Psaumes 18.16
Biblia Hebraica Stuttgartensia

¹ לַמְנַצֵּ֤חַ׀ לְעֶ֥בֶד יְהוָ֗ה לְדָ֫וִ֥ד אֲשֶׁ֤ר דִּבֶּ֨ר׀ לַיהוָ֗ה אֶת־דִּ֭בְרֵי הַשִּׁירָ֣ה הַזֹּ֑את בְּיֹ֤ום הִֽצִּיל־יְהוָ֘ה אֹותֹ֥ו מִכַּ֥ף כָּל־אֹ֝יְבָ֗יו וּמִיַּ֥ד שָׁאֽוּל׃2 Samuel 22.1-22.51 1 Jean 4.19 Colossiens 1.11 Esaïe 12.1-12.6 Psaumes 34.19
² (18.1) וַיֹּאמַ֡ר אֶרְחָמְךָ֖ יְהוָ֣ה חִזְקִֽי׃Psaumes 144.2 Proverbes 18.10 Psaumes 28.1 Jérémie 16.19 Psaumes 132.17
³ (18.2) יְהוָ֤ה׀ סַֽלְעִ֥י וּמְצוּדָתִ֗י וּמְפַ֫לְטִ֥י אֵלִ֣י צ֭וּרִי אֶֽחֱסֶה־בֹּ֑ו מָֽגִנִּ֥י וְקֶֽרֶן־יִ֝שְׁעִ֗י מִשְׂגַּבִּֽי׃Psaumes 50.15 Luc 1.71 Psaumes 145.3 Psaumes 5.2-5.3 Psaumes 55.16
⁴ (18.3) מְ֭הֻלָּל אֶקְרָ֣א יְהוָ֑ה וּמִן־אֹ֝יְבַ֗י אִוָּשֵֽׁעַ׃Psaumes 116.3 2 Corinthiens 1.9 Matthieu 27.24-27.25 Psaumes 22.12-22.13 Esaïe 53.3-53.4
⁵ (18.4) אֲפָפ֥וּנִי חֶבְלֵי־מָ֑וֶת וְֽנַחֲלֵ֖י בְלִיַּ֣עַל יְבַֽעֲתֽוּנִי׃Psaumes 86.13 Psaumes 88.15-88.17 Ecclésiaste 9.12 Actes 2.24 Psaumes 116.3
⁶ (18.5) חֶבְלֵ֣י שְׁאֹ֣ול סְבָב֑וּנִי קִ֝דְּמ֗וּנִי מֹ֣וקְשֵׁי מָֽוֶת׃Psaumes 50.15 2 Samuel 22.7 Psaumes 34.15 Psaumes 11.4 Psaumes 27.4-27.5
⁷ (18.6) בַּצַּר־לִ֤י׀ אֶֽקְרָ֣א יְהוָה֮ וְאֶל־אֱלֹהַ֪י אֲשַׁ֫וֵּ֥עַ יִשְׁמַ֣ע מֵהֵיכָלֹ֣ו קֹולִ֑י וְ֝שַׁוְעָתִ֗י לְפָנָ֤יו׀ תָּבֹ֬וא בְאָזְנָֽיו׃Actes 4.31 Juges 5.4 Jérémie 4.24 Matthieu 28.2 Habakuk 3.10
⁸ (18.7) וַתִּגְעַ֬שׁ וַתִּרְעַ֨שׁ׀ הָאָ֗רֶץ וּמֹוסְדֵ֣י הָרִ֣ים יִרְגָּ֑זוּ וַ֝יִּתְגָּֽעֲשׁ֗וּ כִּי־חָ֥רָה לֹֽו׃Psaumes 21.9 Daniel 7.10 Deutéronome 29.23-29.24 Nahum 1.5-1.6 Psaumes 11.6
⁹ (18.8) עָ֘לָ֤ה עָשָׁ֨ן׀ בְּאַפֹּ֗ו וְאֵשׁ־מִפִּ֥יו תֹּאכֵ֑ל גֶּ֝חָלִ֗ים בָּעֲר֥וּ מִמֶּֽנּוּ׃Joël 3.16 Matthieu 24.29 Marc 15.33 Psaumes 68.4 Esaïe 51.6
