1 Chroniques 16.23
Biblia Hebraica Stuttgartensia

Organisation du service du tabernacle

¹ וַיָּבִ֨יאוּ֙ אֶת־אֲרֹ֣ון הָֽאֱלֹהִ֔ים וַיַּצִּ֣יגוּ אֹתֹ֔ו בְּתֹ֣וךְ הָאֹ֔הֶל אֲשֶׁ֥ר נָֽטָה־לֹ֖ו דָּוִ֑יד וַיַּקְרִ֛יבוּ עֹלֹ֥ות וּשְׁלָמִ֖ים לִפְנֵ֥י הָאֱלֹהִֽים׃
1 Chroniques 15.1 2 Chroniques 5.6-5.7 Psaumes 132.8 1 Rois 8.5-8.6 1 Chroniques 15.12
² וַיְכַ֣ל דָּוִ֔יד מֵהַעֲלֹ֥ות הָעֹלָ֖ה וְהַשְּׁלָמִ֑ים וַיְבָ֥רֶךְ אֶת־הָעָ֖ם בְּשֵׁ֥ם יְהוָֽה׃
Lévitique 1.3 2 Chroniques 30.27 2 Chroniques 30.18-30.20 Hébreux 7.7 Josué 22.6
³ וַיְחַלֵּק֙ לְכָל־אִ֣ישׁ יִשְׂרָאֵ֔ל מֵאִ֖ישׁ וְעַד־אִשָּׁ֑ה לְאִישׁ֙ כִּכַּר־לֶ֔חֶם וְאֶשְׁפָּ֖ר וַאֲשִׁישָֽׁה׃
Néhémie 8.10 Ezéchiel 45.17 2 Chroniques 30.24 2 Chroniques 35.7-35.8 1 Pierre 4.9
⁴ וַיִּתֵּ֞ן לִפְנֵ֨י אֲרֹ֧ון יְהוָ֛ה מִן־הַלְוִיִּ֖ם מְשָׁרְתִ֑ים וּלְהַזְכִּיר֙ וּלְהֹודֹ֣ות וּלְהַלֵּ֔ל לַיהוָ֖ה אֱלֹהֵ֥י יִשְׂרָאֵֽל׃ פ
1 Chroniques 15.16 1 Chroniques 16.8 Genèse 33.20 Genèse 32.28 1 Rois 8.15
⁵ אָסָ֥ף הָרֹ֖אשׁ וּמִשְׁנֵ֣הוּ זְכַרְיָ֑ה יְעִיאֵ֡ל וּשְׁמִֽירָמֹ֡ות וִֽיחִיאֵ֡ל וּמַתִּתְיָ֡ה וֶאֱלִיאָ֡ב וּבְנָיָהוּ֩ וְעֹבֵ֨ד אֱדֹ֜ם וִֽיעִיאֵ֗ל בִּכְלֵ֤י נְבָלִים֙ וּבְכִנֹּרֹ֔ות וְאָסָ֖ף בַּֽמְצִלְתַּ֥יִם מַשְׁמִֽיעַ׃
1 Chroniques 6.39 1 Chroniques 25.1-25.6 2 Chroniques 29.25 1 Chroniques 15.16-15.24
⁶ וּבְנָיָ֥הוּ וְיַחֲזִיאֵ֖ל הַכֹּהֲנִ֑ים בַּחֲצֹצְרֹ֣ות תָּמִ֔יד לִפְנֵ֖י אֲרֹ֥ון בְּרִית־הָאֱלֹהִֽים׃
2 Chroniques 13.12 Nombres 10.8 2 Chroniques 29.26-29.28 2 Chroniques 5.12-5.13
⁷ בַּיֹּ֣ום הַה֗וּא אָ֣ז נָתַ֤ן דָּוִיד֙ בָּרֹ֔אשׁ לְהֹדֹ֖ות לַיהוָ֑ה בְּיַד־אָסָ֖ף וְאֶחָֽיו׃ פ
2 Samuel 22.1 Psaumes 18.1 Néhémie 12.24 2 Samuel 23.1-23.2 2 Chroniques 29.30
⁸ הֹוד֤וּ לַֽיהוָה֙ קִרְא֣וּ בִשְׁמֹ֔ו הֹודִ֥יעוּ בָעַמִּ֖ים עֲלִילֹתָֽיו׃
Psaumes 105.1-105.15 2 Rois 19.19 Esaïe 12.4 1 Corinthiens 1.2 1 Rois 8.43
⁹ שִׁ֤ירוּ לֹו֙ זַמְּרוּ־לֹ֔ו שִׂ֖יחוּ בְּכָל־נִפְלְאֹתָֽיו׃
Colossiens 3.16 Ephésiens 5.19 Jacques 5.13 Matthieu 26.30 Psaumes 71.17
