2 Samuel 5.9
Septante

Règne de David sur Israël

Sacre de David

¹ καὶ παραγίνονται πᾶσαι αἱ φυλαὶ Ισραηλ πρὸς Δαυιδ εἰς Χεβρων καὶ εἶπαν αὐτῷ ἰδοὺ ὀστᾶ σου καὶ σάρκες σου ἡμεῖς.
1 Chroniques 11.1-11.3 2 Samuel 19.13 Hébreux 2.14 Juges 9.2 Ephésiens 5.30
² καὶ ἐχθὲς καὶ τρίτην ὄντος Σαουλ βασιλέως ἐφ’ ἡμῖν σὺ ἦσθα ὁ ἐξάγων καὶ εἰσάγων τὸν Ισραηλ καὶ εἶπεν κύριος πρὸς σέ σὺ ποιμανεῖς τὸν λαόν μου τὸν Ισραηλ καὶ σὺ ἔσει εἰς ἡγούμενον ἐπὶ τὸν Ισραηλ.
Matthieu 2.6 2 Samuel 7.7 Esaïe 55.4 1 Samuel 25.30 1 Samuel 18.16
³ καὶ ἔρχονται πάντες οἱ πρεσβύτεροι Ισραηλ πρὸς τὸν βασιλέα εἰς Χεβρων καὶ διέθετο αὐτοῖς ὁ βασιλεὺς Δαυιδ διαθήκην ἐν Χεβρων ἐνώπιον κυρίου καὶ χρίουσιν τὸν Δαυιδ εἰς βασιλέα ἐπὶ πάντα Ισραηλ.
2 Samuel 2.4 2 Rois 11.17 2 Samuel 3.21 1 Samuel 23.18 1 Samuel 16.13
⁴ υἱὸς τριάκοντα ἐτῶν Δαυιδ ἐν τῷ βασιλεῦσαι αὐτὸν καὶ τεσσαράκοντα ἔτη ἐβασίλευσεν.
1 Chroniques 29.27 Luc 3.23 1 Chroniques 26.31 1 Rois 2.11 1 Chroniques 3.4
⁵ ἑπτὰ ἔτη καὶ ἓξ μῆνας ἐβασίλευσεν ἐν Χεβρων ἐπὶ τὸν Ιουδαν καὶ τριάκοντα τρία ἔτη ἐβασίλευσεν ἐπὶ πάντα Ισραηλ καὶ Ιουδαν ἐν Ιερουσαλημ.
2 Samuel 2.11 1 Chroniques 3.4 1 Rois 2.11
⁶ καὶ ἀπῆλθεν Δαυιδ καὶ οἱ ἄνδρες αὐτοῦ εἰς Ιερουσαλημ πρὸς τὸν Ιεβουσαῖον τὸν κατοικοῦντα τὴν γῆν καὶ ἐρρέθη τῷ Δαυιδ οὐκ εἰσελεύσει ὧδε ὅτι ἀντέστησαν οἱ τυφλοὶ καὶ οἱ χωλοί λέγοντες ὅτι οὐκ εἰσελεύσεται Δαυιδ ὧδε.
Juges 1.8 Juges 1.21 Josué 15.63 Josué 18.28 Juges 19.10-19.12
⁷ καὶ κατελάβετο Δαυιδ τὴν περιοχὴν Σιων αὕτη ἡ πόλις τοῦ Δαυιδ.
1 Rois 2.10 2 Samuel 6.12 2 Samuel 6.16 Michée 4.2 Romains 9.33
