Proverbes 22.21
Biblia Hebraica Stuttgartensia

¹ נִבְחָ֣ר שֵׁ֭ם מֵעֹ֣שֶׁר רָ֑ב מִכֶּ֥סֶף וּ֝מִזָּהָ֗ב חֵ֣ן טֹֽוב׃Ecclésiaste 7.1 1 Rois 1.47 Actes 7.10 Philippiens 4.3 Hébreux 11.39
² עָשִׁ֣יר וָרָ֣שׁ נִפְגָּ֑שׁוּ עֹשֵׂ֖ה כֻלָּ֣ם יְהוָֽה׃Job 31.15 Proverbes 14.31 Jacques 2.2-2.5 Job 34.19 Proverbes 29.13
³ עָר֤וּם׀ רָאָ֣ה רָעָ֣ה וְנִסְתָּ֑ר וּ֝פְתָיִ֗ים עָבְר֥וּ וְֽנֶעֱנָֽשׁוּ׃Proverbes 14.16 Proverbes 27.12 Hébreux 11.7 Proverbes 7.7 1 Thessaloniciens 5.2-5.6
⁴ עֵ֣קֶב עֲ֭נָוָה יִרְאַ֣ת יְהוָ֑ה עֹ֖שֶׁר וְכָבֹ֣וד וְחַיִּֽים׃Proverbes 21.21 Esaïe 57.15 Proverbes 3.16 Psaumes 112.1-112.3 Matthieu 6.33
⁵ צִנִּ֣ים פַּ֭חִים בְּדֶ֣רֶךְ עִקֵּ֑שׁ שֹׁומֵ֥ר נַ֝פְשֹׁ֗ו יִרְחַ֥ק מֵהֶֽם׃Proverbes 15.19 1 Jean 5.18 Josué 23.13 Jude 1.20-1.21 Psaumes 11.6
⁶ חֲנֹ֣ךְ לַ֭נַּעַר עַל־פִּ֣י דַרְכֹּ֑ו גַּ֥ם כִּֽי־יַ֝זְקִ֗ין לֹֽא־יָס֥וּר מִמֶּֽנָּה׃Ephésiens 6.4 2 Timothée 3.15 Genèse 18.19 Psaumes 78.3-78.6 Deutéronome 6.7
⁷ עָ֭שִׁיר בְּרָשִׁ֣ים יִמְשֹׁ֑ול וְעֶ֥בֶד לֹ֝וֶ֗ה לְאִ֣ישׁ מַלְוֶֽה׃Jacques 2.6 Proverbes 18.23 2 Rois 4.1 Amos 5.11-5.12 Jacques 5.4
⁸ זֹורֵ֣עַ עַ֭וְלָה יִקְצָר־אָ֑וֶן וְשֵׁ֖בֶט עֶבְרָתֹ֣ו יִכְלֶֽה׃Job 4.8 Psaumes 125.3 Osée 10.13 Esaïe 30.31 Esaïe 14.29
⁹ טֹֽוב־עַ֭יִן ה֣וּא יְבֹרָ֑ךְ כִּֽי־נָתַ֖ן מִלַּחְמֹ֣ו לַדָּֽל׃Proverbes 19.17 Hébreux 13.16 Matthieu 20.15 Esaïe 58.7-58.12 Luc 14.13
¹⁰ גָּ֣רֵֽשׁ לֵ֭ץ וְיֵצֵ֣א מָדֹ֑ון וְ֝יִשְׁבֹּ֗ת דִּ֣ין וְקָלֹֽון׃Genèse 21.9-21.10 Néhémie 4.1-4.3 1 Corinthiens 5.13 Néhémie 13.28 Proverbes 21.24
¹¹ אֹהֵ֥ב טְהָר־לֵ֑ב חֵ֥ן שְׂ֝פָתָ֗יו רֵעֵ֥הוּ מֶֽלֶךְ׃Proverbes 16.13 Matthieu 5.8 Psaumes 101.6 Esdras 7.6-7.11 Daniel 6.20-6.23
¹² עֵינֵ֣י יְ֭הוָה נָ֣צְרוּ דָ֑עַת וַ֝יְסַלֵּ֗ף דִּבְרֵ֥י בֹגֵֽד׃Job 5.12-5.13 Actes 5.39 Actes 8.9-8.12 Matthieu 16.16-16.18 Apocalypse 11.3-11.11
¹³ אָמַ֣ר עָ֭צֵל אֲרִ֣י בַח֑וּץ בְּתֹ֥וךְ רְ֝חֹבֹ֗ות אֵֽרָצֵֽחַ׃Nombres 13.32-13.33 Proverbes 26.13-26.16 Proverbes 15.19
¹⁴ שׁוּחָ֣ה עֲ֭מֻקָּה פִּ֣י זָרֹ֑ות זְע֥וּם יְ֝הוָ֗ה יִפָּל־שָֽׁם׃Ecclésiaste 7.26 Proverbes 23.27 Proverbes 6.24-6.29 Psaumes 81.12 Juges 16.20-16.21
