Proverbes 26.6
Biblia Hebraica Stuttgartensia

¹ כַּשֶּׁ֤לֶג׀ בַּקַּ֗יִץ וְכַמָּטָ֥ר בַּקָּצִ֑יר כֵּ֤ן לֹא־נָאוֶ֖ה לִכְסִ֣יל כָּבֹֽוד׃Proverbes 28.16 Proverbes 19.10 Ecclésiaste 10.5-10.7 Psaumes 12.8 Proverbes 26.8
² כַּצִּפֹּ֣ור לָ֭נוּד כַּדְּרֹ֣ור לָע֑וּף כֵּ֥ן קִֽלְלַ֥ת חִ֝נָּ֗ם לֹ֣ו תָבֹֽא׃Nombres 23.8 2 Samuel 16.12 Proverbes 27.8 1 Samuel 14.28-14.29 Néhémie 13.2
³ שֹׁ֣וט לַ֭סּוּס מֶ֣תֶג לַחֲמֹ֑ור וְ֝שֵׁ֗בֶט לְגֵ֣ו כְּסִילִֽים׃Psaumes 32.9 Proverbes 10.13 Juges 8.5-8.7 2 Corinthiens 13.2 1 Corinthiens 4.21
⁴ אַל־תַּ֣עַן כְּ֭סִיל כְּאִוַּלְתֹּ֑ו פֶּֽן־תִּשְׁוֶה־לֹּ֥ו גַם־אָֽתָּה׃Jude 1.9 Esaïe 36.21 2 Rois 14.8-14.10 1 Rois 12.16 Proverbes 17.14
⁵ עֲנֵ֣ה כְ֭סִיל כְּאִוַּלְתֹּ֑ו פֶּן־יִהְיֶ֖ה חָכָ֣ם בְּעֵינָֽיו׃Matthieu 16.1-16.4 Romains 12.16 Proverbes 28.11 Matthieu 21.23-21.27 Luc 12.13-12.21
⁶ מְקַצֶּ֣ה רַ֭גְלַיִם חָמָ֣ס שֹׁתֶ֑ה שֹׁלֵ֖חַ דְּבָרִ֣ים בְּיַד־כְּסִֽיל׃Proverbes 13.17 Proverbes 10.26 Proverbes 25.13 Nombres 13.31
⁷ דַּלְי֣וּ שֹׁ֖קַיִם מִפִּסֵּ֑חַ וּ֝מָשָׁ֗ל בְּפִ֣י כְסִילִֽים׃Matthieu 7.4-7.5 Proverbes 26.9 Psaumes 50.16-50.21 Psaumes 64.8 Luc 4.23
⁸ כִּצְרֹ֣ור אֶ֭בֶן בְּמַרְגֵּמָ֑ה כֵּן־נֹותֵ֖ן לִכְסִ֣יל כָּבֹֽוד׃Proverbes 26.1 Proverbes 30.22 Proverbes 19.10
⁹ חֹ֭וחַ עָלָ֣ה בְיַד־שִׁכֹּ֑ור וּ֝מָשָׁ֗ל בְּפִ֣י כְסִילִֽים׃Proverbes 23.35
¹⁰ רַ֥ב מְחֹֽולֵֽל־כֹּ֑ל וְשֹׂכֵ֥ר כְּ֝סִ֗יל וְשֹׂכֵ֥ר עֹבְרִֽים׃Proverbes 11.31 Romains 2.6
¹¹ כְּ֭כֶלֶב שָׁ֣ב עַל־קֵאֹ֑ו כְּ֝סִ֗יל שֹׁונֶ֥ה בְאִוַּלְתֹּֽו׃Exode 8.15 2 Pierre 2.22 Matthieu 12.45
¹² רָאִ֗יתָ אִ֭ישׁ חָכָ֣ם בְּעֵינָ֑יו תִּקְוָ֖ה לִכְסִ֣יל מִמֶּֽנּוּ׃Proverbes 29.20 Matthieu 21.31 Proverbes 28.11 Proverbes 26.5 1 Corinthiens 3.18-3.19
¹³ אָמַ֣ר עָ֭צֵל שַׁ֣חַל בַּדָּ֑רֶךְ אֲ֝רִ֗י בֵּ֣ין הָרְחֹבֹֽות׃Proverbes 22.13 Proverbes 19.15 Proverbes 15.19
¹⁴ הַ֭דֶּלֶת תִּסֹּ֣וב עַל־צִירָ֑הּ וְ֝עָצֵ֗ל עַל־מִטָּתֹֽו׃Hébreux 6.12 Proverbes 6.9-6.10 Proverbes 12.27 Proverbes 12.24 Proverbes 24.33
