1 È u prima ghjornu di a sittimana, à l’albariumi, andedinu à a tomba cù l’arumati ch’elli avianu appruntatu.
Jean 20.1-20.2 Luc 24.10 Marc 15.40 Luc 23.55-23.56 Matthieu 28.1-28.8
2 È truvedinu a petra vultulata da davanti à a tomba,
Matthieu 28.2 Marc 15.46-15.47 Marc 16.3-16.4 Matthieu 27.60-27.66 Jean 20.1-20.2
3 è, intruti, ùn truvedinu più u catavaru di u signori Ghjesù.
Luc 24.23 Jean 20.6-20.7 Matthieu 16.5
4 Ed eranu in lu dubbiu causa di issu fattu ; tandu li si prisintonu dui omi cù una vistitoghja chì spampillulava.
Marc 16.5 Actes 1.10 Jean 20.11-20.12 Matthieu 28.2-28.6 Genèse 18.2
5 Li era ghjuntu u siscu è guardavanu in tarra ; l’omi li dissinu : « chì circheti u vivu à buleghju à i morti ?
Daniel 10.19 Marc 16.5-16.6 Daniel 8.17-8.18 Matthieu 28.3-28.5 Daniel 10.16
6 Ùn hè quì, chì si hè svighjatu ; ricurdeti vi cum’ellu vi hà dittu quand’ellu era sempri in Galilea :
Matthieu 17.22-17.23 Luc 9.22 Luc 9.44 Matthieu 27.63 Matthieu 16.21
7 u Figliolu di l’Omu ci voli ch’ellu sia datu in mani à l’omi piccatori è missu in croci, è chì u terzu ghjornu ch’ellu s’arrizzi. »
Matthieu 16.21
8 È si ricurdedinu i so parolli.
Jean 14.26 Jean 2.19-2.22 Jean 12.16
9 È vultati ch’elli funu da a tomba, annuncedinu tutti issi cosi à l’ondici è à tutti l’altri.
Matthieu 28.7-28.8 Marc 16.10 Marc 16.7-16.8 Luc 24.22-24.24
10 Chì eranu a Matalena Maria, Ghjuvanna, Maria di Ghjacumu, è l’altri chì eranu cun elli
Luc 8.2-8.3 Marc 15.40-15.41 Marc 16.9-16.11 Jean 20.11-20.18 Matthieu 27.56
11 è li parsinu ricapiti issi discorsi, è ùn li cridianu.
Marc 16.11 Luc 24.25 Genèse 19.14 2 Rois 7.2 Psaumes 126.1
12 Ma Petru s’arrizzedi, corsi à a tomba, si calò è ùn vidi cà i panni, è vultedi in casa soia maravigliendu si di u fattu stalvatu.
Jean 20.3-20.10
13 Ed eccu chì dui d’elli, quillu ghjornu, facianu strada à via di un paesi chì si chjama Emmaus, à sissanta stadii da Ghjerusalemi.
Luc 24.18 Marc 16.12-16.13
14 È discurrianu trà di elli di tutti i fatti stalvati.
Malachie 3.6 Deutéronome 6.7 Luc 6.45
15 È mentri ch’elli discurrianu è raghjunavanu, Ghjesù stessu, avvicinatu si, viaghjò cun elli,
Luc 24.36 Matthieu 18.20 Jean 14.18-14.19
16 ma eranu impiditi i so ochji di cunnoscia lu.
Jean 20.14 Jean 21.4 Luc 24.31 2 Rois 6.18-6.20 Marc 16.12
17 È li dissi : « chì sò sti discorsi chì voi faciati marchjendu ? » È piantedinu,imbafati.
