1 È mentre ch’ellu escia da u tempiu, unu di i so discepuli li disse : « o Maestru, guarda ghjà chì belle petre è chì travagliu ! »
Malachie 3.1-3.2 Ezéchiel 10.19 Ezéchiel 7.20-7.22 Ezéchiel 10.4 Ezéchiel 8.6
2 Ghjesù li disse : « u vedi issu tamantu travagliu,ebbè ! Ùn n’hà da fermà petra sopra à petra. Tuttu sera distruttu. »
2 Chroniques 7.20-7.21 Actes 6.14 Luc 19.41-19.44 Luc 21.6 Apocalypse 11.2
3 È mentre ch’ellu pusava in a culletta à l’Olivetu, di punta à u tempiu, Petru, Ghjacumu, Ghjuvanni è Andria soli cun ellu, l’interrugavanu.
Marc 4.34 Matthieu 21.1 Marc 1.16-1.19 Marc 9.2 Marc 10.35
4 « dicci quandu chì ste cose anu da accade ? È chì serà u segnu quandu chì tuttu què serà in puntu di realizassi ? »
Actes 1.6-1.7 Matthieu 24.3 Jean 21.21-21.22 Daniel 12.8 Luc 21.7
5 È Ghjesù principiò à dilli : « fate casu chì nimu v’inganni !
Jérémie 29.8 Ephésiens 5.6 2 Thessaloniciens 2.3 Colossiens 2.8 Luc 21.8
6 Chì parechji affaccaranu, aduprendu u miò nome è dicendu : ‘Sò eiu’, è inganneranu assai ghjente.
Marc 13.22 Jérémie 14.14 Matthieu 24.11 Actes 5.36-5.39 1 Jean 4.1
7 Quandu ch’è vo’senterete parlà di guerre, o di rimusci di guerre, ùn vi pigli u tremu. Bisogna chì tuttu què accadi, ma ùn serà ancu a fine.
Actes 17.3 Jean 14.27 Matthieu 18.7 Luc 21.9-21.11 Psaumes 46.1-46.3
8 Chì si rivulterà populu contr’à populu, è regnu contr’à regnu. In certi lochi ci seranu i terramoti, a fame. Serà u principiu di i dulori.
Actes 11.28 Apocalypse 6.4 Esaïe 19.2 Jérémie 6.24 2 Chroniques 15.6
9 Fate casu à voi stessi, perchè vi manderanu in tribunale, vi pesteranu da i colpi ind’e sinagoghe. Serete purtati davanti à i guvernatori è i rè in testimunianza per via di mè.
Matthieu 10.17-10.18 Marc 13.5 Jean 16.2 Actes 9.16 Actes 12.1-12.3
10 Ma prima ci vole à sparghje u Vangelu in tutte e nazione.
Colossiens 1.6 Matthieu 24.14 Romains 10.18 Colossiens 1.23 Matthieu 28.18-28.19
11 E quand’elli vi purtaranu per ghjudicavi, ùn vi fate penseru per ciò ch’è v’averete da dì. Dite solu ciò chì vi serà datu à l’ora vulsuta. Chì tandu, un serete micca voi chì parlerette, ma u Spiritu Santu.
Luc 21.14-21.15 Actes 6.10 Luc 12.11-12.12 Matthieu 10.19-10.21 Actes 6.15
12 Infatti, un fratellu ferà cundanna l’altru fratellu à morte. Un babbu u figliolu. I figlioli si rivulteranu contru à i genitori, è i feranu more.
Matthieu 10.21 Luc 12.52-12.53 Michée 7.4-7.6 Luc 21.16 Ezéchiel 38.21
13 È serete in odiu à tutti per vìa di u miò nome. Ma quellu chì resisterà fin’à l’ultima sera salvu. »
Jean 15.18-15.19 Matthieu 10.22 Jean 15.21 Luc 6.22 Matthieu 24.13
14 « Quandu ch’è vo’viderete l’orrore di u disguastu stabbulitu duv’ellu ùn avia da esse — à chì leghje capisca —, tandu chì quelli chì sò in Ghjudea fuganu pè a muntagna.
Daniel 9.27 Daniel 12.11 Apocalypse 1.3 Daniel 11.31 1 Corinthiens 14.20
15 Quellu chì serà in terrazza, ch’ellu ùn fali in casa, è ch’ellu ùn ci entri per vulè riguarà qualcosa.
Hébreux 11.7 Actes 27.38 Genèse 19.26 Luc 17.31-17.33 Genèse 19.22
16 Quellu chì serà in campagna, ch’ellu ùn rientri per riguarà u so mantellu.
17 Guai, tandu, à e donne incinte, è à quelle chì daranu à sughje ind’ issi ghjorni !
Luc 23.29 Luc 21.23 Lamentations 2.19-2.20 Deutéronome 28.56-28.57 Osée 9.14
18 Ma precate chì ste cose ùn accadinu d’invernu.
19 Chì ci seranu ind’ issi ghjorni e tribulazione cumu mai si n’hè vistu da poi u principiu di a creazione, opera di Diu, fin’à oghje, è cum’ellu ùn si ne viderà mai più.
