Proverbes 23.2
Biblia Hebraica Stuttgartensia

¹ כִּֽי־תֵ֭שֵׁב לִלְחֹ֣ום אֶת־מֹושֵׁ֑ל בִּ֥ין תָּ֝בִ֗ין אֶת־אֲשֶׁ֥ר לְפָנֶֽיךָ׃
Jude 1.12 Genèse 43.32-43.34
² וְשַׂמְתָּ֣ שַׂכִּ֣ין בְּלֹעֶ֑ךָ אִם־בַּ֖עַל נֶ֣פֶשׁ אָֽתָּה׃
1 Corinthiens 9.27 Philippiens 3.19 Matthieu 18.8-18.9
³ אַל־תִּ֭תְאָיו לְמַטְעַמֹּותָ֑יו וְ֝ה֗וּא לֶ֣חֶם כְּזָבִֽים׃
Proverbes 23.6 Psaumes 141.4 Ephésiens 4.22 Luc 21.34 Daniel 1.8
⁴ אַל־תִּיגַ֥ע לְֽהַעֲשִׁ֑יר מִֽבִּינָתְךָ֥ חֲדָֽל׃
Proverbes 3.5 Proverbes 28.20 Hébreux 13.5 Proverbes 26.12 Jean 6.27
⁵ הֲתָ֤עִיף עֵינֶ֥יךָ בֹּ֗ו וְֽאֵ֫ינֶ֥נּוּ כִּ֤י עָשֹׂ֣ה יַעֲשֶׂה־לֹּ֣ו כְנָפַ֑יִם כְּ֝נֶ֗שֶׁר יָע֥וּף הַשָּׁמָֽיִם׃ פ
Proverbes 27.24 1 Timothée 6.17 Psaumes 119.36-119.37 Genèse 42.36 Ecclésiaste 12.8
⁶ אַל־תִּלְחַ֗ם אֶת־לֶ֭חֶם רַ֣ע עָ֑יִן וְאַל־תִּ֝תְאָ֗יו לְמַטְעַמֹּתָֽיו׃
Psaumes 141.4 Deutéronome 15.9 Proverbes 23.3 Daniel 1.8-1.10 Proverbes 22.9
⁷ כִּ֤י׀ כְּמֹו־שָׁעַ֥ר בְּנַפְשֹׁ֗ו כֶּ֫ן־ה֥וּא אֱכֹ֣ל וּ֭שְׁתֵה יֹ֣אמַר לָ֑ךְ וְ֝לִבֹּ֗ו בַּל־עִמָּֽךְ׃
Psaumes 12.2 Juges 16.15 Psaumes 55.21 Luc 11.37-11.54 Luc 7.39
⁸ פִּֽתְּךָ־אָכַ֥לְתָּ תְקִיאֶ֑נָּה וְ֝שִׁחַ֗תָּ דְּבָרֶ֥יךָ הַנְּעִימִֽים׃
⁹ בְּאָזְנֵ֣י כְ֭סִיל אַל־תְּדַבֵּ֑ר כִּֽי־יָ֝ב֗וּז לְשֵׂ֣כֶל מִלֶּֽיךָ׃
Matthieu 7.6 Esaïe 36.21 1 Corinthiens 4.10-4.13 Jean 10.20 Luc 16.14
¹⁰ אַל־תַּ֭סֵּג גְּב֣וּל עֹולָ֑ם וּבִשְׂדֵ֥י יְ֝תֹומִ֗ים אַל־תָּבֹֽא׃
Proverbes 22.28 Jérémie 22.3 Deutéronome 19.14 Zacharie 7.10 Job 24.9
¹¹ כִּֽי־גֹאֲלָ֥ם חָזָ֑ק הֽוּא־יָרִ֖יב אֶת־רִיבָ֣ם אִתָּֽךְ׃
Proverbes 22.23 Job 19.25 Exode 22.22-22.24 Deutéronome 27.19 Jérémie 51.36
¹² הָבִ֣יאָה לַמּוּסָ֣ר לִבֶּ֑ךָ וְ֝אָזְנֶ֗ךָ לְאִמְרֵי־דָֽעַת׃
Proverbes 2.2-2.6 Jacques 1.21-1.25 Ezéchiel 33.31 Matthieu 13.52 Proverbes 22.17
