Proverbes 17.28
Septante

¹ κρείσσων ψωμὸς μεθ’ ἡδονῆς ἐν εἰρήνῃ ἢ οἶκος πλήρης πολλῶν ἀγαθῶν καὶ ἀδίκων θυμάτων μετὰ μάχης.
Proverbes 15.17 Proverbes 21.9 Proverbes 21.19 Psaumes 37.16
² οἰκέτης νοήμων κρατήσει δεσποτῶν ἀφρόνων ἐν δὲ ἀδελφοῖς διελεῖται μέρη.
Proverbes 19.26 Proverbes 10.5 Ecclésiaste 4.13 Proverbes 14.35 Proverbes 11.29
³ ὥσπερ δοκιμάζεται ἐν καμίνῳ ἄργυρος καὶ χρυσός οὕτως ἐκλεκταὶ καρδίαι παρὰ κυρίῳ.
Proverbes 27.21 Jérémie 17.10 Psaumes 26.2 1 Pierre 1.7 1 Chroniques 29.17
⁴ κακὸς ὑπακούει γλώσσης παρανόμων δίκαιος δὲ οὐ προσέχει χείλεσιν ψευδέσιν.
Proverbes 28.4 1 Jean 4.5 2 Timothée 4.3-4.4 Esaïe 30.10 1 Rois 22.6-22.28
⁵ ὁ καταγελῶν πτωχοῦ παροξύνει τὸν ποιήσαντα αὐτόν ὁ δὲ ἐπιχαίρων ἀπολλυμένῳ οὐκ ἀθῳωθήσεται ὁ δὲ ἐπισπλαγχνιζόμενος ἐλεηθήσεται.
Proverbes 14.31 Job 31.29 Romains 12.15 Proverbes 16.5 Abdias 1.11-1.13
⁶ στέφανος γερόντων τέκνα τέκνων καύχημα δὲ τέκνων πατέρες αὐτῶν. τοῦ πιστοῦ ὅλος ὁ κόσμος τῶν χρημάτων τοῦ δὲ ἀπίστου οὐδὲ ὀβολός.
Psaumes 127.3-127.5 Proverbes 16.31 Psaumes 128.3-128.6 Genèse 50.23 Exode 3.14-3.15
⁷ οὐχ ἁρμόσει ἄφρονι χείλη πιστὰ οὐδὲ δικαίῳ χείλη ψευδῆ.
Matthieu 7.5 2 Samuel 23.3 Proverbes 16.10-16.13 Psaumes 50.16-50.17 Proverbes 12.19
⁸ μισθὸς χαρίτων ἡ παιδεία τοῖς χρωμένοις οὗ δ’ ἂν ἐπιστρέψῃ εὐοδωθήσεται.
Proverbes 17.23 Exode 23.8 Genèse 43.11 1 Samuel 25.35 Amos 5.12
⁹ ὃς κρύπτει ἀδικήματα ζητεῖ φιλίαν ὃς δὲ μισεῖ κρύπτειν διίστησιν φίλους καὶ οἰκείους.
Proverbes 10.12 1 Pierre 4.8 Proverbes 16.28 Psaumes 32.1
¹⁰ συντρίβει ἀπειλὴ καρδίαν φρονίμου ἄφρων δὲ μαστιγωθεὶς οὐκ αἰσθάνεται.
Proverbes 9.8-9.9 Proverbes 27.22 Apocalypse 3.19 Proverbes 29.19 Proverbes 15.5
¹¹ ἀντιλογίας ἐγείρει πᾶς κακός ὁ δὲ κύριος ἄγγελον ἀνελεήμονα ἐκπέμψει αὐτῷ.
1 Rois 2.46 2 Samuel 16.5-16.9 Luc 19.27 1 Rois 2.31 Matthieu 22.7
¹² ἐμπεσεῖται μέριμνα ἀνδρὶ νοήμονι οἱ δὲ ἄφρονες διαλογιοῦνται κακά.
Osée 13.8 2 Samuel 17.8 Proverbes 27.3 2 Rois 2.24 Matthieu 2.16
¹³ ὃς ἀποδίδωσιν κακὰ ἀντὶ ἀγαθῶν οὐ κινηθήσεται κακὰ ἐκ τοῦ οἴκου αὐτοῦ.
Psaumes 35.12 1 Pierre 3.9 2 Samuel 21.1-21.14 1 Samuel 31.2-31.3 Jérémie 18.20-18.21
¹⁴ ἐξουσίαν δίδωσιν λόγοις ἀρχὴ δικαιοσύνης προηγεῖται δὲ τῆς ἐνδείας στάσις καὶ μάχη.
Proverbes 25.8 Proverbes 20.3 1 Thessaloniciens 4.11 Jacques 3.14-3.18 Proverbes 17.19
¹⁵ ὃς δίκαιον κρίνει τὸν ἄδικον ἄδικον δὲ τὸν δίκαιον ἀκάθαρτος καὶ βδελυκτὸς παρὰ θεῷ.
