1 Or sei ghjorni nanzi à a Pasqua, Ghjesù ghjunsi in Betania, u paesi di Lazaru ch’eddu aia risuscitatu da frà li morti.
Matthieu 21.17 Jean 11.55 Marc 14.3-14.8 Luc 24.50 Jean 11.1
2 Cusì li fecini fà cena quandì dà, Marta sirvia, è Lazaru era unu di quiddi chì erani à tola cun eddu.
Luc 22.27 Luc 10.38-10.42 Jean 11.43-11.44 Luc 5.29 Apocalypse 3.20
3 Maria piddeti u parfumu, una libra di nardu Puru di altu valori, ni unsi i pedi di Ghjesù, è i li asciuveti cù i so capeddi ; è a casa s’impiiti di quiddu parfumu.
Jean 11.2 Luc 7.37-7.38 Marc 14.3-14.9 Matthieu 26.6-26.13 Cantique 1.12
4 È Ghjuda l’Iscariotu, unu di i so discipuli, quiddu chì l’aia da tradì, dissi :
Matthieu 10.4 Jean 13.2 Jean 13.26 Jean 6.70-6.71 Jean 18.2-18.5
5 « è comu hè po di ùn avè vindutu issu parfumu par trecentu pezzi d’arghjentu, chì l’avariami dati à i povari ? »
Amos 8.5 Jean 6.7 Malachie 1.10-1.13 Exode 5.8 Luc 18.22
6 Dissi cusì, micca par primura di i povari, ma parchì eddu era latru è chì, tinendu a scatula di i soldi, si piddaia ciò chì era lampatu.
Jean 13.29 Jacques 2.6 2 Rois 12.14-12.15 Psaumes 50.16-50.20 Galates 2.10
7 Tandu Ghjesù dissi : « lascia la farè ! Ch’edda u tenghi pà u ghjornu di u me intarru.
Matthieu 26.12 Psaumes 109.31 Zacharie 3.2 Matthieu 27.57-27.60 Jean 19.38-19.42
8 Chì i povari l’aveti sempri cù voscu, ma à mè, ùn mi avareti micca sempri. »
Deutéronome 15.11 Marc 14.7 Matthieu 26.11 Jean 8.21 Jean 12.35
9 Cusì a folla maiò di i Ghjudei seppi ch’eddu era quandì dà, è ghjunsini, ùn solu par via di Ghjesù, ma ancu par veda à Lazaru ch’eddu aia risuscitatu da frà li morti.
Actes 3.10-3.11 Jean 11.43-11.45 Actes 4.14
10 È i capisacerdoti diciditini di fà tumbà ancu à Lazaru,
Matthieu 2.16 Luc 16.31 Genèse 4.4-4.10 Exode 10.3 Jean 11.57
11 chì parechji di i Ghjudei si ni andaiani par via d’eddu è cridiani in Ghjesù.
Jean 11.45 Jean 12.18 Jacques 3.14-3.16 Jean 11.48 Actes 13.45
12 U dopu ghjornu a folla maiò di quiddi chì erani ghjunti pà a festa, sintendu chì Ghjesù vinia in Ghjerusalema,
Marc 11.7-11.10 Luc 19.35-19.38 Matthieu 21.4-21.9 Jean 11.55-11.56
13 piddetini rami di palmu è iscitini à scuntrà lu briunendu :
« Osannà !
Binadettu quiddu chì veni in nomu di u Signori,
u Rè d’Israela! » Psaumes 118.25-118.26 Jean 1.49 Marc 11.8-11.10 Matthieu 21.9-21.11 Luc 19.35-19.38
14 Ghjesù truveti un samireddu è si colsi, com’edda hè scritta :
Zacharie 9.9 Matthieu 21.1-21.7 Marc 11.1-11.7 Luc 19.29-19.35
15 « ùn tema, o fiddola di Sion.
Mì, u to Rè ghjunghji,
à dossu à u fiddolu di un sameri. » Zacharie 9.9 Esaïe 62.11 Juges 5.10 2 Samuel 16.2 Esaïe 40.9-40.10
16 Quissa, i so discipuli ùn la capitini micca subitu, ma quand’ì Ghjesù fù glurificatu, tandu si ricurdetini ch’edda era stata scritta è ch’eddi l’aiani fatta.
Jean 2.22 Jean 7.39 Jean 12.23 Jean 14.26 Marc 9.32
17 A folla chì era cun eddu quand’eddu chjameti à Lazaru da a tomba è u risusciteti da frà i morti li facia da tistimoniu.
