Job 31.6
Vulgate

¹ pepigi foedus cum oculis meis ut ne cogitarem quidem de virgine
Matthieu 5.28-5.29 Jacques 1.14-1.15 Proverbes 6.25 Proverbes 4.25 1 Jean 2.16
² quam enim partem haberet Deus in me desuper et hereditatem Omnipotens de excelsis
Job 20.29 Hébreux 13.4 Job 27.13
³ numquid non perditio est iniquo et alienatio operantibus iniustitiam
Job 21.30 2 Pierre 2.1 1 Thessaloniciens 5.3 Romains 9.22 Psaumes 73.18
⁴ nonne ipse considerat vias meas et cunctos gressus meos dinumerat
Job 14.16 Proverbes 5.21 2 Chroniques 16.9 Job 34.21 Proverbes 15.3
⁵ si ambulavi in vanitate et festinavit in dolo pes meus
Jérémie 2.5 Psaumes 12.2 Michée 2.11 Ezéchiel 13.8 Proverbes 12.11
⁶ adpendat me in statera iusta et sciat Deus simplicitatem meam
Psaumes 7.8-7.9 Daniel 5.27 Psaumes 17.2-17.3 Josué 22.22 2 Timothée 2.19
⁷ si declinavit gressus meus de via et si secutum est oculos meos cor meum et in manibus meis adhesit macula
Nombres 15.39 Ecclésiaste 11.9 Matthieu 5.29 Ezéchiel 14.3 Psaumes 101.3
⁸ seram et alius comedat et progenies mea eradicetur
Lévitique 26.16 Michée 6.15 Deutéronome 28.38 Job 18.19 Deutéronome 28.30-28.33
⁹ si deceptum est cor meum super mulierem et si ad ostium amici mei insidiatus sum
Ecclésiaste 7.26 Proverbes 7.21 Osée 7.4 Job 24.15-24.16 Jérémie 5.8
¹⁰ scortum sit alteri uxor mea et super illam incurventur alii
Jérémie 8.10 2 Samuel 12.11 Esaïe 47.2 Deutéronome 28.30 Exode 11.5
¹¹ hoc enim nefas est et iniquitas maxima
Lévitique 20.10 Deutéronome 22.22-22.24 Job 31.28 Genèse 38.24 Exode 20.14
¹² ignis est usque ad perditionem devorans et omnia eradicans genimina
Proverbes 6.27 Job 15.30 Jérémie 5.7-5.9 Malachie 3.5 Job 20.28
¹³ si contempsi subire iudicium cum servo meo et ancillae meae cum disceptarent adversum me
Ephésiens 6.9 Jérémie 34.14-34.17 Exode 21.26-21.27 Lévitique 25.43 Deutéronome 24.14-24.15
¹⁴ quid enim faciam cum surrexerit ad iudicandum Deus et cum quaesierit quid respondebo illi
Esaïe 10.3 Romains 3.19 Job 10.2 Psaumes 7.6 Zacharie 2.13
¹⁵ numquid non in utero fecit me qui et illum operatus est et formavit in vulva unus
Proverbes 14.31 Job 34.19 Proverbes 22.2 Malachie 2.10 Job 10.3
¹⁶ si negavi quod volebant pauperibus et oculos viduae expectare feci
Job 5.16 Lamentations 4.17 Psaumes 112.9 Job 22.7-22.9 Luc 16.21
¹⁷ si comedi buccellam meam solus et non comedit pupillus ex ea
Ezéchiel 18.7 Actes 4.32 Deutéronome 15.14 Job 22.7 Jean 13.29
¹⁸ quia ab infantia mea crevit mecum miseratio et de utero matris meae egressa est mecum
¹⁹ si despexi pereuntem eo quod non habuerit indumentum et absque operimento pauperem
Job 22.6 2 Chroniques 28.15 Luc 3.11 Actes 9.39 1 Jean 3.18
²⁰ si non benedixerunt mihi latera eius et de velleribus ovium mearum calefactus est
Deutéronome 24.13 Job 29.11
²¹ si levavi super pupillum manum meam etiam cum viderem me in porta superiorem
