Jérémie 50
Vulgate

Prophétie sur Babylone

1 verbum quod locutus est Dominus de Babylone et de terra Chaldeorum in manu Hieremiae prophetae
Jérémie 51.1-51.14 Jérémie 25.26-25.27 Esaïe 13.1-13.3 Actes 7.4 Job 1.17
2 adnuntiate in gentibus et auditum facite levate signum praedicate et nolite celare dicite capta est Babylon confusus est Bel victus est Marodach confusa sunt sculptilia eius superata sunt idola eorum
Esaïe 46.1 Esaïe 21.9 Jérémie 51.47 Jérémie 51.44 Apocalypse 18.2
3 quoniam ascendit contra eam gens ab aquilone quae ponet terram eius in solitudinem et non erit qui habitet in ea ab homine usque ad pecus et moti sunt et abierunt
Sophonie 1.3 Jérémie 50.9 Jérémie 51.11 Jérémie 51.62 Genèse 6.7
4 in diebus illis et in tempore illo ait Dominus venient filii Israhel ipsi et filii Iuda simul ambulantes et flentes properabunt et Dominum Deum suum quaerent
Osée 3.5 Osée 1.11 Esaïe 11.12-11.13 Esdras 3.12-3.13 Jérémie 31.31
5 in Sion interrogabunt viam huc facies eorum venient et adponentur ad Dominum foedere sempiterno quod nulla oblivione delebitur
Jérémie 32.40 Esaïe 55.3 Hébreux 8.6-8.10 Genèse 17.7 Esaïe 35.8
6 grex perditus factus est populus meus pastores eorum seduxerunt eos feceruntque vagari in montibus de monte in collem transierunt obliti sunt cubilis sui
Esaïe 53.6 Matthieu 9.36 Matthieu 10.6 Jérémie 50.17 Ezéchiel 34.14
7 omnes qui invenerunt comederunt eos et hostes eorum dixerunt non peccavimus pro eo quod peccaverunt Domino decori iustitiae et expectationi patrum eorum Domino
Jérémie 14.8 Jérémie 40.2-40.3 Jérémie 2.3 Jérémie 31.23 Zacharie 11.5
8 recedite de medio Babylonis et de terra Chaldeorum egredimini et estote quasi hedi ante greges
Esaïe 48.20 Jérémie 51.6 Apocalypse 18.4 Jérémie 51.45 Zacharie 2.6-2.7
9 quoniam ecce ego suscito et adducam in Babylonem congregationem gentium magnarum de terra aquilonis et praeparabuntur adversum eam et inde capietur sagitta eius quasi viri fortis interfectoris non revertetur vacua
Esaïe 45.1-45.4 2 Samuel 1.22 Jérémie 50.21 Esaïe 13.17-13.18 Jérémie 51.27-51.28
10 et erit Chaldea in praedam omnes vastantes eam replebuntur ait Dominus
Jérémie 25.12 Esaïe 33.23 Apocalypse 17.16 Esaïe 45.3 Jérémie 27.7
11 quoniam exultatis et magna loquimini diripientes hereditatem meam quoniam effusi estis sicut vitulus super herbam et mugistis ut tauri
Esaïe 47.6 Osée 10.11 Ezéchiel 26.2-26.3 Jérémie 50.27 Psaumes 22.12
12 confusa est mater vestra nimis et adaequata pulveri quae genuit vos ecce novissima erit in gentibus deserta invia et arens
Jérémie 51.43 Jérémie 51.62-51.64 Apocalypse 18.21-18.23 Apocalypse 17.5 Galates 4.26
13 ab ira Domini non habitabitur sed redigetur tota in solitudinem omnis qui transit per Babylonem stupebit et sibilabit super universis plagis eius
Jérémie 18.16 Jérémie 49.17 Zacharie 1.15 Jérémie 19.8 Esaïe 14.4-14.17
14 praeparamini contra Babylonem per circuitum omnes qui intenditis arcum debellate eam non parcatis iaculis quia Domino peccavit
Jérémie 50.29 Jérémie 50.9 Habakuk 2.17 Jérémie 50.7 Jérémie 50.42
15 clamate adversus eam ubique dedit manum ceciderunt fundamenta eius destructi sunt muri eius quoniam ultio Domini est ultionem accipite de ea sicut fecit facite ei
