Proverbes 7.25
Biblia Hebraica Stuttgartensia

La femme débauchée

¹ בְּ֭נִי שְׁמֹ֣ר אֲמָרָ֑י וּ֝מִצְוֹתַ֗י תִּצְפֹּ֥ן אִתָּֽךְ׃
Proverbes 1.8 Apocalypse 1.3 Jean 15.20 Luc 11.28 Jean 14.23
² שְׁמֹ֣ר מִצְוֹתַ֣י וֶחְיֵ֑ה וְ֝תֹורָתִ֗י כְּאִישֹׁ֥ון עֵינֶֽיךָ׃
Psaumes 17.8 Lévitique 18.5 Esaïe 55.3 Zacharie 2.8 Deutéronome 32.10
³ קָשְׁרֵ֥ם עַל־אֶצְבְּעֹתֶ֑יךָ כָּ֝תְבֵ֗ם עַל־ל֥וּחַ לִבֶּֽךָ׃
Deutéronome 11.18-11.20 Proverbes 3.3 Esaïe 30.8 Jérémie 31.33 Proverbes 6.21
⁴ אֱמֹ֣ר לַֽ֭חָכְמָה אֲחֹ֣תִי אָ֑תְּ וּ֝מֹדָ֗ע לַבִּינָ֥ה תִקְרָֽא׃
Job 17.14 Proverbes 4.6-4.8 Matthieu 12.49-12.50 Cantique 8.1 Proverbes 2.2-2.4
⁵ לִ֭שְׁמָרְךָ מֵאִשָּׁ֣ה זָרָ֑ה מִ֝נָּכְרִיָּ֗ה אֲמָרֶ֥יהָ הֶחֱלִֽיקָה׃
Proverbes 2.16 Proverbes 6.24 Proverbes 5.3
⁶ כִּ֭י בְּחַלֹּ֣ון בֵּיתִ֑י בְּעַ֖ד אֶשְׁנַבִּ֣י נִשְׁקָֽפְתִּי׃
Juges 5.28 Genèse 26.8 2 Samuel 6.16
⁷ וָאֵ֤רֶא בַפְּתָאיִ֗ם אָ֘בִ֤ינָה בַבָּנִ֗ים נַ֣עַר חֲסַר־לֵֽב׃
Proverbes 6.32 Proverbes 1.22 Romains 16.18-16.19 Matthieu 15.16 Proverbes 9.4
⁸ עֹבֵ֣ר בַּ֭שּׁוּק אֵ֣צֶל פִּנָּ֑הּ וְדֶ֖רֶךְ בֵּיתָ֣הּ יִצְעָֽד׃
Juges 16.1 Proverbes 4.14-4.15 2 Samuel 11.2-11.3 Proverbes 5.8 Proverbes 7.12
⁹ בְּנֶֽשֶׁף־בְּעֶ֥רֶב יֹ֑ום בְּאִישֹׁ֥ון לַ֝֗יְלָה וַאֲפֵלָֽה׃
Job 24.13-24.15 Romains 13.12-13.14 Exode 12.6 Genèse 39.11 Ephésiens 5.11
¹⁰ וְהִנֵּ֣ה אִ֭שָּׁה לִקְרָאתֹ֑ו שִׁ֥ית זֹ֝ונָ֗ה וּנְצֻ֥רַת לֵֽב׃
1 Timothée 2.9 Genèse 38.14-38.15 Genèse 3.1 Jérémie 4.30 Esaïe 23.16
¹¹ הֹמִיָּ֣ה הִ֣יא וְסֹרָ֑רֶת בְּ֝בֵיתָ֗הּ לֹא־יִשְׁכְּנ֥וּ רַגְלֶֽיהָ׃
Proverbes 9.13 Tite 2.5 Genèse 18.9 Proverbes 31.10-31.31 1 Timothée 5.13-5.14
¹² פַּ֤עַם׀ בַּח֗וּץ פַּ֥עַם בָּרְחֹבֹ֑ות וְאֵ֖צֶל כָּל־פִּנָּ֣ה תֶאֱרֹֽב׃
Proverbes 23.28 Proverbes 9.14 Jérémie 2.20 Jérémie 3.2 Jérémie 2.33
¹³ וְהֶחֱזִ֣יקָה בֹּ֖ו וְנָ֣שְׁקָה־לֹּ֑ו הֵעֵ֥זָה פָ֝נֶ֗יהָ וַתֹּ֣אמַר לֹֽו׃
Genèse 39.12 Esaïe 50.7 Ezéchiel 2.4 Ezéchiel 2.6 Proverbes 21.29
