Esaïe 29.15
Septante

Malédiction sur Jérusalem

¹ οὐαὶ πόλις Αριηλ ἣν Δαυιδ ἐπολέμησεν συναγάγετε γενήματα ἐνιαυτὸν ἐπ’ ἐνιαυτόν φάγεσθε γὰρ σὺν Μωαβ.
2 Samuel 5.9 Osée 8.13 Michée 6.6-6.7 Hébreux 10.1 Ezéchiel 43.15-43.16
² ἐκθλίψω γὰρ Αριηλ καὶ ἔσται αὐτῆς ἡ ἰσχὺς καὶ τὸ πλοῦτος ἐμοί.
Esaïe 5.25-5.30 Esaïe 10.32 Esaïe 37.3 Sophonie 1.7-1.8 Jérémie 39.4-39.5
³ καὶ κυκλώσω ὡς Δαυιδ ἐπὶ σὲ καὶ βαλῶ περὶ σὲ χάρακα καὶ θήσω περὶ σὲ πύργους.
Luc 19.43-19.44 Ezéchiel 21.22 2 Rois 25.1-25.4 2 Rois 19.32 2 Rois 18.17
⁴ καὶ ταπεινωθήσονται οἱ λόγοι σου εἰς τὴν γῆν καὶ εἰς τὴν γῆν οἱ λόγοι σου δύσονται καὶ ἔσται ὡς οἱ φωνοῦντες ἐκ τῆς γῆς ἡ φωνή σου καὶ πρὸς τὸ ἔδαφος ἡ φωνή σου ἀσθενήσει.
Esaïe 8.19 Esaïe 2.11-2.21 Lamentations 1.9 Esaïe 3.8 Esaïe 51.23
⁵ καὶ ἔσται ὡς κονιορτὸς ἀπὸ τροχοῦ ὁ πλοῦτος τῶν ἀσεβῶν καὶ ὡς χνοῦς φερόμενος καὶ ἔσται ὡς στιγμὴ παραχρῆμα.
1 Thessaloniciens 5.3 Esaïe 30.13 Esaïe 17.13-17.14 Esaïe 37.36 Psaumes 46.5-46.6
⁶ παρὰ κυρίου σαβαωθ ἐπισκοπὴ γὰρ ἔσται μετὰ βροντῆς καὶ σεισμοῦ καὶ φωνῆς μεγάλης καταιγὶς φερομένη καὶ φλὸξ πυρὸς κατεσθίουσα.
Marc 13.8 Luc 21.11 Matthieu 24.7 Apocalypse 11.19 Apocalypse 16.18
⁷ καὶ ἔσται ὡς ὁ ἐνυπνιαζόμενος ἐν ὕπνῳ ὁ πλοῦτος τῶν ἐθνῶν πάντων ὅσοι ἐπεστράτευσαν ἐπὶ Αριηλ καὶ πάντες οἱ στρατευσάμενοι ἐπὶ Ιερουσαλημ καὶ πάντες οἱ συνηγμένοι ἐπ’ αὐτὴν καὶ θλίβοντες αὐτήν.
Job 20.8 Michée 4.11-4.12 Psaumes 73.20 Zacharie 12.9 Esaïe 17.14
⁸ καὶ ἔσονται ὡς οἱ ἐν ὕπνῳ πίνοντες καὶ ἔσθοντες καὶ ἐξαναστάντων μάταιον αὐτῶν τὸ ἐνύπνιον καὶ ὃν τρόπον ἐνυπνιάζεται ὁ διψῶν ὡς πίνων καὶ ἐξαναστὰς ἔτι διψᾷ ἡ δὲ ψυχὴ αὐτοῦ εἰς κενὸν ἤλπισεν οὕτως ἔσται ὁ πλοῦτος πάντων τῶν ἐθνῶν ὅσοι ἐπεστράτευσαν ἐπὶ τὸ ὄρος Σιων.
