1 Samuel 14.30
Vulgate

Exploit de Jonathan

¹ et accidit quadam die ut diceret Ionathan filius Saul ad adulescentem armigerum suum veni et transeamus ad stationem Philisthim quae est trans locum illum patri autem suo hoc ipsum non indicavit
Michée 7.5 Juges 14.6 1 Samuel 13.2 Juges 6.27 1 Samuel 18.1-18.4
² porro Saul morabatur in extrema parte Gabaa sub malogranato quae erat in Magron et erat populus cum eo quasi sescentorum virorum
1 Samuel 13.15-13.16 Esaïe 10.28-10.29
³ et Ahias filius Achitob fratris Ichabod filii Finees qui ortus fuerat ex Heli sacerdote Domini in Silo portabat ephod sed et populus ignorabat quod isset Ionathan
1 Samuel 2.28 1 Samuel 22.20 1 Samuel 4.21 1 Samuel 22.9-22.12 Exode 28.26-28.32
⁴ erant autem inter ascensus per quos nitebatur Ionathan transire ad stationem Philisthinorum eminentes petrae ex utraque parte et quasi in modum dentium scopuli hinc inde praerupti nomen uni Boses et nomen alteri Sene
1 Samuel 13.23
⁵ unus scopulus prominens ad aquilonem ex adverso Machmas et alter a meridie contra Gabaa
⁶ dixit autem Ionathan ad adulescentem armigerum suum veni transeamus ad stationem incircumcisorum horum si forte faciat Dominus pro nobis quia non est Domino difficile salvare vel in multitudine vel in paucis
Matthieu 19.26 Psaumes 115.1-115.3 1 Samuel 17.26 2 Chroniques 14.11 Jérémie 9.26
⁷ dixitque ei armiger suus fac omnia quae placent animo tuo perge quo cupis ero tecum ubicumque volueris
Psaumes 46.7 1 Samuel 10.7 2 Samuel 7.3 Zacharie 8.23
⁸ et ait Ionathan ecce nos transimus ad viros istos cumque apparuerimus eis
Juges 7.9-7.14
⁹ si taliter locuti fuerint ad nos manete donec veniamus ad vos stemus in loco nostro nec ascendamus ad eos
Juges 6.36-6.40 Genèse 24.13-24.14
¹⁰ si autem dixerint ascendite ad nos ascendamus quia tradidit eos Dominus in manibus nostris hoc erit nobis signum
Genèse 24.14 1 Samuel 10.7 Juges 7.11 Esaïe 7.11-7.14 Juges 6.36
¹¹ apparuit igitur uterque stationi Philisthinorum dixeruntque Philisthim en Hebraei egrediuntur de cavernis in quibus absconditi fuerant
1 Samuel 13.6 1 Samuel 14.22 Juges 6.2
¹² et locuti sunt viri de statione ad Ionathan et ad armigerum eius dixeruntque ascendite ad nos et ostendimus vobis rem et ait Ionathan ad armigerum suum ascendamus sequere me tradidit enim eos Dominus in manu Israhel
1 Samuel 17.43-17.44 2 Samuel 5.24 Juges 4.14 Genèse 24.48 Juges 7.15
¹³ ascendit autem Ionathan reptans manibus et pedibus et armiger eius post eum itaque alii cadebant ante Ionathan alios armiger eius interficiebat sequens eum
Deutéronome 32.30 Lévitique 26.7-26.8 Josué 23.10 Romains 8.31 Psaumes 18.29
¹⁴ et facta est plaga prima quam percussit Ionathan et armiger eius quasi viginti virorum in media parte iugeri quam par boum in die arare consuevit
¹⁵ et factum est miraculum in castris per agros sed et omnis populus stationis eorum qui ierant ad praedandum obstipuit et conturbata est terra et accidit quasi miraculum a Deo
1 Samuel 13.17 Genèse 35.5 2 Rois 7.6-7.7 1 Samuel 13.23 Josué 2.9
¹⁶ et respexerunt speculatores Saul qui erant in Gabaa Beniamin et ecce multitudo prostrata et huc illucque diffugiens
2 Chroniques 20.22-20.25 Psaumes 68.2 Psaumes 58.7 Esaïe 19.2 Juges 7.22
¹⁷ et ait Saul populo qui erat cum eo requirite et videte quis abierit ex nobis cumque requisissent reppertum est non adesse Ionathan et armigerum eius
