2 Samuel 22.7
Biblia Hebraica Stuttgartensia

¹ וַיְדַבֵּ֤ר דָּוִד֙ לַֽיהוָ֔ה אֶת־דִּבְרֵ֖י הַשִּׁירָ֣ה הַזֹּ֑את בְּיֹום֩ הִצִּ֨יל יְהוָ֥ה אֹתֹ֛ו מִכַּ֥ף כָּל־אֹיְבָ֖יו וּמִכַּ֥ף שָׁאֽוּל׃Juges 5.1 Exode 15.1 Esaïe 12.1-12.6 Psaumes 18.1-18.50 Psaumes 34.19
² וַיֹּאמַ֑ר יְהוָ֛ה סַֽלְעִ֥י וּמְצֻדָתִ֖י וּמְפַלְטִי־לִֽי׃Psaumes 31.3 Psaumes 71.3 Deutéronome 32.4 Psaumes 18.2-18.50 Psaumes 144.2
³ אֱלֹהֵ֥י צוּרִ֖י אֶחֱסֶה־בֹּ֑ו מָגִנִּ֞י וְקֶ֣רֶן יִשְׁעִ֗י מִשְׂגַּבִּי֙ וּמְנוּסִ֔י מֹשִׁעִ֕י מֵחָמָ֖ס תֹּשִׁעֵֽנִי׃Psaumes 9.9 Genèse 15.1 Psaumes 59.16 Proverbes 18.10 Luc 1.69
⁴ מְהֻלָּ֖ל אֶקְרָ֣א יְהוָ֑ה וּמֵאֹיְבַ֖י אִוָּשֵֽׁעַ׃Psaumes 96.4 Psaumes 18.3 Romains 10.13 Psaumes 48.1 Apocalypse 5.12
⁵ כִּ֥י אֲפָפֻ֖נִי מִשְׁבְּרֵי־מָ֑וֶת נַחֲלֵ֥י בְלִיַּ֖עַל יְבַעֲתֻֽנִי׃Psaumes 69.14-69.15 Jonas 2.3 Psaumes 93.3-93.4 Jérémie 46.7-46.8 Esaïe 59.19
⁶ חֶבְלֵ֥י שְׁאֹ֖ול סַבֻּ֑נִי קִדְּמֻ֖נִי מֹֽקְשֵׁי־מָֽוֶת׃Psaumes 116.3 Actes 2.24 Proverbes 5.22 Job 36.8 Jonas 2.2
⁷ בַּצַּר־לִי֙ אֶקְרָ֣א יְהוָ֔ה וְאֶל־אֱלֹהַ֖י אֶקְרָ֑א וַיִּשְׁמַ֤ע מֵהֵֽיכָלֹו֙ קֹולִ֔י וְשַׁוְעָתִ֖י בְּאָזְנָֽיו׃Psaumes 116.4 Psaumes 120.1 Psaumes 34.6 Psaumes 18.6 Jonas 2.7
⁸ וַיִּתְגָּעַ֤שׁ וַתִּרְעַשׁ֙ הָאָ֔רֶץ מֹוסְדֹ֥ות הַשָּׁמַ֖יִם יִרְגָּ֑זוּ וַיִּֽתְגָּעֲשׁ֖וּ כִּֽי־חָ֥רָה לֹֽו׃Job 26.11 Psaumes 97.4 Juges 5.4 Psaumes 77.18 Nahum 1.5
⁹ עָלָ֤ה עָשָׁן֙ בְּאַפֹּ֔ו וְאֵ֥שׁ מִפִּ֖יו תֹּאכֵ֑ל גֶּחָלִ֖ים בָּעֲר֥וּ מִמֶּֽנּוּ׃Hébreux 12.29 Psaumes 97.3-97.5 Exode 19.18 Deutéronome 32.22 Jérémie 5.14
¹⁰ וַיֵּ֥ט שָׁמַ֖יִם וַיֵּרַ֑ד וַעֲרָפֶ֖ל תַּ֥חַת רַגְלָֽיו׃1 Rois 8.12 Psaumes 97.2 Psaumes 144.5 Exode 20.21 Nahum 1.3
¹¹ וַיִּרְכַּ֥ב עַל־כְּר֖וּב וַיָּעֹ֑ף וַיֵּרָ֖א עַל־כַּנְפֵי־רֽוּחַ׃Psaumes 104.3 Ezéchiel 10.2-10.14 Psaumes 99.1 Psaumes 80.1 Psaumes 139.9
¹² וַיָּ֥שֶׁת חֹ֛שֶׁךְ סְבִיבֹתָ֖יו סֻכֹּ֑ות חַֽשְׁרַת־מַ֖יִם עָבֵ֥י שְׁחָקִֽים׃2 Samuel 22.10 Psaumes 97.2 Job 36.29 Psaumes 18.11-18.12 Psaumes 27.5
