1 In quelli ghjorni fù publicatu un dicretu di Cesaru Augustu di fà u censu di tutta a tarra abitata.
Luc 3.1 Matthieu 24.14 Marc 14.9 Actes 25.21 Actes 25.11
2 È issu censu, u prima, si fece in lu mentre ch’ellu era Quiriniu guvernatore di a Siria.
Luc 3.1 Actes 5.37 Actes 18.12 Actes 13.7 Actes 23.26
3 Ed andetinu tutti à fà si scrive, ognunu in la so cità.
4 È cullede ancu Ghjaseppiu da a Galilea, da a cità di Nazarè in la Ghjudea, in la cità di Davide chì hè chjamata Betleeme, ghjà ch’ellu era di a casa è di u ceppu di Davide,
Michée 5.2 Jean 7.42 Luc 1.26-1.27 1 Samuel 16.1 Matthieu 2.23
5 da fà si scrive, cù a spusata, Maria, chì era incinta.
Matthieu 1.18-1.19 Deutéronome 22.22-22.27
6 È quand’elli eranu culà, funu compii i ghjorni, è vense u partu,
Michée 5.2 Psaumes 33.11 Proverbes 19.21 Apocalypse 12.1-12.5 Luc 1.57
7 ed ebbe u so figliolu prima natu. U impannedinu è u chjinedinu ind’una manghjatoghja, chì, à l’ustaria, ùn ci era locu da elli.
Jean 1.14 Galates 4.4 2 Corinthiens 8.9 Matthieu 1.25 Esaïe 53.2-53.3
8 È ci eranu, ind’issu paese, pastori chì stavanu fora di notte, par dà capu à a so robba.
Genèse 31.39-31.40 Ezéchiel 34.8 Jean 10.8-10.12 1 Samuel 17.34-17.35 Psaumes 78.70-78.71
9 È un anghjulu di u Signore li si tense sopra, è a gloria di u Signore li lucichede in giru. È firmonu insischiti.
2 Corinthiens 3.18 1 Timothée 3.16 Apocalypse 18.1 Matthieu 1.20 Luc 1.28
10 È li disse l’anghjulu : « ùn abbiate timore, eccu, v’annunciu una aligria maiò chì hà da esse da u populu sanu.
Esaïe 52.7 Genèse 12.3 Esaïe 40.9 Esaïe 61.1 Esaïe 49.6
11 Chì vi hè natu oghje, in la cità di Davide, un salvatore chì hè u Cristu Signore.
Esaïe 9.6 Matthieu 1.21 Luc 1.43 Actes 2.36 Matthieu 16.16
12 Ed eccu da voi un segnu : Truvarete una criatura nascitoghja, impannata è chjinata ind’una manghjatoghja. »
Esaïe 7.14 Esaïe 53.1-53.2 Psaumes 22.6 Esaïe 7.11 2 Rois 20.8
13 È di colpu, ci fù cù l’anghjulu, tutta quanta l’armata di u cele chì laudava à Diu è dicia :
Apocalypse 5.11 1 Rois 22.19 Psaumes 148.2 Daniel 7.10 Luc 15.10
14 « Gloria indì l’alti celi à Diu
è pace annantu à a tarra à l’omi di a bona vuluntà. »
Luc 1.79 Colossiens 1.20 Luc 19.38 Jean 17.4 Actes 10.36
15 È si ne andetinu l’anghjuli da indè elli ver di u celu è i pastori dissenu unu cù l’altru : « andemu ghjà sinu à Betleeme è vegamu ciò chì hè stalvatu è chì u signore ci hà fattu cunnosce. »
Psaumes 111.2 Matthieu 2.9-2.11 Matthieu 2.1-2.2 2 Rois 2.1 Exode 3.3
16 Ed andetinu lestri è truvetinu à Maria è à Ghjaseppiu è u zitellu nascitoghju chjinatu in la manghjatoghja ;
Luc 19.32 Luc 2.12 Luc 2.7 Luc 1.39 Ecclésiaste 9.10
17 è dopu vistu, fecenu sapè a parolla chì l’era stata detta à puntu di issu zitillucciu.
