Nombres 24.22
Vulgate

¹ cumque vidisset Balaam quod placeret Domino ut benediceret Israheli nequaquam abiit ut ante perrexerat ut augurium quaereret sed dirigens contra desertum vultum suum
Nombres 23.23 Nombres 23.3 Nombres 23.15 Apocalypse 2.14 Nombres 31.16
² et elevans oculos vidit Israhel in tentoriis commorantem per tribus suas et inruente in se spiritu Dei
1 Samuel 19.20 2 Chroniques 15.1 1 Samuel 10.10 1 Samuel 19.23 Cantique 6.10
³ adsumpta parabola ait dixit Balaam filius Beor dixit homo cuius obturatus est oculus
Nombres 24.16 Nombres 23.7 Nombres 23.18 Nombres 24.4 Nombres 22.31
⁴ dixit auditor sermonum Dei qui visionem Omnipotentis intuitus est qui cadit et sic aperiuntur oculi eius
Apocalypse 1.17 Nombres 12.6 Ezéchiel 1.28 Apocalypse 1.10 1 Samuel 19.24
⁵ quam pulchra tabernacula tua Iacob et tentoria tua Israhel
⁶ ut valles nemorosae ut horti iuxta fluvios inrigui ut tabernacula quae fixit Dominus quasi cedri propter aquas
Psaumes 1.3 Psaumes 104.16 Jérémie 31.12 Cantique 6.11 Ezéchiel 31.3-31.4
⁷ fluet aqua de situla eius et semen illius erit in aquas multas tolletur propter Agag rex eius et auferetur regnum illius
1 Chroniques 14.2 2 Samuel 5.12 Jérémie 51.13 Apocalypse 17.1 Psaumes 68.26
⁸ Deus eduxit illum de Aegypto cuius fortitudo similis est rinocerotis devorabunt gentes hostes illius ossaque eorum confringent et perforabunt sagittis
Psaumes 45.5 Nombres 23.22 Psaumes 2.9 Jérémie 50.17 Nombres 23.24
⁹ accubans dormivit ut leo et quasi leaena quam suscitare nullus audebit qui benedixerit tibi erit ipse benedictus qui maledixerit in maledictione reputabitur
Genèse 49.9 Nombres 23.24 Genèse 12.3 Genèse 27.29 Job 41.10
¹⁰ iratusque Balac contra Balaam conplosis manibus ait ad maledicendum inimicis meis vocavi te quibus e contrario tertio benedixisti
Nombres 23.11 Ezéchiel 21.14 Job 27.23 Ezéchiel 22.13 Ezéchiel 21.17
¹¹ revertere ad locum tuum decreveram quidem magnifice honorare te sed Dominus privavit te honore disposito
Nombres 22.17 Nombres 22.37 2 Jean 1.8 Actes 8.20 Hébreux 11.24-11.26
¹² respondit Balaam ad Balac nonne nuntiis tuis quos misisti ad me dixi
Nombres 22.18 Nombres 22.38
¹³ si dederit mihi Balac plenam domum suam argenti et auri non potero praeterire sermonem Domini Dei mei ut vel boni quid vel mali proferam ex corde meo sed quicquid Dominus dixerit hoc loquar
Nombres 16.28 Nombres 22.20 Nombres 22.18
¹⁴ verumtamen pergens ad populum meum dabo consilium quid populus tuus huic populo faciat extremo tempore
Michée 6.5 Genèse 49.1 Daniel 2.28 Apocalypse 2.14 Osée 3.5
¹⁵ sumpta igitur parabola rursum ait dixit Balaam filius Beor dixit homo cuius obturatus est oculus
Nombres 24.3-24.4 Nombres 23.7 Nombres 23.18 Job 27.1 Matthieu 13.35
¹⁶ dixit auditor sermonum Dei qui novit doctrinam Altissimi et visiones Omnipotentis videt qui cadens apertos habet oculos
Nombres 24.4 1 Corinthiens 8.1 1 Corinthiens 13.2 2 Samuel 23.1-23.2
¹⁷ videbo eum sed non modo intuebor illum sed non prope orietur stella ex Iacob et consurget virga de Israhel et percutiet duces Moab vastabitque omnes filios Seth
Apocalypse 22.16 Genèse 49.10 Apocalypse 1.7 Zacharie 10.4 Esaïe 9.7
¹⁸ et erit Idumea possessio eius hereditas Seir cedet inimicis suis Israhel vero fortiter aget
Amos 9.12 2 Samuel 8.14 Genèse 27.29 Esaïe 34.5 Genèse 32.3
¹⁹ de Iacob erit qui dominetur et perdat reliquias civitatis
Genèse 49.10 Michée 5.2 Luc 19.12 Matthieu 25.46 1 Pierre 3.22
²⁰ cumque vidisset Amalech adsumens parabolam ait principium gentium Amalech cuius extrema perdentur
Exode 17.14 1 Samuel 15.3-15.8 1 Samuel 30.17 1 Samuel 30.1 Esther 7.9-7.10
²¹ vidit quoque Cineum et adsumpta parabola ait robustum est quidem habitaculum tuum sed si in petra posueris nidum tuum
Genèse 15.19 Job 29.18 Juges 1.16
²² et fueris electus de stirpe Cain quamdiu poteris permanere Assur enim capiet te
Genèse 10.11 Esdras 4.2 Osée 14.3 Psaumes 83.8 Genèse 10.22
²³ adsumptaque parabola iterum locutus est heu quis victurus est quando ista faciet Deus
2 Rois 5.1 Malachie 3.2 Nombres 23.23
²⁴ venient in trieribus de Italia superabunt Assyrios vastabuntque Hebraeos et ad extremum etiam ipsi peribunt
Genèse 10.4 Nombres 24.20 Daniel 11.30 Esaïe 23.1 Luc 23.29-23.31
²⁵ surrexitque Balaam et reversus est in locum suum Balac quoque via qua venerat rediit
Nombres 31.8 Josué 13.22 Nombres 24.11