A Parola divintò carri
1 À principiu ci era a Parola, è a Parola era à cantu à Diu, è a Parola era Diu.
1 Jean 1.1-1.2 Jean 17.5 Genèse 1.1 Jean 1.14 Apocalypse 19.13
2 Edda à principiu era à cantu à Diu.
3 Tuttu si feci par via d’edda, è nudda di ciò chì hè statu fattu si feci senza edda.
Colossiens 1.16-1.17 1 Corinthiens 8.6 Apocalypse 4.11 Jean 1.10 Psaumes 33.6
4 In edda era a vita, è a vita era a luci di l’omini
Jean 8.12 Jean 11.25 Jean 5.26 Jean 14.6 Jean 12.46
5 È a luci luccicheghja in la bughjura, è u bughju ùn li feci locu.
1 Corinthiens 2.14 Jean 3.19-3.20 Jean 12.36-12.40 Romains 1.28 Job 24.13-24.17
6 Ci fù un omu, mandatu da Diu, si chjamaia Ghjuvanni.
Malachie 3.1 Jean 3.28 Jean 1.33 Esaïe 40.3-40.5 Luc 1.13
7 Ghjunsi com’è tistimoniu, da tistimunià pà a luci, chì tutti cridissini par via d’eddu.
Actes 19.4 Jean 5.33-5.35 Jean 1.19 Jean 3.26-3.36 Jean 1.12
8 Eddu a luci ùn era, ma vensi à tistimunià pà a luci.
Jean 1.20 Actes 19.4 Jean 3.28
9 Era a luci a vera chì, vinindu in lu mondu, allumineghja ogni omu.
1 Jean 2.8 Esaïe 49.6 Jean 12.46 Jean 1.4 Jean 1.7
10 Era in u mondu, è u mondu fù par via d’edda, è u mondu ùn la cunnisciti.
Jean 17.25 Hébreux 11.3 1 Jean 3.1 Actes 17.24-17.27 1 Corinthiens 1.21
11 Vensi in li so lochi è i soii ùn li fecini locu.
Esaïe 53.2-53.3 Jean 3.32 Luc 20.13-20.15 Luc 19.14 Matthieu 15.24
12 À tutti quiddi chì a ricivitini, li deti u puteri di divintà fiddoli di Diu, à quiddi chì credini in lu so nomu,
Galates 3.26 1 Jean 3.1 2 Corinthiens 6.17-6.18 Romains 8.14 Colossiens 2.6
13 è chì ùn sò micca nati da u sangui, nè da u vulè di a carri, nè da u vulè di l’omu, ma da Diu.
Jacques 1.18 1 Jean 3.9 1 Pierre 1.23 1 Pierre 1.3 1 Jean 5.4
14 È a parola divintò carri è frà noi alzò a so tenda, è emu vistu a so gloria, com’è a gloria di u Fiddolu unicu di u Babbu, pienu di grazia è di virità.
1 Timothée 3.16 Galates 4.4 Jean 1.1 1 Jean 4.9 Esaïe 40.5
15 Ghjuvanni li faci da tistimoniu, briona è dici : « eccu lu, quiddu di quali aghju dittu : ‘quiddu chì veni dopu à mè, mi hè passatu davanti chì prima cà mè era.’ »
Matthieu 3.11 Jean 3.26-3.36 Jean 17.5 Jean 1.1-1.2 Jean 8.58
16 Chì da a so piinezza emu avutu calcosa noi tutti, grazia è po grazia.
Colossiens 1.19 Romains 5.2 Ephésiens 4.7-4.13 1 Corinthiens 1.4-1.5 Ephésiens 3.19
17 Parchì a Legi fù data da Musè, a grazia è a virità vensini da Ghjesucristu.
Jean 8.32 Jean 14.6 Romains 3.19-3.26 Romains 6.14 Hébreux 9.22
18 À Diu, nimu l’hà vistu mai ; Ma Diu Fiddolu unicu, chì hè in senu à u Babbu, u ci hà fattu cunnoscia.