⁸ καὶ εἶπεν Δαυιδ τῇ ἡμέρᾳ ἐκείνῃ πᾶς τύπτων Ιεβουσαῖον ἁπτέσθω ἐν παραξιφίδι καὶ τοὺς χωλοὺς καὶ τοὺς τυφλοὺς καὶ τοὺς μισοῦντας τὴν ψυχὴν Δαυιδ διὰ τοῦτο ἐροῦσιν τυφλοὶ καὶ χωλοὶ οὐκ εἰσελεύσονται εἰς οἶκον κυρίου.
Josué 15.16-15.17 1 Samuel 17.25 1 Chroniques 11.6-11.9
⁹ καὶ ἐκάθισεν Δαυιδ ἐν τῇ περιοχῇ καὶ ἐκλήθη αὕτη ἡ πόλις Δαυιδ καὶ ᾠκοδόμησεν τὴν πόλιν κύκλῳ ἀπὸ τῆς ἄκρας καὶ τὸν οἶκον αὐτοῦ.
1 Rois 9.24 1 Rois 9.15 2 Samuel 5.7 2 Chroniques 32.5 1 Rois 11.27
¹⁰ καὶ ἐπορεύετο Δαυιδ πορευόμενος καὶ μεγαλυνόμενος καὶ κύριος παντοκράτωρ μετ’ αὐτοῦ.
2 Samuel 3.1 Daniel 2.44-2.45 Luc 2.52 Psaumes 46.11 Genèse 21.22
¹¹ καὶ ἀπέστειλεν Χιραμ βασιλεὺς Τύρου ἀγγέλους πρὸς Δαυιδ καὶ ξύλα κέδρινα καὶ τέκτονας ξύλων καὶ τέκτονας λίθων καὶ ᾠκοδόμησαν οἶκον τῷ Δαυιδ.
1 Chroniques 14.1 1 Rois 5.1-5.2 1 Rois 5.18 1 Rois 7.1-7.12 Jérémie 22.14-22.16
¹² καὶ ἔγνω Δαυιδ ὅτι ἡτοίμασεν αὐτὸν κύριος εἰς βασιλέα ἐπὶ Ισραηλ καὶ ὅτι ἐπήρθη ἡ βασιλεία αὐτοῦ διὰ τὸν λαὸν αὐτοῦ Ισραηλ.
Esaïe 1.25-1.27 Daniel 2.30 2 Samuel 7.16 1 Chroniques 14.2 Esther 4.14
¹³ καὶ ἔλαβεν Δαυιδ ἔτι γυναῖκας καὶ παλλακὰς ἐξ Ιερουσαλημ μετὰ τὸ ἐλθεῖν αὐτὸν ἐκ Χεβρων καὶ ἐγένοντο τῷ Δαυιδ ἔτι υἱοὶ καὶ θυγατέρες.
1 Chroniques 3.9 Deutéronome 17.17 Genèse 25.5-25.6 1 Chroniques 14.3-14.7 2 Chroniques 13.21
¹⁴ καὶ ταῦτα τὰ ὀνόματα τῶν γεννηθέντων αὐτῷ ἐν Ιερουσαλημ Σαμμους καὶ Σωβαβ καὶ Ναθαν καὶ Σαλωμων.
2 Samuel 12.1-12.7 1 Chroniques 14.4 1 Chroniques 3.5-3.9 Luc 2.31 2 Samuel 12.24-12.25
¹⁵ καὶ Εβεαρ καὶ Ελισους καὶ Ναφεκ καὶ Ιεφιες.
1 Chroniques 3.6 1 Chroniques 14.5
¹⁶ καὶ Ελισαμα καὶ Ελιδαε καὶ Ελιφαλαθ. Σαμαε Ιεσσιβαθ Ναθαν Γαλαμααν Ιεβααρ Θεησους Ελφαλατ Ναγεδ Ναφεκ Ιαναθα Λεασαμυς Βααλιμαθ Ελιφαλαθ.
1 Chroniques 14.7 1 Chroniques 3.8