Luc 2.38 Psaumes 66.16 Psaumes 71.17-71.18 Jean 1.41-1.46 Malachie 3.16
18 È tutti quelli chì avianu intesu funu maravigliati da u dettu di i pastori ;
Esaïe 8.18 Luc 1.65-1.66 Luc 2.47 Luc 2.33 Luc 5.9-5.10
19 è Maria tinia tutte isse parolle in core è ci pinsava.
Luc 2.51 Genèse 37.11 Luc 1.66 Proverbes 4.4 Osée 14.9
20 È si ne vultetinu, i pastori, glurifichendu è ludendu u Signore di tuttu ciò ch’elli avianu intesu è vistu sicondu ciò chì l’era statu dettu.
Actes 11.18 Psaumes 107.21 Luc 18.43 Psaumes 72.17-72.19 Psaumes 106.48
21 Compii l’ottu ghjorni, vense l’ora di a so circuncisione è fù chjamatu cù u so nome Ghjesù, cum’ellu era statu chjamatu da l’anghjulu prima di ch’ellu fussi criatu in corpu.
Luc 1.31 Luc 1.59 Matthieu 1.25 Matthieu 1.21 Genèse 17.12
22 È compii ch’elli funu i ghjorni di a purificazione, sicondu a legge di Musè, u purtonu in Ghjerusaleme da prisintallu à u Signore,
Lévitique 12.1-12.8
23 cum’ella hè stata scritta in la legge di u Signore :
u masciu chì apre a matrice sarà chjamatu ‘cunsacratu à u Signore’ Exode 13.2 Nombres 3.13 Exode 22.29 Exode 34.19 Exode 13.12-13.15
24 è dedenu un sacrifiziu sicondu ciò chì hè dettu in la legge di Diu :
un paghju di turturelle o dui culombi chjuchi.
Lévitique 12.6-12.8 Lévitique 12.2 2 Corinthiens 8.9
25 Or ci era un omu, in Ghjerusaleme, chì u so nome era Simeone ed st’omu era ghjustu è divutu ed aspittava u ricovaru d’Israele, è l’era addossu u Spiritu Santu.
Luc 1.6 Luc 2.38 Marc 15.43 Esaïe 25.9 Luc 23.51
26 Ed era statu avartitu ellu, da u Spiritu Santu ch’ellu ùn avia da more prima di vede u Cristu di u Signore.
Hébreux 11.5 Jean 8.51 Luc 9.27 Actes 2.36 Actes 10.38
27 È ghjunse in lu tempiu purtatu da u spiritu, è, in lu mentre chì u babbu è a mamma facianu entre u zitillucciu Ghjesù par ch’ellu li sia fattu sicondu l’usu di a Lege,
Apocalypse 17.3 Luc 2.41 Actes 10.19 Luc 2.48 Luc 2.51
28 ellu u ricivì in collu, binadì à Diu è disse :
Luc 1.64 Luc 2.13-2.14 Luc 1.46 Psaumes 105.1-105.3 Psaumes 135.19-135.20
29 « avà poi lascià andà in pace u to servu, o Maestru,
sicondu a to parolla ;
Genèse 15.15 Luc 2.26 Philippiens 1.23 Psaumes 37.37 Esaïe 57.1-57.2
30 chì i me ochji anu vistu a to salvazione,
Luc 3.6 Luc 2.10-2.11 Esaïe 52.10 Esaïe 49.6 Genèse 49.18
31 chì tù ai appruntatu da nanzu à tutti i populi,
Psaumes 98.2-98.3 Psaumes 96.10-96.13 Esaïe 62.1-62.2 Esaïe 42.1-42.4 Esaïe 45.21-45.25
32 luce da fà ch’elle ci veganu e nazione,
è gloria di u to populu Israele. »
Esaïe 49.6 Actes 26.23 Esaïe 42.6-42.7 Esaïe 60.1-60.3 Actes 13.47-13.48
33 È si maravigliavanu u babbu è a mamma di ciò ch’elli dicianu d’ellu.
