Exode 12.4
Vulgate

Institution de la Pâque

¹ dixit quoque Dominus ad Mosen et Aaron in terra Aegypti
² mensis iste vobis principium mensuum primus erit in mensibus anni
Deutéronome 16.1 Exode 13.4 Exode 34.18 Exode 23.15 Nombres 28.16
³ loquimini ad universum coetum filiorum Israhel et dicite eis decima die mensis huius tollat unusquisque agnum per familias et domos suas
1 Samuel 7.9 Jean 12.12 Jean 1.36 Lévitique 1.2 Exode 20.19
⁴ sin autem minor est numerus ut sufficere possit ad vescendum agnum adsumet vicinum suum qui iunctus est domui eius iuxta numerum animarum quae sufficere possunt ad esum agni
⁵ erit autem agnus absque macula masculus anniculus iuxta quem ritum tolletis et hedum
Malachie 1.14 Deutéronome 17.1 Hébreux 9.13-9.14 1 Pierre 1.18-1.19 Lévitique 23.12
⁶ et servabitis eum usque ad quartamdecimam diem mensis huius immolabitque eum universa multitudo filiorum Israhel ad vesperam
Lévitique 23.5 Nombres 28.16 Exode 16.12 Nombres 9.11 2 Chroniques 30.15-30.18
⁷ et sument de sanguine ac ponent super utrumque postem et in superliminaribus domorum in quibus comedent illum
Hébreux 11.28 Exode 12.22-12.23 Hébreux 9.22 1 Pierre 1.2 Hébreux 10.14
⁸ et edent carnes nocte illa assas igni et azymos panes cum lactucis agrestibus
Exode 34.25 Deutéronome 16.7 Exode 13.3 Deutéronome 16.3-16.4 Nombres 9.11-9.12
⁹ non comedetis ex eo crudum quid nec coctum aqua sed assum tantum igni caput cum pedibus eius et intestinis vorabitis
Exode 12.8 Deutéronome 16.7 Lamentations 1.13
¹⁰ nec remanebit ex eo quicquam usque mane si quid residui fuerit igne conburetis
Exode 23.18 Exode 34.25 Lévitique 22.30 Exode 29.34 Deutéronome 16.4-16.5
¹¹ sic autem comedetis illum renes vestros accingetis calciamenta habebitis in pedibus tenentes baculos in manibus et comedetis festinantes est enim phase id est transitus Domini
Ephésiens 6.15 Exode 12.27 1 Corinthiens 5.7 Lévitique 23.5 1 Pierre 1.13
¹² et transibo per terram Aegypti nocte illa percutiamque omne primogenitum in terra Aegypti ab homine usque ad pecus et in cunctis diis Aegypti faciam iudicia ego Dominus
Nombres 33.4 Exode 6.2 Exode 12.23 Esaïe 19.1 Psaumes 82.1
¹³ erit autem sanguis vobis in signum in aedibus in quibus eritis et videbo sanguinem ac transibo vos nec erit in vobis plaga disperdens quando percussero terram Aegypti
Hébreux 11.28 1 Jean 1.7 1 Thessaloniciens 1.10 Genèse 17.11 Exode 12.23
¹⁴ habebitis autem hanc diem in monumentum et celebrabitis eam sollemnem Domino in generationibus vestris cultu sempiterno
Exode 12.24 Exode 13.9-13.10 Exode 12.17 2 Rois 23.21 Exode 12.43
¹⁵ septem diebus azyma comedetis in die primo non erit fermentum in domibus vestris quicumque comederit fermentatum peribit anima illa de Israhel a primo die usque ad diem septimum
Deutéronome 16.3 Exode 23.15 Nombres 9.13 Genèse 17.14 Exode 34.18
¹⁶ dies prima erit sancta atque sollemnis et dies septima eadem festivitate venerabilis nihil operis facietis in eis exceptis his quae ad vescendum pertinent
Nombres 28.18 Lévitique 23.7-23.8 Nombres 28.25 Nombres 29.1 Lévitique 23.21
¹⁷ et observabitis azyma in eadem enim ipsa die educam exercitum vestrum de terra Aegypti et custodietis diem istum in generationes vestras ritu perpetuo
Exode 13.3 Exode 13.8 Exode 7.5 Nombres 20.16 Exode 12.41
¹⁸ primo mense quartadecima die mensis ad vesperam comedetis azyma usque ad diem vicesimam primam eiusdem mensis ad vesperam
Lévitique 23.5-23.8 Exode 12.15 Nombres 28.16-28.25 Exode 12.1-12.2
¹⁹ septem diebus fermentum non invenietur in domibus vestris qui comederit fermentatum peribit anima eius de coetu Israhel tam de advenis quam de indigenis terrae
Exode 12.15 Exode 12.48 Nombres 9.13 Exode 23.15 Exode 12.43
²⁰ omne fermentatum non comedetis in cunctis habitaculis vestris edetis azyma
²¹ vocavit autem Moses omnes seniores filiorum Israhel et dixit ad eos ite tollentes animal per familias vestras immolate phase
Exode 12.3 Marc 14.12-14.16 2 Rois 23.21 Exode 19.7 Exode 3.16
²² fasciculumque hysopi tinguite sanguine qui est in limine et aspergite ex eo superliminare et utrumque postem nullus vestrum egrediatur ostium domus suae usque mane
Hébreux 11.28 Hébreux 9.19 Nombres 19.18 Exode 12.7 Psaumes 51.7
²³ transibit enim Dominus percutiens Aegyptios cumque viderit sanguinem in superliminari et in utroque poste transcendet ostium et non sinet percussorem ingredi domos vestras et laedere
Apocalypse 7.3 Hébreux 11.28 Apocalypse 9.4 Exode 12.12-12.13 1 Corinthiens 10.10
²⁴ custodi verbum istud legitimum tibi et filiis tuis usque in aeternum
Exode 12.14 Genèse 17.8-17.10
²⁵ cumque introieritis terram quam Dominus daturus est vobis ut pollicitus est observabitis caerimonias istas
Exode 3.17 Exode 3.8 Josué 5.10-5.12 Deutéronome 16.5-16.9 Deutéronome 12.8-12.9
²⁶ et cum dixerint vobis filii vestri quae est ista religio
Exode 13.14-13.15 Deutéronome 32.7 Josué 4.6-4.7 Josué 4.21-4.24 Psaumes 78.3-78.6
²⁷ dicetis eis victima transitus Domini est quando transivit super domos filiorum Israhel in Aegypto percutiens Aegyptios et domos nostras liberans incurvatusque populus adoravit
Exode 4.31 Exode 12.11 Exode 34.8 Exode 34.25 Deutéronome 16.2
²⁸ et egressi filii Israhel fecerunt sicut praeceperat Dominus Mosi et Aaron
Hébreux 11.28