¹⁰ (18.9) וַיֵּ֣ט שָׁ֭מַיִם וַיֵּרַ֑ד וַ֝עֲרָפֶ֗ל תַּ֣חַת רַגְלָֽיו׃Psaumes 104.3 Psaumes 99.1 Ezéchiel 10.20-10.22 Psaumes 80.1 Ezéchiel 1.5-1.14
¹¹ (18.10) וַיִּרְכַּ֣ב עַל־כְּ֭רוּב וַיָּעֹ֑ף וַ֝יֵּ֗דֶא עַל־כַּנְפֵי־רֽוּחַ׃Psaumes 97.2 Deutéronome 4.11 Joël 2.2 Psaumes 91.1 Psaumes 81.7
¹² (18.11) יָ֤שֶׁת חֹ֨שֶׁךְ׀ סִתְרֹ֗ו סְבִֽיבֹותָ֥יו סֻכָּתֹ֑ו חֶשְׁכַת־מַ֝֗יִם עָבֵ֥י שְׁחָקִֽים׃Josué 10.11 Habakuk 3.4-3.5 Matthieu 17.2 Psaumes 97.3-97.4 2 Samuel 22.13-22.15
¹³ (18.12) מִנֹּ֗גַהּ נֶ֫גְדֹּ֥ו עָבָ֥יו עָבְר֑וּ בָּ֝רָ֗ד וְגַֽחֲלֵי־אֵֽשׁ׃Psaumes 104.7 1 Samuel 7.10 Psaumes 29.3-29.4 Apocalypse 8.5 Apocalypse 19.6
¹⁴ (18.13) וַיַּרְעֵ֬ם בַּשָּׁמַ֨יִם׀ יְֽהוָ֗ה וְ֭עֶלְיֹון יִתֵּ֣ן קֹלֹ֑ו בָּ֝רָ֗ד וְגַֽחֲלֵי־אֵֽשׁ׃Psaumes 144.6 Habakuk 3.11 Deutéronome 32.42 Psaumes 77.17 Deutéronome 32.23
¹⁵ (18.14) וַיִּשְׁלַ֣ח חִ֭צָּיו וַיְפִיצֵ֑ם וּבְרָקִ֥ים רָ֝ב וַיְהֻמֵּֽם׃Psaumes 106.9 Exode 15.8 Jonas 2.6 Esaïe 30.27-30.28 Job 38.4-38.6
¹⁶ (18.15) וַיֵּ֤רָא֨וּ׀ אֲפִ֥יקֵי מַ֗יִם וַֽיִּגָּלוּ֮ מֹוסְדֹ֪ות תֵּ֫בֵ֥ל מִגַּעֲרָ֣תְךָ֣ יְהוָ֑ה מִ֝נִּשְׁמַ֗ת ר֣וּחַ אַפֶּֽךָ׃Psaumes 144.7 Exode 2.10 Jonas 2.5-2.6 2 Samuel 22.17 Psaumes 40.1-40.3
¹⁷ (18.16) יִשְׁלַ֣ח מִ֭מָּרֹום יִקָּחֵ֑נִי יַֽ֝מְשֵׁ֗נִי מִמַּ֥יִם רַבִּֽים׃Psaumes 35.10 Psaumes 142.6 Hébreux 2.14-2.15 Luc 19.14 Psaumes 18.40-18.41
¹⁸ (18.17) יַצִּילֵ֗נִי מֵאֹיְבִ֥י עָ֑ז וּ֝מִשֹּׂנְאַ֗י כִּֽי־אָמְצ֥וּ מִמֶּֽנִּי׃Deutéronome 32.35 Psaumes 46.11 1 Samuel 30.6 Psaumes 46.1-46.2 Zacharie 1.15
¹⁹ (18.18) יְקַדְּמ֥וּנִי בְיֹום־אֵידִ֑י וַֽיְהִי־יְהוָ֖ה לְמִשְׁעָ֣ן לִֽי׃Psaumes 118.5 Psaumes 31.8 Psaumes 37.23 Job 36.16 Psaumes 40.2
