1 « Unipochi di voi presenti ùn anu da more prima d’avè vistu u Regnu di Diu venutu cù Putenza. »
Matthieu 25.31 Matthieu 16.28 Hébreux 2.9 Luc 9.27 Luc 22.18
2 Sei ghjorni dopu, Ghjesù pigliò cun ellu à Petru, à Ghjacumu è à Ghjuvanni, è i purtò nant’à una muntagna alta per ch’elli fussinu soli cun ellu è davanti à elli trè fù trasfiguratu,
Luc 9.28-9.36 Matthieu 17.1-17.8 Marc 5.37 Exode 34.29-34.35 Esaïe 33.17
3 i so panni diventonu risplendenti è più bianchi chè a neve, chì nimu, nantu a terra, ne pò fà sorte di più bianchi da i bugni bucataghji.
Matthieu 28.3 Malachie 3.2-3.3 Daniel 7.9 Psaumes 104.1-104.2 Psaumes 68.14
4 È li cumparsenu Elia è Musè, tratenendusi cù Ghjesù.
Actes 3.21-3.24 Luc 9.30-9.31 Matthieu 17.3-17.4 Luc 9.19 1 Pierre 1.10-1.12
5 Petru prese a parolla è disse à Ghjesù : « Maestru, hè una bona chì noi siamu quì. Arrizzeremu trè tende : una da tè, una da Musè, una da Elia. »
Jean 14.21-14.23 Jean 14.8-14.9 Psaumes 62.2-62.3 Matthieu 23.7 Psaumes 84.10
6 In fatti, ùn sapia chì dì : eranu pigliati da u siscu.
Daniel 10.15-10.19 Apocalypse 1.17 Marc 16.5-16.8
7 È ci fù tandu, u nulu chì i tense sottu à a so ombra. È da u nulu vense una voce : « Què ghjè u miò figliolu u predilettu. Statelu à sente. »
2 Pierre 1.17 Matthieu 3.17 Marc 1.11 Jean 1.49 Matthieu 26.63-26.64
8 Di colpu, guardendu di giru in giru ùn vìdenu più à nimu chè à Ghjesù solu cun elli.
Luc 9.36 Actes 10.16 Luc 24.31 Actes 8.39-8.40
9 Di falata da a muntagna Ghjesù li ricumandò d’ùn racunta à nimu ciò ch’elli avianu vistu, à tà à chì u Figliolu di l’Omu ùn fussi resuscitatu da frà li morti.
Matthieu 17.9-17.13 Marc 5.43 Matthieu 27.63 Marc 9.30-9.31 Luc 24.46
10 Fecenu casu à issa parolla, ragiunendu frà elli : « chì vulerà dì : resuscitatu da frà li morti ? »
Genèse 37.11 Jean 16.29-16.30 Jean 16.17-16.19 Jean 12.33-12.34 Actes 17.18
11 È quistiunonu à Ghjesù, dicendu : « cumu hè chì i Farusei è i Maestri di a Lege dicenu ch’ellu ci vole prima ch’ellu venga Elia. »
Malachie 4.5 Malachie 3.1 Matthieu 11.14 Marc 9.4 Matthieu 17.10-17.11
12 Li rispose : « Elia vene prima è rimette ogni cosa in assestu. Ma cumu hè ch’ella hè scritta chì à u Figliolu di l’Omu l’hà da tuccà à soffre assai è à esse disprezzatu?
Luc 23.11 Esaïe 53.1-53.12 Psaumes 69.1-69.36 Esaïe 50.6 Esaïe 40.3-40.5
13 Ma a vi dicu, Elia hè venutu è l’anu fattu ciò ch’elli anu vulsutu, secondu ciò ch’è scrittu d’ellu. »
Matthieu 11.14 Marc 6.14-6.28 Matthieu 17.12-17.13 Luc 1.17 Actes 7.52
14 Avvicinendusi vide i so discepuli avvinti da una folla immensa, mentre chì i Maestri di a Lege discurrianu cun elli.
Matthieu 17.14-17.20 Luc 9.37-9.42 Hébreux 12.3 Marc 2.6 Marc 11.28
15 È subitu, tuttu u populu, videndu à Ghjesù, si messe in sussurru è l’incorsenu per falli mottu.
