1 È s’arrizzedinu tutti è u purtedinu ind’è Pilatu.
Matthieu 27.1-27.2 Matthieu 27.11-27.14 Luc 22.66 Marc 15.1-15.5 Jean 18.28-18.38
2 È missinu à incausà lu, dicendu : « emu vistu chì quistu voli metta a rivolta ind’ a nostra nazioni, l’impidisci di pagà i impositi à Cesaru, è dici d’essa Cristu, un rè. »
Jean 19.12 Actes 17.6-17.7 Luc 23.14 1 Rois 21.10-21.13 Actes 16.20-16.21
3 È Pilatu li dumandedi : « tù sè u Rè di i Ghjudei ? » È Ghjesù li risposi : « cusì dici tù. »
1 Timothée 6.13 Marc 15.2 Luc 22.70 Jean 1.49 Marc 15.18
4 È Pilatu dissi à i capisacerdoti è à a ghjenti accolta : « ùn trovu colpa varuna ind’è st’omu. »
Jean 18.38 Luc 23.22 1 Pierre 2.22 Marc 15.14 Matthieu 27.19
5 Ma elli insistedinu dicendu : « metti a rivolta ind’ u populu cù u so insignamentu, in la Ghjudea sana da a Galilea insini à quì. »
Marc 1.14 Jean 2.11 Matthieu 4.23 Jean 1.43 Luc 4.14-4.15
6 È Pilatu sintendu què dumandedi s’ellu era Galileu l’omu
Actes 5.37 Luc 13.1
7 è quand’ellu imparedi ch’ellu vinia da u regnu d’Erodi, u mandedi à Erodi, chì era ancu ellu in Ghjerusalemi in quilli ghjorni.
Luc 3.1 Luc 13.31 Matthieu 14.1
8 È Erodi quand’ellu vidi à Ghjesù si ni ralicrò assai, chì era un pezzu ch’ellu u vulia veda, parch’ellu ni sintia parlà , è spirava di veda calchì miraculu ch’ellu faria.
Marc 6.14 Matthieu 14.1 2 Rois 5.11 Luc 4.23 2 Rois 5.3-5.6
9 È li feci parechji dumandi, ma Ghjesù ùn li risposi nulla.
Matthieu 27.14 Psaumes 39.9 1 Pierre 2.23 Esaïe 53.7 Matthieu 7.6
10 Ed eranu arritti culà i capisacerdoti è i duttori di a Legi chì l’accusavanu briunendu.
Actes 24.5 Luc 23.14-23.15 Luc 23.5 Luc 23.2 Luc 11.53
11 È Erodi dinò u trattedi cù disprezzu , cù i so suldati, è ridendu si ni, li feci metta una vistitoghja magnifica è u rimandedi à Pilatu.
Marc 9.12 Esaïe 49.7 Luc 22.64-22.65 Actes 4.27-4.28 Jean 19.5
12 È divintedinu amichi trà Erodi è Pilatu quillu ghjornu, chì à principiu eranu in numicizia.
Actes 4.27 Apocalypse 17.13-17.14 Matthieu 16.1 Psaumes 83.4-83.6
13 Pilatu adunì i capisacerdoti è l’anziani di u populu
Jean 19.4 Marc 15.14 Jean 18.38 Matthieu 27.21-27.23
14 è li dissi : « m’eti purtatu st’omu dicendu ch’ellu mittia a rivolta ind’u populu, ed eccu, l’aghju intarrugatu davanti à voi, è ùn aghju trovu in ellu colpa varuna in tutti l’accusi chì vo’ li feti.
Matthieu 27.24 Actes 13.28 Matthieu 27.4 Luc 23.4-23.5 Luc 23.1-23.2
15 È mancu ni hà trovu Erodi, chì u m’hà rimandatu, ed eccu, ùn hà fattu nulla da valè a morti.
16 Cusì l’aghju da fà casticà è dopu u lintaraghju. »
Matthieu 27.26 Luc 23.22 Marc 15.15 Actes 5.40-5.41 Esaïe 53.5
17 À ogni festa li tuccava à lintà li un prighjuneru.