2 Chroniques 32.21 Psaumes 73.20 Esaïe 44.12 Esaïe 10.7-10.16
⁹ ἐκλύθητε καὶ ἔκστητε καὶ κραιπαλήσατε οὐκ ἀπὸ σικερα οὐδὲ ἀπὸ οἴνου.
Esaïe 51.21-51.22 Esaïe 19.14 Esaïe 33.13-33.14 Apocalypse 17.6 Marc 14.41
¹⁰ ὅτι πεπότικεν ὑμᾶς κύριος πνεύματι κατανύξεως καὶ καμμύσει τοὺς ὀφθαλμοὺς αὐτῶν καὶ τῶν προφητῶν αὐτῶν καὶ τῶν ἀρχόντων αὐτῶν οἱ ὁρῶντες τὰ κρυπτά.
Romains 11.8 Esaïe 44.18 Michée 3.6 Esaïe 6.9-6.10 Psaumes 69.23
¹¹ καὶ ἔσονται ὑμῖν πάντα τὰ ῥήματα ταῦτα ὡς οἱ λόγοι τοῦ βιβλίου τοῦ ἐσφραγισμένου τούτου ὃ ἐὰν δῶσιν αὐτὸ ἀνθρώπῳ ἐπισταμένῳ γράμματα λέγοντες ἀνάγνωθι ταῦτα καὶ ἐρεῖ οὐ δύναμαι ἀναγνῶναι ἐσφράγισται γάρ.
Esaïe 8.16 Matthieu 13.11 Daniel 12.4 Daniel 12.9 Matthieu 11.25
¹² καὶ δοθήσεται τὸ βιβλίον τοῦτο εἰς χεῖρας ἀνθρώπου μὴ ἐπισταμένου γράμματα καὶ ἐρεῖ αὐτῷ ἀνάγνωθι τοῦτο καὶ ἐρεῖ οὐκ ἐπίσταμαι γράμματα.
Jean 7.15-7.16 Jérémie 5.4 Esaïe 28.12-28.13 Esaïe 29.18 Osée 4.6
¹³ καὶ εἶπεν κύριος ἐγγίζει μοι ὁ λαὸς οὗτος τοῖς χείλεσιν αὐτῶν τιμῶσίν με ἡ δὲ καρδία αὐτῶν πόρρω ἀπέχει ἀπ’ ἐμοῦ μάτην δὲ σέβονταί με διδάσκοντες ἐντάλματα ἀνθρώπων καὶ διδασκαλίας.
Marc 7.2-7.13 Jérémie 12.2 Matthieu 15.2-15.9 Jérémie 3.10 Ezéchiel 33.31-33.33
¹⁴ διὰ τοῦτο ἰδοὺ ἐγὼ προσθήσω τοῦ μεταθεῖναι τὸν λαὸν τοῦτον καὶ μεταθήσω αὐτοὺς καὶ ἀπολῶ τὴν σοφίαν τῶν σοφῶν καὶ τὴν σύνεσιν τῶν συνετῶν κρύψω.
Habakuk 1.5 Jérémie 49.7 Esaïe 28.21 Esaïe 6.9-6.10 1 Corinthiens 1.19-1.24
¹⁵ οὐαὶ οἱ βαθέως βουλὴν ποιοῦντες καὶ οὐ διὰ κυρίου οὐαὶ οἱ ἐν κρυφῇ βουλὴν ποιοῦντες καὶ ἔσται ἐν σκότει τὰ ἔργα αὐτῶν καὶ ἐροῦσιν τίς ἡμᾶς ἑώρακεν καὶ τίς ἡμᾶς γνώσεται ἢ ἃ ἡμεῖς ποιοῦμεν.
Ezéchiel 8.12 Esaïe 30.1 Esaïe 47.10 Psaumes 10.11-10.13 Esaïe 28.15
¹⁶ οὐχ ὡς ὁ πηλὸς τοῦ κεραμέως λογισθήσεσθε μὴ ἐρεῖ τὸ πλάσμα τῷ πλάσαντι οὐ σύ με ἔπλασας ἢ τὸ ποίημα τῷ ποιήσαντι οὐ συνετῶς με ἐποίησας.
