A nascita di Ghjesù
1 In quelli ghjorni fù publicatu un dicretu di Cesaru Augustu di fà u censu di tutta a tarra abitata.
Luc 3.1 Matthieu 24.14 Actes 11.28 Marc 14.9 Actes 25.21
2 È issu censu, u prima, si fece in lu mentre ch’ellu era Quiriniu guvernatore di a Siria.
Luc 3.1 Actes 26.30 Matthieu 4.24 Actes 5.37 Actes 18.12
3 Ed andetinu tutti à fà si scrive, ognunu in la so cità.
4 È cullede ancu Ghjaseppiu da a Galilea, da a cità di Nazarè in la Ghjudea, in la cità di Davide chì hè chjamata Betleeme, ghjà ch’ellu era di a casa è di u ceppu di Davide,
Jean 7.42 Michée 5.2 1 Samuel 16.1 Matthieu 2.23 Luc 1.26-1.27
5 da fà si scrive, cù a spusata, Maria, chì era incinta.
Matthieu 1.18-1.19 Deutéronome 22.22-22.27
6 È quand’elli eranu culà, funu compii i ghjorni, è vense u partu,
Michée 5.2 Apocalypse 12.1-12.5 Luc 1.57 Psaumes 33.11 Proverbes 19.21
7 ed ebbe u so figliolu prima natu. U impannedinu è u chjinedinu ind’una manghjatoghja, chì, à l’ustaria, ùn ci era locu da elli.
Jean 1.14 Galates 4.4 Esaïe 53.2-53.3 2 Corinthiens 8.9 Matthieu 1.25
I pastori è l’anghjuli
8 È ci eranu, ind’issu paese, pastori chì stavanu fora di notte, par dà capu à a so robba.
Jean 10.8-10.12 Genèse 31.39-31.40 Ezéchiel 34.8 Exode 3.1-3.2 1 Samuel 17.34-17.35
9 È un anghjulu di u Signore li si tense sopra, è a gloria di u Signore li lucichede in giru. È firmonu insischiti.
2 Corinthiens 3.18 1 Timothée 3.16 Luc 1.11-1.12 Esaïe 6.3-6.5 2 Corinthiens 4.6
10 È li disse l’anghjulu : « ùn abbiate timore, eccu, v’annunciu una aligria maiò chì hà da esse da u populu sanu.
Esaïe 52.7 Esaïe 49.6 Matthieu 28.18 Psaumes 98.2-98.3 Genèse 12.3
11 Chì vi hè natu oghje, in la cità di Davide, un salvatore chì hè u Cristu Signore.
Esaïe 9.6 Matthieu 1.21 Luc 1.43 Actes 2.36 Matthieu 16.16
12 Ed eccu da voi un segnu : Truvarete una criatura nascitoghja, impannata è chjinata ind’una manghjatoghja. »
Esaïe 7.14 Esaïe 53.1-53.2 Esaïe 7.11 Psaumes 22.6 1 Samuel 2.34
13 È di colpu, ci fù cù l’anghjulu, tutta quanta l’armata di u cele chì laudava à Diu è dicia :
1 Rois 22.19 Apocalypse 5.11 Genèse 28.12 Psaumes 103.20-103.21 Psaumes 148.2
14 « Gloria indì l’alti celi à Diu
è pace annantu à a tarra à l’omi di a bona vuluntà. »
Luc 1.79 Colossiens 1.20 Luc 19.38 Jean 17.4 Actes 10.36
15 È si ne andetinu l’anghjuli da indè elli ver di u celu è i pastori dissenu unu cù l’altru : « andemu ghjà sinu à Betleeme è vegamu ciò chì hè stalvatu è chì u signore ci hà fattu cunnosce. »
2 Rois 2.11 Jean 20.1-20.10 Psaumes 111.2 Matthieu 2.9-2.11 Matthieu 2.1-2.2
16 Ed andetinu lestri è truvetinu à Maria è à Ghjaseppiu è u zitellu nascitoghju chjinatu in la manghjatoghja ;
Luc 2.7 Luc 19.32 Luc 2.12 Luc 22.13 Luc 1.39
17 è dopu vistu, fecenu sapè a parolla chì l’era stata detta à puntu di issu zitillucciu.