18 Ma briunedinu assai tutti insemi : « togli lu ci, è lenta ci à Barabbà. »
Actes 3.14 Actes 21.36 Actes 22.22 Matthieu 27.15-27.26 Marc 15.6-15.15
19 Quillu era statu imprighjunatu par via di una rivolta fatta in la cità è par avè tombu.
Actes 3.14 Luc 23.2 Luc 23.5
20 Pilatu li parledi dinò, par via ch’ellu vulia lintà à Ghjesù.
Marc 15.15 Jean 19.12 Matthieu 14.8-14.9 Matthieu 27.19
21 Ma elli briunavanu : « in croci, fà lu metta in croci. »
Marc 15.13 Luc 23.23 Jean 19.15 Matthieu 27.22-27.25
22 È Pilatu parledi pà a terza volta è dissi : « chì hà fattu di mali quistu ? Ùn aghju trovu in ellu varuna colpa da valè a morti ; l’aghju da fà casticà è dopu u lintaraghju. »
Luc 23.16 Luc 23.14 1 Pierre 1.19 1 Pierre 3.18 Luc 23.20
23 Ed elli insistedinu cù i brioni, dumandendu ch’ellu fussi missu in croci, è vinsinu u puntu cù i so brioni.
Luc 23.5 Zacharie 11.8 Psaumes 57.4 Psaumes 22.12-22.13
24 È Pilatu dicisi di fà ciò ch’elli dumandavanu.
Exode 23.2 Marc 15.15 Jean 19.1 Proverbes 17.15 Matthieu 27.26
25 Lintedi quillu chì era statu imprighjunatu pà a rivolta è par avè tombu, cum’elli a dumandavanu, è à Ghjesù u li lascedi ch’elli ni fessinu ciò ch’elli vulianu.
Marc 15.15 Actes 3.14 Luc 23.5 Marc 15.6-15.7 Luc 23.2
26 È quand’elli u si purtavanu, scuntredinu un certu Simoni, di Cirena, chì vultava da a campagna è li dedinu a croci da purtà la daretu à Ghjesù.
Marc 15.21-15.32 Actes 13.1 Matthieu 27.32-27.44 Actes 6.9 Actes 2.10
27 Marchjava cun ellu u populu accoltu, è i donni chì piignianu è si cimicavanu.
Luc 8.52 Luc 23.55 Matthieu 27.55 Marc 15.40 Luc 8.2
28 È vultatu si versu elli, Ghjesù dissi : « figlioli di Ghjerusalemi, ùn piigniti par via di mè ! Ma par voi piigniti puri è pà i vostri figlioli,
Cantique 1.5 Cantique 2.7 Cantique 8.4 Cantique 3.10 Cantique 3.5
29 chì eccu, veninu i ghjorni ch’ellu si hà da dì : ‘biati i donni stirili, i corpi chì ùn anu parturitu, è i petti chì ùn dedinu à sughja !’
Matthieu 24.19 Osée 13.16 Luc 21.23-21.24 Osée 9.12-9.16 Deutéronome 28.53-28.57
30 Tandu cuminciaranu
à dì à i muntagni :
cascheti ci à dossu !
È à i culletti :
piatteti ci.
Osée 10.8 Apocalypse 6.16 Esaïe 2.19 Apocalypse 9.6
31 Chì s’elli facinu cusì pà a legna verdi, di a legna secca chì ni sarà ? »
Jean 15.6 Ezéchiel 20.47-20.48 Matthieu 3.12 Jérémie 25.29 Ezéchiel 15.2-15.7
32 È purtavanu dinò altri è dui latri da fà li mora cun ellu.
Matthieu 27.38 Marc 15.27 Jean 19.18 Esaïe 53.12 Luc 22.37
33 È ghjuntu à u locu chjamatu u Craniu, culà missinu in croci à ellu è à i latri, unu à dritta è l’altru à manca.
Marc 15.22-15.23 Matthieu 27.33-27.34 Jean 19.17-19.18 Zacharie 12.10 Actes 13.29
34 È Ghjesù dissi : « o bà, pardona li, chì ùn sanu ciò ch’elli facinu. » È elli si spartedinu a so vistitoghja tirendu à l’imbusca.
Matthieu 5.44 Psaumes 22.18 1 Pierre 3.9 Luc 6.27-6.28 Actes 7.60
35 Ed era culà u populu è guardava. È si ridianu d’ellu l’anziani di u populu dicendu: « l’altri l’hà salvi, ch’ellu salvi à ellu s’ellu hè u Cristu, u prasceltu di Diu. »
Psaumes 22.17 Esaïe 42.1 Luc 16.14 1 Pierre 2.4 Matthieu 12.18
36 È si ridianu d’ellu ancu i suldati è avvicinatu si li porsinu l’acetu
Matthieu 27.48 Psaumes 69.21 Marc 15.36 Marc 15.19-15.20 Jean 19.28-19.30
37 è li dissinu : « sì tù sè u rè di i Ghjudei, salva ti. »
38 È avia un iscrittu sopra : « u rè di i Ghjudei hè quistu. »
Marc 15.26 Matthieu 27.37 Marc 15.32 Jean 19.19-19.22 Jean 19.3
39 È unu di i latri missi in croci u insultava dicendu : « ùn sè tù u Cristu ? Salva à tè è à noi. »
Matthieu 27.44 Marc 15.32 Luc 23.37 Luc 23.35 Luc 17.34-17.35
40 È li risposi quillu altru fraiendu lu : « soca ùn temi à Diu, tù chì ricevi listessa cundanna ?
