Ezéchiel 16.8
Vulgate

Jérusalem comparée à une prostituée

¹ et factus est sermo Domini ad me dicens
² fili hominis notas fac Hierusalem abominationes suas
Ezéchiel 22.2 Ezéchiel 20.4 Esaïe 58.1 Osée 8.1 Ezéchiel 8.9-8.17
³ et dices haec dicit Dominus Deus Hierusalem radix tua et generatio tua de terra chananea pater tuus Amorreus et mater tua Cetthea
Ezéchiel 16.45 Ezéchiel 21.30 Genèse 15.16 Genèse 11.29 Esaïe 1.10
⁴ et quando nata es in die ortus tui non est praecisus umbilicus tuus et in aqua non es lota in salutem nec sale salita nec involuta pannis
Osée 2.3 Luc 2.12 Exode 2.23-2.24 Genèse 15.13 Lamentations 2.20
⁵ non pepercit super te oculus ut facerem tibi unum de his miseratus tui sed proiecta es super faciem terrae in abiectione animae tuae in die qua nata es
Nombres 19.16 Lamentations 4.10 Exode 1.22 Ezéchiel 2.6 Lamentations 2.19
⁶ transiens autem per te vidi te conculcari in sanguine tuo et dixi tibi cum esses in sanguine tuo vive dixi inquam tibi in sanguine tuo vive
Jean 5.25 Tite 3.3-3.7 Ephésiens 2.4-2.5 Esaïe 51.23 Ezéchiel 20.5-20.10
⁷ multiplicatam quasi germen agri dedi te et multiplicata es et grandis effecta et ingressa es et pervenisti ad mundum muliebrem ubera tua intumuerunt et pilus tuus germinavit et eras nuda et confusionis plena
Exode 1.7 Deutéronome 1.10 Ezéchiel 16.22 Osée 2.9-2.10 Genèse 22.17
⁸ et transivi per te et vidi te et ecce tempus tuum tempus amantium et expandi amictum meum super te et operui ignominiam tuam et iuravi tibi et ingressus sum pactum tecum ait Dominus Deus et facta es mihi
Ruth 3.9 Exode 19.4-19.8 Esaïe 43.4 Jérémie 2.2-2.3 Romains 5.8
⁹ et lavi te aqua et emundavi sanguinem tuum ex te et unxi te oleo
Ruth 3.3 Psaumes 23.5 1 Corinthiens 6.11 Ezéchiel 36.25 Psaumes 51.7
¹⁰ et vestivi te discoloribus et calciavi te ianthino et cinxi te bysso et indui te subtilibus
Ezéchiel 16.18 Ezéchiel 16.13 Exode 26.36 Ezéchiel 27.16 Esaïe 61.10
¹¹ et ornavi te ornamento et dedi armillas in manibus tuis et torquem circa collum tuum
Genèse 24.22 Genèse 24.47 Esaïe 3.19 Genèse 41.42 Ezéchiel 23.42
¹² et dedi inaurem super os tuum et circulos auribus tuis et coronam decoris in capite tuo
Esaïe 28.5 Jérémie 13.18 Esaïe 3.21
¹³ et ornata es auro et argento et vestita es bysso et polymito et multicoloribus similam et mel et oleum comedisti et decora facta es vehementer nimis et profecisti in regnum
Deutéronome 32.13-32.14 1 Rois 4.21 Psaumes 50.2 Psaumes 48.2 Psaumes 45.13-45.14
¹⁴ et egressum est nomen tuum in gentes propter speciem tuam quia perfecta eras in decore meo quem posueram super te dicit Dominus Deus
Lamentations 2.15 1 Rois 10.24 2 Chroniques 2.11-2.12 2 Chroniques 9.23 Deutéronome 4.6-4.8
¹⁵ et habens fiduciam in pulchritudine tua fornicata es in nomine tuo et exposuisti fornicationem tuam omni transeunti ut eius fieres
Esaïe 57.8 Ezéchiel 16.25 Jérémie 2.20 Jérémie 7.4 Ezéchiel 23.3
¹⁶ et sumens de vestimentis meis fecisti tibi excelsa hinc inde consuta et fornicata es super eis sicut non est factum neque futurum est
2 Rois 23.7 2 Chroniques 28.24 Osée 2.8 Ezéchiel 7.20
