Proverbes 8.17
Biblia Hebraica Stuttgartensia

L’activité de la sagesse

¹ הֲלֹֽא־חָכְמָ֥ה תִקְרָ֑א וּ֝תְבוּנָ֗ה תִּתֵּ֥ן קֹולָֽהּ׃
Romains 15.18-15.21 Esaïe 49.1-49.6 Jean 7.37 Matthieu 4.17 Matthieu 3.3
² בְּרֹאשׁ־מְרֹומִ֥ים עֲלֵי־דָ֑רֶךְ בֵּ֖ית נְתִיבֹ֣ות נִצָּֽבָה׃
Proverbes 9.14 Proverbes 9.3
³ לְיַד־שְׁעָרִ֥ים לְפִי־קָ֑רֶת מְבֹ֖וא פְתָחִ֣ים תָּרֹֽנָּה׃
Job 29.7 Luc 14.21-14.23 Matthieu 22.9 Jean 18.20 Actes 5.20
⁴ אֲלֵיכֶ֣ם אִישִׁ֣ים אֶקְרָ֑א וְ֝קֹולִ֗י אֶל־בְּנֵ֥י אָדָֽם׃
Apocalypse 22.17 Tite 2.11-2.12 Jean 3.16 1 Timothée 2.4-2.6 Colossiens 1.23
⁵ הָבִ֣ינוּ פְתָאיִ֣ם עָרְמָ֑ה וּ֝כְסִילִ֗ים הָבִ֥ינוּ לֵֽב׃
Proverbes 1.22 Proverbes 1.4 Apocalypse 3.17-3.18 Psaumes 94.8 Esaïe 55.1-55.3
⁶ שִׁ֭מְעוּ כִּֽי־נְגִידִ֣ים אֲדַבֵּ֑ר וּמִפְתַּ֥ח שְׂ֝פָתַ֗י מֵישָׁרִֽים׃
Matthieu 7.28-7.29 1 Corinthiens 2.6-2.7 Colossiens 1.26 Job 33.1-33.3 Proverbes 23.16
⁷ כִּֽי־אֱ֭מֶת יֶהְגֶּ֣ה חִכִּ֑י וְתֹועֲבַ֖ת שְׂפָתַ֣י רֶֽשַׁע׃
Jean 8.14 Job 36.4 Psaumes 37.30 Jean 8.45-8.46 Proverbes 29.27
⁸ בְּצֶ֥דֶק כָּל־אִמְרֵי־פִ֑י אֵ֥ין בָּ֝הֶ֗ם נִפְתָּ֥ל וְעִקֵּֽשׁ׃
Esaïe 45.23 Esaïe 63.1 Psaumes 12.6 Deutéronome 32.5 Proverbes 8.13
⁹ כֻּלָּ֣ם נְ֭כֹחִים לַמֵּבִ֑ין וִֽ֝ישָׁרִ֗ים לְמֹ֣צְאֵי דָֽעַת׃
Proverbes 14.6 Michée 2.7 Proverbes 17.24 Proverbes 15.14 1 Corinthiens 2.14-2.15
¹⁰ קְחֽוּ־מוּסָרִ֥י וְאַל־כָּ֑סֶף וְ֝דַ֗עַת מֵחָר֥וּץ נִבְחָֽר׃
Ecclésiaste 7.11 Psaumes 119.72 Psaumes 119.127 Proverbes 2.4-2.5 Proverbes 8.19
¹¹ כִּֽי־טֹובָ֣ה חָ֭כְמָה מִפְּנִינִ֑ים וְכָל־חֲ֝פָצִ֗ים לֹ֣א יִֽשְׁווּ־בָֽהּ׃
Psaumes 19.10 Job 28.15-28.19 Proverbes 16.16 Proverbes 3.14-3.15 Proverbes 20.15
¹² אֲֽנִי־חָ֭כְמָה שָׁכַ֣נְתִּי עָרְמָ֑ה וְדַ֖עַת מְזִמֹּ֣ות אֶמְצָֽא׃