Fléau n° 10 : la mort des aînés

²⁹ factum est autem in noctis medio percussit Dominus omne primogenitum in terra Aegypti a primogenito Pharaonis qui sedebat in solio eius usque ad primogenitum captivae quae erat in carcere et omne primogenitum iumentorum
Psaumes 78.51 Exode 4.23 Nombres 33.4 Psaumes 135.8 Psaumes 136.10
³⁰ surrexitque Pharao nocte et omnes servi eius cunctaque Aegyptus et ortus est clamor magnus in Aegypto neque enim erat domus in qua non iaceret mortuus
Exode 11.6 Amos 5.17 Matthieu 25.6 Proverbes 21.13 Jacques 2.13
³¹ vocatisque Mosen et Aaron nocte ait surgite egredimini a populo meo et vos et filii Israhel ite immolate Domino sicut dicitis
Exode 10.9 Psaumes 105.38 Exode 8.8 Exode 6.1 Exode 3.19-3.20
³² oves vestras et armenta adsumite ut petieratis et abeuntes benedicite mihi
Exode 10.26 Genèse 27.34 Exode 8.28 Exode 9.28 Genèse 27.38
³³ urguebantque Aegyptii populum de terra exire velociter dicentes omnes moriemur
Psaumes 105.38 Exode 11.1 Nombres 17.12-17.13 Genèse 20.3
³⁴ tulit igitur populus conspersam farinam antequam fermentaretur et ligans in palliis posuit super umeros suos
Exode 8.3
³⁵ feceruntque filii Israhel sicut praeceperat Moses et petierunt ab Aegyptiis vasa argentea et aurea vestemque plurimam
Exode 11.2-11.3 Genèse 15.14 Exode 3.21-3.22 Psaumes 105.37
³⁶ dedit autem Dominus gratiam populo coram Aegyptiis ut commodarent eis et spoliaverunt Aegyptios
Exode 3.21-3.22 Genèse 15.14 Exode 11.3 Genèse 39.21 Psaumes 105.37