¹⁷ et tulisti vasa decoris tui de auro meo et argento meo quae dedi tibi et fecisti tibi imagines masculinas et fornicata es in eis
Esaïe 44.19-44.20 Ezéchiel 16.11 Osée 2.13 Ezéchiel 23.14-23.21 Esaïe 57.7-57.8
¹⁸ et sumpsisti vestimenta tua multicoloria et vestita es eis et oleum meum et thymiama meum posuisti coram eis
¹⁹ et panem meum quem dedi tibi similam et oleum et mel quibus enutrivi te posuisti in conspectu eorum in odorem suavitatis et factum est ait Dominus Deus
Ezéchiel 16.13 Genèse 8.21 Osée 2.8-2.13 Deutéronome 32.14-32.17
²⁰ et tulisti filios tuos et filias tuas quas generasti mihi et immolasti eis ad devorandum numquid parva est fornicatio tua
Ezéchiel 23.37 Jérémie 7.31 Exode 13.2 Ezéchiel 20.31 Psaumes 106.37-106.38
²¹ immolantis filios meos et dedisti illos consecrans eis
2 Rois 17.17 Deutéronome 18.10 Lévitique 20.1-20.5 Psaumes 106.37 2 Rois 21.6
²² et post omnes abominationes tuas et fornicationes non es recordata dierum adulescentiae tuae quando eras nuda et confusione plena conculcata in sanguine tuo
Jérémie 2.2 Ezéchiel 16.43 Osée 11.1 Ezéchiel 16.3-16.7 Osée 2.3
²³ et accidit post omnem malitiam tuam vae vae tibi ait Dominus Deus
Apocalypse 8.13 Ezéchiel 13.18 Apocalypse 12.12 Sophonie 3.1 Ezéchiel 2.10
²⁴ et aedificasti tibi lupanar et fecisti tibi prostibulum in cunctis plateis
Esaïe 57.7 Ezéchiel 16.39 Ezéchiel 16.31 Psaumes 78.58 Ezéchiel 20.28-20.29
²⁵ ad omne caput viae aedificasti signum prostitutionis tuae et abominabilem fecisti decorem tuum et divisisti pedes tuos omni transeunti et multiplicasti fornicationes tuas
Jérémie 3.2 Ezéchiel 16.31 Jérémie 2.23-2.24 Apocalypse 17.16 Apocalypse 17.12-17.13
²⁶ et fornicata es cum filiis Aegypti vicinis tuis magnarum carnium et multiplicasti fornicationem tuam ad inritandum me
Ezéchiel 23.19-23.21 Ezéchiel 20.7-20.8 Ezéchiel 8.10 Josué 24.14 Ezéchiel 8.17
²⁷ ecce ego extendi manum meam super te et auferam ius tuum et dabo te in animam odientium te filiarum Palestinarum quae erubescunt in via tua scelerata
Esaïe 9.12 Ezéchiel 16.57 Ezéchiel 16.37 Ezéchiel 23.22 Apocalypse 17.16
²⁸ et fornicata es in filiis Assyriorum eo quod necdum fueris expleta et postquam fornicata es nec sic es satiata
2 Rois 16.7 2 Rois 16.10-16.18 Osée 10.6 Jérémie 2.36 Jérémie 2.18
²⁹ et multiplicasti fornicationem tuam in terra Chanaan cum Chaldeis et nec sic satiata es
2 Rois 21.9 Ezéchiel 23.14-23.21 Juges 2.12-2.19 Ezéchiel 13.14-13.23
³⁰ in quo mundabo cor tuum ait Dominus Deus cum facias omnia haec opera mulieris meretricis et procacis
Jérémie 3.3 Esaïe 3.9 Proverbes 9.13 Esaïe 1.3 Jérémie 4.22
³¹ quia fabricasti lupanar tuum in capite omnis viae et excelsum tuum fecisti in omni platea nec facta es quasi meretrix fastidio augens pretium
Ezéchiel 16.33-16.34 Esaïe 52.3 Ezéchiel 16.39 Osée 12.11 Ezéchiel 16.24-16.25
³² sed quasi mulier adultera quae super virum suum inducit alienos
Jérémie 2.28 Ezéchiel 16.8 Ezéchiel 23.37 Jérémie 2.25 Osée 3.1
³³ omnibus meretricibus dantur mercedes tu autem dedisti mercedes cunctis amatoribus tuis et donabas eis ut intrarent ad te undique ad fornicandum tecum
Osée 8.9-8.10 Esaïe 57.9 Luc 15.30 Joël 3.3 Michée 1.7