¹³ מִנֹּ֖גַהּ נֶגְדֹּ֑ו בָּעֲר֖וּ גַּחֲלֵי־אֵֽשׁ׃2 Samuel 22.9
¹⁴ יַרְעֵ֥ם מִן־שָׁמַ֖יִם יְהוָ֑ה וְעֶלְיֹ֖ון יִתֵּ֥ן קֹולֹֽו׃Job 37.2-37.5 1 Samuel 2.10 Apocalypse 11.19 Exode 19.6 Psaumes 29.3-29.9
¹⁵ וַיִּשְׁלַ֥ח חִצִּ֖ים וַיְפִיצֵ֑ם בָּרָ֖ק וַיָּהֹֽם׃Deutéronome 32.23 Josué 10.10 Habakuk 3.11 Psaumes 18.14 Psaumes 7.12-7.13
¹⁶ וַיֵּֽרָאוּ֙ אֲפִ֣קֵי יָ֔ם יִגָּל֖וּ מֹסְדֹ֣ות תֵּבֵ֑ל בְּגַעֲרַ֣ת יְהוָ֔ה מִנִּשְׁמַ֖ת ר֥וּחַ אַפֹּֽו׃Nahum 1.4 Exode 14.21-14.27 Psaumes 114.3-114.7 Habakuk 3.8-3.10 Psaumes 18.15-18.17
¹⁷ יִשְׁלַ֥ח מִמָּרֹ֖ום יִקָּחֵ֑נִי יַֽמְשֵׁ֖נִי מִמַּ֥יִם רַבִּֽים׃Psaumes 144.7 Lamentations 3.54 Esaïe 43.2 Psaumes 59.1-59.2 Psaumes 124.4-124.5
¹⁸ יַצִּילֵ֕נִי מֵאֹיְבִ֖י עָ֑ז מִשֹּׂ֣נְאַ֔י כִּ֥י אָמְצ֖וּ מִמֶּֽנִּי׃2 Corinthiens 1.10 Psaumes 56.9 2 Timothée 4.17 Psaumes 3.7 2 Samuel 22.1
¹⁹ יְקַדְּמֻ֖נִי בְּיֹ֣ום אֵידִ֑י וַיְהִ֧י יְהוָ֛ה מִשְׁעָ֖ן לִֽי׃1 Samuel 19.11-19.17 Psaumes 118.10-118.13 Psaumes 23.4 1 Samuel 23.26-23.27 Psaumes 71.20-71.21
²⁰ וַיֹּצֵ֥א לַמֶּרְחָ֖ב אֹתִ֑י יְחַלְּצֵ֖נִי כִּי־חָ֥פֵֽץ בִּֽי׃Psaumes 31.8 2 Samuel 15.26 Psaumes 118.5 Psaumes 22.8 Osée 4.16
²¹ יִגְמְלֵ֥נִי יְהוָ֖ה כְּצִדְקָתִ֑י כְּבֹ֥ר יָדַ֖י יָשִׁ֥יב לִֽי׃1 Samuel 26.23 Psaumes 24.4 1 Rois 8.32 Psaumes 7.8 1 Corinthiens 15.58
²² כִּ֥י שָׁמַ֖רְתִּי דַּרְכֵ֣י יְהוָ֑ה וְלֹ֥א רָשַׁ֖עְתִּי מֵאֱלֹהָֽי׃Genèse 18.19 Proverbes 8.32 Psaumes 128.1 Hébreux 10.38-10.39 Nombres 16.15
²³ כִּ֥י כָל־מִשְׁפָּטָ֖יו לְנֶגְדִּ֑י וְחֻקֹּתָ֖יו לֹא־אָס֥וּר מִמֶּֽנָּה׃Psaumes 119.30 Psaumes 119.102 Psaumes 19.8-19.9 Deutéronome 7.12 Luc 1.6
²⁴ וָאֶהְיֶ֥ה תָמִ֖ים לֹ֑ו וָאֶשְׁתַּמְּרָ֖ה מֵעֲוֹנִֽי׃Genèse 6.9 Job 1.1 Genèse 17.1 Psaumes 51.6 2 Corinthiens 5.11
²⁵ וַיָּ֧שֶׁב יְהוָ֛ה לִ֖י כְּצִדְקָתִ֑י כְּבֹרִ֖י לְנֶ֥גֶד עֵינָֽיו׃2 Samuel 22.21 Romains 2.7-2.8 2 Corinthiens 5.10 Proverbes 5.21 Esaïe 3.10
