Esaïe 49
Vulgate

Le Sauveur d’Israël et des nations

1 audite insulae et adtendite populi de longe Dominus ab utero vocavit me de ventre matris meae recordatus est nominis mei
Jérémie 1.5 Esaïe 44.2 Galates 1.15 Esaïe 49.5 Esaïe 42.1-42.4
2 et posuit os meum quasi gladium acutum in umbra manus suae protexit me et posuit me sicut sagittam electam in faretra sua abscondit me
Esaïe 11.4 Apocalypse 1.16 Esaïe 51.16 Hébreux 4.12 Osée 6.5
3 et dixit mihi servus meus es tu Israhel quia in te gloriabor
Esaïe 44.23 Zacharie 3.8 Esaïe 52.13 1 Pierre 2.9 Esaïe 42.1
4 et ego dixi in vacuum laboravi sine causa et vane fortitudinem meam consumpsi ergo iudicium meum cum Domino et opus meum cum Deo meo
Esaïe 53.10-53.12 Esaïe 65.23 Esaïe 62.11 Galates 4.11 Psaumes 22.22-22.31
5 et nunc dicit Dominus formans me ex utero servum sibi ut reducam Iacob ad eum et Israhel non congregabitur et glorificatus sum in oculis Domini et Deus meus factus est fortitudo mea
1 Pierre 3.22 Matthieu 17.5 Matthieu 28.18 Matthieu 3.17 Jean 5.20-5.27
6 et dixit parum est ut sis mihi servus ad suscitandas tribus Iacob et feces Israhel convertendas dedi te in lucem gentium ut sis salus mea usque ad extremum terrae
Actes 13.47 Luc 2.32 Esaïe 42.6 Luc 24.46-24.47 Actes 26.18
7 haec dicit Dominus redemptor Israhel Sanctus eius ad contemptibilem animam ad abominatam gentem ad servum dominorum reges videbunt et consurgent principes et adorabunt propter Dominum quia fidelis est et Sanctum Israhel qui elegit te
Matthieu 26.67 Esaïe 53.3 1 Pierre 2.4 Psaumes 22.6-22.8 Esaïe 52.15
8 haec dicit Dominus in tempore placito exaudivi te et in die salutis auxiliatus sum tui et servavi te et dedi te in foedus populi ut suscitares terram et possideres hereditates dissipatas
2 Corinthiens 6.2 Esaïe 42.6 Psaumes 69.13 Esaïe 61.4 Actes 2.24-2.32
9 ut diceres his qui vincti sunt exite et his qui in tenebris revelamini super vias pascentur et in omnibus planis pascua eorum
Esaïe 42.7 Esaïe 42.16 Esaïe 61.1 Esaïe 41.18 Luc 4.18
10 non esurient neque sitient et non percutiet eos aestus et sol quia miserator eorum reget eos et ad fontes aquarum portabit eos
Apocalypse 7.16-7.17 Esaïe 14.1 Esaïe 33.16 Jean 10.3-10.4 Esaïe 35.7
11 et ponam omnes montes meos in viam et semitae meae exaltabuntur
Esaïe 11.16 Esaïe 62.10 Jean 14.6 Esaïe 57.14 Psaumes 107.7
12 ecce isti de longe venient et ecce illi ab aquilone et mari et isti de terra australi
Esaïe 43.5-43.6 Luc 13.29 Psaumes 22.27 Esaïe 11.10-11.11 Psaumes 72.10-72.11
13 laudate caeli et exulta terra iubilate montes laudem quia consolatus est Dominus populum suum et pauperum suorum miserebitur
Esaïe 44.23 Esaïe 51.3 Esaïe 40.1-40.2 Luc 2.13-2.14 2 Thessaloniciens 2.16-2.17
14 et dixit Sion dereliquit me Dominus et Dominus oblitus est mei
Esaïe 40.27 Jérémie 23.39 Psaumes 13.1 Psaumes 77.6-77.9 Psaumes 22.1
15 numquid oblivisci potest mulier infantem suum ut non misereatur filio uteri sui et si illa oblita fuerit ego tamen non obliviscar tui
Esaïe 44.21 Osée 11.1 Psaumes 103.13 Romains 11.28-11.29 Malachie 3.17
16 ecce in manibus meis descripsi te muri tui coram oculis meis semper
Psaumes 48.12-48.13 Esaïe 60.18 Exode 13.9 Esaïe 62.6 Aggée 2.23
17 venerunt structores tui destruentes te et dissipantes a te exibunt
Esaïe 51.22-51.23 Esaïe 62.5 Esaïe 51.13 Esaïe 51.18-51.20 Esaïe 49.19
18 leva in circuitu oculos tuos et vide omnes isti congregati sunt venerunt tibi vivo ego dicit Dominus quia omnibus his velut ornamento vestieris et circumdabis tibi eos quasi sponsa
Esaïe 54.1-54.3 Esaïe 54.9 Esaïe 66.12-66.13 Esaïe 54.7 Esaïe 61.10
19 quia deserta tua et solitudines tuae et terra ruinae tuae nunc angusta erunt prae habitatoribus et longe fugabuntur qui absorbebant te
Zacharie 10.10 Osée 1.10-1.11 Psaumes 56.1-56.2 Esaïe 54.1-54.2 Esaïe 49.25-49.26
20 adhuc dicent in auribus tuis filii sterilitatis tuae angustus mihi est locus fac spatium mihi ut habitem
Osée 1.10 Esaïe 54.1-54.3 Galates 4.26-4.28 Esaïe 51.3 Josué 17.14-17.16
21 et dices in corde tuo quis genuit mihi istos ego sterilis et non pariens transmigrata et captiva et istos quis enutrivit ego destituta et sola et isti ubi hic erant
Romains 11.24 Esaïe 54.3-54.8 Lamentations 1.1-1.3 Esaïe 3.26 Esaïe 64.10
22 haec dicit Dominus Deus ecce levo ad gentes manum meam et ad populos exaltabo signum meum et adferent filios tuos in ulnis et filias tuas super umeros portabunt
Esaïe 14.2 Psaumes 67.4-67.7 Luc 13.29 Malachie 1.11 Psaumes 86.9
23 et erunt reges nutricii tui et reginae nutrices tuae vultu in terra dimisso adorabunt te et pulverem pedum tuorum lingent et scies quia ego Dominus super quo non confundentur qui expectant eum
Esaïe 60.16 Esaïe 60.3 Michée 7.17 Esaïe 60.14 Esaïe 60.10-60.11
24 numquid tolletur a forte praeda aut quod captum fuerit a robusto salvum esse poterit
Matthieu 12.29 Ezéchiel 37.3 Luc 11.21-11.22 Psaumes 124.6-124.7 Néhémie 9.33
25 quia haec dicit Dominus equidem et captivitas a forte tolletur et quod ablatum fuerit a robusto salvabitur eos vero qui iudicaverunt te ego iudicabo et filios tuos ego salvabo
Jérémie 50.33-50.34 Esaïe 35.4 Esaïe 54.15-54.17 Esaïe 41.11-41.12 Esaïe 54.13
26 et cibabo hostes tuos carnibus suis et quasi musto sanguine suo inebriabuntur et sciet omnis caro quia ego Dominus salvans te et redemptor tuus Fortis Iacob
Esaïe 9.20 Ezéchiel 39.7 Apocalypse 16.6 Esaïe 45.6 Apocalypse 15.3-15.4