Psaumes 78
Biblia Hebraica Stuttgartensia

¹ מַשְׂכִּ֗יל לְאָ֫סָ֥ף הַאֲזִ֣ינָה עַ֭מִּי תֹּורָתִ֑י הַטּ֥וּ אָ֝זְנְכֶ֗ם לְאִמְרֵי־פִֽי׃ Esaïe 51.4 Esaïe 55.3 Proverbes 8.4-8.6 Matthieu 13.9 Psaumes 51.4
² אֶפְתְּחָ֣ה בְמָשָׁ֣ל פִּ֑י אַבִּ֥יעָה חִ֝ידֹ֗ות מִנִּי־קֶֽדֶם׃ Psaumes 49.4 Matthieu 13.34-13.35 Proverbes 1.6 Marc 4.34 Matthieu 13.11-13.13
³ אֲשֶׁ֣ר שָׁ֭מַעְנוּ וַנֵּדָעֵ֑ם וַ֝אֲבֹותֵ֗ינוּ סִפְּרוּ־לָֽנוּ׃ Psaumes 44.1 Psaumes 48.8 Exode 13.8 Exode 13.14-13.15 Exode 12.26-12.27
⁴ לֹ֤א נְכַחֵ֨ד׀ מִבְּנֵיהֶ֗ם לְדֹ֥ור אַחֲרֹ֗ון מְֽ֭סַפְּרִים תְּהִלֹּ֣ות יְהוָ֑ה וֶעֱזוּזֹ֥ו וְ֝נִפְלְאֹותָ֗יו אֲשֶׁ֣ר עָשָֽׂה׃ Deutéronome 11.19 Joël 1.3 Psaumes 145.4-145.6 Deutéronome 6.7 Josué 4.6-4.7
⁵ וַיָּ֤קֶם עֵד֨וּת׀ בְּֽיַעֲקֹ֗ב וְתֹורָה֮ שָׂ֤ם בְּיִשְׂרָ֫אֵ֥ל אֲשֶׁ֣ר צִ֭וָּה אֶת־אֲבֹותֵ֑ינוּ לְ֝הֹודִיעָ֗ם לִבְנֵיהֶֽם׃ Psaumes 81.5 Psaumes 147.19 Deutéronome 4.45 Ephésiens 6.4 Esaïe 8.20
⁶ לְמַ֤עַן יֵדְע֨וּ׀ דֹּ֣ור אַ֭חֲרֹון בָּנִ֣ים יִוָּלֵ֑דוּ יָ֝קֻ֗מוּ וִֽיסַפְּר֥וּ לִבְנֵיהֶֽם׃ Psaumes 102.18 Psaumes 90.16 Psaumes 22.31 Psaumes 48.13 Josué 22.24-22.25
⁷ וְיָשִׂ֥ימוּ בֵֽאלֹהִ֗ים כִּ֫סְלָ֥ם וְלֹ֣א יִ֭שְׁכְּחוּ מַֽעַלְלֵי־אֵ֑ל וּמִצְוֹתָ֥יו יִנְצֹֽרוּ׃ Deutéronome 5.29 Deutéronome 4.9 Deutéronome 6.12 1 Jean 3.22-3.24 Deutéronome 7.18-7.19
⁸ וְלֹ֤א יִהְי֨וּ׀ כַּאֲבֹותָ֗ם דֹּור֮ סֹורֵ֪ר וּמֹ֫רֶ֥ה דֹּ֭ור לֹא־הֵכִ֣ין לִבֹּ֑ו וְלֹא־נֶאֶמְנָ֖ה אֶת־אֵ֣ל רוּחֹֽו׃ Psaumes 78.37 Exode 32.9 2 Rois 17.14 Ezéchiel 20.18 Deutéronome 31.27
⁹ בְּֽנֵי־אֶפְרַ֗יִם נֹושְׁקֵ֥י רֹומֵי־קָ֑שֶׁת הָ֝פְכ֗וּ בְּיֹ֣ום קְרָֽב׃ 1 Samuel 31.1 Deutéronome 1.41-1.44 Luc 22.33 Josué 17.16-17.18 Juges 9.38-9.40
¹⁰ לֹ֣א שָׁ֭מְרוּ בְּרִ֣ית אֱלֹהִ֑ים וּ֝בְתֹורָתֹ֗ו מֵאֲנ֥וּ לָלֶֽכֶת׃ 2 Rois 17.14-17.15 Juges 2.10-2.12 Deutéronome 31.16 Jérémie 31.32 Deutéronome 31.20