²⁰ (18.19) וַיֹּוצִיאֵ֥נִי לַמֶּרְחָ֑ב יְ֝חַלְּצֵ֗נִי כִּ֘י חָ֥פֵֽץ בִּֽי׃Psaumes 24.4 Esaïe 62.11 1 Corinthiens 3.8 Psaumes 18.24 Psaumes 7.3
²¹ (18.20) יִגְמְלֵ֣נִי יְהוָ֣ה כְּצִדְקִ֑י כְּבֹ֥ר יָ֝דַ֗י יָשִׁ֥יב לִֽי׃Psaumes 119.102 2 Chroniques 34.33 Actes 24.16 Proverbes 8.32 1 Samuel 15.11
²² (18.21) כִּֽי־שָׁ֭מַרְתִּי דַּרְכֵ֣י יְהוָ֑ה וְלֹֽא־רָ֝שַׁ֗עְתִּי מֵאֱלֹהָֽי׃Psaumes 119.30 Psaumes 119.112 Jean 5.14 Psaumes 119.117 Psaumes 119.13
²³ (18.22) כִּ֣י כָל־מִשְׁפָּטָ֣יו לְנֶגְדִּ֑י וְ֝חֻקֹּתָ֗יו לֹא־אָסִ֥יר מֶֽנִּי׃1 Samuel 26.23 Matthieu 5.29-5.30 Psaumes 7.1-7.8 Matthieu 18.8-18.9 Psaumes 37.27
²⁴ (18.23) וָאֱהִ֣י תָמִ֣ים עִמֹּ֑ו וָ֝אֶשְׁתַּמֵּ֗ר מֵעֲוֹנִֽי׃Matthieu 10.41-10.42 Ruth 2.12 1 Samuel 26.23 2 Thessaloniciens 1.6-1.7 Hébreux 6.16
²⁵ (18.24) וַיָּֽשֶׁב־יְהוָ֣ה לִ֣י כְצִדְקִ֑י כְּבֹ֥ר יָ֝דַ֗י לְנֶ֣גֶד עֵינָֽיו׃Matthieu 5.7 Matthieu 18.33-18.35 Ezéchiel 18.25-18.30 Esaïe 26.7 Psaumes 112.4-112.6
²⁶ (18.25) עִם־חָסִ֥יד תִּתְחַסָּ֑ד עִם־גְּבַ֥ר תָּ֝מִ֗ים תִּתַּמָּֽם׃Proverbes 3.34 Lévitique 26.23-26.24 Lévitique 26.27-26.28 Psaumes 109.17-109.19 Jacques 2.13
²⁷ (18.26) עִם־נָבָ֥ר תִּתְבָּרָ֑ר וְעִם־עִ֝קֵּ֗שׁ תִּתְפַּתָּֽל׃Psaumes 101.5 Esaïe 10.12 Esaïe 57.15 Luc 1.52-1.53 Psaumes 34.6
²⁸ (18.27) כִּֽי־אַ֭תָּה עַם־עָנִ֣י תֹושִׁ֑יעַ וְעֵינַ֖יִם רָמֹ֣ות תַּשְׁפִּֽיל׃Job 18.6 Psaumes 132.17 1 Rois 11.36 Job 29.3 Proverbes 20.27
²⁹ (18.28) כִּֽי־אַ֭תָּה תָּאִ֣יר נֵרִ֑י יְהוָ֥ה אֱ֝לֹהַ֗י יַגִּ֥יהַּ חָשְׁכִּֽי׃Ephésiens 6.10-6.13 2 Corinthiens 12.9-12.10 2 Samuel 22.30 Apocalypse 3.21 1 Samuel 23.2