Daniel 12.1 Joël 2.2 Matthieu 24.21 Daniel 9.26 Luc 21.22-21.24
20 È sì u Signore ùn avissi accurtatu issi ghjorni, nimu a si francheria. Ma grazia à l’eletti ch’ellu hà sceltu, issi ghjorni l’hà accurtati.
Esaïe 65.8-65.9 Romains 11.28-11.32 Zacharie 13.8-13.9 Matthieu 24.22 Romains 11.5-11.7
21 Allora, sì qualchissia vi dicesse : ‘Eccu chì u Cristu hè qui, o ecculu quallà’, ùn ci credete.
Luc 17.23-17.24 Luc 21.8 Matthieu 24.23-24.25 Deutéronome 13.1-13.3 Matthieu 24.5
22 Chì affacheranu i falzi Cristi, i falzi prufeti, chì feranu meraculi è maraviglie per ingannà, s’ella fussi pussibule, ancu l’eletti.
Matthieu 24.24 Apocalypse 13.13-13.14 Marc 13.6 Jean 4.48 1 Jean 2.19
23 Voi guardatevi, ghjà ch’eiu v’aghju annunziatu tuttu. »
2 Pierre 3.17 Jean 14.29 Marc 13.5 Matthieu 7.15 Marc 13.33
24 « Ma, in quelli ghjorni, dopu à isse tribulazione,
‘U sole s’oscurerà
è a luna ùn darà più a so luce.
Esaïe 13.10 Ezéchiel 32.7 Amos 5.20 Apocalypse 20.11 Sophonie 1.14-1.18
25 E stelle cascheranu da u celu,
è e putenze di i celi seranu in cunvugliu’.
Esaïe 34.4 Apocalypse 6.13
26 È tandu videranu
u Figliolu di l’Omu, venendu annantu à i nuli, putentissimu è gloriosu.
Apocalypse 1.7 Matthieu 16.27 Marc 8.38 Matthieu 25.31 Matthieu 24.30
27 È tandu manderà i so anghjuli per adunì quelli ch’ellu hà sceltu, da i quattru punti di l’orizonte, da u capu di a terra à u capu di u celu. »
Zacharie 2.6 Deutéronome 30.4 Matthieu 24.31 2 Thessaloniciens 2.1 Marc 13.20
28 « Or amparate a parabula di a fica : Quandu ch’elle inteneriscenu e so punte, è ch’elle affaccanu e fronde, sapete chì l’estate s’avvicina.
Luc 21.29-21.31 Matthieu 24.32-24.33
29 Cusì quandu chè vo’viderete accade ste cose, sappiate ancu voi ch’ellu hè vicinu, à le porte.
Jacques 5.9 Ezéchiel 12.25-12.28 Ezéchiel 7.10-7.12 1 Pierre 4.17-4.18 Hébreux 10.25-10.37
30 A vi dicu da veru : sta generazione ùn passera prima chè tuttu què ùn sìa accadutu.
Luc 21.32 Matthieu 24.34 Matthieu 16.28 Marc 9.1 Matthieu 23.36
31 U celu è a terra passeranu, ma e miò parolle ùn passeranu micca. »
Matthieu 5.18 Matthieu 24.35 Esaïe 40.8 Luc 21.33 Esaïe 51.6
32 « In quant’à u ghjornu o à l’ora, nimu i cunnosce, nè l’anghjuli di u celu, nè u Figliolu, nimu fora di u Padre.
Actes 1.7 Apocalypse 3.3 1 Thessaloniciens 5.1-5.2 Matthieu 25.13 Matthieu 24.36-24.42
33 Siate attenti è veghjate, ghjà ch’è vo’ ùn sapete quand’ella sera.
Romains 13.11-13.12 Ephésiens 6.18 Matthieu 25.13 1 Thessaloniciens 5.5-5.8 Luc 21.34-21.36
34 Hè cum’è un omu chì, partendu luntanu, lascia à so casa è ne dà a carica à i so servi, a ognunu secondu u so travagliu, è chì dumanda, à u purtinaru d’apre l’ochju.
Jean 10.3 Matthieu 25.14-25.30 1 Corinthiens 15.58 Colossiens 3.24 Matthieu 24.45-24.47
35 Allora aprite l’ochji, ghjà ch’è vo’ ùn sapete quandu chì u patrone di casa venerà : o di sera, o à mezanotte, o à u cantà di u ghjallu, o a mane,
Matthieu 24.42 Matthieu 24.44 Marc 13.33 Marc 14.30 Marc 6.48
36 Di modu chì, s’ellu vene à l’ispensata, ch’ellu ùn vi trovi durmendu.
Romains 13.11-13.14 Matthieu 24.48-24.51 Marc 14.40 1 Thessaloniciens 5.6-5.7 Luc 21.34
37 È ciò ch’e’ vi dicu, a dicu à tutti :aprite l’ochji ! »
Marc 13.35 Marc 13.33 Luc 12.41-12.46