²⁶ עִם־חָסִ֖יד תִּתְחַסָּ֑ד עִם־גִּבֹּ֥ור תָּמִ֖ים תִּתַּמָּֽם׃Matthieu 5.7 Jacques 2.13
²⁷ עִם־נָבָ֖ר תִּתָּבָ֑ר וְעִם־עִקֵּ֖שׁ תִּתַּפָּֽל׃Matthieu 5.8 Psaumes 18.26 Esaïe 45.9 Deutéronome 28.58-28.61 Lévitique 26.23-26.28
²⁸ וְאֶת־עַ֥ם עָנִ֖י תֹּושִׁ֑יעַ וְעֵינֶ֖יךָ עַל־רָמִ֥ים תַּשְׁפִּֽיל׃Psaumes 72.12-72.13 Esaïe 5.15 Esaïe 2.17 Esaïe 2.11-2.12 Exode 3.7-3.8
²⁹ כִּֽי־אַתָּ֥ה נֵירִ֖י יְהוָ֑ה וַיהוָ֖ה יַגִּ֥יהַּ חָשְׁכִּֽי׃Psaumes 27.1 Job 29.3 Psaumes 84.11 Esaïe 50.10 2 Samuel 21.17
³⁰ כִּ֥י בְכָ֖ה אָר֣וּץ גְּד֑וּד בֵּאלֹהַ֖י אֲדַלֶּג־שֽׁוּר׃Psaumes 18.29 Philippiens 4.13 Romains 8.37 Psaumes 118.10-118.12
³¹ הָאֵ֖ל תָּמִ֣ים דַּרְכֹּ֑ו אִמְרַ֤ת יְהוָה֙ צְרוּפָ֔ה מָגֵ֣ן ה֔וּא לְכֹ֖ל הַחֹסִ֥ים בֹּֽו׃Proverbes 30.5 Matthieu 5.48 Deutéronome 32.4 2 Samuel 22.3 Psaumes 119.140
³² כִּ֥י מִי־אֵ֖ל מִבַּלְעֲדֵ֣י יְהוָ֑ה וּמִ֥י צ֖וּר מִֽבַּלְעֲדֵ֥י אֱלֹהֵֽינוּ׃1 Samuel 2.2 Deutéronome 32.31 2 Samuel 22.2-22.3 Esaïe 45.5-45.6 Esaïe 45.21
³³ הָאֵ֥ל מָעוּזִּ֖י חָ֑יִל וַיַּתֵּ֥ר תָּמִ֖ים דַּרְכִּֽי׃Exode 15.2 Psaumes 101.6 2 Corinthiens 12.9 Psaumes 28.7-28.8 Psaumes 18.32
³⁴ מְשַׁוֶּ֥ה רַגְלַ֖י כָּאַיָּלֹ֑ות וְעַ֥ל בָּמֹותַ֖י יַעֲמִדֵֽנִי׃Deutéronome 32.13 Habakuk 3.19 Esaïe 58.14 2 Samuel 2.18 Esaïe 33.16
³⁵ מְלַמֵּ֥ד יָדַ֖י לַמִּלְחָמָ֑ה וְנִחַ֥ת קֶֽשֶׁת־נְחוּשָׁ֖ה זְרֹעֹתָֽי׃Psaumes 144.1 Psaumes 18.33-18.34 Ezéchiel 39.9-39.10 Psaumes 46.9 Ezéchiel 39.3
³⁶ וַתִּתֶּן־לִ֖י מָגֵ֣ן יִשְׁעֶ֑ךָ וַעֲנֹתְךָ֖ תַּרְבֵּֽנִי׃Ephésiens 6.16 Genèse 22.17 Psaumes 18.35 Genèse 15.1 Genèse 12.2
³⁷ תַּרְחִ֥יב צַעֲדִ֖י תַּחְתֵּ֑נִי וְלֹ֥א מָעֲד֖וּ קַרְסֻלָּֽי׃Proverbes 4.12 Psaumes 17.5 Psaumes 18.36 Psaumes 94.18 Psaumes 4.1
³⁸ אֶרְדְּפָ֥ה אֹיְבַ֖י וָאַשְׁמִידֵ֑ם וְלֹ֥א אָשׁ֖וּב עַד־כַּלֹּותָֽם׃2 Samuel 8.13-8.14 Romains 8.37 2 Samuel 8.1-8.2 2 Samuel 10.14 Psaumes 21.8-21.9