Exode 23.7 Esaïe 5.23 Proverbes 18.5 Proverbes 6.16 Jacques 5.6
¹⁶ ἵνα τί ὑπῆρξεν χρήματα ἄφρονι κτήσασθαι γὰρ σοφίαν ἀκάρδιος οὐ δυνήσεται. ὃς ὑψηλὸν ποιεῖ τὸν ἑαυτοῦ οἶκον ζητεῖ συντριβήν ὁ δὲ σκολιάζων τοῦ μαθεῖν ἐμπεσεῖται εἰς κακά.
Proverbes 23.23 Actes 28.26-28.27 Proverbes 14.6 Proverbes 8.4-8.5 Psaumes 81.11-81.13
¹⁷ εἰς πάντα καιρὸν φίλος ὑπαρχέτω σοι ἀδελφοὶ δὲ ἐν ἀνάγκαις χρήσιμοι ἔστωσαν τούτου γὰρ χάριν γεννῶνται.
Proverbes 18.24 Hébreux 2.11 Ruth 1.16 2 Samuel 9.1-9.13 1 Samuel 20.17
¹⁸ ἀνὴρ ἄφρων ἐπικροτεῖ καὶ ἐπιχαίρει ἑαυτῷ ὡς καὶ ὁ ἐγγυώμενος ἐγγύῃ τὸν ἑαυτοῦ φίλον.
Proverbes 11.15 Proverbes 6.1-6.5 Proverbes 22.26-22.27 Proverbes 22.16 Proverbes 20.16
¹⁹ φιλαμαρτήμων χαίρει μάχαις.
Proverbes 16.18 Jacques 1.20 1 Samuel 25.36-25.38 Jérémie 22.13-22.15 Jacques 3.14-3.16
²⁰ ὁ δὲ σκληροκάρδιος οὐ συναντᾷ ἀγαθοῖς ἀνὴρ εὐμετάβολος γλώσσῃ ἐμπεσεῖται εἰς κακά.
Proverbes 18.6-18.7 Proverbes 10.31 Proverbes 3.32 Proverbes 8.13 Ecclésiaste 10.12
²¹ καρδία δὲ ἄφρονος ὀδύνη τῷ κεκτημένῳ αὐτήν οὐκ εὐφραίνεται πατὴρ ἐπὶ υἱῷ ἀπαιδεύτῳ υἱὸς δὲ φρόνιμος εὐφραίνει μητέρα αὐτοῦ.
Proverbes 10.1 Proverbes 19.13 Proverbes 17.25 1 Samuel 2.32-2.35 Proverbes 15.20
²² καρδία εὐφραινομένη εὐεκτεῖν ποιεῖ ἀνδρὸς δὲ λυπηροῦ ξηραίνεται τὰ ὀστᾶ.
Proverbes 15.13 Proverbes 12.25 Proverbes 18.14 2 Corinthiens 7.10 Romains 5.2-5.5
²³ λαμβάνοντος δῶρα ἐν κόλπῳ ἀδίκως οὐ κατευοδοῦνται ὁδοί ἀσεβὴς δὲ ἐκκλίνει ὁδοὺς δικαιοσύνης.
Proverbes 17.8 Exode 23.8 Michée 7.3 Deutéronome 16.19 Ezéchiel 22.12
²⁴ πρόσωπον συνετὸν ἀνδρὸς σοφοῦ οἱ δὲ ὀφθαλμοὶ τοῦ ἄφρονος ἐπ’ ἄκρα γῆς.
Ecclésiaste 2.14 Jean 7.17 Proverbes 23.5 Ecclésiaste 8.1 1 Jean 2.16
²⁵ ὀργὴ πατρὶ υἱὸς ἄφρων καὶ ὀδύνη τῇ τεκούσῃ αὐτοῦ.
Proverbes 10.1 Proverbes 15.20 Ecclésiaste 2.18-2.19 2 Samuel 13.1-13.22 Proverbes 19.13
²⁶ ζημιοῦν ἄνδρα δίκαιον οὐ καλόν οὐδὲ ὅσιον ἐπιβουλεύειν δυνάσταις δικαίοις.
Proverbes 17.15 Proverbes 18.5 2 Samuel 3.23-3.25 2 Samuel 19.7 2 Samuel 3.39
²⁷ ὃς φείδεται ῥῆμα προέσθαι σκληρόν ἐπιγνώμων μακρόθυμος δὲ ἀνὴρ φρόνιμος.
Jacques 1.19 Proverbes 10.19 Proverbes 14.29 Jacques 3.2 Proverbes 16.32
²⁸ ἀνοήτῳ ἐπερωτήσαντι σοφίαν σοφία λογισθήσεται ἐνεὸν δέ τις ἑαυτὸν ποιήσας δόξει φρόνιμος εἶναι.
Job 13.5 Ecclésiaste 10.14 Proverbes 15.2 Ecclésiaste 10.3 Ecclésiaste 5.3