1 Samuel 19.3
Vulgate

¹ locutus est autem Saul ad Ionathan filium suum et ad omnes servos suos ut occiderent David porro Ionathan filius Saul diligebat David valde
1 Samuel 18.1 1 Samuel 18.9
² et indicavit Ionathan David dicens quaerit Saul pater meus occidere te quapropter observa te quaeso mane et manebis clam et absconderis
Psaumes 16.3 1 Jean 3.12-3.14 Jean 15.17-15.19 Actes 23.16 Actes 9.24
³ ego autem egrediens stabo iuxta patrem meum in agro ubicumque fueris et ego loquar de te ad patrem meum et quodcumque videro nuntiabo tibi
1 Samuel 20.9 1 Samuel 20.13
⁴ locutus est ergo Ionathan de David bona ad Saul patrem suum dixitque ad eum ne pecces rex in servum tuum David quia non peccavit tibi et opera eius bona sunt tibi valde
Jérémie 18.20 Genèse 42.22 Proverbes 17.13 1 Samuel 20.32 Proverbes 31.8-31.9
⁵ et posuit animam suam in manu sua et percussit Philistheum et fecit Dominus salutem magnam universo Israhel vidisti et laetatus es quare ergo peccas in sanguine innoxio interficiens David qui est absque culpa
1 Samuel 11.13 1 Chroniques 11.14 Matthieu 27.4 1 Samuel 20.32 Juges 9.17
⁶ quod cum audisset Saul placatus voce Ionathae iuravit vivit Dominus quia non occidetur
1 Samuel 28.10 Psaumes 15.4 Jérémie 5.2 Proverbes 26.24-26.25 1 Samuel 14.39
⁷ vocavit itaque Ionathan David et indicavit ei omnia verba haec et introduxit Ionathan David ad Saul et fuit ante eum sicut fuerat heri et nudius tertius
1 Samuel 18.13 1 Samuel 16.21 1 Samuel 18.2 1 Samuel 18.10 1 Chroniques 11.2
⁸ motum est autem rursus bellum et egressus David pugnavit adversus Philisthim percussitque eos plaga magna et fugerunt a facie eius
Psaumes 27.3 Psaumes 18.32-18.50
⁹ et factus est spiritus Domini malus in Saul sedebat autem in domo sua et tenebat lanceam porro David psallebat in manu sua
1 Samuel 16.14 1 Samuel 18.10-18.11 1 Samuel 16.16
¹⁰ nisusque est Saul configere lancea David in pariete et declinavit David a facie Saul lancea autem casso vulnere perlata est in parietem et David fugit et salvatus est nocte illa
1 Samuel 20.33 1 Samuel 18.11 Osée 6.4 1 Samuel 19.6 Job 5.14-5.15
¹¹ misit ergo Saul satellites suos in domum David ut custodirent eum et interficeretur mane quod cum adnuntiasset David Michol uxor sua dicens nisi salvaveris te nocte hac cras morieris
Psaumes 59.1-59.17 Juges 16.2
¹² deposuit eum per fenestram porro ille abiit et aufugit atque salvatus est
Josué 2.15 Actes 9.24-9.25 2 Corinthiens 11.32-11.33 Psaumes 34.19
¹³ tulit autem Michol statuam et posuit eam super lectum et pellem pilosam caprarum posuit ad caput eius et operuit eam vestimentis
Genèse 31.19 Juges 18.17 Juges 18.14 Juges 17.5 Osée 3.4
¹⁴ misit autem Saul apparitores qui raperent David et responsum est quod aegrotaret
Josué 2.5 2 Samuel 17.20 2 Samuel 16.17-16.19
¹⁵ rursumque misit Saul nuntios ut viderent David dicens adferte eum ad me in lecto ut occidatur
Psaumes 37.12 Job 31.31 Proverbes 27.3-27.4 1 Samuel 19.6 Romains 3.15
¹⁶ cumque venissent nuntii inventum est simulacrum super lectum et pellis caprarum ad caput eius
¹⁷ dixitque Saul ad Michol quare sic inlusisti mihi et dimisisti inimicum meum ut fugeret et respondit Michol ad Saul quia ipse locutus est mihi dimitte me alioquin interficiam te
2 Samuel 2.22 2 Samuel 17.20 Matthieu 2.16 1 Samuel 19.14 Exode 1.17-1.19
¹⁸ David autem fugiens salvatus est et venit ad Samuhel in Ramatha et nuntiavit ei omnia quae fecerat sibi Saul et abierunt ipse et Samuhel et morati sunt in Nahioth
1 Samuel 7.17 1 Samuel 15.34 Psaumes 116.11 1 Samuel 28.3 Jacques 5.16
¹⁹ nuntiatum est autem Sauli a dicentibus ecce David in Nahioth in Rama
1 Samuel 23.19 1 Samuel 22.9-22.10 Proverbes 29.12 1 Samuel 26.1
²⁰ misit ergo Saul lictores ut raperent David qui cum vidissent cuneum prophetarum vaticinantium et Samuhel stantem super eos factus est etiam in illis spiritus Domini et prophetare coeperunt etiam ipsi
Jean 7.32 Joël 2.28 1 Samuel 10.10 1 Samuel 10.5-10.6 1 Samuel 19.11
²¹ quod cum nuntiatum esset Sauli misit alios nuntios prophetaverunt autem et illi et rursum Saul misit tertios nuntios qui et ipsi prophetaverunt
Proverbes 27.22 Joël 2.28 Jérémie 13.23 2 Rois 1.9-1.13
²² abiit autem etiam ipse in Ramatha et venit usque ad cisternam magnam quae est in Soccho et interrogavit et dixit in quo loco sunt Samuhel et David dictumque est ei ecce in Nahioth sunt in Rama
²³ et abiit in Nahioth in Rama et factus est etiam super eum spiritus Dei et ambulabat ingrediens et prophetabat usque dum veniret in Nahioth in Rama
1 Samuel 10.10 1 Samuel 19.20 Nombres 24.2 Proverbes 16.9 Matthieu 7.22
²⁴ et expoliavit se etiam ipse vestimentis suis et prophetavit cum ceteris coram Samuhel et cecidit nudus tota die illa et nocte unde et exivit proverbium num et Saul inter prophetas
Esaïe 20.2 Michée 1.8 2 Samuel 6.20 1 Samuel 10.10-10.12 Actes 9.21