Romains 9.19-9.21 Psaumes 94.8-94.9 Esaïe 45.9-45.11 Esaïe 64.8 Esaïe 24.1

Promesses pour Israël

¹⁷ οὐκέτι μικρὸν καὶ μετατεθήσεται ὁ Λίβανος ὡς τὸ ὄρος τὸ Χερμελ καὶ τὸ ὄρος τὸ Χερμελ εἰς δρυμὸν λογισθήσεται.
Esaïe 32.15 Romains 11.19-11.27 Hébreux 10.37 Psaumes 84.6 Esaïe 55.13
¹⁸ καὶ ἀκούσονται ἐν τῇ ἡμέρᾳ ἐκείνῃ κωφοὶ λόγους βιβλίου καὶ οἱ ἐν τῷ σκότει καὶ οἱ ἐν τῇ ὁμίχλῃ ὀφθαλμοὶ τυφλῶν βλέψονται.
Esaïe 35.5 Matthieu 11.5 Psaumes 119.18 Marc 7.37 Esaïe 32.3
¹⁹ καὶ ἀγαλλιάσονται πτωχοὶ διὰ κύριον ἐν εὐφροσύνῃ καὶ οἱ ἀπηλπισμένοι τῶν ἀνθρώπων ἐμπλησθήσονται εὐφροσύνης.
Jacques 2.5 Esaïe 61.1 Matthieu 11.29 Matthieu 11.5 Psaumes 25.9
²⁰ ἐξέλιπεν ἄνομος καὶ ἀπώλετο ὑπερήφανος καὶ ἐξωλεθρεύθησαν οἱ ἀνομοῦντες ἐπὶ κακίᾳ.
Michée 2.1 Esaïe 28.14-28.22 Luc 16.14 Esaïe 29.5 Esaïe 13.3
²¹ καὶ οἱ ποιοῦντες ἁμαρτεῖν ἀνθρώπους ἐν λόγῳ πάντας δὲ τοὺς ἐλέγχοντας ἐν πύλαις πρόσκομμα θήσουσιν καὶ ἐπλαγίασαν ἐν ἀδίκοις δίκαιον.
Amos 5.10-5.12 Proverbes 28.21 Matthieu 22.15 Matthieu 26.15 Ezéchiel 13.19
²² διὰ τοῦτο τάδε λέγει κύριος ἐπὶ τὸν οἶκον Ιακωβ ὃν ἀφώρισεν ἐξ Αβρααμ οὐ νῦν αἰσχυνθήσεται Ιακωβ οὐδὲ νῦν τὸ πρόσωπον μεταβαλεῖ Ισραηλ.
Esaïe 51.2 Esaïe 54.4 Esaïe 45.17 Jérémie 30.10 Esaïe 63.16
²³ ἀλλ’ ὅταν ἴδωσιν τὰ τέκνα αὐτῶν τὰ ἔργα μου δι’ ἐμὲ ἁγιάσουσιν τὸ ὄνομά μου καὶ ἁγιάσουσιν τὸν ἅγιον Ιακωβ καὶ τὸν θεὸν τοῦ Ισραηλ φοβηθήσονται.
Esaïe 19.25 Esaïe 8.13 Ephésiens 2.10 Esaïe 45.11 Esaïe 5.16
²⁴ καὶ γνώσονται οἱ τῷ πνεύματι πλανώμενοι σύνεσιν οἱ δὲ γογγύζοντες μαθήσονται ὑπακούειν καὶ αἱ γλώσσαι αἱ ψελλίζουσαι μαθήσονται λαλεῖν εἰρήνην.
Esaïe 28.7 Luc 15.17-15.19 Actes 9.19-9.20 Esaïe 29.10-29.11 Apocalypse 20.2-20.3