³⁴ factumque in te est contra consuetudinem mulierum in fornicationibus tuis et post te non erit fornicatio in eo enim quod dedisti mercedes et mercedes non accepisti factum est in te contrarium
³⁵ propterea meretrix audi verbum Domini
Esaïe 28.14 Ezéchiel 34.7 Amos 7.16 Ezéchiel 13.2 Ezéchiel 20.47
³⁶ haec dicit Dominus Deus quia effusum est aes tuum et revelata est ignominia tua in fornicationibus tuis super amatores tuos et super idola abominationum tuarum in sanguine filiorum tuorum quos dedisti eis
Ezéchiel 23.10 Lamentations 1.9 Ezéchiel 16.15-16.22 Ezéchiel 24.13 Ezéchiel 23.29
³⁷ ecce ego congregabo omnes amatores tuos quibus commixta es et omnes quos dilexisti cum universis quos oderas et congregabo eos super te undique et nudabo ignominiam tuam coram eis et videbunt omnem turpitudinem tuam
Osée 2.10 Jérémie 13.22 Lamentations 1.8 Osée 8.10 Osée 2.3
³⁸ et iudicabo te iudiciis adulterarum et effundentium sanguinem et dabo te in sanguinem furoris et zeli
Lévitique 20.10 Genèse 9.6 Sophonie 1.17 Jérémie 18.21 Apocalypse 16.6
³⁹ et dabo te in manus eorum et destruent lupanar tuum et demolientur prostibulum tuum et denudabunt te vestimentis tuis et auferent vasa decoris tui et derelinquent te nudam plenamque ignominia
Osée 2.3 Ezéchiel 23.26 Ezéchiel 16.24-16.25 Ezéchiel 7.22-7.24 Ezéchiel 16.10-16.20
⁴⁰ et adducent super te multitudinem et lapidabunt te lapidibus et trucidabunt te gladiis suis
Ezéchiel 23.47 Habakuk 1.6-1.10 Jean 8.5-8.7 Jérémie 25.9 Ezéchiel 23.10
⁴¹ et conburent domos tuas igni et facient in te iudicia in oculis mulierum plurimarum et desines fornicari et mercedes ultra non dabis
Ezéchiel 23.48 Ezéchiel 23.27 Jérémie 52.13 Jérémie 39.8 2 Rois 25.9
⁴² et requiescet indignatio mea in te et auferetur zelus meus a te et quiescam nec irascar amplius
Ezéchiel 5.13 Ezéchiel 39.29 Esaïe 40.1-40.2 Zacharie 6.8 Esaïe 54.9-54.10
⁴³ eo quod non fueris recordata dierum adulescentiae tuae et provocasti me in omnibus his quapropter et ego vias tuas in capite tuo dedi ait Dominus Deus et non feci iuxta scelera tua in omnibus abominationibus tuis
Ezéchiel 16.22 Psaumes 78.42 Ezéchiel 11.21 Ezéchiel 22.31 Psaumes 106.13
⁴⁴ ecce omnis qui dicit vulgo proverbium in te adsumet illud dicens sicut mater ita et filia eius
Ezéchiel 18.2-18.3 1 Samuel 24.13 2 Rois 17.11 Esdras 9.1 Ezéchiel 16.3
⁴⁵ filia matris tuae es tu quae proiecit virum suum et filios suos et soror sororum tuarum tu quae proiecerunt viros suos et filios suos mater vestra Cetthea et pater vester Amorreus
Esaïe 1.4 Zacharie 11.8 Ezéchiel 23.37-23.39 Romains 1.30-1.31 Ezéchiel 16.15
⁴⁶ et soror tua maior Samaria ipsa et filiae eius quae habitat ad sinistram tuam soror autem tua minor te quae habitat a dextris tuis Sodoma et filiae eius
Ezéchiel 23.4 Ezéchiel 16.51 Jérémie 3.8-3.11 Ezéchiel 16.48-16.49 Ezéchiel 16.61
⁴⁷ sed nec in viis earum ambulasti neque secundum scelera earum fecisti pauxillum minus paene sceleratiora fecisti illis in omnibus viis tuis
2 Rois 21.9 Ezéchiel 16.51 Ezéchiel 16.48 Ezéchiel 5.6-5.7 1 Rois 16.31