³⁹ וָאֲכַלֵּ֥ם וָאֶמְחָצֵ֖ם וְלֹ֣א יְקוּמ֑וּן וַֽיִּפְּל֖וּ תַּ֥חַת רַגְלָֽי׃Malachie 4.3 Psaumes 110.5-110.6 Psaumes 118.10-118.12 Malachie 4.1 Psaumes 110.1
⁴⁰ וַתַּזְרֵ֥נִי חַ֖יִל לַמִּלְחָמָ֑ה תַּכְרִ֥יעַ קָמַ֖י תַּחְתֵּֽנִי׃Psaumes 44.5 Colossiens 1.11 Psaumes 18.39 Esaïe 45.5 Psaumes 144.2
⁴¹ וְאֹ֣יְבַ֔י תַּ֥תָּה לִּ֖י עֹ֑רֶף מְשַׂנְאַ֖י וָאַצְמִיתֵֽם׃Exode 23.27 Josué 10.24 Psaumes 21.8-21.9 Psaumes 18.40-18.41 2 Thessaloniciens 1.8-1.9
⁴² יִשְׁע֖וּ וְאֵ֣ין מֹשִׁ֑יעַ אֶל־יְהוָ֖ה וְלֹ֥א עָנָֽם׃Esaïe 1.15 1 Samuel 28.6 Proverbes 1.28 Michée 3.4 Ezéchiel 20.3
⁴³ וְאֶשְׁחָקֵ֖ם כַּעֲפַר־אָ֑רֶץ כְּטִיט־חוּצֹ֥ות אֲדִקֵּ֖ם אֶרְקָעֵֽם׃Michée 7.10 Esaïe 10.6 2 Rois 13.7 Zacharie 10.5 Esaïe 26.15
⁴⁴ וַֽתְּפַלְּטֵ֔נִי מֵרִיבֵ֖י עַמִּ֑י תִּשְׁמְרֵ֨נִי֙ לְרֹ֣אשׁ גֹּויִ֔ם עַ֥ם לֹא־יָדַ֖עְתִּי יַעַבְדֻֽנִי׃Esaïe 55.5 2 Samuel 8.1-8.14 2 Samuel 3.1 2 Samuel 19.14 Deutéronome 28.13
⁴⁵ בְּנֵ֥י נֵכָ֖ר יִתְכַּֽחֲשׁוּ־לִ֑י לִשְׁמֹ֥ועַ אֹ֖זֶן יִשָּׁ֥מְעוּ לִֽי׃Psaumes 81.15 Psaumes 66.3 Actes 8.13 Deutéronome 33.29 Esaïe 56.3
⁴⁶ בְּנֵ֥י נֵכָ֖ר יִבֹּ֑לוּ וְיַחְגְּר֖וּ מִמִּסְגְּרֹותָֽם׃Michée 7.17 Amos 9.3 Esaïe 2.19 Jacques 1.11 Esaïe 2.21
⁴⁷ חַי־יְהוָ֖ה וּבָר֣וּךְ צוּרִ֑י וְיָרֻ֕ם אֱלֹהֵ֖י צ֥וּר יִשְׁעִֽי׃Psaumes 89.26 Deutéronome 32.39-32.40 Job 19.25 2 Samuel 22.3 Luc 1.47
⁴⁸ הָאֵ֕ל הַנֹּתֵ֥ן נְקָמֹ֖ת לִ֑י וּמֹורִ֥יד עַמִּ֖ים תַּחְתֵּֽנִי׃Psaumes 144.2 Psaumes 94.1 1 Samuel 25.30 2 Samuel 18.19 1 Corinthiens 15.25
⁴⁹ וּמֹוצִיאִ֖י מֵאֹֽיְבָ֑י וּמִקָּמַי֙ תְּרֹ֣ומְמֵ֔נִי מֵאִ֥ישׁ חֲמָסִ֖ים תַּצִּילֵֽנִי׃Psaumes 140.1 1 Samuel 2.8 Psaumes 18.48 2 Samuel 5.12 Nombres 24.17-24.19
⁵⁰ עַל־כֵּ֛ן אֹודְךָ֥ יְהוָ֖ה בַּגֹּויִ֑ם וּלְשִׁמְךָ֖ אֲזַמֵּֽר׃Romains 15.9 Psaumes 146.1-146.2 Psaumes 18.49 Psaumes 145.1-145.2 Esaïe 12.1-12.6
⁵¹ מִגְדֹּ֖ול יְשׁוּעֹ֣ות מַלְכֹּ֑ו וְעֹֽשֶׂה־חֶ֧סֶד לִמְשִׁיחֹ֛ו לְדָוִ֥ד וּלְזַרְעֹ֖ו עַד־עֹולָֽם׃ פPsaumes 144.10 2 Samuel 7.12-7.13 Psaumes 18.50 Psaumes 89.29 Psaumes 89.20