³⁰ (18.29) כִּֽי־בְ֭ךָ אָרֻ֣ץ גְּד֑וּד וּ֝בֵֽאלֹהַ֗י אֲדַלֶּג־שֽׁוּר׃Deutéronome 32.4 Apocalypse 15.3 Psaumes 12.6 Psaumes 17.7 Daniel 4.37
³¹ (18.30) הָאֵל֮ תָּמִ֪ים דַּ֫רְכֹּ֥ו אִמְרַֽת־יְהוָ֥ה צְרוּפָ֑ה מָגֵ֥ן ה֝֗וּא לְכֹ֤ל׀ הַחֹסִ֬ים בֹּֽו׃Psaumes 86.8 1 Samuel 2.2 Esaïe 45.5 Deutéronome 32.31 Deutéronome 32.39
³² (18.31) כִּ֤י מִ֣י אֱ֭לֹוהַּ מִבַּלְעֲדֵ֣י יְהוָ֑ה וּמִ֥י צ֝֗וּר זוּלָתִ֥י אֱלֹהֵֽינוּ׃Esaïe 45.5 2 Corinthiens 3.5 2 Samuel 22.33 Psaumes 91.2 Psaumes 28.7
³³ (18.32) הָ֭אֵל הַמְאַזְּרֵ֣נִי חָ֑יִל וַיִּתֵּ֖ן תָּמִ֣ים דַּרְכִּֽי׃Habakuk 3.19 Deutéronome 32.13 2 Samuel 2.18 2 Samuel 22.14 Deutéronome 33.29
³⁴ (18.33) מְשַׁוֶּ֣ה רַ֭גְלַי כָּאַיָּלֹ֑ות וְעַ֥ל בָּ֝מֹתַ֗י יַעֲמִידֵֽנִי׃Psaumes 144.1 Jérémie 49.35 Esaïe 45.1 Osée 1.5 2 Samuel 22.36
³⁵ (18.34) מְלַמֵּ֣ד יָ֭דַי לַמִּלְחָמָ֑ה וְֽנִחֲתָ֥ה קֶֽשֶׁת־נְ֝חוּשָׁ֗ה זְרֹועֹתָֽי׃2 Samuel 22.36 Esaïe 40.11 Galates 5.22-5.23 Psaumes 28.7 Esaïe 22.3
³⁶ (18.35) וַתִּתֶּן־לִי֮ מָגֵ֪ן יִ֫שְׁעֶ֥ךָ וִֽימִינְךָ֥ תִסְעָדֵ֑נִי וְֽעַנְוַתְךָ֥ תַרְבֵּֽנִי׃Proverbes 4.12 2 Samuel 22.37 Luc 24.46-24.48 Job 18.7 Psaumes 4.1
³⁷ (18.36) תַּרְחִ֣יב צַעֲדִ֣י תַחְתָּ֑י וְלֹ֥א מָ֝עֲד֗וּ קַרְסֻלָּֽי׃Psaumes 37.20 Esaïe 63.1-63.6 Psaumes 44.5 Psaumes 9.3 Esaïe 53.10-53.12
³⁸ (18.37) אֶרְדֹּ֣וף אֹ֭ויְבַי וְאַשִּׂיגֵ֑ם וְלֹֽא־אָ֝שׁוּב עַד־כַּלֹּותָֽם׃2 Samuel 10.1-10.19 Psaumes 36.12 2 Samuel 5.1-5.25 1 Samuel 17.49-17.51 1 Samuel 30.17
³⁹ (18.38) אֶ֭מְחָצֵם וְלֹא־יֻ֣כְלוּ ק֑וּם יִ֝פְּל֗וּ תַּ֣חַת רַגְלָֽי׃Psaumes 18.32 1 Chroniques 22.18 Esaïe 45.14 Ephésiens 1.22 Philippiens 3.21
⁴⁰ (18.39) וַתְּאַזְּרֵ֣נִי חַ֭יִל לַמִּלְחָמָ֑ה תַּכְרִ֖יעַ קָמַ֣י תַּחְתָּֽי׃Psaumes 21.12 Psaumes 94.23
