1 Ghjunsenu da mare indà, inde a cuntrata di i Geraseni.
Marc 4.35 Luc 8.26-8.39 Matthieu 8.28-8.34
2 Sbarcatu ch’ellu fù Ghjesù, un omu esciutu da e tombe è pigliatu da un spiritu malignu li vense à u scontru.
Marc 1.23 Esaïe 65.4 Marc 5.8 Marc 7.25 Marc 1.26
3 Quell’omu s’era accasatu inde e tombe è nimu a li facia à ligallu, puru cù e catene.
Daniel 4.32-4.33 Esaïe 65.4 Marc 9.18-9.22 Luc 8.29
4 Chì era statu à spessu impastughjatu è incatenatu, ma avia strappatu e catene è rottu e pastoghje, è nimu u pudia dumà.
Jacques 3.7-3.8
5 È si ne stava ghjornu è notte pè e tombe è pè e muntagne, briunendu è lacerendusi cù e petre.
Job 2.7-2.8 1 Rois 18.28 Jean 8.44
6 Videndu à Ghjesù da luntanu, corse è li s’inghjinuchjò.
Jacques 2.19 Luc 4.41 Psaumes 66.3 Actes 16.17 Psaumes 72.9
7 È à voce rivolta, disse : « chì ci hè da mè à tè, o Ghjesù, Figliolu di Diu l’Altissimu ? À nome di Diu, a ti dumandu, ùn mi turmentà. »
Matthieu 8.29 Actes 16.17 Matthieu 4.3 Luc 8.28 Apocalypse 12.12
8 Era per via chì Ghjesù li dicia : « esci da st’omu, o spiritu malignu. »
Marc 9.25-9.26 Actes 16.18 Marc 1.25
9 Ghjesù li dumandò : « cumu ti chjami ? » Ellu rispose : « u mio nome è Legione, perchè simu parechji. »
Matthieu 26.53 Luc 8.30 Matthieu 12.45 Luc 11.21-11.26 Marc 5.15
10 È u supplicava assai d’un scunvialli da u lucale.
Marc 3.22 Marc 5.13
11 Or vicinu à a muntagna, c’era una grossa banda di maghjali chì pasculavanu.
Luc 8.32 Lévitique 11.7-11.8 Deutéronome 14.8 Esaïe 65.4 Esaïe 66.3
12 È i spiriti u supplicavanu dicenduli : « mandaci inde i maghjali ch’è no’ci entrimu. »
2 Corinthiens 2.11 1 Pierre 5.8 Job 1.10-1.12 Job 2.5 Luc 22.31-22.32
13 È Ghjesù a li cuncesse. Tandu i spiriti maligni, esciuti da l’omu, entronu inde i maghjali, a banda di guasi due mila capi, si frumbò da l’elpa è s’annegò in mare.
Job 1.12 Apocalypse 9.11 1 Rois 22.22 Apocalypse 13.5-13.7 1 Pierre 3.22
14 Quelli chì i facianu pasce si ne fughjinu, sparghjendu a nutizia in cita è pè a campagna è a ghjente andò à vede ciò chì era stalvatu.
Matthieu 8.33 Luc 8.34
15 Ghjunta duv’ellu era Ghjesù, è videndu u indemuniatu, quellu chì avia avutu addossu a legione di i demonii, chì pusava, vestutu è assinnatu, a ghjente s’intimurì.
Marc 5.9 2 Timothée 1.7 Colossiens 1.13 1 Samuel 6.20-6.21 Job 13.11
16 I testimoni di u fattu racuntonu ciò chì era successu à u indemuniatu è quella di i maghjali.
17 È senz’altru a ghjente supplicò à Ghjesù d’andassine da i so lochi.
Matthieu 8.34 Actes 16.39 Marc 1.24 Marc 5.7 Luc 8.37
18 Mentre ch’ellu imbarcava, quellu ch’era statu indemuniatu li dumandava a grazia di stà cun ellu.
Luc 8.38-8.39 Psaumes 116.12 Luc 17.15-17.17 Philippiens 1.23-1.24 Marc 5.7
19 Ghjesù ùn a li cuncesse, ma li disse : « vaitine in casa toia è raconta à e to ghjente tuttu ciò chì u Signore ti hà fattu, è, cum’ellu hà avutu pietà di tè. »
Psaumes 66.16 Daniel 6.25-6.27 Daniel 4.1-4.3 Daniel 4.37 Actes 26.4-26.29
20 È l’omu si n’andò, principiendu à annunzia in a Decapola, tuttu ciò chì Ghjesù avia fattu in so favore. È tutti ne eranu meravigliati.
Matthieu 4.25 Marc 7.31
21 Ghjesù essendu vultatu [in barca] da mare in dà, un immensa folla li s’accolse in giru. Ed era vicinu à u mare.
Matthieu 9.1 Marc 4.1 Luc 8.40
22 È tandu ghjunse à truvallu unu di i capisinagoga chjamatu Ghjaìru, chì, à tempu vistulu, li s’inghjinuchjò à i pedi,
Luc 13.14 Actes 18.8 Actes 13.15 Actes 18.17 Marc 5.33
23 È li si ricumandò tantu, dicendu : « a mio figliola hè in puntu di morte, veni è imponili e mane ch’ella sia salva è pudè campà. »
Marc 16.18 Luc 4.40 Luc 13.13 Actes 28.8 2 Samuel 12.15-12.16
24 È Ghjesù partì cun ellu.