⁴⁸ vivo ego dicit Dominus Deus quia non fecit Sodoma soror tua ipsa et filiae eius sicut fecisti tu et filiae tuae
Matthieu 10.15 Marc 6.11 Actes 7.52 Matthieu 11.23-11.24 Luc 10.12
⁴⁹ ecce haec fuit iniquitas Sodomae sororis tuae superbia saturitas panis et abundantia et otium ipsius et filiarum eius et manum egeno et pauperi non porrigebant
Psaumes 138.6 Genèse 13.10 Ezéchiel 18.12 Esaïe 3.9 Ezéchiel 18.16
⁵⁰ et elevatae sunt et fecerunt abominationes coram me et abstuli eas sicut vidisti
Genèse 13.13 Genèse 19.5 Genèse 18.20 Genèse 19.24 Esaïe 13.19
⁵¹ et Samaria dimidium peccatorum tuorum non peccavit sed vicisti eas sceleribus tuis et iustificasti sorores tuas in omnibus abominationibus tuis quas operata es
Jérémie 3.8-3.11 Romains 3.9-3.20 Luc 12.47-12.48 Matthieu 12.41-12.42
⁵² ergo et tu porta confusionem tuam quae vicisti sorores tuas peccatis tuis sceleratius agens ab eis iustificatae sunt enim a te ergo et tu confundere et porta ignominiam tuam quae iustificasti sorores tuas
Matthieu 7.1-7.5 Ezéchiel 16.56 Ezéchiel 36.6-36.7 1 Samuel 24.17 Romains 1.32-2.1
⁵³ et convertam restituens eas conversione Sodomorum cum filiabus suis et conversione Samariae et filiarum eius et convertam reversionem tuam in medio earum
Esaïe 19.24-19.25 Ezéchiel 29.14 Ezéchiel 39.25 Psaumes 85.1 Jérémie 49.6
⁵⁴ ut portes ignominiam tuam et confundaris in omnibus quae fecisti consolans eas
Jérémie 2.26 Ezéchiel 14.22-14.23 Ezéchiel 16.52 Ezéchiel 36.31-36.32 Ezéchiel 16.63
⁵⁵ et soror tua Sodoma et filiae eius revertentur ad antiquitatem suam et Samaria et filiae eius revertentur ad antiquitatem suam et tu et filiae tuae revertimini ad antiquitatem vestram
Malachie 3.4 Ezéchiel 36.11 Ezéchiel 16.53
⁵⁶ non fuit autem Sodoma soror tua audita in ore tuo in die superbiae tuae
Luc 15.28-15.30 Esaïe 65.5 Luc 18.11 Sophonie 3.11
⁵⁷ antequam revelaretur malitia tua sicut hoc tempore in obprobrium filiarum Syriae et cunctarum in circuitu tuo filiarum Palestinarum quae ambiunt te per gyrum
2 Rois 16.5-16.7 2 Chroniques 28.18-28.23 Ezéchiel 16.36-16.37 Esaïe 7.1 2 Chroniques 28.5-28.6
⁵⁸ scelus tuum et ignominiam tuam tu portasti ait Dominus Deus
Ezéchiel 23.49 Genèse 4.13 Lamentations 5.7
⁵⁹ quia haec dicit Dominus Deus et faciam tibi sicut dispexisti iuramentum ut irritum faceres pactum
Ezéchiel 17.19 Esaïe 24.5 Ezéchiel 7.8-7.9 Romains 2.8-2.9 Jérémie 31.32
⁶⁰ et recordabor ego pacti mei tecum in diebus adulescentiae tuae et suscitabo tibi pactum sempiternum
Jérémie 50.5 Lévitique 26.42 Jérémie 32.38-32.41 Hébreux 12.24 Ezéchiel 16.8
⁶¹ et recordaberis viarum tuarum et confunderis cum receperis sorores tuas te maiores cum minoribus tuis et dabo eas tibi in filias sed non ex pacto tuo
Hébreux 8.13 Galates 4.26-4.31 Romains 15.16 Esaïe 66.7-66.12 Romains 11.11
⁶² et suscitabo ego pactum meum tecum et scies quia ego Dominus
Jérémie 24.7 Ezéchiel 6.7 Ezéchiel 39.22 Ezéchiel 20.43-20.44 Joël 3.17
⁶³ ut recorderis et confundaris et non sit tibi ultra aperire os prae confusione tua cum placatus fuero tibi in omnibus quae fecisti ait Dominus Deus
Romains 3.19 Daniel 9.7-9.8 Psaumes 39.9 Ezéchiel 36.31-36.32 Romains 5.1-5.2