Départ de l’Égypte et instructions pour la Pâque

³⁷ profectique sunt filii Israhel de Ramesse in Soccoth sescenta ferme milia peditum virorum absque parvulis
Exode 38.26 Nombres 33.5 Nombres 1.46 Nombres 11.21 Nombres 33.3
³⁸ sed et vulgus promiscuum innumerabile ascendit cum eis oves et armenta et animantia diversi generis multa nimis
Nombres 11.4 Zacharie 8.23
³⁹ coxeruntque farinam quam dudum conspersam de Aegypto tulerant et fecerunt subcinericios panes azymos neque enim poterant fermentari cogentibus exire Aegyptiis et nullam facere sinentibus moram nec pulmenti quicquam occurrerant praeparare
Exode 11.1 Exode 6.1 Exode 12.31-12.33
⁴⁰ habitatio autem filiorum Israhel qua manserant in Aegypto fuit quadringentorum triginta annorum
Genèse 15.13 Actes 7.6 Hébreux 11.9 Galates 3.16-3.17 Genèse 12.1-12.3
⁴¹ quibus expletis eadem die egressus est omnis exercitus Domini de terra Aegypti
Exode 12.17 Jean 7.8 Daniel 9.24 Exode 12.51 Actes 1.7
⁴² nox est ista observabilis Domini quando eduxit eos de terra Aegypti hanc observare debent omnes filii Israhel in generationibus suis
Deutéronome 16.1-16.6 Exode 12.14 Exode 13.10
⁴³ dixitque Dominus ad Mosen et Aaron haec est religio phase omnis alienigena non comedet ex eo
Exode 12.48 Nombres 9.14 Lévitique 22.10 Ephésiens 2.12 Exode 12.11
⁴⁴ omnis autem servus empticius circumcidetur et sic comedet
Genèse 17.12-17.13 Genèse 17.23
⁴⁵ advena et mercennarius non edent ex eo
Lévitique 22.10 Ephésiens 2.12
⁴⁶ in una domo comedetur nec efferetis de carnibus eius foras nec os illius confringetis
Nombres 9.12 Jean 19.36 Jean 19.33 Psaumes 34.20 1 Corinthiens 12.12
⁴⁷ omnis coetus filiorum Israhel faciet illud
Exode 12.6 Nombres 9.13 Exode 12.3
⁴⁸ quod si quis peregrinorum in vestram voluerit transire coloniam et facere phase Domini circumcidetur prius omne masculinum eius et tunc rite celebrabit eritque sicut indigena terrae si quis autem circumcisus non fuerit non vescetur ex eo
Nombres 9.14 Exode 12.43 Ezéchiel 44.9 Galates 3.28 Colossiens 3.11
⁴⁹ eadem lex erit indigenae et colono qui peregrinatur apud vos
Nombres 15.15-15.16 Nombres 15.29 Lévitique 24.22 Nombres 9.14 Galates 3.28
⁵⁰ fecerunt omnes filii Israhel sicut praeceperat Dominus Mosi et Aaron
Exode 6.26 Matthieu 7.24-7.25 Exode 7.4 Jean 13.17 Apocalypse 22.15
⁵¹ et in eadem die eduxit Dominus filios Israhel de terra Aegypti per turmas suas
Exode 12.41 Exode 6.26