¹¹ וַיִּשְׁכְּח֥וּ עֲלִילֹותָ֑יו וְ֝נִפְלְאֹותָ֗יו אֲשֶׁ֣ר הֶרְאָֽם׃ Psaumes 106.13 Jérémie 2.32 Psaumes 78.7 Psaumes 106.21-106.22 Deutéronome 32.18
¹² נֶ֣גֶד אֲ֭בֹותָם עָ֣שָׂה פֶ֑לֶא בְּאֶ֖רֶץ מִצְרַ֣יִם שְׂדֵה־צֹֽעַן׃ Nombres 13.22 Esaïe 19.11 Ezéchiel 30.14 Esaïe 19.13 Exode 7.1-12.51
¹³ בָּ֣קַע יָ֭ם וַיַּֽעֲבִירֵ֑ם וַֽיַּצֶּב־מַ֥יִם כְּמֹו־נֵֽד׃ Exode 15.8 Exode 14.21 Psaumes 38.7 Josué 3.16 Exode 14.1-14.15
¹⁴ וַיַּנְחֵ֣ם בֶּעָנָ֣ן יֹומָ֑ם וְכָל־הַ֝לַּ֗יְלָה בְּאֹ֣ור אֵֽשׁ׃ Psaumes 105.39 Exode 14.24 Néhémie 9.12 Néhémie 9.19 Exode 13.21-13.22
¹⁵ יְבַקַּ֣ע צֻ֭רִים בַּמִּדְבָּ֑ר וַ֝יַּ֗שְׁקְ כִּתְהֹמֹ֥ות רַבָּֽה׃ 1 Corinthiens 10.4 Psaumes 105.41 Nombres 20.11 Exode 17.6 Psaumes 114.8
¹⁶ וַיֹּוצִ֣א נֹוזְלִ֣ים מִסָּ֑לַע וַיֹּ֖ורֶד כַּנְּהָרֹ֣ות מָֽיִם׃ Nombres 20.8 Deutéronome 8.15 Nombres 20.10-20.11 Psaumes 105.41 Deutéronome 9.21
¹⁷ וַיֹּוסִ֣יפוּ עֹ֖וד לַחֲטֹא־לֹ֑ו לַֽמְרֹ֥ות עֶ֝לְיֹ֗ון בַּצִּיָּֽה׃ Esaïe 63.10 Hébreux 3.16-3.19 Psaumes 106.13-106.32 Psaumes 78.32 Deutéronome 9.12-9.22
¹⁸ וַיְנַסּוּ־אֵ֥ל בִּלְבָבָ֑ם לִֽשְׁאָל־אֹ֥כֶל לְנַפְשָֽׁם׃ Nombres 11.4 1 Corinthiens 10.9 Exode 16.2-16.3 Psaumes 106.14-106.15 Jacques 4.2-4.3
¹⁹ וַֽיְדַבְּר֗וּ בֵּֽאלֹ֫הִ֥ים אָ֭מְרוּ הֲי֣וּכַל אֵ֑ל לַעֲרֹ֥ךְ שֻׁ֝לְחָ֗ן בַּמִּדְבָּֽר׃ Nombres 21.5 Nombres 11.4 Psaumes 23.5 Exode 16.8-16.10 Nombres 11.13
²⁰ הֵ֤ן הִכָּה־צ֨וּר׀ וַיָּז֣וּבוּ מַיִם֮ וּנְחָלִ֪ים יִ֫שְׁטֹ֥פוּ הֲגַם־לֶ֭חֶם י֣וּכַל תֵּ֑ת אִם־יָכִ֖ין שְׁאֵ֣ר לְעַמֹּֽו׃ Nombres 20.11 Genèse 18.12-18.14 Exode 17.6-17.7 Psaumes 78.41 Nombres 11.18
²¹ לָכֵ֤ן׀ שָׁמַ֥ע יְהוָ֗ה וַֽיִּתְעַבָּ֥ר וְ֭אֵשׁ נִשְּׂקָ֣ה בְיַעֲקֹ֑ב וְגַם־אַ֝֗ף עָלָ֥ה בְיִשְׂרָאֵֽל׃ Nombres 11.10 Deutéronome 32.22 Jude 1.5 1 Corinthiens 10.11 Nombres 11.1-11.3
