1 In quellu tempu, un sabbatu, capitò chì Ghjesù passava pè un campu di granu. I so discepuli avianu a fame è messenu à sgranà e spiche è à manghjà si le.
Deutéronome 23.25 Marc 2.23-2.28 Luc 6.1-6.5
2 Videndu quessa, i Farusei li dicenu : « guarda chì i to discepuli facenu una cosa ch’ùn hè permessa u sabbatu. »
Matthieu 12.10 Luc 14.3 Exode 20.9-20.11 Exode 23.12 Jean 9.14-9.16
3 È ellu li risponde : « soca ùn lighjiste ciò ch’elli anu fattu Davide è quelli chì eranu cun ellu, quand’elli ebbenu a fame ?
1 Samuel 21.3-21.6 Luc 6.3 Marc 2.25-2.26 Marc 12.26 Matthieu 21.16
4 Cum’ellu hè entratu in a casa di Diu è hà manghjatu i pani di l’offerta, chì ùn era permessa di manghjà li nè à ellu nè à l’altri, fora di i preti?
Exode 25.30 Lévitique 24.5-24.9 Exode 29.32-29.33 Lévitique 8.31
5 È soca ùn sapete chì, secondu a Lege, i preti storcenu a lege di u sabbatu in u tempiu è ch’elli ùn sò micca culpevuli?
Nombres 28.9-28.10 Jean 7.22-7.23 Ezéchiel 24.21
6 È bè eu vi dicu chì quì ci hè qualcosa più grande chè u tempiu.
Matthieu 12.41-12.42 2 Chroniques 6.18 Malachie 3.1 Matthieu 23.17-23.21 1 Pierre 2.4-2.5
7 S’è vo aviate sappiutu ciò ch’ella vole dì :
vogliu a misericordia, micca u sacrifiziu’, ùn aviate micca cundannatu quelli ch’ùn sò micca culpevuli.
Matthieu 9.13 Osée 6.6 Michée 6.6-6.8 Psaumes 109.31 Psaumes 94.21
8 Chì u patrone di u sabbatu hè u Figliolu di l’Omu. »
Marc 2.28 Matthieu 9.6 Luc 6.5 Matthieu 8.20 1 Corinthiens 16.2
9 È andendu si ne da custì ghjunse à una sinagoga di quella ghjente,
Luc 6.6-6.11 Marc 3.1-3.6
10 ed eccu un omu chì avia una manu secca. Ed elli li dumandanu s’ella hè permessa di guarisce in sabbatu, per pudè lu accusà.
Luc 13.14 Jean 9.16 1 Rois 13.4-13.6 Luc 11.54 Matthieu 12.2
11 Ellu li risponde : « ci serà trà di voi un omu chì ùn hà chè una pecura è, s’ella casca in un tufone un sabbatu, ùn l’hà micca da aguantà è francà la da a morte ?
Luc 14.5 Exode 23.4-23.5 Deutéronome 22.4 Luc 13.15-13.17
12 Or tamanta differenza da un omu à una pecura ! In manera chì hè permessa, in sabbatu, di fà u bè. »
Matthieu 6.26 Matthieu 10.31 Luc 12.24 Marc 3.4 Luc 6.9
13 Allora dice à l’omu : « stendi a to manu. » Quellu a stese è li fù resa sana cum’è l’altra.
Luc 13.13 Actes 3.7-3.8
14 I Farusei surtinu è si cunsultonu per sapè cume fà per tumbà lu.
Jean 11.53 Matthieu 27.1 Jean 10.39 Marc 3.6 Jean 5.18
15 Ghjesù chì a sapia si n’andete da custì. È venianu cun ellu a ghjente assai. Ellu i guaria tutti
Matthieu 10.23 Matthieu 19.2 Marc 3.7-3.12 Luc 6.12 1 Pierre 2.21
16 è l’ammunestò ch’elli ùn lu mettessinu micca à palesu,
Matthieu 17.9 Matthieu 8.4 Matthieu 9.30 Marc 7.36 Luc 5.14-5.15
17 da ch’ella fussi fatta a parolla di Diu, detta da u prufeta Isaia :
Esaïe 42.9 Esaïe 42.1-42.4 Jean 19.28 Esaïe 44.26 Jean 12.38
18 eccu u mo zitellu sceltu da mè,
u mo dilettu, chì mi ralegra l’anima.