Victoires de David sur les Philistins

¹⁷ καὶ ἤκουσαν ἀλλόφυλοι ὅτι κέχρισται Δαυιδ βασιλεὺς ἐπὶ Ισραηλ καὶ ἀνέβησαν πάντες οἱ ἀλλόφυλοι ζητεῖν τὸν Δαυιδ καὶ ἤκουσεν Δαυιδ καὶ κατέβη εἰς τὴν περιοχήν.
2 Samuel 23.14 1 Chroniques 11.16 1 Chroniques 14.8-14.9 Psaumes 2.1-2.5 Apocalypse 11.15-11.18
¹⁸ καὶ οἱ ἀλλόφυλοι παραγίνονται καὶ συνέπεσαν εἰς τὴν κοιλάδα τῶν τιτάνων.
Josué 15.8 Josué 17.15 Genèse 14.5 Josué 18.16 2 Samuel 23.13
¹⁹ καὶ ἠρώτησεν Δαυιδ διὰ κυρίου λέγων εἰ ἀναβῶ πρὸς τοὺς ἀλλοφύλους καὶ παραδώσεις αὐτοὺς εἰς τὰς χεῖράς μου καὶ εἶπεν κύριος πρὸς Δαυιδ ἀνάβαινε ὅτι παραδιδοὺς παραδώσω τοὺς ἀλλοφύλους εἰς τὰς χεῖράς σου.
2 Samuel 2.1 1 Samuel 23.2 1 Rois 22.6 1 Rois 22.15-22.23 1 Samuel 30.7-30.8
²⁰ καὶ ἦλθεν Δαυιδ ἐκ τῶν ἐπάνω διακοπῶν καὶ ἔκοψεν τοὺς ἀλλοφύλους ἐκεῖ καὶ εἶπεν Δαυιδ διέκοψεν κύριος τοὺς ἐχθρούς μου τοὺς ἀλλοφύλους ἐνώπιον ἐμοῦ ὡς διακόπτεται ὕδατα διὰ τοῦτο ἐκλήθη τὸ ὄνομα τοῦ τόπου ἐκείνου ἐπάνω διακοπῶν.
Esaïe 28.21
²¹ καὶ καταλιμπάνουσιν ἐκεῖ τοὺς θεοὺς αὐτῶν καὶ ἐλάβοσαν αὐτοὺς Δαυιδ καὶ οἱ ἄνδρες οἱ μετ’ αὐτοῦ.
Deutéronome 7.5 1 Samuel 5.2-5.6 Jérémie 43.12 Esaïe 46.1-46.2 1 Chroniques 14.11-14.12
²² καὶ προσέθεντο ἔτι ἀλλόφυλοι τοῦ ἀναβῆναι καὶ συνέπεσαν ἐν τῇ κοιλάδι τῶν τιτάνων.
1 Rois 20.22 1 Chroniques 14.13 2 Samuel 5.18
²³ καὶ ἐπηρώτησεν Δαυιδ διὰ κυρίου καὶ εἶπεν κύριος οὐκ ἀναβήσει εἰς συνάντησιν αὐτῶν ἀποστρέφου ἀπ’ αὐτῶν καὶ παρέσει αὐτοῖς πλησίον τοῦ κλαυθμῶνος.
1 Chroniques 14.14 Josué 8.2 Jean 9.6-9.7 Josué 8.7 Matthieu 9.29-9.30
²⁴ καὶ ἔσται ἐν τῷ ἀκοῦσαί σε τὴν φωνὴν τοῦ συγκλεισμοῦ τοῦ ἄλσους τοῦ κλαυθμῶνος τότε καταβήσει πρὸς αὐτούς ὅτι τότε ἐξελεύσεται κύριος ἔμπροσθέν σου κόπτειν ἐν τῷ πολέμῳ τῶν ἀλλοφύλων.
2 Rois 7.6 Juges 4.14 Juges 7.15 Philippiens 2.11-2.12 1 Chroniques 14.15
²⁵ καὶ ἐποίησεν Δαυιδ καθὼς ἐνετείλατο αὐτῷ κύριος καὶ ἐπάταξεν τοὺς ἀλλοφύλους ἀπὸ Γαβαων ἕως τῆς γῆς Γαζηρα.
1 Chroniques 14.16 Esaïe 28.21 Josué 16.10