È una folla maiò u seguitava stringhjenduli si.
Marc 5.31 Luc 8.42 Marc 3.20 Luc 12.1 Marc 3.9-3.10
25 È ci era una donna chì, dapoi dodeci anni perdia u sangue,
Lévitique 15.25-15.27 Luc 13.11 Luc 8.43-8.44 Matthieu 9.20-9.22 Lévitique 15.19-15.20
26 avia suffertu assai in manu à parechji medici è ci avia lasciatu tuttu u soiu senza riescita, chì andava ancu peghjurendu,
Jérémie 51.8 Psaumes 108.12 Job 13.4 Jérémie 8.22 Jérémie 30.12-30.13
27 avendu intesu parlà di Ghjesù, si frafullò per da retru è li tuccò u vestitu.
Actes 19.12 Actes 5.15 Marc 6.56 2 Rois 13.21 Matthieu 14.36
28 Chì dicia : « basta ch’o’tocchi u so vestitu è saraghju salvata. »
29 U sangue cessò subitu di corre, è a donna seppe in tutta a so persona ch’ella era guarita da u so male.
Marc 3.10 Marc 5.34 Job 33.24-33.25 Psaumes 103.3 Lévitique 20.18
30 È senz’altru, Ghjesù, chì s’avvide in ellu stessu chì una forza l’era surtita, si girò versu a folla è disse : « Quale hà toccu u mio vestitu ? »
Luc 6.19 Luc 5.17 Luc 8.46 1 Pierre 2.9
31 I so discepuli li dissenu : « ùn vedi cumu chì a folla ti si stringhje, è dumandi : quale mi hà toccu ? »
Luc 9.12 Luc 8.45
32 Ma ellu guardava à tutti per vede quella ch’era a cagione di stu fattu.
33 È a donna intimurita è tremulone, sapendu ciò chì l’era successu, s’avvicinò, li si lampò à i pedi è li disse tutta a verità.
Luc 1.12 Luc 8.47 Psaumes 103.2-103.5 Psaumes 30.2 Marc 4.41
34 È Ghjesù li disse : « o figliola, a to fede t’hà salvatu. Vai in pace, è sìa guarita da u tò male. »
Matthieu 9.22 Luc 8.48 Luc 7.50 Luc 18.42 Matthieu 9.2
35 Mentre ch’ellu parlava, ghjunse ghjente da a casa di u capisinagoga, per dì à quellu : « a to figliola hè morta. Chì disturbi sempre u Maestru ? »
Marc 5.22 Jean 11.28 Jean 11.39 Jean 5.25 Jean 11.21
36 Ghjesù ch’avìa intesu issu discorsu disse à u capisinagoga : « ùn teme. Abbii a fede è basta. »
Luc 8.50 Romains 4.18-4.24 Matthieu 9.28-9.29 Marc 5.34 Marc 9.23
37 È ùn permesse à nimu di seguitallu, fora di Petru, Ghjacumu è Ghjuvanni, u fratellu di Ghjacumu.
Marc 14.33 Actes 9.40 Marc 9.2 Luc 8.51 2 Corinthiens 13.1
38 Ghjunsenu in casa di u capisinagoga, è Ghjesù vide u cunbugliu, cù ghjente chì pienghjia è briunava assai.
Luc 8.52-8.53 Matthieu 11.17 Marc 5.22 Jérémie 9.17-9.20 Actes 9.39
39 Entratu ch’ellu fù, disse : « cumu hè chè voi v’affannate ? Chì hè issu cumbugliu è chì sò issi pienti ? A zitella ùn n’hè morta chì dorme. »
Actes 20.10 Daniel 12.2 1 Thessaloniciens 5.10 Jean 11.11-11.13 1 Corinthiens 11.30
40 A ghjiente si ne ridia, ma ellu fenduli esce tutti, pigliò u babbu è a mamma è quelli chì l’avianu accumpagnatu, è entrò induv’ella era a zitella.
Psaumes 123.3-123.4 Job 12.4 Matthieu 7.6 Néhémie 2.19 Genèse 19.14
41 Pigliendu a zitella per a manu li disse : « talita cumi », ciò chì vole dì : « o zitella, ti dicu d’arrizzati ».
Marc 1.31 Jean 5.28-5.29 Luc 7.14-7.15 Jean 11.43-11.44 Luc 8.54-8.55
42 A zitella s’arrizzò subitu è viaghjò chì avìa dodeci anni. Firmonu sbalurditi da tamanta meraviglia.
Marc 7.37 Actes 3.10-3.13 Marc 1.27 Marc 4.41 Marc 6.51
43 Ma ellu li si ricumandò assai chì nimu sappia ciò chì s’era passatu è li disse di fà manghjà a zitella.
Matthieu 8.4 Matthieu 17.9 Marc 7.36 Marc 1.43 Luc 5.14