverbes 23.28 Proverbes 9.14 Jérémie 2.20 Jérémie 3.2 Jérémie 2.33
13 adprehensumque deosculatur iuvenem et procaci vultu blanditur dicens
Genèse 39.12 Ezéchiel 2.4 Ezéchiel 2.6 Proverbes 21.29 Ezéchiel 16.33
14 victimas pro salute debui hodie reddidi vota mea
Lévitique 7.11 Proverbes 15.8 1 Rois 21.9-21.10 2 Samuel 15.7-15.9 Deutéronome 12.6-12.7
15 idcirco egressa sum in occursum tuum desiderans te videre et repperi
16 intexui funibus lectum meum stravi tapetibus pictis ex Aegypto
Esaïe 19.9 Ezéchiel 27.7 Cantique 1.16 Cantique 3.7-3.10 Proverbes 31.22
17 aspersi cubile meum murra et aloe et cinnamomo
Psaumes 45.8 Cantique 4.13-4.14 Cantique 3.6 Exode 30.23 Esaïe 57.7-57.9
18 veni inebriemur uberibus donec inlucescat dies et fruamur cupitis amplexibus
19 non est enim vir in domo sua abiit via longissima
Matthieu 20.11 Luc 12.45-12.46 Matthieu 24.43 Marc 13.34-13.36 Matthieu 24.48
20 sacculum pecuniae secum tulit in die plenae lunae reversurus est domum suam
2 Chroniques 2.4
21 inretivit eum multis sermonibus et blanditiis labiorum protraxit illum
Proverbes 5.3 Psaumes 12.2 1 Samuel 28.23 2 Corinthiens 5.14 2 Rois 4.8
22 statim eam sequitur quasi bos ductus ad victimam et quasi agnus lasciviens et ignorans quod ad vincula stultus trahatur
Job 13.27 Actes 14.13 Jérémie 20.2 Actes 16.24
23 donec transfigat sagitta iecur eius velut si avis festinet ad laqueum et nescit quia de periculo animae illius agitur
Ecclésiaste 9.12 Nombres 25.8-25.9 Proverbes 1.17 Proverbes 9.18
24 nunc ergo fili audi me et adtende verba oris mei
Proverbes 5.7 Proverbes 4.1 Proverbes 8.32-8.33 1 Corinthiens 4.14-4.15 Galates 4.19
25 ne abstrahatur in viis illius mens tua neque decipiaris semitis eius
Proverbes 5.8 Proverbes 5.23 Matthieu 5.28 Proverbes 6.25 Proverbes 4.14-4.15
26 multos enim vulneratos deiecit et fortissimi quique interfecti sunt ab ea
Néhémie 13.26 Proverbes 6.33 1 Corinthiens 10.8 2 Samuel 3.6-3.8 2 Samuel 3.27
27 viae inferi domus eius penetrantes interiora mortis
Proverbes 5.5 Proverbes 9.18 Proverbes 2.18-2.19 Apocalypse 22.15 Ecclésiaste 7.26