¹³ אַל־תִּמְנַ֣ע מִנַּ֣עַר מוּסָ֑ר כִּֽי־תַכֶּ֥נּוּ בַ֝שֵּׁ֗בֶט לֹ֣א יָמֽוּת׃
Proverbes 13.24 Proverbes 19.18 Proverbes 29.17 Proverbes 29.15
¹⁴ אַ֭תָּה בַּשֵּׁ֣בֶט תַּכֶּ֑נּוּ וְ֝נַפְשֹׁ֗ו מִשְּׁאֹ֥ול תַּצִּֽיל׃
1 Corinthiens 5.5 1 Corinthiens 11.32 Proverbes 22.15

Appels d’un père à son fils

¹⁵ בְּ֭נִי אִם־חָכַ֣ם לִבֶּ֑ךָ יִשְׂמַ֖ח לִבִּ֣י גַם־אָֽנִי׃
Proverbes 23.24-23.25 Proverbes 29.3 3 Jean 1.3-1.4 2 Jean 1.4 Proverbes 10.1
¹⁶ וְתַעְלֹ֥זְנָה כִלְיֹותָ֑י בְּדַבֵּ֥ר שְׂ֝פָתֶ֗יךָ מֵישָׁרִֽים׃
Proverbes 8.6 Ephésiens 4.29 Ephésiens 5.4 Colossiens 4.4 Jacques 3.2
¹⁷ אַל־יְקַנֵּ֣א לִ֭בְּךָ בַּֽחַטָּאִ֑ים כִּ֥י אִם־בְּיִרְאַת־יְ֝הוָ֗ה כָּל־הַיֹּֽום׃
Proverbes 28.14 Proverbes 3.31 Proverbes 24.1 2 Corinthiens 7.1 Actes 9.31
¹⁸ כִּ֭י אִם־יֵ֣שׁ אַחֲרִ֑ית וְ֝תִקְוָתְךָ֗ לֹ֣א תִכָּרֵֽת׃
Jérémie 29.11 Proverbes 24.14 Psaumes 9.18 Psaumes 37.37 Philippiens 1.20
¹⁹ שְׁמַע־אַתָּ֣ה בְנִ֣י וַחֲכָ֑ם וְאַשֵּׁ֖ר בַּדֶּ֣רֶךְ לִבֶּֽךָ׃
Proverbes 4.10-4.23 Proverbes 9.6 Proverbes 6.6 Proverbes 23.12 Proverbes 23.26
²⁰ אַל־תְּהִ֥י בְסֹֽבְאֵי־יָ֑יִן בְּזֹלֲלֵ֖י בָשָׂ֣ר לָֽמֹו׃
Esaïe 5.22 Ephésiens 5.18 Romains 13.13 Proverbes 28.7 Esaïe 5.11
²¹ כִּי־סֹבֵ֣א וְ֭זֹולֵל יִוָּרֵ֑שׁ וּ֝קְרָעִ֗ים תַּלְבִּ֥ישׁ נוּמָֽה׃
Proverbes 21.17 Philippiens 3.19 Deutéronome 21.20 Proverbes 24.30-24.34 Joël 1.5
²² שְׁמַ֣ע לְ֭אָבִיךָ זֶ֣ה יְלָדֶ֑ךָ וְאַל־תָּ֝ב֗וּז כִּֽי־זָקְנָ֥ה אִמֶּֽךָ׃
Proverbes 1.8 Jean 19.26-19.27 Proverbes 6.20 Ephésiens 6.1-6.2 Proverbes 30.17
²³ אֱמֶ֣ת קְ֭נֵה וְאַל־תִּמְכֹּ֑ר חָכְמָ֖ה וּמוּסָ֣ר וּבִינָֽה׃
Matthieu 13.44 Proverbes 18.15 Proverbes 16.16 Psaumes 119.72 Matthieu 13.46
²⁴ גִּ֣יל יָ֭גִיל אֲבִ֣י צַדִּ֑יק וְיֹולֵ֥ד חָ֝כָ֗ם יִשְׂמַח־בֹּֽו׃