Jean 4.28-4.29 Psaumes 16.9-16.10 Luc 2.38 Psaumes 66.16 Psaumes 71.17-71.18
18 È tutti quelli chì avianu intesu funu maravigliati da u dettu di i pastori ;
Luc 5.9-5.10 Luc 4.36 Esaïe 8.18 Luc 1.65-1.66 Luc 2.47
19 è Maria tinia tutte isse parolle in core è ci pinsava.
Luc 2.51 Genèse 37.11 Luc 1.66 1 Samuel 21.12 Luc 9.43-9.44
20 È si ne vultetinu, i pastori, glurifichendu è ludendu u Signore di tuttu ciò ch’elli avianu intesu è vistu sicondu ciò chì l’era statu dettu.
Actes 11.18 Actes 2.46-2.47 Matthieu 9.8 1 Chroniques 29.10-29.12 Psaumes 107.21
21 Compii l’ottu ghjorni, vense l’ora di a so circuncisione è fù chjamatu cù u so nome Ghjesù, cum’ellu era statu chjamatu da l’anghjulu prima di ch’ellu fussi criatu in corpu.
Luc 1.31 Luc 1.59 Genèse 17.12 Lévitique 12.3 Matthieu 1.25
Prisintazione di Ghjesù in lu tempiu
22 È compii ch’elli funu i ghjorni di a purificazione, sicondu a legge di Musè, u purtonu in Ghjerusaleme da prisintallu à u Signore,
Lévitique 12.1-12.8
23 cum’ella hè stata scritta in la legge di u Signore :
u masciu chì apre a matrice sarà chjamatu ‘cunsacratu à u Signore’ Exode 13.2 Nombres 3.13 Exode 22.29 Nombres 8.16-8.17 Nombres 18.15
24 è dedenu un sacrifiziu sicondu ciò chì hè dettu in la legge di Diu :
un paghju di turturelle o dui culombi chjuchi.
Lévitique 12.6-12.8 2 Corinthiens 8.9 Lévitique 12.2
25 Or ci era un omu, in Ghjerusaleme, chì u so nome era Simeone ed st’omu era ghjustu è divutu ed aspittava u ricovaru d’Israele, è l’era addossu u Spiritu Santu.
Luc 1.6 Luc 2.38 Esaïe 25.9 Marc 15.43 Esaïe 40.1
26 Ed era statu avartitu ellu, da u Spiritu Santu ch’ellu ùn avia da more prima di vede u Cristu di u Signore.
Jean 8.51 Hébreux 11.5 Luc 9.27 Actes 10.38 Actes 2.36
27 È ghjunse in lu tempiu purtatu da u spiritu, è, in lu mentre chì u babbu è a mamma facianu entre u zitillucciu Ghjesù par ch’ellu li sia fattu sicondu l’usu di a Lege,
Luc 2.51 Apocalypse 17.3 Luc 2.41 Actes 10.19 Luc 2.48
28 ellu u ricivì in collu, binadì à Diu è disse :
Luc 1.64 Luc 2.20 Marc 10.16 Luc 2.13-2.14 Luc 1.46
29 « avà poi lascià andà in pace u to servu, o Maestru,
sicondu a to parolla ;
Genèse 15.15 Luc 2.26 Esaïe 57.1-57.2 Apocalypse 14.13 Philippiens 1.23
30 chì i me ochji anu vistu a to salvazione,
Luc 3.6 Luc 2.10-2.11 Esaïe 52.10 Esaïe 49.6 Actes 4.10-4.12
31 chì tù ai appruntatu da nanzu à tutti i populi,
Psaumes 98.2-98.3 Psaumes 96.1-96.3 Esaïe 42.10-42.12 Psaumes 96.10-96.13 Esaïe 62.1-62.2
32 luce da fà ch’elle ci veganu e nazione,
è gloria di u to populu Israele. »
Esaïe 49.6 Esaïe 42.6-42.7 Esaïe 60.1-60.3 Actes 26.23 Apocalypse 21.23
33 È si maravigliavanu u babbu è a mamma di ciò ch’elli dicianu d’ellu.