Job 22.9 Job 29.12 Jérémie 5.28 Job 6.27 Michée 7.3
²² umerus meus a iunctura sua cadat et brachium meum cum suis ossibus confringatur
Job 31.10 Psaumes 7.4-7.5 Job 38.15 Job 31.40 Psaumes 137.6
²³ semper enim quasi tumentes super me fluctus timui Deum et pondus eius ferre non potui
Job 13.11 Psaumes 119.120 Joël 1.15 Esaïe 13.6 Job 21.20
²⁴ si putavi aurum robur meum et obrizae dixi fiducia mea
Psaumes 52.7 Genèse 31.1 Luc 12.15 Proverbes 11.28 Proverbes 30.9
²⁵ si laetatus sum super multis divitiis meis et quia plurima repperit manus mea
Psaumes 62.10 Deutéronome 8.17-8.18 Esaïe 10.13-10.14 Luc 16.25 Daniel 4.30
²⁶ si vidi solem cum fulgeret et lunam incedentem clare
Ezéchiel 8.16 Deutéronome 4.19 Deutéronome 17.3 2 Rois 23.5 2 Rois 23.11
²⁷ et lactatum est in abscondito cor meum et osculatus sum manum meam ore meo
Romains 1.21 Romains 1.28 1 Rois 19.18 Osée 13.2 Deutéronome 13.6
²⁸ quae est iniquitas maxima et negatio contra Deum altissimum
Deutéronome 17.2-17.7 Job 31.11 Josué 24.27 Tite 1.16 Psaumes 50.6
²⁹ si gavisus sum ad ruinam eius qui me oderat et exultavi quod invenisset eum malum
Proverbes 17.5 Proverbes 24.17-24.18 Psaumes 35.13-35.14 Psaumes 35.25-35.26 Abdias 1.12
³⁰ non enim dedi ad peccandum guttur meum ut expeterem maledicens animam eius
1 Pierre 3.9 Romains 12.14 Ecclésiaste 5.6 Matthieu 12.36 Jacques 3.6
³¹ si non dixerunt viri tabernaculi mei quis det de carnibus eius ut saturemur
Job 19.22 1 Samuel 26.8 Luc 22.50-22.51 Proverbes 1.11-1.12 Michée 3.2-3.3
³² foris non mansit peregrinus ostium meum viatori patuit
Genèse 19.2-19.3 Juges 19.20-19.21 Hébreux 13.2 Romains 12.13 1 Pierre 4.9
³³ si abscondi quasi homo peccatum meum et celavi in sinu meo iniquitatem meam
Proverbes 28.13 Osée 6.7 Genèse 3.12 Genèse 3.7-3.8 Actes 5.8
³⁴ si expavi ad multitudinem nimiam et despectio propinquorum terruit me et non magis tacui nec egressus sum ostium
Exode 23.2 Néhémie 13.28 Amos 5.11-5.13 Néhémie 5.7 Job 22.8
³⁵ quis mihi tribuat auditorem ut desiderium meum Omnipotens audiat et librum scribat ipse qui iudicat
Job 13.21-13.22 Job 19.23-19.24 Job 23.3-23.7 Job 13.3 Matthieu 5.25
³⁶ ut in umero meo portem illum et circumdem illum quasi coronam mihi
Esaïe 22.22 Exode 28.12 Esaïe 62.3 Job 29.14 Philippiens 4.1
³⁷ per singulos gradus meos pronuntiabo illum et quasi principi offeram eum
Job 42.3-42.6 1 Jean 3.19-3.21 Job 1.3 Job 14.16 Hébreux 4.15-4.16
³⁸ si adversum me terra mea clamat et cum ipsa sulci eius deflent
Job 20.27 Psaumes 65.13 Habakuk 2.11 Jacques 5.4
³⁹ si fructus eius comedi absque pecunia et animam agricolarum eius adflixi
1 Rois 21.19 Jacques 5.4 Ezéchiel 22.6 Genèse 4.12 1 Rois 21.13-21.16
⁴⁰ pro frumento oriatur mihi tribulus et pro hordeo spina finita sunt verba Iob
Genèse 3.17-3.18 Psaumes 72.20 Malachie 1.3 Esaïe 7.23 Sophonie 2.9