Proverbes 23
Biblia Hebraica Stuttgartensia

1 כִּֽי־תֵ֭שֵׁב לִלְחֹ֣ום אֶת־מֹושֵׁ֑ל בִּ֥ין תָּ֝בִ֗ין אֶת־אֲשֶׁ֥ר לְפָנֶֽיךָ׃
Jude 1.12 Genèse 43.32-43.34
2 וְשַׂמְתָּ֣ שַׂכִּ֣ין בְּלֹעֶ֑ךָ אִם־בַּ֖עַל נֶ֣פֶשׁ אָֽתָּה׃
1 Corinthiens 9.27 Philippiens 3.19 Matthieu 18.8-18.9
3 אַל־תִּ֭תְאָיו לְמַטְעַמֹּותָ֑יו וְ֝ה֗וּא לֶ֣חֶם כְּזָבִֽים׃
Proverbes 23.6 Psaumes 141.4 Ephésiens 4.22 Luc 21.34 Daniel 1.8
4 אַל־תִּיגַ֥ע לְֽהַעֲשִׁ֑יר מִֽבִּינָתְךָ֥ חֲדָֽל׃
Proverbes 3.5 Proverbes 28.20 Hébreux 13.5 Romains 12.16 Proverbes 26.12
5 הֲתָ֤עִיף עֵינֶ֥יךָ בֹּ֗ו וְֽאֵ֫ינֶ֥נּוּ כִּ֤י עָשֹׂ֣ה יַעֲשֶׂה־לֹּ֣ו כְנָפַ֑יִם כְּ֝נֶ֗שֶׁר יָע֥וּף הַשָּׁמָֽיִם׃ פ
Proverbes 27.24 1 Timothée 6.17 Job 1.14-1.17 Jérémie 22.17 Psaumes 119.36-119.37
6 אַל־תִּלְחַ֗ם אֶת־לֶ֭חֶם רַ֣ע עָ֑יִן וְאַל־תִּ֝תְאָ֗יו לְמַטְעַמֹּתָֽיו׃
Psaumes 141.4 Deutéronome 15.9 Proverbes 23.3 Daniel 1.8-1.10 Proverbes 22.9
7 כִּ֤י׀ כְּמֹו־שָׁעַ֥ר בְּנַפְשֹׁ֗ו כֶּ֫ן־ה֥וּא אֱכֹ֣ל וּ֭שְׁתֵה יֹ֣אמַר לָ֑ךְ וְ֝לִבֹּ֗ו בַּל־עִמָּֽךְ׃
Psaumes 12.2 Psaumes 55.21 Juges 16.15 Luc 11.37-11.54 Luc 7.39
8 פִּֽתְּךָ־אָכַ֥לְתָּ תְקִיאֶ֑נָּה וְ֝שִׁחַ֗תָּ דְּבָרֶ֥יךָ הַנְּעִימִֽים׃
9 בְּאָזְנֵ֣י כְ֭סִיל אַל־תְּדַבֵּ֑ר כִּֽי־יָ֝ב֗וּז לְשֵׂ֣כֶל מִלֶּֽיךָ׃
Matthieu 7.6 Jean 9.30-9.34 Proverbes 26.4-26.5 Esaïe 36.21 1 Corinthiens 4.10-4.13
10 אַל־תַּ֭סֵּג גְּב֣וּל עֹולָ֑ם וּבִשְׂדֵ֥י יְ֝תֹומִ֗ים אַל־תָּבֹֽא׃
Proverbes 22.28 Jérémie 22.3 Deutéronome 19.14 Zacharie 7.10 Job 6.27
11 כִּֽי־גֹאֲלָ֥ם חָזָ֑ק הֽוּא־יָרִ֖יב אֶת־רִיבָ֣ם אִתָּֽךְ׃
Proverbes 22.23 Job 19.25 Exode 22.22-22.24 Deutéronome 27.19 Jérémie 51.36
12 הָבִ֣יאָה לַמּוּסָ֣ר לִבֶּ֑ךָ וְ֝אָזְנֶ֗ךָ לְאִמְרֵי־דָֽעַת׃
Proverbes 2.2-2.6 Jacques 1.21-1.25 Ezéchiel 33.31 Matthieu 13.52 Proverbes 22.17