¹⁸ et ait Saul ad Ahiam adplica arcam Dei erat enim ibi arca Dei in die illa cum filiis Israhel
1 Samuel 30.7-30.8 1 Samuel 5.2 Juges 20.23 2 Samuel 11.11 1 Samuel 4.3-4.5
¹⁹ cumque loqueretur Saul ad sacerdotem tumultus magnus exortus est in castris Philisthinorum crescebatque paulatim et clarius reboabat et ait Saul ad sacerdotem contrahe manum tuam
Nombres 27.21 1 Samuel 13.11 Psaumes 106.13 Esaïe 28.16 1 Samuel 14.24
²⁰ conclamavit ergo Saul et omnis populus qui erat cum eo et venerunt usque ad locum certaminis et ecce versus fuerat gladius uniuscuiusque ad proximum suum et caedes magna nimis
Juges 7.22 2 Chroniques 20.23 Esaïe 9.19-9.21 1 Samuel 14.16 Esaïe 19.2
²¹ sed et Hebraei qui fuerant cum Philisthim heri et nudius tertius ascenderantque cum eis in castris reversi sunt ut essent cum Israhele qui erant cum Saul et Ionathan
1 Samuel 29.4 Juges 7.23
²² omnes quoque Israhelitae qui se absconderant in monte Ephraim audientes quod fugissent Philisthim sociaverunt se cum suis in proelio
1 Samuel 13.6 1 Samuel 31.7
²³ et salvavit Dominus in die illa Israhel pugna autem pervenit usque Bethaven
1 Samuel 13.5 Exode 14.30 Osée 1.7 2 Rois 14.27 Juges 2.18
²⁴ et vir Israhel sociatus sibi est in die illa adiuravit autem Saul populum dicens maledictus vir qui comederit panem usque ad vesperam donec ulciscar de inimicis meis et non manducavit universus populus panem
Josué 6.26 Deutéronome 27.15-27.26 Josué 6.17-6.19 Juges 21.1-21.5 Juges 1.28
²⁵ omneque terrae vulgus venit in saltum in quo erat mel super faciem agri
Nombres 13.27 Exode 3.8 Matthieu 3.4-3.5 Deutéronome 9.28
²⁶ ingressus est itaque populus saltum et apparuit fluens mel nullusque adplicuit manum ad os suum timebat enim populus iuramentum
Ecclésiaste 9.2
²⁷ porro Ionathan non audierat cum adiuraret pater eius populum extenditque summitatem virgae quam habebat in manu et intinxit in favo mellis et convertit manum suam ad os suum et inluminati sunt oculi eius
1 Samuel 30.12 1 Samuel 14.43 1 Samuel 14.29 Proverbes 25.26
²⁸ respondensque unus de populo ait iureiurando constrinxit pater tuus populum dicens maledictus qui comederit panem hodie defecerat autem populus
1 Samuel 14.24 1 Samuel 14.43
²⁹ dixitque Ionathan turbavit pater meus terram vidistis ipsi quia inluminati sunt oculi mei eo quod gustaverim paululum de melle isto
1 Rois 18.18 Josué 7.25
³⁰ quanto magis si comedisset populus de praeda inimicorum suorum quam repperit nonne maior facta fuisset plaga in Philisthim
Ecclésiaste 9.18
³¹ percusserunt ergo in die illa Philistheos a Machmis usque in Ahialon defatigatus est autem populus nimis
Josué 10.12 Josué 19.42
³² et versus ad praedam tulit oves et boves et vitulos et mactaverunt in terra comeditque populus cum sanguine
Lévitique 3.17 1 Samuel 15.19 Genèse 9.4 Deutéronome 12.16 Lévitique 19.26
³³ nuntiaverunt autem Saul dicentes quod populus peccasset Domino comedens cum sanguine qui ait praevaricati estis volvite ad me iam nunc saxum grande
Matthieu 7.5 Romains 2.1
³⁴ et dixit Saul dispergimini in vulgus et dicite eis ut adducat ad me unusquisque bovem suum et arietem et occidite super istud et vescimini et non peccabitis Domino comedentes cum sanguine adduxit itaque omnis populus unusquisque bovem in manu sua usque ad noctem et occiderunt ibi