Jérémie 51.58 Jérémie 46.10 Jérémie 51.6 Apocalypse 18.6 2 Chroniques 30.8
16 disperdite satorem de Babylone et tenentem falcem in tempore messis a facie gladii columbae unusquisque ad populum suum convertetur et singuli ad terram suam fugient
Esaïe 13.14 Jérémie 51.9 Jérémie 46.16 Joël 1.11 Amos 5.16
17 grex dispersus Israhel leones eiecerunt eum primus comedit eum rex Assur iste novissimus exossavit eum Nabuchodonosor rex Babylonis
Jérémie 2.15 Jérémie 50.6 Joël 3.2 2 Rois 18.9-18.13 Ezéchiel 34.12
18 propterea haec dicit Dominus exercituum Deus Israhel ecce ego visitabo regem Babylonis et terram eius sicut visitavi regem Assur
Esaïe 10.12 Esaïe 37.36-37.38 Sophonie 2.13-2.15 Ezéchiel 31.3-31.17 Nahum 1.1-1.3
19 et reducam Israhel ad habitaculum suum et pascetur Carmelum et Basan et in monte Ephraim et Galaad saturabitur anima eius
Michée 7.14 Jérémie 31.6 Ezéchiel 34.13-34.14 Esaïe 33.9 Ezéchiel 36.24
20 in diebus illis et in tempore illo ait Dominus quaeretur iniquitas Israhel et non erit et peccatum Iuda et non invenietur quoniam propitius ero eis quos reliquero
Michée 7.19 Jérémie 31.34 Esaïe 1.9 Esaïe 43.25 Actes 3.26
21 super terram dominantium ascende et super habitatores eius visita dissipa et interfice quae post eos sunt ait Dominus et fac iuxta omnia quae praecepi tibi
Ezéchiel 23.23 2 Chroniques 36.23 Esaïe 44.28 Nombres 31.14-31.18 Esaïe 48.14
22 vox belli in terra et contritio magna
Jérémie 4.19-4.21 Jérémie 51.54-51.56 Esaïe 21.2-21.4
23 quomodo confractus est et contritus est malleus universae terrae quomodo versa est in desertum Babylon in gentibus
Jérémie 51.20-51.24 Esaïe 14.12-14.17 Esaïe 14.4-14.6 Apocalypse 18.16
24 inlaqueavi te et capta es Babylon et nesciebas inventa es et adprehensa quoniam Dominum provocasti
Daniel 5.30-5.31 Job 9.4 Job 40.2 Job 40.9 Jérémie 51.57
25 aperuit Dominus thesaurum suum et protulit vasa irae suae quoniam opus est Domino Deo exercituum in terra Chaldeorum
Jérémie 51.25 Jérémie 51.55 Jérémie 50.15 Jérémie 51.11-51.12 Amos 3.6
26 venite ad eam ab extremis finibus aperite ut exeant qui conculcent eam tollite de via lapides et redigite in acervos et interficite eam nec sit quicquam reliquum
Esaïe 14.23 Esaïe 45.3 Jérémie 50.10 Michée 7.10 Jérémie 51.25-51.28
27 dissipate universos fortes eius descendant in occisionem vae eis quia venit dies eorum tempus visitationis eorum
Esaïe 34.7 Jérémie 46.21 Psaumes 22.12 Jérémie 48.44 Psaumes 37.13
28 vox fugientium et eorum qui evaserunt de terra Babylonis ut adnuntient in Sion ultionem Domini Dei nostri ultionem templi eius
Jérémie 50.15 Lamentations 1.10 Esaïe 48.20 Daniel 5.23 Lamentations 2.6-2.7
29 adnuntiate in Babylonem plurimis omnibus qui tendunt arcum consistite adversum eam per gyrum et nullus evadat reddite ei secundum opus suum iuxta omnia quae fecit facite illi quia contra Dominum erecta est adversum Sanctum Israhel
Esaïe 47.10 Jérémie 51.56 Daniel 4.37 Apocalypse 18.6 Jérémie 50.14-50.15
30 idcirco cadent iuvenes eius in plateis eius et omnes viri bellatores eius conticescent in die illa ait Dominus
Jérémie 49.26 Jérémie 9.21 Jérémie 18.21 Jérémie 51.56-51.57 Esaïe 13.15-13.18
31 ecce ego ad te superbe dicit Dominus Deus exercituum quia venit dies tuus tempus visitationis tuae