Proverbes 10.1 Proverbes 15.20 Proverbes 23.15-23.16 Philémon 1.20 1 Rois 2.9
²⁵ יִֽשְׂמַח־אָבִ֥יךָ וְאִמֶּ֑ךָ וְ֝תָגֵ֗ל יֹֽולַדְתֶּֽךָ׃
Proverbes 17.25 Luc 1.31-1.33 Luc 1.58 Luc 1.40-1.47 1 Chroniques 4.9-4.10
²⁶ תְּנָֽה־בְנִ֣י לִבְּךָ֣ לִ֑י וְ֝עֵינֶ֗יךָ דְּרָכַ֥י תִּצֹּֽרְנָה׃
Psaumes 119.2 Matthieu 10.37-10.38 Psaumes 119.9-119.11 Deutéronome 6.5 Psaumes 107.43
²⁷ כִּֽי־שׁוּחָ֣ה עֲמֻקָּ֣ה זֹונָ֑ה וּבְאֵ֥ר צָ֝רָ֗ה נָכְרִיָּֽה׃
Proverbes 22.14
²⁸ אַף־הִ֭יא כְּחֶ֣תֶף תֶּֽאֱרֹ֑ב וּ֝בֹוגְדִ֗ים בְּאָדָ֥ם תֹּוסִֽף׃
Proverbes 7.12 Ecclésiaste 7.26 Jérémie 3.2 1 Corinthiens 10.8 Proverbes 9.18
²⁹ לְמִ֨י אֹ֥וי לְמִ֪י אֲבֹ֡וי לְמִ֤י מִדְיָנִ֨ים ׀ לְמִ֥י שִׂ֗יחַ לְ֭מִי פְּצָעִ֣ים חִנָּ֑ם לְ֝מִ֗י חַכְלִל֥וּת עֵינָֽיִם׃
Esaïe 5.22 Ephésiens 5.18 Proverbes 23.21 Esaïe 5.11 2 Samuel 13.28
³⁰ לַֽמְאַחֲרִ֥ים עַל־הַיָּ֑יִן לַ֝בָּאִ֗ים לַחְקֹ֥ר מִמְסָֽךְ׃
Psaumes 75.8 Esaïe 5.11 Ephésiens 5.18 Proverbes 9.2 Proverbes 20.1
³¹ אַל־תֵּ֥רֶא יַיִן֮ כִּ֪י יִתְאַ֫דָּ֥ם כִּֽי־יִתֵּ֣ן בַּכֹּ֣וס עֵינֹ֑ו יִ֝תְהַלֵּ֗ךְ בְּמֵישָׁרִֽים׃
Psaumes 119.37 Matthieu 5.28-5.30 2 Samuel 11.2 1 Jean 2.16 Proverbes 6.25
³² אַ֭חֲרִיתֹו כְּנָחָ֣שׁ יִשָּׁ֑ךְ וּֽכְצִפְעֹנִ֥י יַפְרִֽשׁ׃
Job 20.16 Esaïe 59.5 Exode 7.5-7.6 Esaïe 28.3 Amos 5.19
³³ עֵ֭ינֶיךָ יִרְא֣וּ זָרֹ֑ות וְ֝לִבְּךָ֗ יְדַבֵּ֥ר תַּהְפֻּכֹֽות׃
Osée 7.5 Jude 1.12-1.13 Proverbes 2.12 Psaumes 69.12 Proverbes 31.5
³⁴ וְ֭הָיִיתָ כְּשֹׁכֵ֣ב בְּלֶב־יָ֑ם וּ֝כְשֹׁכֵ֗ב בְּרֹ֣אשׁ חִבֵּֽל׃
1 Rois 20.16-20.22 Exode 15.8 2 Samuel 13.28 Luc 17.27-17.29 1 Rois 16.9
³⁵ הִכּ֥וּנִי בַל־חָלִיתִי֮ הֲלָמ֗וּנִי בַּל־יָ֫דָ֥עְתִּי מָתַ֥י אָקִ֑יץ אֹ֝וסִ֗יף אֲבַקְשֶׁ֥נּוּ עֹֽוד׃
Esaïe 56.12 Jérémie 5.3 Proverbes 27.22 Proverbes 26.11 Ephésiens 4.19