13 אַל־תִּמְנַ֣ע מִנַּ֣עַר מוּסָ֑ר כִּֽי־תַכֶּ֥נּוּ בַ֝שֵּׁ֗בֶט לֹ֣א יָמֽוּת׃
Proverbes 13.24 Proverbes 19.18 Proverbes 29.17 Proverbes 29.15
14 אַ֭תָּה בַּשֵּׁ֣בֶט תַּכֶּ֑נּוּ וְ֝נַפְשֹׁ֗ו מִשְּׁאֹ֥ול תַּצִּֽיל׃
1 Corinthiens 5.5 1 Corinthiens 11.32 Proverbes 22.15

Appels d’un père à son fils

15 בְּ֭נִי אִם־חָכַ֣ם לִבֶּ֑ךָ יִשְׂמַ֖ח לִבִּ֣י גַם־אָֽנִי׃
Proverbes 23.24-23.25 Proverbes 29.3 3 Jean 1.3-1.4 2 Jean 1.4 1 Thessaloniciens 2.19-2.20
16 וְתַעְלֹ֥זְנָה כִלְיֹותָ֑י בְּדַבֵּ֥ר שְׂ֝פָתֶ֗יךָ מֵישָׁרִֽים׃
Proverbes 8.6 Ephésiens 4.29 Ephésiens 5.4 Colossiens 4.4 Jacques 3.2
17 אַל־יְקַנֵּ֣א לִ֭בְּךָ בַּֽחַטָּאִ֑ים כִּ֥י אִם־בְּיִרְאַת־יְ֝הוָ֗ה כָּל־הַיֹּֽום׃
Proverbes 28.14 Proverbes 3.31 Proverbes 24.1 1 Pierre 1.17 2 Corinthiens 7.1
18 כִּ֭י אִם־יֵ֣שׁ אַחֲרִ֑ית וְ֝תִקְוָתְךָ֗ לֹ֣א תִכָּרֵֽת׃
Jérémie 29.11 Proverbes 24.14 Psaumes 9.18 Psaumes 37.37 Hébreux 10.35
19 שְׁמַע־אַתָּ֣ה בְנִ֣י וַחֲכָ֑ם וְאַשֵּׁ֖ר בַּדֶּ֣רֶךְ לִבֶּֽךָ׃
Proverbes 4.10-4.23 Proverbes 9.6 Proverbes 6.6 Proverbes 23.12 Proverbes 23.26
20 אַל־תְּהִ֥י בְסֹֽבְאֵי־יָ֑יִן בְּזֹלֲלֵ֖י בָשָׂ֣ר לָֽמֹו׃
Romains 13.13 Esaïe 5.22 Ephésiens 5.18 Proverbes 28.7 Esaïe 5.11
21 כִּי־סֹבֵ֣א וְ֭זֹולֵל יִוָּרֵ֑שׁ וּ֝קְרָעִ֗ים תַּלְבִּ֥ישׁ נוּמָֽה׃
Proverbes 21.17 Philippiens 3.19 Deutéronome 21.20 Proverbes 19.15 Proverbes 24.30-24.34
22 שְׁמַ֣ע לְ֭אָבִיךָ זֶ֣ה יְלָדֶ֑ךָ וְאַל־תָּ֝ב֗וּז כִּֽי־זָקְנָ֥ה אִמֶּֽךָ׃
Proverbes 1.8 Jean 19.26-19.27 Proverbes 6.20 Ephésiens 6.1-6.2 Proverbes 30.17
23 אֱמֶ֣ת קְ֭נֵה וְאַל־תִּמְכֹּ֑ר חָכְמָ֖ה וּמוּסָ֣ר וּבִינָֽה׃
Matthieu 13.44 Proverbes 18.15 Proverbes 16.16 Psaumes 119.72 Matthieu 13.46
24 גִּ֣יל יָ֭גִיל אֲבִ֣י צַדִּ֑יק וְיֹולֵ֥ד חָ֝כָ֗ם יִשְׂמַח־בֹּֽו׃
