Psaumes 69
Biblia Hebraica Stuttgartensia

¹ לַמְנַצֵּ֬חַ עַֽל־שֹׁושַׁנִּ֬ים לְדָוִֽד׃ Psaumes 69.14-69.15 Esaïe 43.2 Psaumes 42.7 Psaumes 45.1 Psaumes 18.4
² (69.1) הֹושִׁיעֵ֥נִי אֱלֹהִ֑ים כִּ֤י בָ֖אוּ מַ֣יִם עַד־נָֽפֶשׁ׃ Psaumes 40.2 Matthieu 7.25 Psaumes 32.6 Psaumes 88.6-88.7 Genèse 7.17-7.23
³ (69.2) טָבַ֤עְתִּי׀ בִּיוֵ֣ן מְ֭צוּלָה וְאֵ֣ין מָעֳמָ֑ד בָּ֥אתִי בְמַעֲמַקֵּי־מַ֝֗יִם וְשִׁבֹּ֥לֶת שְׁטָפָֽתְנִי׃ Psaumes 119.82 Psaumes 6.6 Esaïe 38.14 Psaumes 119.123 Deutéronome 28.32
⁴ (69.3) יָגַ֣עְתִּי בְקָרְאִי֮ נִחַ֪ר גְּרֹ֫ונִ֥י כָּל֥וּ עֵינַ֑י מְ֝יַחֵ֗ל לֵאלֹהָֽי׃ Psaumes 35.19 Jean 15.25 Psaumes 40.12 Esaïe 53.4-53.7 Psaumes 7.3-7.5
⁵ (69.4) רַבּ֤וּ׀ מִשַּׂעֲרֹ֣ות רֹאשִׁי֮ שֹׂנְאַ֪י חִ֫נָּ֥ם עָצְמ֣וּ מַ֭צְמִיתַי אֹיְבַ֣י שֶׁ֑קֶר אֲשֶׁ֥ר לֹא־גָ֝זַ֗לְתִּי אָ֣ז אָשִֽׁיב׃ Psaumes 38.9 Psaumes 19.12 Jérémie 16.17 Psaumes 17.3 Psaumes 38.5
⁶ (69.5) אֱֽלֹהִ֗ים אַתָּ֣ה יָ֭דַעְתָּ לְאִוַּלְתִּ֑י וְ֝אַשְׁמֹותַ֗י מִמְּךָ֥ לֹא־נִכְחָֽדוּ׃ Esaïe 49.23 2 Samuel 23.3 Psaumes 72.18 Psaumes 7.7 Psaumes 25.3
⁷ (69.6) אַל־יֵ֘בֹ֤שׁוּ בִ֨י׀ קֹוֶיךָ֮ אֲדֹנָ֥י יְהוִ֗ה צְבָ֫אֹ֥ות אַל־יִכָּ֣לְמוּ בִ֣י מְבַקְשֶׁ֑יךָ אֱ֝לֹהֵ֗י יִשְׂרָאֵֽל׃ Jérémie 15.15 Psaumes 44.22 Esaïe 50.6 Luc 23.11 Jean 15.21-15.24
⁸ (69.7) כִּֽי־עָ֭לֶיךָ נָשָׂ֣אתִי חֶרְפָּ֑ה כִּסְּתָ֖ה כְלִמָּ֣ה פָנָֽי׃ Psaumes 31.11 Jean 1.11 Psaumes 38.11 1 Samuel 17.28 Matthieu 10.35-10.36
⁹ (69.8) מ֖וּזָר הָיִ֣יתִי לְאֶחָ֑י וְ֝נָכְרִ֗י לִבְנֵ֥י אִמִּֽי׃ Romains 15.3 Psaumes 119.139 Jean 2.14-2.17 Psaumes 89.50-89.51 Psaumes 89.41
¹⁰ (69.9) כִּֽי־קִנְאַ֣ת בֵּיתְךָ֣ אֲכָלָ֑תְנִי וְחֶרְפֹּ֥ות חֹ֝ורְפֶ֗יךָ נָפְל֥וּ עָלָֽי׃ Psaumes 35.13 Psaumes 102.8-102.9 Psaumes 109.24-109.25 Luc 7.33-7.34
¹¹ (69.10) וָאֶבְכֶּ֣ה בַצֹּ֣ום נַפְשִׁ֑י וַתְּהִ֖י לַחֲרָפֹ֣ות לִֽי׃ Jérémie 24.9 1 Rois 9.7 Job 17.6 Psaumes 35.13-35.14 Joël 1.13
¹² (69.11) וָאֶתְּנָ֣ה לְבוּשִׁ֣י שָׂ֑ק וָאֱהִ֖י לָהֶ֣ם לְמָשָֽׁל׃ Matthieu 27.62-27.63 Job 30.8-30.9 Matthieu 27.20 Actes 4.26-4.27 Genèse 19.1