Jérémie 21.13 Nahum 2.13 Jérémie 50.29 Ezéchiel 29.9-29.10 Ezéchiel 29.3
32 et cadet superbus et corruet et non erit qui suscitet eum et succendam ignem in urbibus eius et devorabit omnia in circuitu eius
Jérémie 21.14 Jérémie 49.27 Esaïe 10.12-10.15 Amos 1.10 Apocalypse 18.8
33 haec dicit Dominus exercituum calumniam sustinent filii Israhel et filii Iuda simul omnes qui ceperunt eos tenent nolunt dimittere eos
Esaïe 14.17 Esaïe 58.6 Jérémie 34.15-34.18 Jérémie 51.34-51.36 Exode 9.17-9.18
34 redemptor eorum Fortis Dominus exercituum nomen eius iudicio defendet causam eorum ut exterreat terram et commoveat habitatores Babylonis
Jérémie 51.36 Michée 7.9 Esaïe 43.14 Proverbes 23.11 Esaïe 47.4
35 gladius ad Chaldeos ait Dominus et ad habitatores Babylonis et ad principes et ad sapientes eius
Jérémie 47.6 Daniel 5.30 Osée 11.6 Daniel 5.7-5.8 Jérémie 51.57
36 gladius ad divinos eius qui stulti erunt gladius ad fortes illius qui timebunt
Jérémie 49.22 Esaïe 44.25 Nahum 3.13 Apocalypse 19.20 Esaïe 47.10-47.15
37 gladius ad equos eius et ad currus eius et ad omne vulgus quod est in medio eius et erunt quasi mulieres gladius ad thesauros eius qui diripientur
Jérémie 51.30 Nahum 3.13 Jérémie 48.41 Jérémie 51.21 Jérémie 25.20
38 siccitas super aquas eius erit et arescent quia terra sculptilium est et in portentis gloriantur
Jérémie 50.2 Esaïe 44.27 Jérémie 51.47 Jérémie 51.52 Apocalypse 16.12
39 propterea habitabunt dracones cum fatuis ficariis et habitabunt in ea strutiones et non habitabitur ultra usque ad sempiternum nec extruetur usque ad generationem et generationem
Esaïe 13.20-13.22 Apocalypse 18.2 Jérémie 25.12 Jérémie 51.26 Jérémie 51.37-51.38
40 sicut subvertit Deus Sodomam et Gomorram et vicinas eius ait Dominus non habitabit ibi vir nec incolet eam filius hominis
Genèse 19.24-19.25 Luc 17.28-17.30 Jude 1.7 2 Pierre 2.6 Jérémie 49.18
41 ecce populus venit ab aquilone et gens magna et reges multi consurgent a finibus terrae
Jérémie 51.27-51.28 Jérémie 6.22-6.23 Jérémie 50.9 Esaïe 13.2-13.5 Jérémie 50.2-50.3
42 arcum et scutum adprehendent crudeles sunt et inmisericordes vox eorum quasi mare sonabit et super equos ascendent sicut vir paratus ad proelium contra te filia Babylon
Esaïe 5.30 Jérémie 8.16 Jérémie 47.3 Esaïe 13.17-13.18 Esaïe 47.6
43 audivit rex Babylonis famam eorum et dissolutae sunt manus eius angustia adprehendit eum dolor quasi parturientem
Jérémie 51.31 Jérémie 49.24 Esaïe 13.6-13.8 Daniel 5.5-5.6 Esaïe 21.3-21.4
44 ecce quasi leo ascendet de superbia Iordanis ad pulchritudinem robustam quia subito currere eum faciam ad illam et quis erit electus quem praeponam ei quis enim similis mei et quis sustinebit me et quis est iste pastor qui resistat vultui meo
Jérémie 49.19-49.21 Esaïe 40.25 Jérémie 25.38 Esaïe 46.11 Esaïe 40.18
45 propterea audite consilium Domini quod mente concepit adversum Babylonem et cogitationes eius quas cogitavit super terram Chaldeorum nisi detraxerint eos parvuli gregum nisi dissipatum fuerit cum ipsis habitaculum eorum
Jérémie 49.20 Jérémie 51.10-51.11 Ephésiens 1.11 Apocalypse 17.16-17.17 Actes 4.28
46 a voce captivitatis Babylonis commota est terra et clamor inter gentes auditus est
Jérémie 49.21 Apocalypse 18.9-18.19 Ezéchiel 26.18 Ezéchiel 31.16 Esaïe 14.9-14.10