Jean 16.20-16.22 Jean 16.6 Ezéchiel 9.4-9.6
18 È unu chì si chjamava Cleopas li rispundì : « saristi po tù u solu in Ghjerusalemi à ùn sapè i fatti stalvati sti pochi ghjorni ? »
Jean 19.25
19 È li dissi : « qualessi ? » È elli li dissinu : « quilli di Ghjesù u Nazarenu, chì fù un prufeta putenti, di fatti è di parolli, davanti à Diu è à tuttu u populu ;
Matthieu 21.11 Jean 4.19 Actes 2.22 Actes 7.22 Jean 7.52
20 cum’elli u dedinu i capi di i preti è i nostri magistrati da fà lu cundannà à morti, è u missinu in croci.
Luc 23.13 Actes 5.30-5.31 Matthieu 27.1-27.2 Actes 3.13-3.15 Matthieu 27.20
21 È noi spiravamu ch’ellu fussi quillu chì avia da riscattà à Israeli ; ma cù tuttu què, eccu oramai u terzu ghjornu ch’elli sò stalvati sti fatti.
Luc 1.68 Luc 2.38 Apocalypse 5.9 1 Pierre 1.18-1.19 Actes 1.6
22 Ma unipochi di donni chì sò cù noscu ci anu cunturbatu, chì sò andati à l’alba à a tomba,
Luc 24.1-24.11 Jean 20.18 Marc 16.9-16.10 Matthieu 28.7-28.8 Jean 20.1-20.2
23 ùn ci anu trovu u so catavaru, è sò ghjunti dicendu di avè vistu l’agnuli, chì u dicinu vivu.
24 È andedinu unipochi di i nostri à a tomba è a truvedinu tali è quali ch’elli avianu dittu i donni, è à ellu ùn lu vidinu. »
Luc 24.12 Jean 20.1-20.10
25 È ellu li dissi : « o scemi, losci di cori par creda tuttu ciò ch’elli dissinu i prufeti !
Marc 9.19 Marc 16.14 Marc 8.17-8.18 Hébreux 5.11-5.12 Marc 7.18
26 Soca ùn ci vulia ch’ellu patissi què u Cristu è entra in la so gloria ? »
1 Pierre 1.11 Hébreux 9.22-9.23 Esaïe 53.1-53.12 Hébreux 2.8-2.10 Hébreux 12.2
27 È li spiicò ciò chì trattava d’ellu in tutti i scritturi, cumincendu da Musè è da tutti i prufeti.
Jean 1.45 Esaïe 7.14 Zacharie 9.9 Deutéronome 18.15 Esaïe 53.1-53.12
28 È si avvicinedinu da u paesi duva elli andavanu, è ellu feci par francà lu.
Marc 6.48 Genèse 42.7 Genèse 19.2 Genèse 32.26
29 È insistedinu dicendu : « stà cù noscu, chì u ghjornu si ni hè andatu è faci annuttendu. » È intrì à stà cun elli.
2 Rois 4.8 Actes 16.14 Luc 14.23 Genèse 19.3
30 È quand’ellu era attavulinatu cun elli, pigliedi u pani, u binadì, è spartutu lu, u li dedi
Matthieu 14.19 Luc 24.35 Luc 9.16 Matthieu 26.26 Jean 6.11
31 è s’aprinu i so ochji è u cunnobbinu ; è tandu ùn lu vidinu più.
Luc 24.16 Jean 8.59 Luc 4.30 Jean 20.13-20.16
32 È si dissinu : « ùn brusgiava po u nostru cori quandu ellu ci parlava par istrada, quandu ellu ci spiicava i scritturi ? »
Luc 24.45 Psaumes 39.3 Jean 6.63 Proverbes 27.9 Jérémie 23.29
33 È si arrizzedinu subitu, vultedinu in Ghjerusalemi è i truvedinu tutti accolti, l’ondici è quilli chì eranu cun elli,
Jean 20.19-20.26 Actes 1.14 Marc 16.13
34 chì dicianu : « in fatti si hè svighjatu u signori, è hè statu vistu da Simoni. »
1 Corinthiens 15.5 Marc 16.7 Luc 22.54-22.62
35 È elli cuntedinu l’affari di a strada è cumu ellu si era fattu cunnoscia da elli à u sparta di u pani.