¹³ (69.12) יָשִׂ֣יחוּ בִ֭י יֹ֣שְׁבֵי שָׁ֑עַר וּ֝נְגִינֹ֗ות שֹׁותֵ֥י שֵׁכָֽר׃ Esaïe 49.8 2 Corinthiens 6.2 Esther 5.2 Romains 15.8-15.9 Luc 22.44
¹⁴ (69.13) וַאֲנִ֤י תְפִלָּתִֽי־לְךָ֨׀ יְהוָ֡ה עֵ֤ת רָצֹ֗ון אֱלֹהִ֥ים בְּרָב־חַסְדֶּ֑ךָ עֲ֝נֵ֗נִי בֶּאֱמֶ֥ת יִשְׁעֶֽךָ׃ Psaumes 144.7 Psaumes 69.1-69.2 Psaumes 42.2 Psaumes 40.1-40.3 Psaumes 109.21
¹⁵ (69.14) הַצִּילֵ֣נִי מִ֭טִּיט וְאַל־אֶטְבָּ֑עָה אִנָּצְלָ֥ה מִ֝שֹּֽׂנְאַ֗י וּמִמַּֽעֲמַקֵּי־מָֽיִם׃ Psaumes 16.10 Psaumes 88.4-88.6 Jonas 2.2-2.7 Nombres 16.33-16.34 Esaïe 43.1-43.2
¹⁶ (69.15) אַל־תִּשְׁטְפֵ֤נִי׀ שִׁבֹּ֣לֶת מַ֭יִם וְאַל־תִּבְלָעֵ֣נִי מְצוּלָ֑ה וְאַל־תֶּאְטַר־עָלַ֖י בְּאֵ֣ר פִּֽיהָ׃ Psaumes 63.3 Psaumes 25.16 Psaumes 109.21 Psaumes 51.1 Esaïe 63.7
¹⁷ (69.16) עֲנֵ֣נִי יְ֭הוָה כִּי־טֹ֣וב חַסְדֶּ֑ךָ כְּרֹ֥ב רַ֝חֲמֶ֗יךָ פְּנֵ֣ה אֵלָֽי׃ Psaumes 27.9 Psaumes 102.2 Psaumes 143.7 Psaumes 44.24 Psaumes 40.13
¹⁸ (69.17) וְאַל־תַּסְתֵּ֣ר פָּ֭נֶיךָ מֵֽעַבְדֶּ֑ךָ כִּֽי־צַר־לִ֝֗י מַהֵ֥ר עֲנֵֽנִי׃ Deutéronome 32.27 Jérémie 14.8 Psaumes 31.5 Psaumes 22.19 Josué 7.9
¹⁹ (69.18) קָרְבָ֣ה אֶל־נַפְשִׁ֣י גְאָלָ֑הּ לְמַ֖עַן אֹיְבַ֣י פְּדֵֽנִי׃ Hébreux 12.2 Esaïe 53.3 Psaumes 2.2-2.4 Jean 8.49 Psaumes 69.7-69.9
²⁰ (69.19) אַתָּ֤ה יָדַ֗עְתָּ חֶרְפָּתִ֣י וּ֭בָשְׁתִּי וּכְלִמָּתִ֑י נֶ֝גְדְּךָ֗ כָּל־צֹורְרָֽי׃ Job 16.2 Esaïe 63.5 Psaumes 142.4 Marc 14.50 Hébreux 11.36
²¹ (69.20) חֶרְפָּ֤ה׀ שָֽׁבְרָ֥ה לִבִּ֗י וָֽאָ֫נ֥וּשָׁה וָאֲקַוֶּ֣ה לָנ֣וּד וָאַ֑יִן וְ֝לַמְנַחֲמִ֗ים וְלֹ֣א מָצָֽאתִי׃ Marc 15.23 Matthieu 27.34 Luc 23.36 Matthieu 27.48 Marc 15.36
²² (69.21) וַיִּתְּנ֣וּ בְּבָרוּתִ֣י רֹ֑אשׁ וְ֝לִצְמָאִ֗י יַשְׁק֥וּנִי חֹֽמֶץ׃ Romains 11.8-11.10 1 Thessaloniciens 5.3 Malachie 2.2 Proverbes 1.32 Esaïe 8.14-8.15
²³ (69.22) יְהִֽי־שֻׁלְחָנָ֣ם לִפְנֵיהֶ֣ם לְפָ֑ח וְלִשְׁלֹומִ֥ים לְמֹוקֵֽשׁ׃ Daniel 5.6 Jérémie 30.6 Romains 11.10 Esaïe 6.9-6.10 Esaïe 21.3-21.4
²⁴ (69.23) תֶּחְשַׁ֣כְנָה עֵ֭ינֵיהֶם מֵרְאֹ֑ות וּ֝מָתְנֵ֗יהֶם תָּמִ֥יד הַמְעַֽד׃ Psaumes 79.6 Osée 5.10 1 Thessaloniciens 2.15-2.16 Deutéronome 31.17 Esaïe 13.8
