Predicheghja Ghjuvanni u Battistu
1 In quelli ghjorni affaccò Ghjuvanni u Battistu chì predicava in u desertu di Ghjudea.
Esaïe 40.3-40.6 Jean 1.6-1.8 Josué 14.10 Matthieu 16.14 Matthieu 11.11
2 Dicia : « mutate andatura chì u regnu di i celi hè vicinu. »
Matthieu 4.17 Matthieu 6.10 Daniel 2.44 Marc 1.15 Matthieu 10.7
3 Parlava di ellu u prufetu Isaia quand’ellu scrivia ste parolle :
una voce chjama in u desertu :
appruntate a strada pè u Signore,
spianate li i chjassi!’
Esaïe 40.3 Jean 1.23 Luc 1.76 Malachie 3.1 Luc 1.17
4 Ghjuvanni avia un vestitu di pelu camellinu è una cinta di coghju in giru à a vita : manghjava grillachje è mele salvaticu.
2 Rois 1.8 Lévitique 11.22 Zacharie 13.4 Matthieu 11.8 Marc 1.6
5 À volta d’ellu venianu a ghjente di Ghjerusaleme, di a Ghjudea sana è di tuttu u rughjone di u Ghjurdanu.
Marc 1.5 Matthieu 4.25 Matthieu 11.7-11.12 Jean 5.35 Luc 3.7
6 È si facianu battizà in u fiume Ghjurdanu è cunfessavanu i so peccati.
Actes 19.18 Marc 1.5 Actes 1.5 Matthieu 3.11 Matthieu 3.13-3.16
7 Venianu à fà si battizà dinù unepochi di Farusei è di Saducei. Tandu à quessi Ghjuvanni li disse : « mansa di furdanacci, s’avvicina u casticu : quale v’hà insignatu chì cusì a vi pudiate francà ?
Matthieu 23.33 Matthieu 12.34 1 Thessaloniciens 1.10 Matthieu 22.23 Matthieu 16.11-16.12
8 Sè vo avete mutatu andatura, ci vole à dà ne e prove.
Actes 26.20 Ephésiens 5.9 Galates 5.22-5.23 Luc 3.8 Jérémie 36.3
9 Chè vo ùn credite, ùn basta à pudè dì : ‘noi simu figlioli di Abraamu’. A vi dicu eu : figlioli di Abraamu, Diu ne pò fà scatulì da ogni petra.
Actes 13.26 Romains 9.7-9.8 Jean 8.53 Luc 3.8 Luc 16.24
10 Ci hè a piola ghjà pronta pè taglià l’arburi à u pede. L’arburu chì ùn face fruttu bonu sarà mozzu è lampatu in u focu.
Jean 15.6 Jean 15.2 Luc 13.6-13.9 Luc 3.9 Matthieu 7.19
11 Eu vi battezu ind’è l’acqua da fà vi mutà andatura. Ma quellu chì vene dopu à mè hè più forte chè mè : eu ùn sò mancu da fà li u servu. Ellu v’hà da battizà in u Spiritu Santu è u focu.
Actes 1.5 Luc 3.16 Esaïe 4.4 Ephésiens 3.8 Actes 19.4
12 Hà a so palmula in manu, da spulà in l’aghja è allucà u granu in granaghju ; ma a pula l’hà da brusgià in un focu eternu. »
Malachie 4.1 Luc 3.17 Matthieu 13.30 Jérémie 7.20 Esaïe 41.16
Ghjesù vene à fà si battizà
13 Tandu affacca Ghjesù, ghjuntu da Galilea sin’à u fiume Ghjurdanu, è vene ind’è Ghjuvanni à fà si battizà da quellu.
Matthieu 2.22 Jean 1.32-1.34 Marc 1.9-1.11 Luc 3.21-3.22
14 Ma Ghjuvanni volse ricusà : « averia po bisognu eu d’esse battezu da tè : è veni tù ind’è mè ? »
Jean 3.3-3.7 Luc 1.43 Galates 3.22 Jean 1.16 Actes 1.5-1.8
15 Ma Ghjesù li rispose : « lascia fà, cusì cunvene chè no fessimu tuttu u ghjustu. » Tandu Ghjuvanni accunsentì.
Jean 4.34 Jean 8.29 Jean 15.10 1 Pierre 2.21-2.24 Jean 13.7-13.9
16 À tempu battezu, Ghjesù surtì da l’acqua. À listessu mumentu, s’aprenu i celi è eccu u Spiritu di Diu chì fala cum’è una culomba è li vene sopra.
Marc 1.10 Luc 3.21-3.22 Esaïe 42.1 Esaïe 11.2 Jean 1.31-1.34
17 È una voce di i celi dicia : « questu quì hè u mo Figliolu predilettu, quellu chì mi ralegra. »
Matthieu 17.5 Psaumes 2.7 Luc 9.35 Esaïe 42.1 Marc 9.7