¹⁴ זִבְחֵ֣י שְׁלָמִ֣ים עָלָ֑י הַ֝יֹּ֗ום שִׁלַּ֥מְתִּי נְדָרָֽי׃
Lévitique 7.11 Jean 18.28 Proverbes 15.8 1 Rois 21.9-21.10 2 Samuel 15.7-15.9
¹⁵ עַל־כֵּ֭ן יָצָ֣אתִי לִקְרָאתֶ֑ךָ לְשַׁחֵ֥ר פָּ֝נֶ֗יךָ וָאֶמְצָאֶֽךָּ׃
¹⁶ מַ֭רְבַדִּים רָבַ֣דְתִּי עַרְשִׂ֑י חֲ֝טֻבֹ֗ות אֵט֥וּן מִצְרָֽיִם׃
Esaïe 19.9 Ezéchiel 27.7 Apocalypse 2.22 Cantique 1.16 Cantique 3.7-3.10
¹⁷ נַ֥פְתִּי מִשְׁכָּבִ֑י מֹ֥ר אֲ֝הָלִ֗ים וְקִנָּמֹֽון׃
Psaumes 45.8 Cantique 4.13-4.14 Cantique 3.6 Exode 30.23 Esaïe 57.7-57.9
¹⁸ לְכָ֤ה נִרְוֶ֣ה דֹ֭דִים עַד־הַבֹּ֑קֶר נִ֝תְעַלְּסָ֗ה בָּאֳהָבִֽים׃
¹⁹ כִּ֤י אֵ֣ין הָאִ֣ישׁ בְּבֵיתֹ֑ו הָ֝לַ֗ךְ בְּדֶ֣רֶךְ מֵרָחֹֽוק׃
Matthieu 20.11 Luc 12.39 Luc 12.45-12.46 Matthieu 24.43 Marc 13.34-13.36
²⁰ צְֽרֹור־הַ֭כֶּסֶף לָקַ֣ח בְּיָדֹ֑ו לְיֹ֥ום הַ֝כֵּ֗סֶא יָבֹ֥א בֵיתֹֽו׃
2 Chroniques 2.4
²¹ הִ֭טַּתּוּ בְּרֹ֣ב לִקְחָ֑הּ בְּחֵ֥לֶק שְׂ֝פָתֶ֗יהָ תַּדִּיחֶֽנּוּ׃
Proverbes 5.3 Psaumes 12.2 Juges 16.15-16.17 1 Samuel 28.23 2 Corinthiens 5.14
²² הֹ֤ולֵ֥ךְ אַחֲרֶ֗יהָ פִּ֫תְאֹ֥ם כְּ֭שֹׁור אֶל־טָ֣בַח יָבֹ֑וא וּ֝כְעֶ֗כֶס אֶל־מוּסַ֥ר אֱוִֽיל׃
Job 13.27 Actes 14.13 Jérémie 20.2 Actes 16.24
²³ עַ֤ד יְפַלַּ֪ח חֵ֡ץ כְּֽבֵדֹ֗ו כְּמַהֵ֣ר צִפֹּ֣ור אֶל־פָּ֑ח וְלֹֽא־יָ֝דַ֗ע כִּֽי־בְנַפְשֹׁ֥ו הֽוּא׃ פ
Ecclésiaste 9.12 Nombres 25.8-25.9 Proverbes 1.17 Proverbes 9.18
²⁴ וְעַתָּ֣ה בָ֭נִים שִׁמְעוּ־לִ֑י וְ֝הַקְשִׁ֗יבוּ לְאִמְרֵי־פִֽי׃
Proverbes 5.7 Proverbes 4.1 1 Jean 2.1 Proverbes 8.32-8.33 1 Corinthiens 4.14-4.15
²⁵ אַל־יֵ֣שְׂטְ אֶל־דְּרָכֶ֣יהָ לִבֶּ֑ךָ אַל־תֵּ֝תַע בִּנְתִיבֹותֶֽיהָ׃
Proverbes 5.8 Psaumes 119.176 Proverbes 5.23 Matthieu 5.28 Proverbes 6.25
²⁶ כִּֽי־רַבִּ֣ים חֲלָלִ֣ים הִפִּ֑ילָה וַ֝עֲצֻמִ֗ים כָּל־הֲרֻגֶֽיהָ׃
Néhémie 13.26 1 Rois 11.1-11.2 Proverbes 6.33 1 Corinthiens 10.8 2 Samuel 3.6-3.8
²⁷ דַּרְכֵ֣י שְׁאֹ֣ול בֵּיתָ֑הּ יֹ֝רְדֹ֗ות אֶל־חַדְרֵי־מָֽוֶת׃ פ
Proverbes 5.5 Proverbes 9.18 Proverbes 2.18-2.19 Apocalypse 22.15 Ecclésiaste 7.26