²⁵ (69.24) שְׁפָךְ־עֲלֵיהֶ֥ם זַעְמֶ֑ךָ וַחֲרֹ֥ון אַ֝פְּךָ֗ יַשִּׂיגֵֽם׃ Matthieu 23.38 Actes 1.20 Luc 13.35 Esaïe 6.11 Matthieu 24.1-24.2
²⁶ (69.25) תְּהִי־טִֽירָתָ֥ם נְשַׁמָּ֑ה בְּ֝אָהֳלֵיהֶ֗ם אַל־יְהִ֥י יֹשֵֽׁב׃ Esaïe 53.4 Zacharie 1.15 Esaïe 53.10 2 Chroniques 28.9 Zacharie 13.7
²⁷ (69.26) כִּֽי־אַתָּ֣ה אֲשֶׁר־הִכִּ֣יתָ רָדָ֑פוּ וְאֶל־מַכְאֹ֖וב חֲלָלֶ֣יךָ יְסַפֵּֽרוּ׃ Esaïe 26.10 Néhémie 4.5 Romains 1.28 Exode 9.12 Romains 10.2-10.3
²⁸ (69.27) תְּֽנָה־עָ֭וֹן עַל־עֲוֹנָ֑ם וְאַל־יָ֝בֹ֗אוּ בְּצִדְקָתֶֽךָ׃ Luc 10.20 Philippiens 4.3 Ezéchiel 13.9 Apocalypse 3.5 Hébreux 12.23
²⁹ (69.28) יִ֭מָּחֽוּ מִסֵּ֣פֶר חַיִּ֑ים וְעִ֥ם צַ֝דִּיקִ֗ים אַל־יִכָּתֵֽבוּ׃ Psaumes 20.1 Psaumes 89.26-89.27 Psaumes 40.17 Matthieu 8.20 Psaumes 22.27-22.31
³⁰ (69.29) וַ֭אֲנִי עָנִ֣י וְכֹואֵ֑ב יְשׁוּעָתְךָ֖ אֱלֹהִ֣ים תְּשַׂגְּבֵֽנִי׃ Psaumes 28.7 Psaumes 34.3 Psaumes 50.14 Psaumes 118.21 Psaumes 40.1-40.3
³¹ (69.30) אֲהַֽלְלָ֣ה שֵׁם־אֱלֹהִ֣ים בְּשִׁ֑יר וַאֲגַדְּלֶ֥נּוּ בְתֹודָֽה׃ Psaumes 50.13-50.14 Hébreux 13.15 Psaumes 50.23 1 Pierre 2.5 Osée 14.2
³² (69.31) וְתִיטַ֣ב לַֽ֭יהוָה מִשֹּׁ֥ור פָּ֗ר מַקְרִ֥ן מַפְרִֽיס׃ Psaumes 22.26 Psaumes 34.2 Psaumes 25.9 Esaïe 61.1-61.3 Esaïe 55.6-55.7
³³ (69.32) רָא֣וּ עֲנָוִ֣ים יִשְׂמָ֑חוּ דֹּרְשֵׁ֥י אֱ֝לֹהִ֗ים וִיחִ֥י לְבַבְכֶֽם׃ Psaumes 68.6 Actes 12.4-12.11 Psaumes 102.20 Ephésiens 3.1 Luc 4.18
³⁴ (69.33) כִּֽי־שֹׁמֵ֣עַ אֶל־אֶבְיֹונִ֣ים יְהוָ֑ה וְאֶת־אֲ֝סִירָ֗יו לֹ֣א בָזָֽה׃ Psaumes 96.11 Esaïe 49.13 Esaïe 55.12 Apocalypse 7.11-7.13 Psaumes 150.6
³⁵ (69.34) יְֽ֭הַלְלוּהוּ שָׁמַ֣יִם וָאָ֑רֶץ יַ֝מִּ֗ים וְֽכָל־רֹמֵ֥שׂ בָּֽם׃ Psaumes 51.18 Esaïe 44.26 Esaïe 46.13 Psaumes 102.13 Apocalypse 14.1
³⁶ (69.35) כִּ֤י אֱלֹהִ֨ים׀ יֹ֘ושִׁ֤יעַ צִיֹּ֗ון וְ֭יִבְנֶה עָרֵ֣י יְהוּדָ֑ה וְיָ֥שְׁבוּ שָׁ֝֗ם וִירֵשֽׁוּהָ׃ Psaumes 102.28 Psaumes 37.29 Jacques 2.5 Romains 8.28 Psaumes 91.14
³⁷ (69.36) וְזֶ֣רַע עֲ֭בָדָיו יִנְחָל֑וּהָ וְאֹהֲבֵ֥י שְׁ֝מֹ֗ו יִשְׁכְּנוּ־בָֽהּ׃