L’aghju da pone u mo spiritu addossu
è annunzierà un ghjudiziu à l’altre nazione. Luc 4.18 Esaïe 42.1 Jean 3.34 Romains 15.9-15.12 Esaïe 61.1-61.3
19 Nè mancu liticherà è griderà,
è nimu senterà a so voce per e piazze. Jean 18.36-18.38 2 Timothée 2.24-2.25 Matthieu 11.29 Luc 17.20 2 Corinthiens 10.1
20 Una canna malacevule, ùn la truncherà micca
è una bambace di lumera chì fuma ùn la spenghjerà
sin’à ch’ellu porti a so ghjustizia ver di a vittoria. Esaïe 42.3-42.4 Luc 4.18 Esaïe 61.1-61.3 Psaumes 147.3 2 Rois 18.21
21 È l’altre nazione averanu sperenza in u so nome.’
Esaïe 11.10 Romains 15.12-15.13 Ephésiens 1.12-1.13 Esaïe 42.4 Colossiens 1.27
22 Dopu li purtonu un indimuniatu cecu è mutu è u guarì, è quellu cecu è mutu parlava è ci vidia.
Esaïe 35.5-35.6 Esaïe 29.18 Actes 26.18 Luc 11.14-11.15 Marc 7.35-7.37
23 È tutta issa mansa di a ghjente eranu cummossi è dicianu : « quessu, ùn saria u figliolu di Davide ? »
Matthieu 9.27 Matthieu 22.42-22.43 Matthieu 21.9 Jean 7.40-7.42 Jean 4.29
24 Ma sentendu li i Farusei dicianu : « comu i caccia, questu quì, i demonii, s’ella ùn hè cù a putenza di Belzebù, u capidemoniu. »
Marc 3.22 Matthieu 9.34 Luc 11.15
25 Ghjesù, chì sapia ciò ch’elli avianu in capu, li disse : « ogni regnu chì si smeza hè arruinatu, è ogni cità o casa chì si smeza, arritta ùn pò stà.
Matthieu 9.4 Jérémie 17.10 Galates 5.15 Hébreux 4.13 Psaumes 139.2
26 È Satanassu, s’ellu mette fora à Satanassu, si smeza : dunque u so regnu, arrittu cumu pò stà ?
Colossiens 1.13 1 Jean 5.19 Jean 14.30 2 Corinthiens 4.4 Jean 12.31
27 Ed eu, s’è cacciu i demonii cù a putenza di Belzebù, i vostri, cù a putenza di quale i caccianu ? À quessa i vostri fidati v’anu da ghjudicà.
Actes 19.13-19.16 Luc 11.19 Marc 9.38-9.39 Luc 9.49-9.50 Matthieu 12.41-12.42
28 Or s’eu cacciu i demonii cù a putenza di u spiritu di Diu, hè chì u regnu di Diu vi hè sopra.
Luc 11.20 Matthieu 21.31 Colossiens 1.13 Matthieu 12.18 Matthieu 21.43
29 Cume pò entre unu in casa di l’omu furzutu, è piglià si a so robba s’è, prima, ùn hà ligatu l’omu furzutu ? tandu sì chì s’hà da piglià tuttu in casa.
Marc 3.27 Esaïe 53.12 Esaïe 49.24 Apocalypse 12.7-12.10 Apocalypse 20.7-20.9
30 À chì ùn hè cun mè, hè contru à mè, è à chì ùn arricoglie cun mè, face à spula spula.
Marc 9.40 Luc 11.23 Luc 9.50 1 Jean 2.19 2 Corinthiens 6.15-6.16
31 È perciò a vi dicu : ogni peccatu è ogni ghjistema seranu perdunati à l’omi, ma a ghjistema contru à u Spiritu ùn serà perdunata.
Luc 12.10 Marc 3.28-3.30 Hébreux 10.26 Hébreux 6.4 1 Jean 5.16
32 È à chì dicerà una parolla contru à u Figliolu di l’Omu, li serà perdunata ; ma à chì parlerà contru à u Spiritu Santu, ùn li serà perdunata, nè in stu seculu quì nè in quellu ch’hà da vene. »
Marc 3.29 Matthieu 11.19 Ephésiens 1.21 Tite 2.12 Hébreux 6.4-6.6
33 « Pigliate un arburu bellu, è i frutti l’averà belli ; pigliate ne unu fracicu, i frutti l’averà fracichi, chì l’arburu si cunnosce à i frutti.
Luc 6.43-6.44 Matthieu 7.16-7.20 Amos 5.15 Jacques 4.8 Ezéchiel 18.31
34 O mansa di furdani, cume pudete dì u bonu, gattivi cum’è voi site ? Chì a bocca parla cù u sbarsu di u core.
Luc 6.45 Matthieu 15.18 Jacques 3.5-3.8 Ephésiens 4.29 1 Samuel 24.13
35 L’omu bravu piglia u bonu in u so tesoru pienu à cose bone, è l’omu gattivu piglia u gattivu in u so tesoru pienu à cose gattive.