Exode 34.30 Marc 9.2-9.3
16 Ellu li dumandò : « di chè discurriate cun elli ? »
Marc 8.11 Luc 5.30-5.32
17 Unu di a folla rispose : « o Maestru, t’aghju arrecatu u miò figliolu chì hà un spiritu mutu,
Marc 9.25 Luc 11.14 Marc 5.23 Matthieu 17.15 Jean 4.47
18 chì, duve voglia ch’ellu sia, quand’ellu u piglia, u lampa pè a piana. Allora sciumieghja, stringhje i denti è vene sticchitu. Aghju dettu à i to discepuli di scunviallu, ma ùn ci sò riesciuti. »
Actes 7.54 Job 16.9 Jude 1.13 Luc 9.39-9.40 Marc 9.26
19 Ghjesù rispose à tutti è disse : « o generazione senza fede ! Finu à quandu steraghju cun voi ? Finu à quandu vi suppurteraghju ? Avvicinatemilu qui. »
Jean 20.27 Psaumes 78.22 Matthieu 17.17 Deutéronome 32.20 Nombres 14.27
20 È u l’avvicinonu. Da chì u zitellu vide à Ghjesù, u spiritu malignu u stambussò. U zitellu cascò pè a piana, sturcinendusi è sciumiendu.
Marc 1.26 Marc 9.26 Luc 9.42 Luc 4.35 1 Pierre 5.8
21 È Ghjesù dumandò à u babbu : « da quandul’accade què ? » U babbu rispose : « da quand’ellu hè creaturu.
Actes 9.33 Actes 14.8 Actes 4.22 Job 5.7 Jean 9.1
22 Spessu l’hà lampatu inde u focu è inde l’acqua, per tumballu. Ma sì tù poi qualcosa, aghjutacci, abbia pietà di noi. »
Matthieu 9.28 Matthieu 8.2 Matthieu 8.8-8.9 Marc 1.40-1.42 Marc 5.19
23 È Ghjesù li rispose : « sì tù poi... Hè pussibile tuttu per quellu chì crede. »
Jean 11.40 Matthieu 17.20 Marc 11.23 Luc 17.6 Matthieu 21.21-21.22
24 Senz’altru, u babbu di u zitellu gridò : « credu ; susteni a miò poca fede. »
2 Thessaloniciens 1.11 Luc 17.5 Hébreux 12.2 2 Thessaloniciens 1.3 Ephésiens 2.8
25 È Ghjesù, videndu chì a folla s’accuglia minacciò u spiritu malignu è disse : « spiritu sordu è mutu, ti ne dò l’ordine, esci da stu zitellu è ùn ci turnà piu. »
Actes 16.18 Marc 9.15 Esaïe 35.5-35.6 Zacharie 3.2 Luc 8.29
26 Dopu avè briunatu è stambussatu assai u zitellu, u spiritu escì. U zitellu paria un cataveru è a ghjente dicia : « hè mortu ! »
Marc 9.20 Apocalypse 12.12 Marc 1.26 Exode 5.23 Marc 9.18
27 Ma Ghjesù li pigliò a manu, l’arrizzò è quellu si tense arrittu.
Marc 1.31 Esaïe 41.13 Marc 5.41 Actes 3.7 Actes 9.41
28 Quandu chì Ghjesù fù entratu in casa, i so discepuli li dumandonu solu à solu : « cumu hè chì noi ùn l’avemu pussutu scunvià ? »
Marc 7.17 Matthieu 15.15 Matthieu 13.36 Matthieu 17.19-17.20 Matthieu 13.10
29 Li rispose : « sta razza (di demonii) ùn esce chè cù a precera. »
Jacques 5.15 2 Corinthiens 11.27 Daniel 9.3 Matthieu 17.20 2 Corinthiens 12.8
30 Esciuti da culà, traversonu a Galilea è Ghjesù ùn vulia chì nimu à sapessi.
Matthieu 27.22-27.23 Marc 6.31-6.32 Matthieu 17.22-17.23 Luc 9.43-9.45
31 Ma insegnava à i so discepuli dicenduli : « u Figliolu di l’Omu serà messu in manu à l’omi è u tumberanu. Ma trè ghjorni dopu resuscitera. »