²² כִּ֤י לֹ֣א הֶ֭אֱמִינוּ בֵּאלֹהִ֑ים וְלֹ֥א בָ֝טְח֗וּ בִּֽישׁוּעָתֹֽו׃ Hébreux 3.18-3.19 Jude 1.5 Deutéronome 1.32 Esaïe 7.9 Hébreux 11.6
²³ וַיְצַ֣ו שְׁחָקִ֣ים מִמָּ֑עַל וְדַלְתֵ֖י שָׁמַ֣יִם פָּתָֽח׃ Malachie 3.10 Genèse 7.11 Psaumes 33.9 Esaïe 5.6 2 Rois 7.2
²⁴ וַיַּמְטֵ֬ר עֲלֵיהֶ֣ם מָ֣ן לֶאֱכֹ֑ל וּדְגַן־שָׁ֝מַ֗יִם נָ֣תַן לָֽמֹו׃ Exode 16.4 Psaumes 105.40 Néhémie 9.15 Néhémie 9.20 Exode 16.14
²⁵ לֶ֣חֶם אַ֭בִּירִים אָ֣כַל אִ֑ישׁ צֵידָ֬ה שָׁלַ֖ח לָהֶ֣ם לָשֹֽׂבַע׃ Psaumes 103.20 Matthieu 14.20 Matthieu 15.37 Exode 16.8
²⁶ יַסַּ֣ע קָ֭דִים בַּשָּׁמָ֑יִם וַיְנַהֵ֖ג בְּעֻזֹּ֣ו תֵימָֽן׃ Nombres 11.31 Psaumes 135.7
²⁷ וַיַּמְטֵ֬ר עֲלֵיהֶ֣ם כֶּעָפָ֣ר שְׁאֵ֑ר וּֽכְחֹ֥ול יַ֝מִּ֗ים עֹ֣וף כָּנָֽף׃ Nombres 11.32 Exode 16.12-16.13 Nombres 11.18-11.19
²⁸ וַ֭יַּפֵּל בְּקֶ֣רֶב מַחֲנֵ֑הוּ סָ֝בִ֗יב לְמִשְׁכְּנֹתָֽיו׃ ²⁹ וַיֹּאכְל֣וּ וַיִּשְׂבְּע֣וּ מְאֹ֑ד וְ֝תַֽאֲוָתָ֗ם יָבִ֥א לָהֶֽם׃ Psaumes 106.15 Nombres 11.19-11.20
³⁰ לֹא־זָר֥וּ מִתַּאֲוָתָ֑ם עֹ֝֗וד אָכְלָ֥ם בְּפִיהֶֽם׃ Nombres 22.20-22.22 Nombres 11.33-11.34 Luc 16.19-16.23 Proverbes 1.32
³¹ וְאַ֤ף אֱלֹהִ֨ים׀ עָ֘לָ֤ה בָהֶ֗ם וַֽ֭יַּהֲרֹג בְּמִשְׁמַנֵּיהֶ֑ם וּבַחוּרֵ֖י יִשְׂרָאֵ֣ל הִכְרִֽיעַ׃ Esaïe 10.16
³² בְּכָל־זֹ֭את חָֽטְאוּ־עֹ֑וד וְלֹֽא־הֶ֝אֱמִ֗ינוּ בְּנִפְלְאֹותָֽיו׃ Psaumes 78.22 Nombres 16.1-16.17 Nombres 14.1-14.45 Nombres 25.1-25.18 Luc 16.31
³³ וַיְכַל־בַּהֶ֥בֶל יְמֵיהֶ֑ם וּ֝שְׁנֹותָ֗ם בַּבֶּהָלָֽה׃ Nombres 14.35 Nombres 14.29 Nombres 26.64-26.65 Job 14.1 Deutéronome 2.14-2.16
³⁴ אִם־הֲרָגָ֥ם וּדְרָשׁ֑וּהוּ וְ֝שָׁ֗בוּ וְשִֽׁחֲרוּ־אֵֽל׃ Osée 5.15 Nombres 21.7 Juges 3.8-3.9 Osée 7.14 Juges 4.3
³⁵ וַֽ֭יִּזְכְּרוּ כִּֽי־אֱלֹהִ֣ים צוּרָ֑ם וְאֵ֥ל עֶ֝לְיֹון גֹּאֲלָֽם׃ Deutéronome 32.4 Exode 15.13 Esaïe 41.14 Deutéronome 32.15 Deutéronome 9.26
³⁶ וַיְפַתּ֥וּהוּ בְּפִיהֶ֑ם וּ֝בִלְשֹׁונָ֗ם יְכַזְּבוּ־לֹֽו׃ Ezéchiel 33.31 Esaïe 29.13 Esaïe 57.11 Osée 11.12 Psaumes 18.44