Jean 5.35-5.39 Jean 12.9 1 Jean 5.9-5.12 Jean 11.42 Apocalypse 1.2
18 Par quissa dinò, parchì eddi aiani intesu ch’eddu aia fattu issu segnu miraculosu, a folla andeti à truvà lu.
Jean 12.11
19 Tandu i Farusei dissini trà eddi : « a videti chì ùn vinciti nudda ? Mì chì li hè partutu à daretu u mondu sanu ? »
Psaumes 22.27 Jean 3.26 1 Jean 2.2 Actes 5.27-5.28 Luc 19.47-19.48
20 Trà a ghjenti chì cuddaia à inghjinuchjà si pà a festa, ci era unipochi di Grechi ;
Jean 7.35 Marc 7.26 1 Rois 8.41-8.43 Actes 8.27 Actes 17.4
21 andetini à truvà à Filippu di Betsaida di Galilea è u intarrughetini dicendu : « o signori, vulemu veda à Ghjesù. »
Jean 6.5-6.7 Romains 15.8-15.12 Matthieu 8.9-8.12 Jean 1.43-1.47 Matthieu 11.21
22 Filippu và è a dici à Andria, è po vani Filippu è Andria è a dicini à Ghjesù.
Matthieu 10.5 Luc 9.49-9.50 Marc 10.13-10.14 Jean 1.40-1.41 Jean 6.8
23 Ghjesù li rispondi è dici : « hè vinuta l’ora ch’eddu sia glurificatu u Fiddolu di l’Omu.
Marc 14.41 Jean 13.31-13.32 Matthieu 25.31 Esaïe 55.5 Esaïe 53.10-53.12
24 A vi dicu da veru, s’eddu ùn mori u graneddu di u granu cascatu in tarra, stà solu. Ma s’eddu mori, dà u fruttu assai.
1 Corinthiens 15.36-15.38 Hébreux 2.9-2.10 Esaïe 53.10-53.12 Psaumes 72.16 Psaumes 22.22-22.31
25 À chì teni caru a so anima a perdi, à chì odia a so anima in issu mondu a tinarà pà a vita eterna.
Matthieu 10.39 Matthieu 16.25 Luc 17.33 Marc 8.35 Luc 14.26
26 À chì mi servi, ch’eddu mi suveti, è induv’e’ socu eiu, quandì dà sarà ancu u me servu ; à chì mi servi, u me Babbu li farà onori. »
1 Samuel 2.30 2 Corinthiens 5.8 Jean 17.24 Jean 14.3 Jean 10.27
27 « Avà a me anima hè in ì l’affannu, è chì aghju da dì ? O Babbu, salva mi da st’ora ? Ma hè par quissa ch’e’ socu ghjuntu sinu à st’ora.
Jean 13.21 Jean 18.37 Hébreux 5.7 Luc 22.44 Matthieu 26.38-26.39
28 O Bà, glurificheghja u to nomu. » Tandu vensi una boci da u celi : « aghju glurificatu è aghju da glurificà dinò. »
Matthieu 3.17 2 Pierre 1.17 Matthieu 17.5 Marc 1.11 Jean 11.4
29 A folla prisenti è chì sintia dissi : « hè statu u sonitu » ; altri diciani : « un agnulu li hà parlatu. »
Actes 23.8-23.9 Apocalypse 14.2 Job 37.2-37.5 Exode 20.18 Apocalypse 8.5
30 Ghjesù risposi è dissi : « issa boci ùn hà parlatu par via di mè, ma par via di voi.
Jean 11.42 2 Corinthiens 8.9 Jean 11.15 Jean 5.34
31 Avà hè u ghjudiziu di issu mondu, avà u capu di issu mondu hà da essa lampatu fora ;
2 Corinthiens 4.4 Jean 14.30 Ephésiens 6.12 Jean 16.8-16.11 1 Jean 3.8
32 ed eiu quand’e’ saraghju inalzatu da a tarra, traiaraghju à tutti insini à induv’è socu eiu. »
Jean 6.44 Jean 8.28 Jean 3.14 Hébreux 2.9 1 Timothée 2.6
33 Cusì dissi mintuvendu di chì morti ch’eddu aia da mora.
Jean 18.32 Jean 21.19
34 A folla li risposi : « noi emu amparatu da a Legi chì u Missia ferma in sempiternu, comu hè chì tù dici ch’eddu ci voli ch’eddu sia inalzatu u Fiddolu di l’Omu ? Quali saria po issu Fiddolu di l’Omu ? »
Esaïe 9.7 Psaumes 110.4 Daniel 7.14 Matthieu 8.20 Psaumes 89.36-89.37
35 Tandu Ghjesù li dissi : « A luci hè sempri cù voscu, par pocu. Viaghjeti fin chì vo’ aveti a luci, ch’eddu ùn vi piddi u bughju ; è à chì viaghja à u bughju ùn sà induva eddu và.