³⁵ aedificavit autem Saul altare Domini tuncque primum coepit aedificare altare Domini
1 Samuel 7.17 1 Samuel 7.12 Osée 8.14 2 Timothée 3.5 Juges 21.4
³⁶ et dixit Saul inruamus super Philisthim nocte et vastemus eos usque dum inlucescat mane nec relinquamus de eis virum dixitque populus omne quod bonum videtur in oculis tuis fac et ait sacerdos accedamus huc ad Deum
Esaïe 58.2 1 Samuel 11.11 1 Samuel 14.18-14.19 Jacques 4.8 Josué 11.14
³⁷ et consuluit Saul Deum num persequar Philisthim si trades eos in manu Israhel et non respondit ei in die illa
1 Samuel 28.6 Juges 20.18 Juges 1.1 1 Samuel 10.22 1 Samuel 23.4
³⁸ dixitque Saul adplicate huc universos angulos populi et scitote et videte per quem acciderit peccatum hoc hodie
1 Samuel 10.19-10.20 Josué 7.14-7.26 Nombres 24.17 2 Samuel 18.3 Ephésiens 2.20
³⁹ vivit Dominus salvator Israhel quia si per Ionathan filium meum factum est absque retractatione morietur ad quod nullus contradixit ei de omni populo
1 Samuel 14.44 2 Samuel 12.5 1 Samuel 14.24 1 Samuel 20.31 1 Samuel 22.16
⁴⁰ et ait ad universum Israhel separamini vos in partem unam et ego cum Ionathan filio meo ero in parte una respondit populus ad Saul quod bonum videtur in oculis tuis fac
1 Samuel 14.7 1 Samuel 14.36 2 Samuel 15.15
⁴¹ et dixit Saul ad Dominum Deum Israhel da indicium et deprehensus est Ionathan et Saul populus autem exivit
Actes 1.24 1 Samuel 10.20-10.21 Proverbes 16.33 Josué 7.16-7.18 Jonas 1.7
⁴² et ait Saul mittite sortem inter me et inter Ionathan filium meum et captus est Ionathan
⁴³ dixit autem Saul ad Ionathan indica mihi quid feceris et indicavit ei Ionathan et ait gustans gustavi in summitate virgae quae erat in manu mea paululum mellis et ecce ego morior
Josué 7.19 1 Samuel 14.27 Jonas 1.7-1.10
⁴⁴ et ait Saul haec faciat mihi Deus et haec addat quia morte morieris Ionathan
1 Samuel 14.39 Ruth 1.17 1 Samuel 25.22 2 Samuel 12.31 2 Samuel 3.9
⁴⁵ dixitque populus ad Saul ergone Ionathan morietur qui fecit salutem hanc magnam in Israhel hoc nefas est vivit Dominus si ceciderit capillus de capite eius in terram quia cum Deo operatus est hodie liberavit ergo populus Ionathan ut non moreretur
Actes 27.34 1 Rois 1.52 2 Samuel 14.11 Luc 21.18 Matthieu 10.30
⁴⁶ recessitque Saul nec persecutus est Philisthim porro Philisthim abierunt in loca sua

Guerres menées par Saül

⁴⁷ at Saul confirmato regno super Israhel pugnabat per circuitum adversum omnes inimicos eius contra Moab et filios Ammon et Edom et reges Suba et Philistheos et quocumque se verterat superabat
2 Samuel 10.6 1 Samuel 14.52 2 Samuel 8.3 1 Samuel 12.2 1 Rois 11.23
⁴⁸ congregatoque exercitu percussit Amalech et eruit Israhel de manu vastatorum eius
Exode 17.14 Deutéronome 25.19 1 Samuel 15.3-15.7
⁴⁹ fuerunt autem filii Saul Ionathan et Iesui et Melchisua nomina duarum filiarum eius nomen primogenitae Merob et nomen minoris Michol
1 Samuel 31.2 1 Chroniques 8.33 2 Samuel 6.20-6.23 1 Chroniques 9.39 2 Samuel 3.13-3.16
⁵⁰ et nomen uxoris Saul Ahinoem filia Ahimaas et nomina principum militiae eius Abner filius Ner patruelis Saul
2 Samuel 2.8 2 Samuel 3.27 1 Samuel 17.55
⁵¹ Cis fuerat pater Saul et Ner pater Abner filius Abihel
1 Samuel 9.1 1 Samuel 9.21
⁵² erat autem bellum potens adversum Philistheos omnibus diebus Saul nam quemcumque viderat Saul virum fortem et aptum ad proelium sociabat eum sibi
1 Samuel 8.11 1 Samuel 8.1