³⁷ וְ֭לִבָּם לֹא־נָכֹ֣ון עִמֹּ֑ו וְלֹ֥א נֶ֝אֶמְנ֗וּ בִּבְרִיתֹֽו׃ Psaumes 78.8 Actes 8.21 Psaumes 51.10 Deutéronome 31.20 Osée 7.16-8.1
³⁸ וְה֤וּא רַח֨וּם׀ יְכַפֵּ֥ר עָוֹן֮ וְֽלֹא־יַ֫שְׁחִ֥ית וְ֭הִרְבָּה לְהָשִׁ֣יב אַפֹּ֑ו וְלֹֽא־יָ֝עִיר כָּל־חֲמָתֹֽו׃ Esaïe 48.9 Nombres 14.18-14.20 Psaumes 106.43-106.45 Esaïe 44.21-44.22 Ezéchiel 20.8-20.9
³⁹ וַ֭יִּזְכֹּר כִּי־בָשָׂ֣ר הֵ֑מָּה ר֥וּחַ הֹ֝ולֵ֗ךְ וְלֹ֣א יָשֽׁוּב׃ Genèse 6.3 Job 7.7 Jacques 4.14 Job 7.16 Psaumes 103.14-103.16
⁴⁰ כַּ֭מָּה יַמְר֣וּהוּ בַמִּדְבָּ֑ר יַ֝עֲצִיב֗וּהוּ בִּֽישִׁימֹֽון׃ Ephésiens 4.30 Psaumes 95.8-95.10 Esaïe 63.10 Hébreux 3.15-3.17 Psaumes 107.11
⁴¹ וַיָּשׁ֣וּבוּ וַיְנַסּ֣וּ אֵ֑ל וּקְדֹ֖ושׁ יִשְׂרָאֵ֣ל הִתְווּ׃ Nombres 14.22 Marc 5.35-5.36 2 Pierre 2.21-2.22 Deutéronome 6.16 Actes 7.39
⁴² לֹא־זָכְר֥וּ אֶת־יָדֹ֑ו יֹ֝֗ום אֲֽשֶׁר־פָּדָ֥ם מִנִּי־צָֽר׃ Juges 8.34 Exode 14.30-14.31 Psaumes 78.11 Jérémie 32.21 Esaïe 11.11
⁴³ אֲשֶׁר־שָׂ֣ם בְּ֭מִצְרַיִם אֹֽתֹותָ֑יו וּ֝מֹופְתָ֗יו בִּשְׂדֵה־צֹֽעַן׃ Deutéronome 4.34 Néhémie 9.10 Deutéronome 6.22 Exode 7.3 Exode 4.21
⁴⁴ וַיַּהֲפֹ֣ךְ לְ֭דָם יְאֹרֵיהֶ֑ם וְ֝נֹזְלֵיהֶ֗ם בַּל־יִשְׁתָּיֽוּן׃ Psaumes 105.29 Exode 7.17-7.21 Apocalypse 16.3-16.6
⁴⁵ יְשַׁלַּ֬ח בָּהֶ֣ם עָ֭רֹב וַיֹּאכְלֵ֑ם וּ֝צְפַרְדֵּ֗עַ וַתַּשְׁחִיתֵֽם׃ Exode 8.21-8.24 Psaumes 105.30-105.31 Apocalypse 16.3 Exode 8.2-8.15
⁴⁶ וַיִּתֵּ֣ן לֶחָסִ֣יל יְבוּלָ֑ם וִֽ֝יגִיעָ֗ם לָאַרְבֶּֽה׃ Exode 10.12-10.15 Psaumes 105.34-105.35 Joël 2.25 Joël 1.4-1.7 Apocalypse 9.2-9.11
⁴⁷ יַהֲרֹ֣ג בַּבָּרָ֣ד גַּפְנָ֑ם וְ֝שִׁקְמֹותָ֗ם בַּֽחֲנָמַֽל׃ Psaumes 105.32-105.33 Exode 9.18-9.34
⁴⁸ וַיַּסְגֵּ֣ר לַבָּרָ֣ד בְּעִירָ֑ם וּ֝מִקְנֵיהֶ֗ם לָרְשָׁפִֽים׃ Exode 9.28 Exode 9.19