¹⁰ הִֽתְהַֽלְלוּ֙ בְּשֵׁ֣ם קָדְשֹׁ֔ו יִשְׂמַ֕ח לֵ֖ב מְבַקְשֵׁ֥י יְהוָֽה׃
Esaïe 45.25 Proverbes 8.17 Matthieu 7.7-7.8 Jérémie 9.23-9.24 Jérémie 29.13
¹¹ דִּרְשׁ֤וּ יְהוָה֙ וְעֻזֹּ֔ו בַּקְּשׁ֥וּ פָנָ֖יו תָּמִֽיד׃
Psaumes 27.8-27.9 Psaumes 24.6 Psaumes 67.1 Sophonie 2.2-2.3 Psaumes 4.6
¹² זִכְר֗וּ נִפְלְאֹתָיו֙ אֲשֶׁ֣ר עָשָׂ֔ה מֹפְתָ֖יו וּמִשְׁפְּטֵי־פִֽיהוּ׃
Psaumes 103.2 Psaumes 78.43 Psaumes 119.13 Apocalypse 19.2 Romains 11.33
¹³ זֶ֚רַע יִשְׂרָאֵ֣ל עַבְדֹּ֔ו בְּנֵ֥י יַעֲקֹ֖ב בְּחִירָֽיו׃
Exode 19.5-19.6 Genèse 17.7 Psaumes 135.4 1 Pierre 2.9 Genèse 35.10-35.12
¹⁴ ה֚וּא יְהוָ֣ה אֱלֹהֵ֔ינוּ בְּכָל־הָאָ֖רֶץ מִשְׁפָּטָֽיו׃
Psaumes 97.8-97.9 Psaumes 95.7 Exode 15.2 Psaumes 100.3 Psaumes 48.10-48.11
¹⁵ זִכְר֤וּ לְעֹולָם֙ בְּרִיתֹ֔ו דָּבָ֥ר צִוָּ֖ה לְאֶ֥לֶף דֹּֽור׃
Psaumes 44.17 Malachie 4.4 Psaumes 105.8 Deutéronome 7.9 Psaumes 25.10
¹⁶ אֲשֶׁ֤ר כָּרַת֙ אֶת־אַבְרָהָ֔ם וּשְׁבוּעָתֹ֖ו לְיִצְחָֽק׃
Genèse 17.2 Genèse 26.3 Genèse 15.18 Genèse 35.11 Galates 3.15-3.17
¹⁷ וַיַּעֲמִידֶ֤הָ לְיַעֲקֹב֙ לְחֹ֔ק לְיִשְׂרָאֵ֖ל בְּרִ֥ית עֹולָֽם׃
Genèse 35.11-35.12 Exode 3.17 Josué 24.11-24.13 Jérémie 11.2 Hébreux 13.20
¹⁸ לֵאמֹ֗ר לְךָ֙ אֶתֵּ֣ן אֶֽרֶץ־כְּנָ֔עַן חֶ֖בֶל נַחֲלַתְכֶֽם׃
Genèse 13.15 Michée 2.5 Nombres 26.53-26.56 Genèse 12.7 Genèse 28.13-28.14
¹⁹ בִּֽהְיֹֽותְכֶם֙ מְתֵ֣י מִסְפָּ֔ר כִּמְעַ֖ט וְגָרִ֥ים בָּֽהּ׃
Genèse 34.30 Deutéronome 7.7 Hébreux 11.13 Actes 7.5
²⁰ וַיִּֽתְהַלְּכוּ֙ מִגֹּ֣וי אֶל־גֹּ֔וי וּמִמַּמְלָכָ֖ה אֶל־עַ֥ם אַחֵֽר׃
Genèse 20.1 Genèse 46.3 Genèse 46.6 Genèse 12.10
²¹ לֹא־הִנִּ֤יחַ לְאִישׁ֙ לְעָשְׁקָ֔ם וַיֹּ֥וכַח עֲלֵיהֶ֖ם מְלָכִֽים׃
Genèse 12.17 Genèse 20.3 Exode 7.15-7.18 Genèse 31.29 Genèse 31.42
²² אַֽל־תִּגְּעוּ֙ בִּמְשִׁיחָ֔י וּבִנְבִיאַ֖י אַל־תָּרֵֽעוּ׃ פ
Genèse 20.7 Genèse 48.19-48.20 1 Rois 19.16 Genèse 49.8-49.10 Genèse 27.39-27.40
²³ שִׁ֤ירוּ לַֽיהוָה֙ כָּל־הָאָ֔רֶץ בַּשְּׂר֥וּ מִיֹּֽום־אֶל־יֹ֖ום יְשׁוּעָתֹֽו׃