¹⁵ אִ֭וֶּלֶת קְשׁוּרָ֣ה בְלֶב־נָ֑עַר שֵׁ֥בֶט מ֝וּסָ֗ר יַרְחִיקֶ֥נָּה מִמֶּֽנּוּ׃Proverbes 13.24 Proverbes 23.13-23.14 Proverbes 29.15 Proverbes 19.18 Ephésiens 2.3
¹⁶ עֹ֣שֵֽׁק דָּ֭ל לְהַרְבֹּ֣ות לֹ֑ו נֹתֵ֥ן לְ֝עָשִׁ֗יר אַךְ־לְמַחְסֹֽור׃Jacques 2.13 Psaumes 12.5 Michée 2.2-2.3 Luc 6.33-6.35 Proverbes 28.22
¹⁷ הַ֥ט אָזְנְךָ֗ וּ֭שְׁמַע דִּבְרֵ֣י חֲכָמִ֑ים וְ֝לִבְּךָ֗ תָּשִׁ֥ית לְדַעְתִּֽי׃Proverbes 23.12 Proverbes 5.1-5.2 Matthieu 17.5 Psaumes 90.12 Ecclésiaste 7.25
¹⁸ כִּֽי־נָ֭עִים כִּֽי־תִשְׁמְרֵ֣ם בְּבִטְנֶ֑ךָ יִכֹּ֥נוּ יַ֝חְדָּ֗ו עַל־שְׂפָתֶֽיךָ׃Proverbes 2.10 Psaumes 119.13 Psaumes 119.111 Proverbes 24.13-24.14 Psaumes 119.103
¹⁹ לִהְיֹ֣ות בַּ֭יהוָה מִבְטַחֶ֑ךָ הֹודַעְתִּ֖יךָ הַיֹּ֣ום אַף־אָֽתָּה׃Proverbes 3.5 Esaïe 12.2 Psaumes 62.8 Jérémie 17.7 1 Pierre 1.21
²⁰ הֲלֹ֤א כָתַ֣בְתִּי לְ֭ךָ שָׁלִישִׁ֑ים בְּמֹ֖ועֵצֹ֣ת וָדָֽעַת׃Proverbes 8.6 Psaumes 12.6 Osée 8.12 2 Pierre 1.19-1.21 2 Timothée 3.15-3.17
²¹ לְהֹודִֽיעֲךָ֗ קֹ֖שְׁטְ אִמְרֵ֣י אֱמֶ֑ת לְהָשִׁ֥יב אֲמָרִ֥ים אֱ֝מֶ֗ת לְשֹׁלְחֶֽיךָ׃ פLuc 1.3-1.4 1 Pierre 3.15 Jean 20.31 1 Jean 5.13
²² אַֽל־תִּגְזָל־דָּ֭ל כִּ֣י דַל־ה֑וּא וְאַל־תְּדַכֵּ֖א עָנִ֣י בַשָּֽׁעַר׃Exode 23.6 Zacharie 7.10 Malachie 3.5 Proverbes 22.16 Job 31.21
²³ כִּֽי־יְ֭הוָה יָרִ֣יב רִיבָ֑ם וְקָבַ֖ע אֶת־קֹבְעֵיהֶ֣ם נָֽפֶשׁ׃1 Samuel 25.39 Psaumes 12.5 Proverbes 23.11 Psaumes 140.12 Psaumes 35.10
²⁴ אַל־תִּ֭תְרַע אֶת־בַּ֣עַל אָ֑ף וְאֶת־אִ֥ישׁ חֵ֝מֹות לֹ֣א תָבֹֽוא׃Proverbes 29.22 2 Corinthiens 6.14-6.17 Proverbes 21.24
²⁵ פֶּן־תֶּאֱלַ֥ף אֹֽרְחֹתָ֑יו וְלָקַחְתָּ֖ מֹוקֵ֣שׁ לְנַפְשֶֽׁךָ׃1 Corinthiens 15.33 Psaumes 106.35 Proverbes 13.20
²⁶ אַל־תְּהִ֥י בְתֹֽקְעֵי־כָ֑ף בַּ֝עֹרְבִ֗ים מַשָּׁאֹֽות׃Proverbes 17.18 Proverbes 11.15 Proverbes 6.1-6.5 Proverbes 27.13
²⁷ אִם־אֵֽין־לְךָ֥ לְשַׁלֵּ֑ם לָ֥מָּה יִקַּ֥ח מִ֝שְׁכָּבְךָ֗ מִתַּחְתֶּֽיךָ׃Proverbes 20.16 Exode 22.26-22.27 2 Rois 4.1
²⁸ אַל־תַּ֭סֵּג גְּב֣וּל עֹולָ֑ם אֲשֶׁ֖ר עָשׂ֣וּ אֲבֹותֶֽיךָ׃Proverbes 23.10 Deutéronome 19.14 Job 24.2 Deutéronome 27.17
²⁹ חָזִ֡יתָ אִ֤ישׁ׀ מָ֘הִ֤יר בִּמְלַאכְתֹּ֗ו לִֽפְנֵֽי־מְלָכִ֥ים יִתְיַצָּ֑ב בַּל־יִ֝תְיַצֵּב לִפְנֵ֥י חֲשֻׁכִּֽים׃ פProverbes 10.4 Genèse 41.46 Proverbes 12.24 Matthieu 25.21 2 Timothée 4.2