Colossiens 1.15 1 Jean 4.12 Jean 6.46 1 Timothée 6.16 1 Jean 4.9
A tistimunianza di Ghjuvanni u Battistu
19 Ed eccu a tistimunianza di Ghjuvanni, quandu i Ghjudei li mandetini da Ghjerusalema preti è Leviti par dumandà li : « Tù, quali sè ? »
Jean 10.24 Actes 13.25 Luc 3.15-3.18 Jean 5.33-5.36 Matthieu 21.23-21.32
20 Accittò è ùn li ricusò a risposta, è dissi : « Eiu ùn socu micca u Missia. »
Jean 3.28-3.36 Marc 1.7-1.8 Matthieu 3.11-3.12 Luc 3.15-3.17
21 È li dumandetini : « allora quali sè ? Alia ? » Eddu dissi : « innò. » « Sè un Prufeta ? » È risposi : « innò. »
Matthieu 11.14 Jean 1.25 Matthieu 16.14 Jean 7.40 Malachie 4.5
22 Tandu li dissini : « quali sè ? Chì noi diami una risposta à quiddi chì ci ani mandatu. Tù, chì dici di tè ? »
2 Samuel 24.13
23 Ghjuvanni dissi :
« Eiu,socu a boci di quiddu chì briona in lu disertu :
Apprunteti a strada di u Signori,
com’eddu dissi u Prufeta Isaia. »
Matthieu 3.3 Esaïe 40.3-40.5 Marc 1.3 Luc 1.76-1.79 Luc 1.16-1.17
24 I mandataghji erani ghjenti di i Farusei.
Luc 16.14 Actes 26.5 Jean 3.1-3.2 Matthieu 23.26 Luc 7.30
25 Li faciani dumandi è diciani : « è chì battizi, sì tù ùn sè nè u Missia, nè Alia, nè u Prufeta ? »
Deutéronome 18.18 Jean 1.20-1.22 Daniel 9.24-9.26 Actes 5.28 Deutéronome 18.15
26 Ghjuvanni li risposi è dissi : « eiu battizu in l’acqua ; ma in mezu à voi stà quiddu chì voi ùn cunnisciti,
Luc 3.16 Actes 1.5 Matthieu 3.11 Marc 1.8 Jean 1.10-1.11
27 quiddu veni dopu à mè, ed eiu ùn socu degnu di disciodda li i currighjini di i sanduli. »
Jean 1.30 Matthieu 3.11 Jean 1.15 Marc 1.7 Luc 3.16
28 Issi fatti stalvonu in Betania, da Ghjurdanu in dà, duv’è Ghjuvanni battizaia.
Jean 10.40 Jean 3.23 Juges 7.24 Jean 3.26
L’agneddu di Diu
29 U ghjornu dopu, visti à Ghjesù chì vinia à truvà lu, è dissi ; « eccu l’agneddu di Diu chì caccia i piccati di u mondu.
1 Pierre 1.19 Actes 8.32 1 Jean 3.5 Apocalypse 5.8 Jean 1.36
30 Hè d’eddu ch’e’ aghju dittu : ‘quiddu chì veni dopu à mè mi hè passatu davanti, chì prima cà mè era.’
Jean 1.27 Jean 1.15 Luc 3.16
31 Ed eiu mancu u cunnisciu, ma socu vinutu, eiu chì battizu cù l’acqua, da ch’eddu venghi palesu à Israela. »
Luc 1.17 Marc 1.3-1.5 Matthieu 3.6 Luc 3.3-3.4 Esaïe 40.3-40.5
32 È Ghjuvanni feci issa tistimunianza : « aghju vistu u Spiritu chì falaia da u celi com’è una culomba è chì li staia sopra.
Marc 1.10 Matthieu 3.16 Luc 3.22 Jean 1.7 Jean 5.32
33 Ed eiu mancu u cunnisciu, ma quiddu chì mi hà mandatu à battizà cù l’acqua mi dissi : ‘quiddu chì tù vidarè chì u Spiritu li fala sopra è ci stà, hè eddu chì battiza in lu Spiritu Santu.’
Matthieu 3.11 Actes 1.5 Luc 3.16 Tite 3.5-3.6 Actes 19.2-19.6
34 Ed eiu aghju vistu è purtatu a tistimunianza chì quistu hè u Fiddolu di Diu. »
Matthieu 4.3 Jean 1.49 Psaumes 2.7 Psaumes 89.26-89.27 Matthieu 11.27
I prima discipuli
35 U ghjornu dopu, Ghjuvanni era dinò quandì dà cù dui di i so discipuli
Jean 3.25-3.26 Malachie 3.16
36 è, fighjulendu à Ghjesù chì francaia, dissi : « eccu l’Agneddu di Diu. »
Jean 1.29 1 Pierre 1.19-1.20 Esaïe 65.1-65.2 Hébreux 12.2 Esaïe 45.22
37 È i dui discipuli u intesini è suvitetini à Ghjesù.