Luc 1.65-1.66 Luc 2.48 Esaïe 8.18
34 È Simeone i binadì è disse à Maria a mamma : « eccu, questu quì hè stabulitu da fà li cascà è da arrizzà li à parechji in Israele, è fà da segnu di cuntrastu
1 Corinthiens 1.23 1 Pierre 2.7-2.8 Matthieu 21.44 Actes 9.1-9.20 Osée 14.9
35 — è à tè ti hà da trapanà l’anima a spada —, da ch’ellu venga palesu cum’elli raghjonanu parechji in li so cori. »
Deutéronome 8.2 Juges 5.15-5.16 Luc 16.14-16.15 Actes 8.21-8.23 Matthieu 12.24-12.35
36 È ci era Anna, una chì era prufeta, figliola di Fanuel di a tribbù d’Aseri, ed era annosa. Era campata sette anni cù u maritu
Actes 21.9 Genèse 30.13 Exode 15.20 Apocalypse 7.6 Job 5.26
37 è da dopu si era ferma vediva insin’à uttantaquattru anni. Ùn si alluntanava mai da u tempiu, facia u dighjunu è pricava di notte è di ghjornu.
1 Timothée 5.5 Actes 14.23 Actes 13.3 Actes 26.7 Psaumes 27.4
38 È prisintata si ghjustu tandu, ringraziava à Diu è parlava di u zitellu à tutti quelli chì aspittavanu a salvezza di Ghjerusaleme.
Luc 2.25 Marc 15.43 Luc 1.68 Luc 24.21 2 Corinthiens 9.15
U ritornu in Nazarè
39 Compiu ch’elli abbenu tuttu, sicondu a legge di u Signore, vultedinu in Galilea, in la so citai di Nazarè.
Luc 2.4 Deutéronome 12.32 Galates 4.4-4.5 Matthieu 2.22-2.23 Luc 2.51
40 È u zitellu criscia è pigliava forza, vinia colmu di saviezza è si avia addossu a grazia di Diu.
Luc 2.52 Luc 1.80 Jean 1.14 Psaumes 22.9 Psaumes 45.2
Ghjesù zitellu in lu tempiu
41 Ed andavanu tutti l’anni in Ghjerusaleme, trà u babbu è a mamma, pà a festa di a Pasqua.
1 Samuel 1.3 Deutéronome 12.18 Deutéronome 16.1-16.8 Jean 2.13 Deutéronome 12.5-12.7
42 Quand’ellu abbe dodici anni, è cullati ch’elli funu sicondu l’usu di a festa
43 compii i ghjorni, à u vultà, u zitellu si firmede in Ghjerusaleme è u babbu è a mamma mancu a sapianu.
Exode 12.15 2 Chroniques 30.21-30.23 2 Chroniques 25.17
44 È cridendu ch’ellu fussi in la caravagna, fecinu strada una ghjurnata è u circhedinu avvuleghju à i parenti è à quelli ch’elli cunniscianu,
Psaumes 42.4 Esaïe 2.3 Psaumes 122.1-122.4
45 è, ùn avendulu trovu, vultedinu in Ghjerusaleme à circallu.
46 Dopu trè ghjorni u truvedenu in lu tempiu, pusatu à mezu à i Maestri di a Lege chì i stava à sente è li facia dumande ;
1 Rois 12.12 Esaïe 49.1-49.2 Luc 5.17 Esaïe 50.4 Matthieu 16.21
47 è à chì u sintia era smaravigliatu da a so intilligenza è da e so risposte.
Matthieu 7.28 Luc 4.32 Marc 1.22 Jean 7.15 Luc 4.22
48 È videndulu, funu culpiti è a mamma li disse : « o u me figliolu, cumu hè chì tù ci ai fattu cusì ? Mì chì trà mè è babbitu eramu affannati, ti circavamu. »
Luc 4.22 Luc 2.49 Matthieu 12.46 Luc 3.23
49 Li disse : « è chì m’aviate da circà ? Soca ùn la sapiate chì, in ciò chì hè di babbu, mi tocca ad esseci ? »
Malachie 3.1 Psaumes 40.8 Jean 4.34 Jean 5.17 Jean 6.38
50 È mancu capianu elli e parolle ch’ellu l’avia dettu.
Luc 18.34 Luc 9.45 Marc 9.32
51 È falede cun elli ed andete in Nazarè è li stava sottumessu. È a mamma si tinia tutti i detti in core.
Luc 2.19 Genèse 37.11 Marc 6.3 Daniel 7.28 Matthieu 3.15
52 È Ghjesù criscia, cumpiitu di ghjudiziu, di parsona è di grazia, davanti à Diu è à l’omi.
Luc 2.40 1 Samuel 2.26 Proverbes 3.3-3.4 Luc 1.80 Romains 14.18