Colossiens 4.6 Proverbes 10.20-10.21 Matthieu 13.52 Colossiens 3.16 Proverbes 25.11-25.12
36 Or vi dicu chì ogni parolla indarnu ch’elli anu da dì l’omi, n’anu da rende contu u ghjornu di u ghjudiziu.
Ecclésiaste 12.14 Jude 1.14-1.15 Apocalypse 20.12 Romains 2.16
37 Chì serai ghjustificatu secondu e to parolle, è secondu e to parolle serai ghjudicatu. »
Proverbes 13.3 Jacques 2.21-2.25
38 Tandu unepochi di scribi è di Farusei li rispondenu dicendu : « o Maestru, vulemu vede un segnu da tè. »
1 Corinthiens 1.22 Jean 2.18 Marc 8.11-8.12 Luc 11.16 Luc 11.29
39 Ellu risponde è dice : « una generazione pessima è leggera cerca un segnu, è segnu ùn li si ne derà, fora di u segnu di Ghjona u prufeta.
Matthieu 16.4 Luc 11.29-11.32 Jacques 4.4 Marc 8.38 Esaïe 57.3
40 Chì cum’
ellu hè statu Ghjona trè ghjorni è trè notte in corpu à u pesciu tamantu, cusì u figliolu di l’Omu hà da stà trè ghjorni è trè notte in u core di a terra.
Jonas 1.17 Matthieu 16.21 Matthieu 17.23 Matthieu 8.20 Matthieu 27.63-27.64
41 U ghjornu di u ghjudiziu l’omi di Niniva s’anu da pisà cù sta generazione è l’anu da cundannà, chì anu mutatu andatura cù a predicazione di Ghjona; è puru quì, ci hè unu più maiò chè Ghjona.
Matthieu 12.42 Matthieu 12.6 Hébreux 11.7 Romains 2.27 Esaïe 54.17
42 U ghjornu di u ghjudiziu a regina di u Meziornu s’hà da sveglià cù sta generazione è l’hà da cundannà, chì da e cunfine di a terra era ghjunta à sente a saviezza di Salamone; è puru quì, ci ne hè unu più maiò chè Salamone. »
Hébreux 1.2-1.4 2 Chroniques 9.1-9.12 1 Rois 10.1-10.13 Luc 11.31-11.32 Matthieu 17.5
43 « È quand’ellu hè surtitu da l’omu u spiritu impuru, passa per i lochi senza acqua ; cerca riposu ma ùn ne trova.
Psaumes 63.1 Matthieu 8.29 Esaïe 41.18 Esaïe 35.6-35.7 Ezéchiel 47.8-47.12
44 Tandu dice : ‘aghju da vultà in casa mea da induv’è mi ne sò andatu ;’ è di vultata trova a casa viota, pulita ed assestata.
Luc 11.21-11.22 Matthieu 12.29 2 Thessaloniciens 2.9-2.12 1 Timothée 6.4-6.5 Apocalypse 13.3-13.4
45 Tandu và è si piglia cun ellu sette spiriti ancu più pessimi, è po entrenu è piglianu pusessu ; è à l’ultima issu omu hè peghju chè à principiu. È cusì serà pè issa generazione pessima. »
Hébreux 6.4-6.8 Marc 5.9 Luc 11.26 Hébreux 10.26-10.31 Matthieu 23.32-23.39
46 Mentre ch’ellu parlava cù a ghjente accolta, eccu chì a mamma è i fratelli stavanu fora è li vulianu parlà.
Actes 1.14 Galates 1.19 Jean 2.12 Matthieu 13.55 Marc 6.3
47 Li dice unu : « eccu a to mamma è i to fratelli chì sò fora è ti volenu parlà. »
48 Ellu risponde à quellu chì li dicia cusì : « quale hè a mo mamma è quale sò i mo fratelli ? »
Jean 2.3-2.4 Deutéronome 33.9 2 Corinthiens 5.16 Matthieu 10.37 Marc 3.32-3.33
49 È stendendu a manu ver di i so discepuli dice : « eccu a mo mamma è i mo fratelli.
Jean 17.20 Jean 20.17-20.20 Jean 17.8-17.9 Matthieu 28.7 Marc 3.34
50 Chì à chì ferà a vuluntà di u mo babbu chì hè in i celi, quessu hè u mo fratellu, a mo surella è a mo mamma. »
Jean 15.14 Marc 3.35 Luc 8.21 Romains 8.29 Matthieu 7.20-7.21