Proverbes 1.4 Ephésiens 3.10 Exode 31.3-31.6 1 Chroniques 28.19 Ephésiens 1.11
¹³ יִֽרְאַ֣ת יְהוָה֮ שְֽׂנֹ֫את רָ֥ע גֵּ֘אָ֤ה וְגָאֹ֨ון׀ וְדֶ֣רֶךְ רָ֭ע וּפִ֨י תַהְפֻּכֹ֬ות שָׂנֵֽאתִי׃
Psaumes 97.10 Proverbes 16.6 1 Thessaloniciens 5.22 Psaumes 101.3 Proverbes 4.24
¹⁴ לִֽי־עֵ֭צָה וְתוּשִׁיָּ֑ה אֲנִ֥י בִ֝ינָ֗ה לִ֣י גְבוּרָֽה׃
Ecclésiaste 7.19 Esaïe 9.6 Proverbes 24.5 Proverbes 2.6-2.7 Romains 11.33-11.34
¹⁵ בִּ֭י מְלָכִ֣ים יִמְלֹ֑כוּ וְ֝רֹוזְנִ֗ים יְחֹ֣קְקוּ צֶֽדֶק׃
Daniel 2.21 Romains 13.1 Matthieu 28.18 Apocalypse 19.16 Jérémie 27.5-27.7
¹⁶ בִּ֭י שָׂרִ֣ים יָשֹׂ֑רוּ וּ֝נְדִיבִ֗ים כָּל־שֹׁ֥פְטֵי צֶֽדֶק׃
¹⁷ אֲ֭נִי אֹהֲבַ֣י אֵהָ֑ב וּ֝מְשַׁחֲרַ֗י יִמְצָאֻֽנְנִי׃
Jean 14.21 Psaumes 91.14 1 Samuel 2.30 Jean 14.23 Jacques 1.5
¹⁸ עֹֽשֶׁר־וְכָבֹ֥וד אִתִּ֑י הֹ֥ון עָ֝תֵ֗ק וּצְדָקָֽה׃
Matthieu 6.33 Proverbes 3.16 Philippiens 4.19 Luc 12.33 Proverbes 11.4
¹⁹ טֹ֣וב פִּ֭רְיִי מֵחָר֣וּץ וּמִפָּ֑ז וּ֝תְבוּאָתִ֗י מִכֶּ֥סֶף נִבְחָֽר׃
Proverbes 3.14 Proverbes 8.10 Proverbes 10.20 Ecclésiaste 7.12
²⁰ בְּאֹֽרַח־צְדָקָ֥ה אֲהַלֵּ֑ך בְּ֝תֹ֗וךְ נְתִיבֹ֥ות מִשְׁפָּֽט׃
Jean 10.27-10.28 Deutéronome 5.32 Esaïe 2.3 Proverbes 4.11-4.12 Apocalypse 7.17
²¹ לְהַנְחִ֖יל אֹהֲבַ֥י׀ יֵ֑שׁ וְאֹצְרֹ֖תֵיהֶ֣ם אֲמַלֵּֽא׃ פ
Ephésiens 3.19-3.20 Proverbes 24.4 1 Samuel 2.8 Romains 8.17 Matthieu 25.46
²² יְֽהוָ֗ה קָ֭נָנִי רֵאשִׁ֣ית דַּרְכֹּ֑ו קֶ֖דֶם מִפְעָלָ֣יו מֵאָֽז׃
Colossiens 1.17 Jean 1.1-1.2 Psaumes 104.24 Proverbes 3.19 Job 28.26-28.28
²³ מֵ֭עֹולָם נִסַּ֥כְתִּי מֵרֹ֗אשׁ מִקַּדְמֵי־אָֽרֶץ׃
Jean 17.24 Psaumes 2.6 Michée 5.2 Ephésiens 1.10-1.11 Genèse 1.26
²⁴ בְּאֵין־תְּהֹמֹ֥ות חֹולָ֑לְתִּי בְּאֵ֥ין מַ֝עְיָנֹ֗ות נִכְבַּדֵּי־מָֽיִם׃
Genèse 1.2 Jean 1.14 Hébreux 1.5 Proverbes 3.20 Psaumes 2.7
