Esaïe 19.13
Vulgate

¹ onus Aegypti ecce Dominus ascendet super nubem levem et ingredietur Aegyptum et movebuntur simulacra Aegypti a facie eius et cor Aegypti tabescet in medio eiusExode 12.12 Apocalypse 1.7 Joël 3.19 Josué 2.11 Jérémie 50.2
² et concurrere faciam Aegyptios adversum Aegyptios et pugnabit vir contra fratrem suum et vir contra amicum suum civitas adversus civitatem regnum adversus regnumJuges 7.22 1 Samuel 14.20 Ezéchiel 38.21 Apocalypse 17.12-17.17 Matthieu 10.21
³ et disrumpetur spiritus Aegypti in visceribus eius et consilium eius praecipitabo et interrogabunt simulacra sua et divinos suos et pythones et ariolosEsaïe 8.19 Daniel 2.2 1 Chroniques 10.13 Ezéchiel 21.7 Psaumes 76.12
⁴ et tradam Aegyptum in manu dominorum crudelium et rex fortis dominabitur eorum ait Dominus Deus exercituumEsaïe 20.4 Ezéchiel 29.19 Jérémie 46.26 Esaïe 19.2 1 Samuel 23.7
⁵ et arescet aqua de mari et fluvius desolabitur atque siccabiturJérémie 51.36 Ezéchiel 30.12 Zacharie 14.18 Zacharie 10.11
⁶ et deficient flumina adtenuabuntur et siccabuntur rivi aggerum calamus et iuncus marcescetEsaïe 37.25 Exode 2.3 Job 8.11 2 Rois 19.24 Esaïe 15.6
⁷ nudabitur alveus rivi a fonte suo et omnis sementis inrigua siccabitur arescet et non eritEsaïe 23.3 Ezéchiel 19.13 Esaïe 32.20 Jérémie 14.4 Joël 1.17-1.18
⁸ et maerebunt piscatores et lugebunt omnes mittentes in flumen hamum et expandentes rete super faciem aquae marcescentEzéchiel 47.10 Habakuk 1.15 Nombres 11.5 Exode 7.21
⁹ confundentur qui operabantur linum pectentes et texentes subtiliaEzéchiel 27.7 Proverbes 7.16 1 Rois 10.28
¹⁰ et erunt inrigua eius flaccentia omnes qui faciebant lacunas ad capiendos piscesDeutéronome 11.10 Exode 8.5 Exode 7.19
¹¹ stulti principes Taneos sapientes consiliarii Pharao dederunt consilium insipiens quomodo dicetis Pharaoni filius sapientium ego filius regum antiquorumNombres 13.22 Actes 7.22 Psaumes 78.43 1 Rois 4.30 Esaïe 30.4
¹² ubi sunt nunc sapientes tui adnuntient tibi et indicent quid cogitaverit Dominus exercituum super Aegyptum1 Corinthiens 1.20 Esaïe 5.21 Romains 9.17 Esaïe 14.24 Esaïe 47.10-47.13
¹³ stulti facti sunt principes Taneos emarcuerunt principes Mempheos deceperunt Aegyptum angulum populorum eiusEzéchiel 30.13 Jérémie 2.16 Jérémie 46.19 Jérémie 46.14 Zacharie 10.4
¹⁴ Dominus miscuit in medio eius spiritum vertiginis et errare fecerunt Aegyptum in omni opere suo sicut errat ebrius et vomens2 Thessaloniciens 2.11 Ezéchiel 14.7-14.9 1 Rois 22.20-22.23 Esaïe 47.10-47.11 Jérémie 25.27
¹⁵ et non erit Aegypto opus quod faciat caput et caudam incurvantem et refrenantemEsaïe 9.14-9.15 Proverbes 14.23 Psaumes 128.2 Habakuk 3.17 Aggée 1.11
¹⁶ in die illa erit Aegyptus quasi mulieres et stupebunt et timebunt a facie commotionis manus Domini exercituum quam ipse movebit super eamEsaïe 11.15 Nahum 3.13 Jérémie 51.30 Jérémie 50.37 Esaïe 10.32
¹⁷ et erit terra Iuda Aegypto in festivitatem omnis qui illius fuerit recordatus pavebit a facie consilii Domini exercituum quod ipse cogitavit super eamEsaïe 14.24 Daniel 4.35 Jérémie 44.28-44.30 Esaïe 20.2-20.5 Jérémie 25.19
¹⁸ in die illa erunt quinque civitates in terra Aegypti loquentes lingua Chanaan et iurantes per Dominum exercituum civitas Solis vocabitur unaSophonie 3.9 Zacharie 2.11 Esaïe 19.21 Deutéronome 10.20 Esaïe 11.11
¹⁹ in die illa erit altare Domini in medio terrae Aegypti et titulus iuxta terminum eius DominiGenèse 28.18 Josué 22.10 Exode 24.4 Josué 22.26 Esaïe 66.23
²⁰ et erit in signum et in testimonium Domino exercituum in terra Aegypti clamabunt enim ad Dominum a facie tribulantis et mittet eis salvatorem et propugnatorem qui liberet eosJosué 22.27-22.28 Josué 4.20-4.21 Esaïe 19.4 Esaïe 55.13 Josué 24.26-24.27
²¹ et cognoscetur Dominus ab Aegypto et cognoscent Aegyptii Dominum in die illa et colent eum in hostiis et muneribus et vota vovebunt Domino et solventHabakuk 2.14 Malachie 1.11 Esaïe 11.9 1 Samuel 17.46 Esaïe 56.7
²² et percutiet Dominus Aegyptum plaga et sanabit eam et revertentur ad Dominum et placabitur eis et sanabit eosOsée 14.1 Hébreux 12.11 Deutéronome 32.39 Actes 28.26-28.27 Esaïe 55.7
²³ in die illa erit via de Aegypto in Assyrios et intrabit Assyrius Aegyptum et Aegyptius in Assyrios et servient Aegyptii AssurEsaïe 11.16 Esaïe 27.13 Ephésiens 3.6-3.8 Ephésiens 2.18-2.22 Esaïe 35.8-35.10
²⁴ in die illa erit Israhel tertius Aegyptio et Assyrio benedictio in medio terraeEsaïe 65.8 Genèse 12.2 Romains 15.27 Luc 2.32 Galates 3.14
²⁵ cui benedixit Dominus exercituum dicens benedictus populus meus Aegypti et opus manuum mearum Assyrio hereditas autem mea IsrahelEsaïe 29.23 Osée 2.23 Deutéronome 32.9 Esaïe 60.21 Esaïe 61.9