¹⁵ טָ֘מַ֤ן עָצֵ֣ל יָ֭דֹו בַּצַּלָּ֑חַת נִ֝לְאָ֗ה לַֽהֲשִׁיבָ֥הּ אֶל־פִּֽיו׃Proverbes 19.24
¹⁶ חָכָ֣ם עָצֵ֣ל בְּעֵינָ֑יו מִ֝שִּׁבְעָ֗ה מְשִׁ֣יבֵי טָֽעַם׃1 Pierre 3.15 Proverbes 26.12 Proverbes 12.15
¹⁷ מַחֲזִ֥יק בְּאָזְנֵי־כָ֑לֶב עֹבֵ֥ר מִ֝תְעַבֵּ֗ר עַל־רִ֥יב לֹּֽא־לֹֽו׃Proverbes 20.3 Proverbes 17.11 2 Timothée 2.23-2.24 Luc 12.14 Proverbes 18.6
¹⁸ כְּֽ֭מִתְלַהְלֵהַּ הַיֹּרֶ֥ה זִקִּ֗ים חִצִּ֥ים וָמָֽוֶת׃Esaïe 50.11 Proverbes 25.18 Genèse 49.23 Proverbes 7.23
¹⁹ כֵּֽן־אִ֭ישׁ רִמָּ֣ה אֶת־רֵעֵ֑הוּ וְ֝אָמַ֗ר הֲֽלֹא־מְשַׂחֵ֥ק אָֽנִי׃Ephésiens 5.4 Proverbes 10.23 Proverbes 14.9 2 Pierre 2.13 Proverbes 15.21
²⁰ בְּאֶ֣פֶס עֵ֭צִים תִּכְבֶּה־אֵ֑שׁ וּבְאֵ֥ין נִ֝רְגָּ֗ן יִשְׁתֹּ֥ק מָדֹֽון׃Proverbes 16.28 Proverbes 22.10 Jacques 3.6 Proverbes 26.22
²¹ פֶּחָ֣ם לְ֭גֶחָלִים וְעֵצִ֣ים לְאֵ֑שׁ וְאִ֥ישׁ מִ֝דְיָנִ֗ים לְחַרְחַר־רִֽיב׃ פProverbes 15.18 Proverbes 29.22 Proverbes 30.33 1 Rois 12.2-12.3 1 Rois 12.20
²² דִּבְרֵ֣י נִ֭רְגָּן כְּמִֽתְלַהֲמִ֑ים וְ֝הֵ֗ם יָרְד֥וּ חַדְרֵי־בָֽטֶן׃Proverbes 18.8 Proverbes 20.19 Ezéchiel 22.9
²³ כֶּ֣סֶף סִ֭יגִים מְצֻפֶּ֣ה עַל־חָ֑רֶשׂ שְׂפָתַ֖יִם דֹּלְקִ֣ים וְלֶב־רָֽע׃Luc 22.47-22.48 Luc 11.39 Ezéchiel 33.31 Proverbes 25.4 Proverbes 10.18
²⁴ בִּ֭שְׂפָתָיו יִנָּכֵ֣ר שֹׂונֵ֑א וּ֝בְקִרְבֹּ֗ו יָשִׁ֥ית מִרְמָֽה׃Proverbes 12.20 Proverbes 12.5 Proverbes 12.17 Proverbes 10.18 Psaumes 41.6
²⁵ כִּֽי־יְחַנֵּ֣ן קֹ֖ולֹו אַל־תַּֽאֲמֶן־בֹּ֑ו כִּ֤י שֶׁ֖בַע תֹּועֵבֹ֣ות בְּלִבֹּֽו׃Proverbes 6.16-6.19 Jérémie 12.6 Psaumes 28.3 Jérémie 9.2-9.8 Matthieu 24.23
²⁶ תִּכַּסֶּ֣ה שִׂ֭נְאָה בְּמַשָּׁאֹ֑ון תִּגָּלֶ֖ה רָעָתֹ֣ו בְקָהָֽל׃Genèse 4.8 2 Samuel 13.22-13.28 Psaumes 55.21-55.23 1 Samuel 18.21 2 Samuel 3.27-3.30
²⁷ כֹּֽרֶה־שַּׁ֭חַת בָּ֣הּ יִפֹּ֑ל וְגֹ֥לֵ֥ל אֶ֝בֶן אֵלָ֥יו תָּשֽׁוּב׃Proverbes 28.10 Esther 7.10 Psaumes 9.15 Psaumes 7.15-7.16 Psaumes 10.2
²⁸ לְֽשֹׁון־שֶׁ֭קֶר יִשְׂנָ֣א דַכָּ֑יו וּפֶ֥ה חָ֝לָ֗ק יַעֲשֶׂ֥ה מִדְחֶֽה׃Proverbes 29.5 Proverbes 7.21-7.23 Proverbes 6.24 Jean 8.40 Jean 10.32-10.33