⁴⁹ יְשַׁלַּח־בָּ֨ם׀ חֲרֹ֬ון אַפֹּ֗ו עֶבְרָ֣ה וָזַ֣עַם וְצָרָ֑ה מִ֝שְׁלַ֗חַת מַלְאֲכֵ֥י רָעִֽים׃ Exode 12.13 Romains 2.8-2.9 Lamentations 4.11 Job 1.12 2 Samuel 24.16
⁵⁰ יְפַלֵּ֥ס נָתִ֗יב לְאַ֫פֹּ֥ו לֹא־חָשַׂ֣ךְ מִמָּ֣וֶת נַפְשָׁ֑ם וְ֝חַיָּתָ֗ם לַדֶּ֥בֶר הִסְגִּֽיר׃ Exode 9.3-9.6 Ezéchiel 7.9 Ezéchiel 8.18 Job 27.22 Ezéchiel 5.11
⁵¹ וַיַּ֣ךְ כָּל־בְּכֹ֣ור בְּמִצְרָ֑יִם רֵאשִׁ֥ית אֹ֝ונִ֗ים בְּאָהֳלֵי־חָֽם׃ Psaumes 135.8 Psaumes 105.23 Psaumes 136.10 Psaumes 106.22 Psaumes 105.36
⁵² וַיַּסַּ֣ע כַּצֹּ֣אן עַמֹּ֑ו וַֽיְנַהֲגֵ֥ם כַּ֝עֵ֗דֶר בַּמִּדְבָּֽר׃ Psaumes 77.20 Néhémie 9.12 Jérémie 23.2-23.4 Luc 15.4-15.6 Psaumes 100.3
⁵³ וַיַּנְחֵ֣ם לָ֭בֶטַח וְלֹ֣א פָחָ֑דוּ וְאֶת־אֹ֝ויְבֵיהֶ֗ם כִּסָּ֥ה הַיָּֽם׃ Exode 14.19-14.20 Exode 14.27-14.28 Exode 15.10 Exode 14.15 Hébreux 11.29
⁵⁴ וַ֭יְבִיאֵם אֶל־גְּב֣וּל קָדְשֹׁ֑ו הַר־זֶ֝֗ה קָנְתָ֥ה יְמִינֹֽו׃ Exode 15.17 Psaumes 44.3 Psaumes 68.16 Daniel 9.16-9.20 Daniel 11.45
⁵⁵ וַיְגָ֤רֶשׁ מִפְּנֵיהֶ֨ם׀ גֹּויִ֗ם וַֽ֭יַּפִּילֵם בְּחֶ֣בֶל נַחֲלָ֑ה וַיַּשְׁכֵּ֥ן בְּ֝אָהֳלֵיהֶ֗ם שִׁבְטֵ֥י יִשְׂרָאֵֽל׃ Psaumes 44.2 Josué 13.7 Josué 19.51 Psaumes 105.44-105.45 Psaumes 135.10-135.12
⁵⁶ וַיְנַסּ֣וּ וַ֭יַּמְרוּ אֶת־אֱלֹהִ֣ים עֶלְיֹ֑ון וְ֝עֵדֹותָ֗יו לֹ֣א שָׁמָֽרוּ׃ Juges 2.11-2.12 Deutéronome 32.15-32.21 Psaumes 78.40-78.41 2 Rois 17.7-17.23 Ezéchiel 16.15-16.26
⁵⁷ וַיִּסֹּ֣גוּ וַֽ֭יִּבְגְּדוּ כַּאֲבֹותָ֑ם נֶ֝הְפְּכ֗וּ כְּקֶ֣שֶׁת רְמִיָּֽה׃ Osée 7.16 Ezéchiel 20.27-20.28 Psaumes 78.41 Juges 3.12 Juges 3.5-3.7
⁵⁸ וַיַּכְעִיס֥וּהוּ בְּבָמֹותָ֑ם וּ֝בִפְסִילֵיהֶ֗ם יַקְנִיאֽוּהוּ׃ Deutéronome 32.21 Lévitique 26.30 1 Rois 12.31 1 Rois 11.7 Deutéronome 12.2
⁵⁹ שָׁמַ֣ע אֱ֭לֹהִים וַֽיִּתְעַבָּ֑ר וַיִּמְאַ֥ס מְ֝אֹ֗ד בְּיִשְׂרָאֵֽל׃ Psaumes 106.40 Lamentations 2.7 Lévitique 20.23 Lévitique 26.44 Genèse 18.20-18.21