Jean 16.16 Jean 12.46 Jean 7.33 Jean 8.12 Ephésiens 5.8
36 Fin chì vo’ aveti a luci, criditi in a luci, par divintà fiddoli di a luci. »
Cusì dissi Ghjesù, poi si ni andeti è si piatteti da eddi.
Jean 8.59 Luc 16.8 Ephésiens 5.8 1 Thessaloniciens 5.5 Actes 13.47-13.48
37 Ma ancu par avè li fattu veda tanti segni miraculosi, ùn cridiani in eddu,
Jean 11.42 Matthieu 11.20 Jean 1.11 Jean 15.24 Luc 16.31
38 da ch’edda vinissi cumpiita a parola di u Prufeta Isaia, chì dissi :
« o Signori, quali hà cridutu ciò chì no’ emu intesu?
È à quali fù palesu u bracciu di u Signori? » Esaïe 53.1 Romains 10.16 Esaïe 51.5 2 Corinthiens 3.14-3.18 Actes 8.28-8.30
39 Par quissa ùn pudiani creda, parchì Isaia hà dittu dinò :
Jean 5.44 Esaïe 44.18-44.20 Jean 10.38 Jean 6.44 2 Pierre 2.14
40 « hà accicatu i so ochji
è induritu i so cori
ch’eddi ùn vechini cù l’ochji,
ch’eddi ùn capischini cù u cori è cunvirtì si
è ch’e’ i risani. » Esaïe 6.10 Matthieu 13.13-13.15 Marc 4.12 Luc 8.10 Psaumes 147.3
41 Cusì dissi Isaia, parchì eddu aia vistu a so gloria è parlaia d’eddu.
Esaïe 6.9-6.10 Esaïe 6.1-6.5 Hébreux 1.3 Jean 1.14 Jean 1.18
42 Ma quantunqua, ancu trà i principali, parechji criditini in eddu, ma, par via di i Farusei, ùn la palisaiani, par ùn essa missi fora da a sinagoga ;
Jean 7.13 Jean 9.22 Esaïe 51.7 Esaïe 57.11 Matthieu 10.32
43 chì li piacia a gloria di l’omini più cà a gloria di Diu.
Jean 5.44 Matthieu 23.5-23.7 Jean 5.41 Luc 16.15 1 Pierre 1.7-1.8
44 Ghjesù dissi à boci rivolta : « à chì credi in mè ùn credi in mè ma in quiddu chì mi mandeti,
Matthieu 10.40 Jean 5.24 Jean 13.20 1 Pierre 1.21 Jean 11.43
45 è à chì mi fighjula fighjula quiddu chì mi mandeti.
2 Corinthiens 4.6 Hébreux 1.3 Jean 15.24 Colossiens 1.15 1 Jean 5.20
46 Eiu, a luci, socu vinutu in u mondu, chì quiddu chì credi in mè ùn stia in u bughju.
Jean 8.12 Jean 9.5 Jean 3.19 Jean 12.35-12.36 Esaïe 42.7
47 È à chì senti i me paroli è ùn li teni, eiu ùn lu ghjudicheghju, chì ùn socu micca vinutu à ghjudicà u mondu, ma à salvà u mondu.
Jean 3.17 Jean 12.48 1 Jean 4.14 Jean 8.15-8.16 Luc 19.10
48 À chì mi ricusa è ùn ricevi i me paroli hà u so ghjudici : hè a parola ch’e’ aghju dittu chì u ghjudicarà in l’ultimu ghjornu.
Romains 2.16 Luc 10.16 2 Thessaloniciens 1.8 Hébreux 9.27-9.28 Hébreux 2.3
49 Parchì ùn parlu micca da par mè, u me Babbu chì mi hà mandatu mi hà cummandatu ciò ch’e’ devu dì è annuncià.
Jean 17.8 Jean 14.10 Jean 8.26 Jean 5.30 Deutéronome 18.18
50 È a socu chì u so cummandu hè vita eterna ; ciò ch’e’ vi dicu, a dicu com’è u Babbu l’hà ditta à mè. »
Jean 6.68 Jean 17.3 Jean 20.31 Jean 6.63 1 Timothée 1.16