Romains 10.17 Zacharie 8.21 Jean 4.39-4.42 Apocalypse 22.17 Jean 1.43
38 Ghjesù si vultò, i visti chì u suvitaiani è li dissi : « chì circheti ? » Ed eddi li risposini : « Rabbì — ciò chì si traduci ‘o Maestru’ — induva stai di casa ? »
Jean 1.49 Jean 18.4 Jean 3.2 Jean 18.7 Jean 20.15-20.16
39 Li dissi : « viniti chì vidareti. » Andetini,viditini duv’eddu staia, è, quiddu ghjornu,stetini cun eddu ; erani quattru ori dopu meziornu.
Luc 24.29 Jean 1.46 Matthieu 11.28-11.30 Proverbes 8.17 Jean 4.40
40 Andria, u frateddu di Simon Petru, era unu di i dui chì aiani intesu à Ghjuvanni è chì aiani suvitatu à Ghjesù.
Marc 1.16-1.20 Matthieu 4.18-4.22 Jean 1.40-1.42 Luc 5.2-5.11 Matthieu 10.2
41 Infattò prima à Simonu u frateddu è li dissi : « emu trovu u Missia. » — ciò chì si traduci ‘u Cristu » —
Jean 4.25 Jean 4.28-4.29 Jean 1.45 Jean 1.36-1.37 Actes 10.38
42 è u purteti ind’è Ghjesù ; Ghjesù u fighjulò è dissi : « tù sè Simonu, u fiddolu di Ghjuvanni, sarè chjamatu Cheffas », — ciò chì si traduci ‘Petru’ —.
Jean 21.15-21.17 1 Corinthiens 1.12 1 Corinthiens 3.22 1 Corinthiens 9.5 Galates 2.9
Filippu è Natanaela sò chjamati
43 U ghjornu dopu Ghjesù volsi andà in Galilea, infattò à Filippu è li dissi : « suveta mi. »
Matthieu 9.9 Matthieu 4.18-4.21 Jean 14.8 Jean 6.7 Jean 12.21
44 Filippu era di Betsaida, a cità d’Andria è di Petru.
Jean 12.21 Matthieu 11.21 Matthieu 10.3 Marc 6.45 Marc 3.18
45 È Filippu andeti à truvà à Natanaela è li dissi : « emu trovu quiddu chì hè mintuvatu in la Legi di Musè è di i i Prufeta, hè Ghjesù, u fiddolu di Ghjaseppu, di Nazarè. »
Luc 24.27 Deutéronome 18.18-18.22 Matthieu 2.23 Jean 21.2 Luc 4.22
46 È Natanaela li risposi : « È soca da Nazarè pò escia calcosa di bonu ? » È Filippu li dissi : « veni chì vidarè. »
Jean 7.52 Jean 4.29 Jean 7.41-7.42 1 Thessaloniciens 5.21 Luc 12.57
47 Ghjesù visti à Natanaela chì vinia à truvà lu è dissi d’eddu : « eccu da veru un Israelatu senza falsità micca. »
Romains 9.6 Psaumes 32.2 Jean 8.31 Romains 9.4 Apocalypse 14.5
48 È Natanaela li dissi : « è da induva po mi cunnosci ? » Ghjesù li risposi è dissi : « nanzi chì Filippu ti chjamessi, quand’ì tù eri sottu à a fica, t’aghju vistu. »
Jean 2.25 Esaïe 65.24 Matthieu 6.6 Apocalypse 2.18-2.19 Psaumes 139.1-139.2
49 È Natanaela li risposi : « Rabbì, tù sè u Fiddolu di Diu, tù sè u Rè d’Israela. »
Jean 1.34 Zacharie 9.9 Matthieu 2.2 Matthieu 27.42 Matthieu 21.5
50 Ghjesù risposi è li dissi : « parch’e’ ti aghju dittu ch’e’ t’aviu vistu sottu à a fica, tù credi ? Ai da veda altru cà cusì ! »
Jean 20.29 Jean 11.40 Luc 1.45 Matthieu 25.29 Luc 7.9
51 È li dissi : « a vi dicu da veru, eti da veda u celi apartu è l’Agnuli di Diu chì coddani è chì falani sopra à u Fiddolu di l’Omu. »
Genèse 28.12 Actes 7.56 Ezéchiel 1.1 Luc 3.21 Matthieu 3.16