Ezéchiel 28.12
Vulgate

Sur le chef de Tyr

¹ et factus est sermo Domini ad me dicens
² fili hominis dic principi Tyri haec dicit Dominus Deus eo quod elevatum est cor tuum et dixisti Deus ego sum et in cathedra Dei sedi in corde maris cum sis homo et non Deus et dedisti cor tuum quasi cor Dei
Ezéchiel 28.9 2 Thessaloniciens 2.4 Esaïe 31.3 Esaïe 14.13-14.14 Psaumes 9.20
³ ecce sapientior es tu Danihele omne secretum non est absconditum a te
Daniel 5.11-5.12 Daniel 1.20 Daniel 2.22 1 Rois 4.29-4.32 Daniel 2.27-2.28
⁴ in sapientia et prudentia tua fecisti tibi fortitudinem et adquisisti aurum et argentum in thesauris tuis
Zacharie 9.2-9.4 Proverbes 23.4-23.5 Habakuk 1.16 Ecclésiaste 9.11 Ezéchiel 29.3
⁵ in multitudine sapientiae tuae et in negotiatione tua multiplicasti tibi fortitudinem et elevatum est cor tuum in robore tuo
Psaumes 62.10 Osée 13.6 Psaumes 52.7 Ezéchiel 28.2 Osée 12.7-12.8
⁶ propterea haec dicit Dominus Deus eo quod elevatum est cor tuum quasi cor Dei
Ezéchiel 28.2 Exode 9.17 Job 9.4 Jacques 1.11 2 Thessaloniciens 2.4
⁷ idcirco ecce ego adducam super te alienos robustissimos gentium et nudabunt gladios suos super pulchritudinem sapientiae tuae et polluent decorem tuum
Ezéchiel 31.12 Ezéchiel 30.11 Ezéchiel 32.12 Habakuk 1.6-1.8 Deutéronome 28.49-28.50
⁸ interficient et detrahent te et morieris interitu occisorum in corde maris
Ezéchiel 27.26-27.27 Ezéchiel 27.34 Job 17.16 Proverbes 28.17 Job 33.28
⁹ numquid dicens loqueris Deus ego sum coram interficientibus te cum sis homo et non Deus in manu occidentium te
Ezéchiel 28.2 Esaïe 31.3 Psaumes 82.7 Daniel 5.23-5.30 Actes 12.22-12.23
¹⁰ morte incircumcisorum morieris in manu alienorum quia ego locutus sum ait Dominus Deus
Ezéchiel 31.18 Ezéchiel 32.19 Ezéchiel 32.21 1 Samuel 17.26 1 Samuel 17.36
¹¹ et factus est sermo Domini ad me dicens fili hominis leva planctum super regem Tyri
¹² et dices ei haec dicit Dominus Deus tu signaculum similitudinis plenus sapientia et perfectus decore
Ezéchiel 19.1 Ezéchiel 26.17 Ezéchiel 27.2-27.4 Ezéchiel 27.32 Ezéchiel 32.2
¹³ in deliciis paradisi Dei fuisti omnis lapis pretiosus operimentum tuum sardius topazius et iaspis chrysolitus et onyx et berillus sapphyrus et carbunculus et zmaragdus aurum opus decoris tui et foramina tua in die qua conditus es praeparata sunt
Genèse 2.8 Ezéchiel 27.16 Ezéchiel 31.8-31.9 Ezéchiel 36.35 Exode 28.17-28.20
¹⁴ tu cherub extentus et protegens et posui te in monte sancto Dei in medio lapidum ignitorum ambulasti
Exode 40.9 Exode 30.26 Ezéchiel 20.40 Exode 25.17-25.20 Ezéchiel 28.13
¹⁵ perfectus in viis tuis a die conditionis tuae donec inventa est iniquitas in te
Ezéchiel 27.3-27.4 Genèse 1.26-1.27 Ezéchiel 28.17-28.18 Ezéchiel 28.3-28.6 Ezéchiel 28.12
¹⁶ in multitudine negotiationis tuae repleta sunt interiora tua iniquitate et peccasti et eieci te de monte Dei et perdidi te o cherub protegens de medio lapidum ignitorum
Habakuk 2.17 Genèse 3.24 Habakuk 2.8 Ezéchiel 8.17 Michée 2.10
¹⁷ elevatum est cor tuum in decore tuo perdidisti sapientiam tuam in decore tuo in terram proieci te ante faciem regum dedi te ut cernerent te
Ezéchiel 28.2 Ezéchiel 28.5 Ezéchiel 31.10 Ezéchiel 28.7 Ezéchiel 16.41
¹⁸ in multitudine iniquitatum tuarum et iniquitate negotiationis tuae polluisti sanctificationem tuam producam ergo ignem de medio tui qui comedat te et dabo te in cinerem super terram in conspectu omnium videntium te
Malachie 4.3 Amos 1.9-1.10 Apocalypse 18.8 Juges 9.20 Ezéchiel 28.16
¹⁹ omnes qui viderint te in gentibus obstupescent super te nihili factus es et non eris in perpetuum
Ezéchiel 26.21 Apocalypse 18.9-18.10 Jérémie 51.63-51.64 Ezéchiel 26.14 Apocalypse 18.15-18.19

Sur Sidon

²⁰ et factus est sermo Domini ad me dicens
²¹ fili hominis pone faciem tuam contra Sidonem et prophetabis de ea
Ezéchiel 6.2 Genèse 10.15 Jérémie 25.22 Ezéchiel 27.8 Ezéchiel 25.2
²² et dices haec dicit Dominus Deus ecce ego ad te Sidon et glorificabor in medio tui et scient quia ego Dominus cum fecero in ea iudicia et sanctificatus fuero in ea
Ezéchiel 39.13 Exode 14.4 Exode 14.17 Ezéchiel 20.41 Ezéchiel 28.25-28.26
²³ et inmittam ei pestilentiam et sanguinem in plateis eius et corruent interfecti in medio eius gladio per circuitum et scient quia ego Dominus
Ezéchiel 38.22 Ezéchiel 25.17 Ezéchiel 25.11 Ezéchiel 5.12 Jérémie 15.2
²⁴ et non erit ultra domui Israhel offendiculum amaritudinis et spina dolorem inferens undique per circuitum eorum qui adversantur eis et scient quia ego Dominus Deus
Nombres 33.55 Josué 23.13 2 Corinthiens 12.7 Esaïe 55.13 Esaïe 35.9
²⁵ haec dicit Dominus Deus quando congregavero domum Israhel de populis in quibus dispersi sunt sanctificabor in eis coram gentibus et habitabunt in terra sua quam dedi servo meo Iacob
Ezéchiel 20.41 Psaumes 106.47 Jérémie 32.37 Jérémie 23.8 Ezéchiel 11.17
²⁶ et habitabunt in ea securi et aedificabunt domos plantabuntque vineas et habitabunt confidenter cum fecero iudicia in omnibus qui adversantur eis per circuitum et scient quia ego Dominus Deus eorum
Ezéchiel 28.24 Ezéchiel 28.22 Ezéchiel 38.8 Jérémie 32.15 Ezéchiel 34.25-34.28