Matthieu 16.21 Marc 9.12 Marc 8.31 Matthieu 20.18-20.19 Luc 24.44-24.46
32 Ma elli ùn capianu isse parole è temianu à dumandalline a spiegazione.
Luc 18.34 Luc 2.50 Luc 9.45 Jean 12.16 Jean 16.19
33 È ghjunsemu in Cafarnau. Entratu ch’ellu fù in casa, Ghjesù li dumandò : « di chè raghjunavate per strada ? »
Matthieu 18.1-18.5 Matthieu 17.24 Luc 9.46-9.48 Psaumes 139.1-139.4 Apocalypse 2.23
34 Ma elli si stavanu zitti chì, strada facendu, raghjunavanu di qual’ellu era u maiò d’elli.
Philippiens 2.3-2.7 3 Jean 1.9 Luc 9.46-9.48 Matthieu 20.21-20.24 1 Pierre 5.3
35 Pusendusi, Ghjesù chjamò i dodeci è li disse : « Quellu chì vole esse u primu, ch’ellu sia l’ultimu di tutti è u servu di tutti. »
Marc 10.42-10.45 Luc 22.26 Jérémie 45.5 Matthieu 20.25-20.28 Proverbes 13.10
36 Poi, pigliendu un zitellucciu, u messe à mezu à elli, è, abbracciatulu, disse :
Marc 10.16 Matthieu 18.2 Matthieu 19.14-19.15
37 « à chì riceve unu di sti zitellucci à nome meiu riceve à mè. È à chì mi riceve ùn riceve solu à mè, ma riceve quellu chì m’hà mandatu. »
Matthieu 18.3-18.5 Luc 10.16 Jean 10.30 Matthieu 10.40-10.42 Luc 9.48
38 Ghjuvanni li disse : « o Maestru, avemu scontru à unu chì scunvìava i demonii in nome toiu. Cum’ellu ùn hè micca di quelli chì ci seguitanu, l’avemu impeditu. »
Luc 9.49-9.50 Luc 11.19 Nombres 11.26-11.29
39 È Ghjesù rispose : « ùn lu impedite micca chì nimu pò fà meraculi in nome meiu, è, subitu dopu, parlà male di mè.
1 Corinthiens 12.3 Philippiens 1.18 1 Corinthiens 9.27 Actes 19.13-19.16 1 Corinthiens 13.1-13.2
40 À chì hè contru à noi, hè cÙ noi.
Luc 11.23 Matthieu 12.30
41 À chì vi darà à beie un bichjeru d’acqua à nome chè vo’ site di Cristu, a vi dicu da veru, u so premiu ùn u perderà.
Matthieu 10.42 Galates 3.29 Galates 5.24 Jean 19.25-19.27 Matthieu 25.40
42 À chì scandalizerà unu di sti zitellucci chì credenu [in mè], megliu serìa ch’omu l’appicchi à u collu una di isse macine ch’elli facenu girà i sumeri, è ch’omu u lampi in mare. »
Matthieu 18.6 Luc 17.1-17.2 Matthieu 18.10 2 Pierre 2.2 Matthieu 25.45-25.46
43 « è sì a to manu t’hè cagione di scandalu, tagliala. Hè megliu ch’è t’entri mani mozzu inde a vita, ch’è d’andà cù e to due mane à l’infernu, ind’u focu ch’ùn si spenghje mai,
Matthieu 5.29-5.30 Matthieu 25.41 Matthieu 18.8-18.9 Matthieu 5.22 Matthieu 3.12
44 [...]
45 è’ sì u to pede t’hè cagione di scandalu, taglialu. Hè megliu ch’è t’entri pedi mozzu inde a vita eterna, ch’è d’esse lampatu, cù i tò dui pedi, inde l’infernu.
Marc 9.43 Matthieu 18.8 Matthieu 5.22
46 [...]
47 È sì u to ochju t’hè cagione di scandalu, cacciatilu. Hè megliu ch’è t’entri cù un ochju solu inde u Regnu di Diu, chè d’esse lampatu, cù i to dui ochji, inde l’infernu.
Matthieu 18.9 Marc 9.43 Matthieu 5.22 Matthieu 5.28-5.29 Psaumes 119.37
48 Duve u varme ùn more è u focu ùn si spenghje.
Esaïe 66.24 Marc 9.43-9.45 Matthieu 25.41
49 Perchè ognunu sera salitu cù u focu.
Lévitique 2.13 Ezéchiel 43.24
50 Hè bonu u sale. Ma si u sale vene dissapitu, cun chè u saliscerete ? Abbiate u sale in voi. È siate in pace trà di voi. »
Colossiens 4.6 Romains 12.18 Matthieu 5.13 2 Corinthiens 13.11 Hébreux 12.14