⁴¹ (18.40) וְֽאֹיְבַ֗י נָתַ֣תָּה לִּ֣י עֹ֑רֶף וּ֝מְשַׂנְאַ֗י אַצְמִיתֵֽם׃Proverbes 1.28 Job 27.9 Ezéchiel 8.18 Job 35.12-35.13 Michée 3.4
⁴² (18.41) יְשַׁוְּע֥וּ וְאֵין־מֹושִׁ֑יעַ עַל־יְ֝הוָ֗ה וְלֹ֣א עָנָֽם׃Zacharie 10.5 Esaïe 10.6 2 Rois 13.7 Psaumes 50.22 Esaïe 41.2
⁴³ (18.42) וְֽאֶשְׁחָקֵ֗ם כְּעָפָ֥ר עַל־פְּנֵי־ר֑וּחַ כְּטִ֖יט חוּצֹ֣ות אֲרִיקֵֽם׃2 Samuel 3.1 Esaïe 55.5 Romains 15.18 2 Samuel 19.9 Actes 5.31
⁴⁴ (18.43) תְּפַלְּטֵנִי֮ מֵרִ֪יבֵ֫י עָ֥ם תְּ֭שִׂימֵנִי לְרֹ֣אשׁ גֹּויִ֑ם עַ֖ם לֹא־יָדַ֣עְתִּי יַֽעַבְדֽוּנִי׃Psaumes 81.15 Psaumes 66.3 Deutéronome 33.29 Esaïe 62.8 2 Samuel 1.13
⁴⁵ (18.44) לְשֵׁ֣מַֽע אֹ֭זֶן יִשָּׁ֣מְעוּ לִ֑י בְּנֵֽי־נֵ֝כָ֗ר יְכַחֲשׁוּ־לִֽי׃Michée 7.17 Jacques 1.11 Esaïe 24.4 Apocalypse 6.16
⁴⁶ (18.45) בְּנֵי־נֵכָ֥ר יִבֹּ֑לוּ וְ֝יַחְרְג֗וּ מִֽמִּסְגְּרֹֽותֵיהֶֽם׃Psaumes 18.2 Psaumes 42.9 Psaumes 57.5 Esaïe 12.2 Exode 15.2
⁴⁷ (18.46) חַי־יְ֭הוָה וּבָר֣וּךְ צוּרִ֑י וְ֝יָר֗וּם אֱלֹוהֵ֥י יִשְׁעִֽי׃Psaumes 47.3 Deutéronome 32.35 Nahum 1.2 Romains 12.19 2 Samuel 22.48
⁴⁸ (18.47) הָאֵ֗ל הַנֹּותֵ֣ן נְקָמֹ֣ות לִ֑י וַיַּדְבֵּ֖ר עַמִּ֣ים תַּחְתָּֽי׃Psaumes 140.1 Psaumes 86.14 Psaumes 59.1-59.2 Psaumes 140.4 Psaumes 7.16
⁴⁹ (18.48) מְפַלְּטִ֗י מֵאֹ֫יְבָ֥י אַ֣ף מִן־קָ֭מַי תְּרֹומְמֵ֑נִי מֵאִ֥ישׁ חָ֝מָ֗ס תַּצִּילֵֽנִי׃Romains 15.9 Psaumes 108.3 Psaumes 138.4 Psaumes 72.18-72.19 Psaumes 14.7
⁵⁰ (18.49) עַל־כֵּ֤ן׀ אֹודְךָ֖ בַגֹּויִ֥ם׀ יְהוָ֑ה וּלְשִׁמְךָ֥ אֲזַמֵּֽרָה׃Psaumes 144.10 2 Samuel 7.13 1 Chroniques 17.11-17.14 1 Samuel 2.10 Psaumes 89.3-89.4
⁵¹ (18.50) מַגְדִּיל֮ יְשׁוּעֹ֪ות מַ֫לְכֹּ֥ו וְעֹ֤שֶׂה חֶ֨סֶד׀ לִמְשִׁיחֹ֗ו לְדָוִ֥ד וּלְזַרְעֹ֗ו עַד־עֹולָֽם׃