Lévitique 15.24
Vulgate

L’état d’impureté de l’homme et de la femme

¹ locutusque est Dominus ad Mosen et Aaron dicens
Lévitique 13.1 Lévitique 11.1 Psaumes 25.14 Hébreux 1.1 Amos 3.7
² loquimini filiis Israhel et dicite eis vir qui patitur fluxum seminis inmundus erit
2 Samuel 3.29 Lévitique 22.4 Nombres 5.2 Matthieu 9.20 Luc 8.43
³ et tunc iudicabitur huic vitio subiacere cum per momenta singula adheserit carni illius atque concreverit foedus humor
Lévitique 12.3 Ezéchiel 16.26 Ezéchiel 23.20
⁴ omne stratum in quo dormierit inmundum erit et ubicumque sederit
1 Corinthiens 15.33 Tite 1.15 Ephésiens 5.11
⁵ si quis hominum tetigerit lectum eius lavabit vestimenta sua et ipse lotus aqua inmundus erit usque ad vesperum
Lévitique 11.25 Lévitique 17.15 Lévitique 16.26 Hébreux 9.14 Nombres 19.22
⁶ si sederit ubi ille sederat et ipse lavabit vestimenta sua et lotus aqua inmundus erit usque ad vesperum
Jacques 4.8 Esaïe 1.16
⁷ qui tetigerit carnem eius lavabit vestimenta sua et ipse lotus aqua inmundus erit usque ad vesperum
⁸ si salivam huiuscemodi homo iecerit super eum qui mundus est lavabit vestem suam et lotus aqua inmundus erit usque ad vesperum
Jude 1.4 Tite 1.9-1.10 1 Timothée 4.1-4.3 Esaïe 1.16 2 Pierre 2.1-2.3
⁹ sagma super quo sederit inmundum erit
Genèse 31.34
¹⁰ et quicquid sub eo fuerit qui fluxum seminis patitur pollutum erit usque ad vesperum qui portaverit horum aliquid lavabit vestem suam et ipse lotus aqua inmundus erit usque ad vesperum
Lévitique 15.8 Jacques 4.8 Psaumes 26.6 Lévitique 15.5
¹¹ omnis quem tetigerit qui talis est non lotis ante manibus lavabit vestimenta sua et lotus aqua inmundus erit usque ad vesperum
¹² vas fictile quod tetigerit confringetur vas autem ligneum lavabitur aqua
Lévitique 6.28 Lévitique 11.32-11.33 Philippiens 3.21 Proverbes 3.21 Proverbes 1.23
¹³ si sanatus fuerit qui huiuscemodi sustinet passionem numerabit septem dies post emundationem sui et lotis vestibus ac toto corpore in aquis viventibus erit mundus
Lévitique 14.8 Lévitique 8.33 Lévitique 15.28 Lévitique 15.5 Jacques 4.8
¹⁴ die autem octavo sumet duos turtures aut duos pullos columbae et veniet in conspectu Domini ad ostium tabernaculi testimonii dabitque eos sacerdoti
Lévitique 12.8 Lévitique 1.14 Nombres 6.10 Lévitique 15.29-15.30 Hébreux 7.26
¹⁵ qui faciet unum pro peccato et alterum in holocaustum rogabitque pro eo coram Domino ut emundetur a fluxu seminis sui
Lévitique 4.26 Lévitique 14.30-14.31 Lévitique 12.7 Nombres 25.13 Nombres 15.25
¹⁶ vir de quo egreditur semen coitus lavabit aqua omne corpus suum et inmundus erit usque ad vesperum
Lévitique 22.4 Deutéronome 23.10-23.11 Lévitique 15.5 1 Jean 1.7 2 Corinthiens 7.1
¹⁷ vestem et pellem quam habuerit lavabit aqua et inmunda erit usque ad vesperum
¹⁸ mulier cum qua coierit lavabitur aqua et inmunda erit usque ad vesperum
2 Timothée 2.22 1 Thessaloniciens 4.3-4.5 Psaumes 51.5 1 Pierre 2.11 1 Samuel 21.4-21.5
¹⁹ mulier quae redeunte mense patitur fluxum sanguinis septem diebus separabitur
Lévitique 12.2 Matthieu 15.19 Ezéchiel 36.17 Marc 5.25 Lamentations 1.8-1.9
²⁰ omnis qui tetigerit eam inmundus erit usque ad vesperum
Lévitique 15.4-15.9 Proverbes 22.27 1 Corinthiens 15.33 Proverbes 5.3-5.13 Proverbes 9.13-9.18
²¹ et in quo dormierit vel sederit diebus separationis suae polluetur
Hébreux 9.26 2 Corinthiens 7.1 Apocalypse 7.14 Esaïe 22.14 Lévitique 15.5-15.6
²² qui tetigerit lectum eius lavabit vestimenta sua et ipse lotus aqua inmundus erit usque ad vesperum
²³ omne vas super quo illa sederit quisquis adtigerit lavabit vestimenta sua et lotus aqua pollutus erit usque ad vesperum
²⁴ si coierit cum ea vir tempore sanguinis menstrualis inmundus erit septem diebus et omne stratum in quo dormierit polluetur
Lévitique 20.18 Lévitique 18.19 Ezéchiel 18.6 1 Pierre 2.11 Ezéchiel 22.10
²⁵ mulier quae patitur multis diebus fluxum sanguinis non in tempore menstruali vel quae post menstruum sanguinem fluere non cessat quamdiu huic subiacet passioni inmunda erit quasi sit in tempore menstruo
Marc 5.25 Matthieu 9.20 Luc 8.43 Marc 7.20-7.23 Lévitique 15.19-15.24
²⁶ omne stratum in quo dormierit et vas in quo sederit pollutum erit
²⁷ quicumque tetigerit eam lavabit vestimenta sua et ipse lotus aqua inmundus erit usque ad vesperum
Hébreux 10.22 Zacharie 13.1 Lévitique 15.21 Lévitique 15.13 Hébreux 9.14
²⁸ si steterit sanguis et fluere cessarit numerabit septem dies purificationis suae
Lévitique 15.13-15.15 Matthieu 1.21 1 Corinthiens 6.11 Galates 3.13 Ephésiens 1.6-1.7
²⁹ et octavo die offeret pro se sacerdoti duos turtures vel duos pullos columbae ad ostium tabernaculi testimonii
³⁰ qui unum faciet pro peccato et alterum in holocaustum rogabitque pro ea coram Domino et pro fluxu inmunditiae eius
³¹ docebitis ergo filios Israhel ut caveant inmunditiam et non moriantur in sordibus suis cum polluerint tabernaculum meum quod est inter eos
Nombres 5.3 Ezéchiel 5.11 Nombres 19.13 Nombres 19.20 Ezéchiel 23.38
³² ista est lex eius qui patitur fluxum seminis et qui polluitur coitu
Lévitique 11.46 Nombres 5.29 Lévitique 13.59 Lévitique 14.54-15.18 Lévitique 14.2
³³ et quae menstruis temporibus separatur vel quae iugi fluit sanguine et hominis qui dormierit cum ea
Lévitique 15.24-15.25 Lévitique 20.18 Lévitique 15.19