Esaïe 8.18 Luc 1.65-1.66 Luc 2.48
34 È Simeone i binadì è disse à Maria a mamma : « eccu, questu quì hè stabulitu da fà li cascà è da arrizzà li à parechji in Israele, è fà da segnu di cuntrastu
1 Corinthiens 1.23 1 Pierre 2.7-2.8 Matthieu 21.44 Actes 9.1-9.20 Osée 14.9
35 — è à tè ti hà da trapanà l’anima a spada —, da ch’ellu venga palesu cum’elli raghjonanu parechji in li so cori. »
Deutéronome 8.2 Luc 16.14-16.15 Actes 8.21-8.23 Matthieu 12.24-12.35 1 Corinthiens 11.19
36 È ci era Anna, una chì era prufeta, figliola di Fanuel di a tribbù d’Aseri, ed era annosa. Era campata sette anni cù u maritu
Actes 21.9 Exode 15.20 Genèse 30.13 Job 5.26 Psaumes 92.14
37 è da dopu si era ferma vediva insin’à uttantaquattru anni. Ùn si alluntanava mai da u tempiu, facia u dighjunu è pricava di notte è di ghjornu.
1 Timothée 5.5 Actes 14.23 Actes 26.7 Actes 13.3 Psaumes 135.1-135.2
38 È prisintata si ghjustu tandu, ringraziava à Diu è parlava di u zitellu à tutti quelli chì aspittavanu a salvezza di Ghjerusaleme.
Luc 2.25 Marc 15.43 Luc 1.68 Luc 24.21 2 Corinthiens 9.15
39 Compiu ch’elli abbenu tuttu, sicondu a legge di u Signore, vultedinu in Galilea, in la so citai di Nazarè.
Luc 2.4 Matthieu 2.22-2.23 Luc 2.51 Luc 2.21-2.24 Luc 1.6
40 È u zitellu criscia è pigliava forza, vinia colmu di saviezza è si avia addossu a grazia di Diu.
Luc 2.52 Luc 1.80 Psaumes 22.9 Jean 1.14 1 Samuel 2.26
41 Ed andavanu tutti l’anni in Ghjerusaleme, trà u babbu è a mamma, pà a festa di a Pasqua.
Jean 2.13 1 Samuel 1.3 Deutéronome 12.18 Deutéronome 16.1-16.8 Exode 34.23
42 Quand’ellu abbe dodici anni, è cullati ch’elli funu sicondu l’usu di a festa
43 compii i ghjorni, à u vultà, u zitellu si firmede in Ghjerusaleme è u babbu è a mamma mancu a sapianu.
Exode 12.15 2 Chroniques 25.17 2 Chroniques 30.21-30.23
44 È cridendu ch’ellu fussi in la caravagna, fecinu strada una ghjurnata è u circhedinu avvuleghju à i parenti è à quelli ch’elli cunniscianu,
Psaumes 122.1-122.4 Psaumes 42.4 Esaïe 2.3
45 è, ùn avendulu trovu, vultedinu in Ghjerusaleme à circallu.
46 Dopu trè ghjorni u truvedenu in lu tempiu, pusatu à mezu à i Maestri di a Lege chì i stava à sente è li facia dumande ;
1 Rois 12.12 Esaïe 49.1-49.2 Luc 5.17 Esaïe 50.4 Matthieu 27.63-27.64
47 è à chì u sintia era smaravigliatu da a so intilligenza è da e so risposte.
Matthieu 7.28 Luc 4.32 Marc 1.22 Jean 7.15 Jean 7.46
48 È videndulu, funu culpiti è a mamma li disse : « o u me figliolu, cumu hè chì tù ci ai fattu cusì ? Mì chì trà mè è babbitu eramu affannati, ti circavamu. »
Matthieu 12.46 Luc 3.23 Luc 4.22 Luc 2.49
49 Li disse : « è chì m’aviate da circà ? Soca ùn la sapiate chì, in ciò chì hè di babbu, mi tocca ad esseci ? »
Malachie 3.1 Jean 5.17 Jean 6.38 Jean 8.29 Psaumes 40.8
50 È mancu capianu elli e parolle ch’ellu l’avia dettu.
Luc 18.34 Luc 9.45 Marc 9.32
51 È falede cun elli ed andete in Nazarè è li stava sottumessu. È a mamma si tinia tutti i detti in core.
Luc 2.19 Genèse 37.11 Marc 6.3 Daniel 7.28 Ephésiens 5.21
52 È Ghjesù criscia, cumpiitu di ghjudiziu, di parsona è di grazia, davanti à Diu è à l’omi.
Luc 2.40 1 Samuel 2.26 Luc 1.80 Romains 14.18 Proverbes 3.3-3.4