Ephésiens 5.11 Apocalypse 16.11 Psaumes 36.1 Apocalypse 15.4 2 Chroniques 28.22
41 È par noi hè ghjusta, chì ricivimu u casticu ch’elli miretanu i nostri azzioni ; ma quistu, ùn hà fattu nulla di spripusitatu. »
Esdras 9.13 Matthieu 27.54 Josué 7.19-7.20 Matthieu 27.19 1 Pierre 1.19
42 È dissi : « o Ghjesù, ricorda ti di mè quand’ì tù vinarè in lu to Regnu. »
Romains 10.9-10.14 Actes 16.31 1 Pierre 2.6-2.7 1 Jean 5.11-5.13 Esaïe 9.6-9.7
43 È Ghjesù li dissi : « a ti dicu da veru, oghji, sarè cù mè in paradisu. »
Apocalypse 2.7 Philippiens 1.23 Luc 19.10 1 Timothée 1.15-1.16 Hébreux 7.25
44 È sarà statu meziornu, quand’ellu vensi u bughju nantu à a tarra sana insini à trè ori,
Matthieu 27.45 Amos 8.9 Actes 2.20 Amos 5.18 Marc 15.33-15.34
45 chì u soli era sparitu, è si straccedi u velu di u tempiu in dui pezzi.
Matthieu 27.51 2 Chroniques 3.14 Marc 15.38 Lévitique 16.12-16.16 Hébreux 10.19-10.22
46 È ad alta voci Ghjesù dissi : « o Bà,
in li to mani dò u me spiritu. » È dittu cusì persi u fiatu.
Psaumes 31.5 Jean 19.30 Actes 7.59 1 Pierre 2.23 Marc 15.34-15.41
47 È u cinturioni chì avia vistu tuttu ciò ch’era stalvatu feci loda à Diu dicendu : « di sicuru chì st’omu era ghjustu. »
Marc 15.39 Matthieu 27.54 Luc 23.41
48 È tutta a ghjenti accolta pà u spittaculu, quand’elli vidinu i fatti, si ni vultedinu minendu si in pettu.
Luc 18.13 Jérémie 31.19 Actes 2.37
49 È luntanu stavanu tutti quilli chì cunniscianu à Ghjesù, è ancu i donni chì eranu vinuti cun ellu da a Galilea, è guardavanu.
Luc 8.2 Psaumes 38.11 Matthieu 27.55-27.56 Luc 23.55 Marc 15.47
50 È ci era un omu chì si chjamava Ghjaseppu, è chì era di u cunsigliu, un omu bravu è ghjustu
Marc 15.42-15.47 Actes 11.24 Jean 19.38-19.42 Matthieu 27.57-27.61 Actes 10.2
51 ùn era statu d’accunsentu cù ciò ch’elli avianu dicisu è fattu l’altri cunsiglieri , era vinutu da Arimatea, cità di i Ghjudei, è aspittava u Regnu di Diu.
Luc 2.25 Luc 2.38 Marc 15.43 1 Samuel 1.1 Genèse 37.21-37.22
52 Andedi ind’è Pilatu, è li chersi u catavaru di Ghjesù,
Jean 19.38-19.42
53 u spicchedi da a croci, u fascedi ind’un linzolu è u missi ind’una tomba scavata in lu scogliu, chì nimu ci era statu intarratu mai.
Esaïe 53.9 Matthieu 27.59-27.60 Marc 15.46
54 Ed era a vigilia di a festa, è avia da cumincià u sabbatu.
Matthieu 27.62 Jean 19.31 Jean 19.14 Jean 19.42 Marc 15.42
55 È i donni chì l’avianu accumpagnatu, vinuti cun ellu da a Galilea, guardedinu a tomba è vidinu a manera ch’ellu ci era statu missu u catavaru,
Luc 23.49 Marc 15.47 Matthieu 27.61 Luc 8.2
56 è vultati ch’elli funu in cità appruntedinu l’arumati è i prufumi.
Luc 24.1 Marc 16.1 Jérémie 17.24-17.25 Deutéronome 5.14 Exode 20.8-20.10