⁶⁰ וַ֭יִּטֹּשׁ מִשְׁכַּ֣ן שִׁלֹ֑ו אֹ֝֗הֶל שִׁכֵּ֥ן בָּאָדָֽם׃ Josué 18.1 1 Samuel 4.4-4.11 Jérémie 26.6-26.9 Jérémie 7.12-7.14 1 Samuel 1.3
⁶¹ וַיִּתֵּ֣ן לַשְּׁבִ֣י עֻזֹּ֑ו וְֽתִפְאַרְתֹּ֥ו בְיַד־צָֽר׃ Psaumes 132.8 1 Samuel 4.21-5.2 Psaumes 24.7 2 Chroniques 6.41 1 Samuel 4.17
⁶² וַיַּסְגֵּ֣ר לַחֶ֣רֶב עַמֹּ֑ו וּ֝בְנַחֲלָתֹ֗ו הִתְעַבָּֽר׃ 1 Samuel 4.2 Esaïe 64.9 Psaumes 89.38 1 Samuel 4.10-4.11
⁶³ בַּחוּרָ֥יו אָֽכְלָה־אֵ֑שׁ וּ֝בְתוּלֹתָ֗יו לֹ֣א הוּלָּֽלוּ׃ Jérémie 7.34 Jérémie 16.9 Jérémie 25.10 Esaïe 4.1 Deutéronome 32.22
⁶⁴ כֹּ֭הֲנָיו בַּחֶ֣רֶב נָפָ֑לוּ וְ֝אַלְמְנֹתָ֗יו לֹ֣א תִבְכֶּֽינָה׃ 1 Samuel 4.17 Job 27.15 Ezéchiel 24.23 1 Samuel 4.11 1 Samuel 22.18-22.19
⁶⁵ וַיִּקַ֖ץ כְּיָשֵׁ֥ן׀ אֲדֹנָ֑י כְּ֝גִבֹּ֗ור מִתְרֹונֵ֥ן מִיָּֽיִן׃ Psaumes 44.23 Esaïe 51.9 Psaumes 7.6 Psaumes 73.20 Esaïe 42.13-42.14
⁶⁶ וַיַּךְ־צָרָ֥יו אָחֹ֑ור חֶרְפַּ֥ת עֹ֝ולָ֗ם נָ֣תַן לָֽמֹו׃ 1 Samuel 5.6 1 Samuel 6.4 Jérémie 23.40 Job 40.12
⁶⁷ וַ֭יִּמְאַס בְּאֹ֣הֶל יֹוסֵ֑ף וּֽבְשֵׁ֥בֶט אֶ֝פְרַ֗יִם לֹ֣א בָחָֽר׃ 2 Samuel 6.2 1 Samuel 6.21-7.1 2 Samuel 6.17
⁶⁸ וַ֭יִּבְחַר אֶת־שֵׁ֣בֶט יְהוּדָ֑ה אֶֽת־הַ֥ר צִ֝יֹּ֗ון אֲשֶׁ֣ר אָהֵֽב׃ Psaumes 87.2 Genèse 49.8-49.10 Ruth 4.17-4.22 2 Chroniques 6.6 Psaumes 132.12-132.14
⁶⁹ וַיִּ֣בֶן כְּמֹו־רָ֭מִים מִקְדָּשֹׁ֑ו כְּ֝אֶ֗רֶץ יְסָדָ֥הּ לְעֹולָֽם׃ Esaïe 51.6 Esaïe 48.13 Job 26.7 Psaumes 104.5 Psaumes 102.25
⁷⁰ וַ֭יִּבְחַר בְּדָוִ֣ד עַבְדֹּ֑ו וַ֝יִּקָּחֵ֗הוּ מִֽמִּכְלְאֹ֥ת צֹֽאן׃ 1 Samuel 16.11-16.12 Amos 7.14-7.15 2 Samuel 7.8 Actes 13.22 Exode 3.1
⁷¹ מֵאַחַ֥ר עָלֹ֗ות הֱ֫בִיאֹ֥ו לִ֭רְעֹות בְּיַעֲקֹ֣ב עַמֹּ֑ו וּ֝בְיִשְׂרָאֵ֗ל נַחֲלָתֹֽו׃ 2 Samuel 5.2 Psaumes 75.6-75.7 Genèse 33.13 1 Samuel 2.7-2.8 Psaumes 28.9
⁷² וַ֭יִּרְעֵם כְּתֹ֣ם לְבָבֹ֑ו וּבִתְבוּנֹ֖ות כַּפָּ֣יו יַנְחֵֽם׃ 1 Rois 9.4 Actes 13.22 Esaïe 11.2-11.4 Psaumes 101.1-101.8 1 Rois 3.6-3.9