Esaïe 29.8
Vulgate

¹ vae Arihel Arihel civitas quam circumdedit David additus est annus ad annum sollemnitates evolutae sunt2 Samuel 5.9 Osée 8.13 Michée 6.6-6.7 Hébreux 10.1 Ezéchiel 43.15-43.16
² et circumvallabo Arihel et erit tristis et maerens et erit mihi quasi ArihelEsaïe 5.25-5.30 Esaïe 33.7-33.9 Esaïe 10.32 Esaïe 37.3 Sophonie 1.7-1.8
³ et circumdabo quasi spheram in circuitu tuo et iaciam contra te aggerem et munimenta ponam in obsidionem tuamLuc 19.43-19.44 Ezéchiel 21.22 Matthieu 22.7 2 Rois 25.1-25.4 2 Rois 19.32
⁴ humiliaberis de terra loqueris et de humo audietur eloquium tuum et erit quasi pythonis de terra vox tua et de humo eloquium tuum mussitabitEsaïe 8.19 Psaumes 44.25 Esaïe 2.11-2.21 Lamentations 1.9 Esaïe 3.8
⁵ et erit sicut pulvis tenuis multitudo ventilantium te et sicut favilla pertransiens multitudo eorum qui contra te praevaluerunt1 Thessaloniciens 5.3 Esaïe 30.13 Esaïe 17.13-17.14 Esaïe 37.36 Psaumes 1.4
⁶ eritque repente confestim a Domino exercituum visitabitur in tonitru et commotione terrae et voce magna turbinis et tempestatis et flammae ignis devorantisMarc 13.8 Luc 21.11 Matthieu 24.7 Apocalypse 11.19 Apocalypse 16.18
⁷ et erit sicut somnium visionis nocturnae multitudo omnium gentium quae dimicaverunt contra Arihel et omnes qui militaverunt et obsederunt et praevaluerunt adversus eamJob 20.8 Michée 4.11-4.12 Psaumes 73.20 Zacharie 12.9 Zacharie 14.1-14.3
⁸ et sicuti somniat esuriens et comedit cum autem fuerit expertus vacua est anima eius et sicut somniat sitiens et bibit et postquam fuerit expergefactus lassus adhuc sitit et anima eius vacua est sic erit multitudo omnium gentium quae dimicaverunt contra montem Sion2 Chroniques 32.21 Psaumes 73.20 Esaïe 44.12 Esaïe 10.7-10.16
⁹ obstupescite et admiramini fluctuate et vacillate inebriamini et non a vino movemini et non ebrietateEsaïe 51.21-51.22 Esaïe 19.14 Esaïe 33.13-33.14 Esaïe 1.2 Apocalypse 17.6
¹⁰ quoniam miscuit vobis Dominus spiritum soporis claudet oculos vestros prophetas et principes vestros qui vident visiones operietRomains 11.8 Esaïe 44.18 Michée 3.6 Esaïe 6.9-6.10 Psaumes 69.23
¹¹ et erit vobis visio omnium sicut verba libri signati quem cum dederint scienti litteras dicent lege istum et respondebit non possum signatus est enimEsaïe 8.16 Matthieu 13.11 Daniel 12.4 Daniel 12.9 Apocalypse 5.1-5.9
¹² et dabitur liber nescienti litteras diceturque ei lege et respondebit nescio litterasJean 7.15-7.16 Osée 4.6 Jérémie 5.4 Esaïe 28.12-28.13 Esaïe 29.18
¹³ et dixit Dominus eo quod adpropinquat populus iste ore suo et labiis suis glorificat me cor autem eius longe est a me et timuerunt me mandato hominum et doctrinisMarc 7.2-7.13 Jérémie 12.2 Matthieu 15.2-15.9 Jérémie 3.10 Ezéchiel 33.31-33.33
¹⁴ ideo ecce ego addam ut admirationem faciam populo huic miraculo grandi et stupendo peribit enim sapientia a sapientibus eius et intellectus prudentium eius abscondeturHabakuk 1.5 Jérémie 49.7 Esaïe 28.21 Esaïe 6.9-6.10 1 Corinthiens 1.19-1.24
¹⁵ vae qui profundi estis corde ut a Domino abscondatis consilium quorum sunt in tenebris opera et dicunt quis videt nos et quis novit nosEzéchiel 8.12 Esaïe 30.1 Malachie 2.17 Esaïe 47.10 Psaumes 10.11-10.13
¹⁶ perversa est haec vestra cogitatio quasi lutum contra figulum cogitet et dicat opus factori suo non fecisti me et figmentum dicat fictori suo non intellegisRomains 9.19-9.21 Psaumes 94.8-94.9 Esaïe 45.9-45.11 Jérémie 18.1-18.10 Esaïe 64.8
¹⁷ nonne adhuc in modico et in brevi convertetur Libanus in Chermel et Chermel in saltum reputabiturEsaïe 32.15 Romains 11.11-11.17 Esaïe 35.1-35.2 Romains 11.19-11.27 Hébreux 10.37
¹⁸ et audient in die illa surdi verba libri et de tenebris et caligine oculi caecorum videbuntEsaïe 35.5 Matthieu 11.5 Psaumes 119.18 Marc 7.37 Esaïe 32.3
¹⁹ et addent mites in Domino laetitiam et pauperes homines in Sancto Israhel exultabuntJacques 2.5 Esaïe 61.1 Matthieu 11.29 Matthieu 11.5 Psaumes 25.9
²⁰ quoniam defecit qui praevalebat consummatus est inlusor et succisi sunt omnes qui vigilabant super iniquitatemMichée 2.1 Esaïe 28.14-28.22 Luc 16.14 Esaïe 29.5 Esaïe 13.3
²¹ qui peccare faciebant homines in verbo et arguentem in porta subplantabant et declinaverunt frustra a iustoAmos 5.10-5.12 Jérémie 18.18 Proverbes 28.21 Matthieu 22.15 Matthieu 26.15
²² propter hoc haec dicit Dominus ad domum Iacob qui redemit Abraham non modo confundetur Iacob nec modo vultus eius erubescetEsaïe 51.2 Esaïe 54.4 Esaïe 45.17 Romains 11.11-11.24 Ezéchiel 37.28
²³ sed cum viderit filios suos opera manuum mearum in medio sui sanctificantes nomen meum et sanctificabunt Sanctum Iacob et Deum Israhel praedicabuntEsaïe 19.25 Esaïe 8.13 Ephésiens 2.10 Esaïe 45.11 Esaïe 5.16
²⁴ et scient errantes spiritu intellectum et mussitatores discent legemEsaïe 28.7 Luc 15.17-15.19 Esaïe 30.21 Actes 9.19-9.20 Esaïe 29.10-29.11