²⁵ בְּטֶ֣רֶם הָרִ֣ים הָטְבָּ֑עוּ לִפְנֵ֖י גְבָעֹ֣ות חֹולָֽלְתִּי׃
Psaumes 90.2 Job 15.7-15.8 Psaumes 102.25-102.28 Job 38.4-38.11 Hébreux 1.10
²⁶ עַד־לֹ֣א עָ֭שָׂה אֶ֣רֶץ וְחוּצֹ֑ות וְ֝רֹ֗אשׁ עָפְרֹ֥ות תֵּבֵֽל׃
Genèse 1.1-1.31
²⁷ בַּהֲכִינֹ֣ו שָׁ֭מַיִם שָׁ֣ם אָ֑נִי בְּח֥וּקֹו ח֝֗וּג עַל־פְּנֵ֥י תְהֹֽום׃
Proverbes 3.19 Esaïe 40.22 Hébreux 1.2 Colossiens 1.16 Esaïe 40.11
²⁸ בְּאַמְּצֹ֣ו שְׁחָקִ֣ים מִמָּ֑עַל בַּ֝עֲזֹ֗וז עִינֹ֥ות תְּהֹום׃
²⁹ בְּשׂ֘וּמֹ֤ו לַיָּ֨ם׀ חֻקֹּ֗ו וּ֭מַיִם לֹ֣א יַֽעַבְרוּ־פִ֑יו בְּ֝חוּקֹ֗ו מֹ֣וסְדֵי אָֽרֶץ׃
Psaumes 104.9 Genèse 1.9-1.10 Job 38.4-38.11 Jérémie 5.22 Psaumes 33.7
³⁰ וָֽאֶהְיֶ֥ה אֶצְלֹ֗ו אָ֫מֹ֥ון וָֽאֶהְיֶ֣ה שַׁ֭עֲשֻׁעִים יֹ֤ום׀ יֹ֑ום מְשַׂחֶ֖קֶת לְפָנָ֣יו בְּכָל־עֵֽת׃
Esaïe 42.1 Jean 1.1-1.3 Matthieu 3.17 Jean 1.18 Colossiens 1.13
³¹ מְ֭שַׂחֶקֶת בְּתֵבֵ֣ל אַרְצֹ֑ו וְ֝שַׁעֲשֻׁעַ֗י אֶת־בְּנֵ֥י אָדָֽם׃ פ
Psaumes 16.3 Psaumes 40.6-40.8 Jean 13.1 Jean 4.34 2 Corinthiens 8.9
³² וְעַתָּ֣ה בָ֭נִים שִׁמְעוּ־לִ֑י וְ֝אַשְׁרֵ֗י דְּרָכַ֥י יִשְׁמֹֽרוּ׃
Psaumes 119.1-119.2 Luc 11.28 Psaumes 128.1 Proverbes 7.24 Psaumes 1.1-1.4
³³ שִׁמְע֖וּ מוּסָ֥ר וַחֲכָ֗מוּ וְאַל־תִּפְרָֽעוּ׃
Proverbes 4.1 Proverbes 1.8 Proverbes 5.1 Proverbes 1.2-1.3 Actes 7.35-7.37
³⁴ אַ֥שְֽׁרֵי אָדָם֮ שֹׁמֵ֪עַֽ֫ לִ֥י לִשְׁקֹ֣ד עַל־דַּ֭לְתֹתַי יֹ֤ום׀ יֹ֑ום לִ֝שְׁמֹ֗ר מְזוּזֹ֥ת פְּתָחָֽי׃
Proverbes 3.13 Luc 1.6 Luc 11.28 Luc 10.39 Proverbes 2.3-2.4
³⁵ כִּ֣י מֹ֭צְאִי מָצָ֣א חַיִּ֑ים וַיָּ֥פֶק רָ֝צֹ֗ון מֵיְהוָֽה׃
Proverbes 12.2 Colossiens 3.3 Jean 17.3 Philippiens 3.8 Jean 14.6
³⁶ וְֽ֭חֹטְאִי חֹמֵ֣ס נַפְשֹׁ֑ו כָּל־מְ֝שַׂנְאַ֗י אָ֣הֲבוּ מָֽוֶת׃ פ
Proverbes 15.32 Proverbes 1.31 Proverbes 20.2 Ezéchiel 33.11 Proverbes 5.22-5.23