Psaumes 96.1-96.13 Psaumes 71.15 Psaumes 30.4 Exode 15.21 Psaumes 40.10
²⁴ סַפְּר֤וּ בַגֹּויִם֙ אֶת־כְּבֹודֹ֔ו בְּכָל־הָעַמִּ֖ים נִפְלְאֹתָֽיו׃
Daniel 4.1-4.3 Esaïe 12.2-12.6 Psaumes 22.27 2 Rois 19.19
²⁵ כִּי֩ גָדֹ֨ול יְהוָ֤ה וּמְהֻלָּל֙ מְאֹ֔ד וְנֹורָ֥א ה֖וּא עַל־כָּל־אֱלֹהִֽים׃
Psaumes 89.7 Psaumes 66.3-66.5 Psaumes 144.3-144.6 Psaumes 76.7 Jérémie 5.22
²⁶ כִּ֠י כָּל־אֱלֹהֵ֤י הָעַמִּים֙ אֱלִילִ֔ים וַיהוָ֖ה שָׁמַ֥יִם עָשָֽׂה׃
Psaumes 102.25 Lévitique 19.4 Esaïe 44.24 Esaïe 42.5 Apocalypse 14.7
²⁷ הֹ֤וד וְהָדָר֙ לְפָנָ֔יו עֹ֥ז וְחֶדְוָ֖ה בִּמְקֹמֹֽו׃
Psaumes 43.2-43.4 Psaumes 8.1 Jean 17.24 Psaumes 96.6 Psaumes 16.11
²⁸ הָב֤וּ לַֽיהוָה֙ מִשְׁפְּחֹ֣ות עַמִּ֔ים הָב֥וּ לַיהוָ֖ה כָּבֹ֥וד וָעֹֽז׃
Psaumes 29.1-29.2 Ephésiens 1.6 1 Chroniques 29.10-29.14 Philippiens 4.13 Psaumes 66.1-66.2
²⁹ הָב֥וּ לַיהוָ֖ה כְּבֹ֣וד שְׁמֹ֑ו שְׂא֤וּ מִנְחָה֙ וּבֹ֣אוּ לְפָנָ֔יו הִשְׁתַּחֲו֥וּ לַיהוָ֖ה בְּהַדְרַת־קֹֽדֶשׁ׃
Psaumes 29.2 Psaumes 110.3 Esaïe 6.3 Psaumes 72.10 Psaumes 100.4
³⁰ חִ֤ילוּ מִלְּפָנָיו֙ כָּל־הָאָ֔רֶץ אַף־תִּכֹּ֥ון תֵּבֵ֖ל בַּל־תִּמֹּֽוט׃
Esaïe 49.8 Psaumes 148.5-148.6 Colossiens 1.17 Psaumes 96.9 Apocalypse 11.15
³¹ יִשְׂמְח֤וּ הַשָּׁמַ֨יִם֙ וְתָגֵ֣ל הָאָ֔רֶץ וְיֹאמְר֥וּ בַגֹּויִ֖ם יְהוָ֥ה מָלָֽךְ׃
Psaumes 99.1 Apocalypse 19.6 Psaumes 97.1 Esaïe 49.13 Psaumes 96.10
³² יִרְעַ֤ם הַיָּם֙ וּמְלֹואֹ֔ו יַעֲלֹ֥ץ הַשָּׂדֶ֖ה וְכָל־אֲשֶׁר־בֹּֽו׃
Psaumes 98.7-98.8 Psaumes 148.9-148.10 Psaumes 93.4 Esaïe 44.23
³³ אָ֥ז יְרַנְּנ֖וּ עֲצֵ֣י הַיָּ֑עַר מִלִּפְנֵ֣י יְהוָ֔ה כִּי־בָ֖א לִשְׁפֹּ֥וט אֶת־הָאָֽרֶץ׃
Psaumes 96.12-96.13 Psaumes 98.9 2 Thessaloniciens 1.8 2 Pierre 3.14 2 Thessaloniciens 1.10
³⁴ הֹוד֤וּ לַיהוָה֙ כִּ֣י טֹ֔וב כִּ֥י לְעֹולָ֖ם חַסְדֹּֽו׃
2 Chroniques 5.13 Jérémie 33.11 Esdras 3.11 2 Chroniques 7.3 Psaumes 136.1-136.26