Luc 24.30-24.31 Actes 2.42 Marc 16.12-16.13
36 È mentri ch’elli parlavanu cusì, Ghjesù fù arrittu à mezu à elli ; li dissi : « paci cù voscu. »
Marc 16.14 Jean 20.26 Jean 14.27 Apocalypse 1.4 Esaïe 57.18
37 Insischiti è impauriti cridianu di veda un ispiritu.
Job 4.14-4.16 1 Samuel 28.13 Luc 16.30 Matthieu 14.26-14.27 Marc 6.49-6.50
38 È li dissi : « parchì seti surpresi è vi collanu i raghjunamenti in lu cori ?
Hébreux 4.13 Daniel 4.19 Matthieu 16.8 Daniel 4.5 Jérémie 4.14
39 Guardeti i me mani è i me pedi par veda ch’e’ sò eiu ; tuccheti mi è guardeti, chì un ispiritu ùn hà carni è ossi, cum’è vo videti ch’e’ l’aghju eiu. »
Jean 20.27 1 Jean 1.1 Nombres 16.22 Jean 20.20 Luc 23.46
40 È dicendu cusì li feci veda i so mani è i so pedi.
41 È cum’ì da a troppa alicria ùn ci cridianu ancu è si maravigliavanu, li dissi : « aveti calcosa da magnà quì ? »
Jean 21.5 Genèse 45.26-45.28 Jean 16.22 Jean 21.10-21.13 Job 9.16
42 È elli li dedinu un pezzu di pesciu arrustitu.
43 È u pigliedi è davanti à elli u magnedi.
Actes 10.41
44 È li dissi : « sò quisti i parolli ch’e’ vi aghju dittu quand’e’ eru sempri cù voscu, chì ci voli ch’elli sianu cumpiiti tutti i cosi scritti ind’ a Legi di Musè, ind’è i prufeti è ind’i salmi chì trattanu di mè. »
Psaumes 118.22 Psaumes 110.1-110.7 Psaumes 72.1-72.20 Actes 13.33 Luc 9.22
45 Tandu li aprì a menti da ch’elli capischinu i scritti ;
Actes 16.14 Psaumes 119.18 Job 33.16 Ephésiens 5.14 2 Corinthiens 3.14-3.18
46 è li dissi : « cusì hè scritta, ch’ellu suffraria Cristu è ch’ellu s’arrizzaria da mezu à i morti u terzu ghjornu
Esaïe 53.2-53.12 Esaïe 50.6 Luc 24.44 Luc 24.7 Actes 17.3
47 è ch’elli sarianu annunciati in nomi soiu u pintimentu è u pardonu di i piccati , à tutti i nazioni, à principià da Ghjerusalemi.
Actes 5.31 Actes 2.38 Matthieu 28.19 Actes 13.46 Actes 11.18
48 Voi ni seti tistimoni.
Actes 5.32 Actes 2.32 Actes 1.8 Actes 13.31 Actes 10.41
49 Ed eccu, eiu vi mandu addossu a prumessa di u me Babbu ; è voi, steti in la cità, insini à quand’ì vo sareti vistuti cù a putenza di in sù. »
Actes 1.4 Actes 1.8 Jean 14.26 Esaïe 32.15 Joël 2.28-2.32
50 È i purtedi for’ di cità insini à a Betania, è alzendu i mani i binadì.
Actes 1.12 Matthieu 21.17 Marc 11.1 Genèse 14.18-14.20 Marc 10.16
51 È mentri chì ellu i binadia si spiccò da elli è fù purtatu in celi.
Marc 16.19 2 Rois 2.11 Jean 20.17 Actes 1.9 Hébreux 4.14
52 È elli inghjinuchjatu li si davanti, vultedinu in Ghjerusalemi cù l’alicria maiò.
Matthieu 28.9 Jean 16.22 1 Pierre 1.8 Jean 20.28 Psaumes 30.11
53 È sempri eranu in lu tempiu è ludavanu à Diu.
Marc 16.20 Actes 2.46-2.47 Apocalypse 22.21 Actes 5.41-5.42 Matthieu 28.20