Proverbes 10.1 Proverbes 15.20 Proverbes 23.15-23.16 Proverbes 29.3 1 Rois 1.48
25 יִֽשְׂמַח־אָבִ֥יךָ וְאִמֶּ֑ךָ וְ֝תָגֵ֗ל יֹֽולַדְתֶּֽךָ׃
Proverbes 17.25 Luc 1.31-1.33 Luc 1.58 Luc 1.40-1.47 1 Chroniques 4.9-4.10
26 תְּנָֽה־בְנִ֣י לִבְּךָ֣ לִ֑י וְ֝עֵינֶ֗יךָ דְּרָכַ֥י תִּצֹּֽרְנָה׃
Psaumes 119.2 Matthieu 10.37-10.38 Psaumes 107.43 Psaumes 119.9-119.11 Deutéronome 6.5
27 כִּֽי־שׁוּחָ֣ה עֲמֻקָּ֣ה זֹונָ֑ה וּבְאֵ֥ר צָ֝רָ֗ה נָכְרִיָּֽה׃
Proverbes 22.14
28 אַף־הִ֭יא כְּחֶ֣תֶף תֶּֽאֱרֹ֑ב וּ֝בֹוגְדִ֗ים בְּאָדָ֥ם תֹּוסִֽף׃
Ecclésiaste 7.26 Proverbes 7.12 Nombres 25.1 Jérémie 3.2 1 Corinthiens 10.8
29 לְמִ֨י אֹ֥וי לְמִ֪י אֲבֹ֡וי לְמִ֤י מִדְיָנִ֨ים ׀ לְמִ֥י שִׂ֗יחַ לְ֭מִי פְּצָעִ֣ים חִנָּ֑ם לְ֝מִ֗י חַכְלִל֥וּת עֵינָֽיִם׃
Proverbes 23.21 Esaïe 5.11 Esaïe 5.22 Ephésiens 5.18 2 Samuel 13.28
30 לַֽמְאַחֲרִ֥ים עַל־הַיָּ֑יִן לַ֝בָּאִ֗ים לַחְקֹ֥ר מִמְסָֽךְ׃
Psaumes 75.8 Esaïe 5.11 Ephésiens 5.18 Proverbes 9.2 Proverbes 20.1
31 אַל־תֵּ֥רֶא יַיִן֮ כִּ֪י יִתְאַ֫דָּ֥ם כִּֽי־יִתֵּ֣ן בַּכֹּ֣וס עֵינֹ֑ו יִ֝תְהַלֵּ֗ךְ בְּמֵישָׁרִֽים׃
Psaumes 119.37 Matthieu 5.28-5.30 2 Samuel 11.2 1 Jean 2.16 Proverbes 6.25
32 אַ֭חֲרִיתֹו כְּנָחָ֣שׁ יִשָּׁ֑ךְ וּֽכְצִפְעֹנִ֥י יַפְרִֽשׁ׃
Exode 7.12 Amos 9.3 Job 20.16 Esaïe 59.5 Exode 7.5-7.6
33 עֵ֭ינֶיךָ יִרְא֣וּ זָרֹ֑ות וְ֝לִבְּךָ֗ יְדַבֵּ֥ר תַּהְפֻּכֹֽות׃
Osée 7.5 Jude 1.12-1.13 Proverbes 2.12 Psaumes 69.12 Proverbes 31.5
34 וְ֭הָיִיתָ כְּשֹׁכֵ֣ב בְּלֶב־יָ֑ם וּ֝כְשֹׁכֵ֗ב בְּרֹ֣אשׁ חִבֵּֽל׃
1 Samuel 25.33-25.38 1 Thessaloniciens 5.2-5.7 1 Rois 20.16-20.22 Exode 15.8 2 Samuel 13.28
35 הִכּ֥וּנִי בַל־חָלִיתִי֮ הֲלָמ֗וּנִי בַּל־יָ֫דָ֥עְתִּי מָתַ֥י אָקִ֑יץ אֹ֝וסִ֗יף אֲבַקְשֶׁ֥נּוּ עֹֽוד׃
Esaïe 56.12 Jérémie 5.3 Proverbes 27.22 Proverbes 26.11 Deutéronome 29.19