³⁵ וְאִמְר֕וּ הֹושִׁיעֵ֨נוּ֙ אֱלֹהֵ֣י יִשְׁעֵ֔נוּ וְקַבְּצֵ֥נוּ וְהַצִּילֵ֖נוּ מִן־הַגֹּויִ֑ם לְהֹדֹות֙ לְשֵׁ֣ם קָדְשֶׁ֔ךָ לְהִשְׁתַּבֵּ֖חַ בִּתְהִלָּתֶֽךָ׃
Psaumes 106.47-106.48 Psaumes 14.7 Ephésiens 1.12 1 Chroniques 16.9-16.10 Esaïe 43.21
³⁶ בָּר֤וּךְ יְהוָה֙ אֱלֹהֵ֣י יִשְׂרָאֵ֔ל מִן־הָעֹולָ֖ם וְעַ֣ד הָעֹלָ֑ם וַיֹּאמְר֤וּ כָל־הָעָם֙ אָמֵ֔ן וְהַלֵּ֖ל לַֽיהוָֽה׃ פ
1 Rois 8.15 Psaumes 72.18-72.19 Néhémie 8.6 Psaumes 106.48 1 Rois 8.56
³⁷ וַיַּֽעֲזָב־שָׁ֗ם לִפְנֵי֙ אֲרֹ֣ון בְּרִית־יְהוָ֔ה לְאָסָ֖ף וּלְאֶחָ֑יו לְשָׁרֵ֞ת לִפְנֵ֧י הָאָרֹ֛ון תָּמִ֖יד לִדְבַר־יֹ֥ום בְּיֹומֹֽו׃
2 Chroniques 8.14 Esdras 3.4 1 Chroniques 16.4-16.6 1 Chroniques 25.1-25.6 1 Chroniques 15.17-15.24
³⁸ וְעֹבֵ֥ד אֱדֹ֛ם וַאֲחֵיהֶ֖ם שִׁשִּׁ֣ים וּשְׁמֹונָ֑ה וְעֹבֵ֨ד אֱדֹ֧ם בֶּן־יְדִית֛וּן וְחֹסָ֖ה לְשֹׁעֲרִֽים׃
1 Chroniques 13.14 1 Chroniques 26.10 1 Chroniques 26.4-26.8 1 Chroniques 25.3
³⁹ וְאֵ֣ת׀ צָדֹ֣וק הַכֹּהֵ֗ן וְאֶחָיו֙ הַכֹּ֣הֲנִ֔ים לִפְנֵ֖י מִשְׁכַּ֣ן יְהוָ֑ה בַּבָּמָ֖ה אֲשֶׁ֥ר בְּגִבְעֹֽון׃
1 Rois 3.4 1 Chroniques 15.11 2 Chroniques 1.3-1.4 1 Chroniques 21.29 1 Chroniques 12.28
⁴⁰ לְֽהַעֲלֹות֩ עֹלֹ֨ות לַיהוָ֜ה עַל־מִזְבַּ֧ח הָעֹלָ֛ה תָּמִ֖יד לַבֹּ֣קֶר וְלָעָ֑רֶב וּלְכָל־הַכָּתוּב֙ בְּתֹורַ֣ת יְהוָ֔ה אֲשֶׁ֥ר צִוָּ֖ה עַל־יִשְׂרָאֵֽל׃
Nombres 28.3-28.8 Exode 29.38-29.42 Esdras 3.3 Amos 4.4 2 Chroniques 31.3
⁴¹ וְעִמָּהֶם֙ הֵימָ֣ן וִֽידוּת֔וּן וּשְׁאָר֙ הַבְּרוּרִ֔ים אֲשֶׁ֥ר נִקְּב֖וּ בְּשֵׁמֹ֑ות לְהֹדֹות֙ לַֽיהוָ֔ה כִּ֥י לְעֹולָ֖ם חַסְדֹּֽו׃
2 Chroniques 5.13 1 Chroniques 25.1-25.6 1 Chroniques 6.33 Nombres 1.17 1 Chroniques 16.34
⁴² וְעִמָּהֶם֩ הֵימָ֨ן וִֽידוּת֜וּן חֲצֹצְרֹ֤ות וּמְצִלְתַּ֨יִם֙ לְמַשְׁמִיעִ֔ים וּכְלֵ֖י שִׁ֣יר הָאֱלֹהִ֑ים וּבְנֵ֥י יְדוּת֖וּן לַשָּֽׁעַר׃
2 Chroniques 7.6 Psaumes 150.3-150.6 Psaumes 84.10 1 Chroniques 25.6-25.7 2 Chroniques 29.25-29.28
⁴³ וַיֵּלְכ֥וּ כָל־הָעָ֖ם אִ֣ישׁ לְבֵיתֹ֑ו וַיִּסֹּ֥ב דָּוִ֖יד לְבָרֵ֥ךְ אֶת־בֵּיתֹֽו׃ פ
2 Samuel 6.19-6.20 Psaumes 101.2 Josué 24.15 1 Rois 8.66 Genèse 18.19